Ask @Nermenf:

لكل شخص مر في حياتُنا.. أسأل الله أن يقسم لك نصيبًا مضاعفًا مما جعلتنا نشعر به😃

هى لله❤ ( كائن حى)
لكل شخص فرح قلوبنا ولو بكلمة صادقة من قلبه ، أسأل الله أن يرزقك فرحة القلب و نيل المُراد 🌸.
و لكل شخص أذانا بكلمة أو بفعل ، هداك الله و سامح ضعف إنسانيتك و إنا سامحناك .

View more

سبحان الله وبحمده عدد خلقه ورضا نفسه وزنة عرشه ومداد كلماته استغفر الله العظيم واتوب اليه عدد ما كان وعدد ما يكون وعدد الحركات والسكون صلي علي الحبيب💙💙 ربنا يرضي عنك ويجعلك من عباده الصالحين ويجازيك خير الجزاء يارب ويسعدك ويكتبلك ما تتمني ادعيلي 💔

🌸🌸🌸🌸

View more

ماتيجو نعمل حملة ذكر❤️ 🌸سبحان الله 🌸الحمد لله 🌸لآ إله إلا الله 🌸الله اكبر 🌸سبحان الله وبحمده سبحان الله العظيم 🌸استغفرالله واتوب اليه 🌸اللهم صل وسلم على نبينا محمد 🌸ياحي يا قيوم برحمتك أستغيث اصلح لي شأني كله ولا تكلني الي نفسي طرفة عين لا تحقرن من المعروف شيئا فلا تدري بأي شئ تدخل الجنة❤️

🌸🌸🌸🌸🌸🌸❤

View more

حلو ردك جدا والله طب انا من مدينة واي حد بيقول علي مركزنا كله الفلاحين وبحس اني مبسوط والله اني ابقي م انضف وارجل ناس الفلاحين دول الشقيانين دايما وربنا بيحبهم 😁

انتوا ما نزلتوش قرى قبل كده ؟! 😂
أنا حتى ماعرفش فين الأراضي الزراعية دي . بلد عادية والله فيها محلات ملابس و اكسسوارات و هدايا و كااام سوبر ماركت وكام جيم و قاعات أفراح و ملاعب كورة ومدارس لحد ثانوي و معاهد أزهر و أكتر من مقرأة لتحفيظ و تجويد القرآن و سوق و أفران عيش و كافيهات و بيوت ما شاء الله و فلل عالبحر و كل خطوتين في مسجد و صيدلية .وفي مستشفى و عياداااات و وحدة محلية و وحدة شئون اجتماعية و مصنع ملابس (أصحابي اللي من المدينة بيجوا يجيبوا منه ❤)و كل حاجة بنحتاجها متوفرة جدا و من اكتر من مكان . مع ان ده طبعا مش عيب ولا تقليل من الفلاحين ، بس احنا مش بنمشي في الأرض الزراعية ولا بنلاقي الحيوانات حوالينا ف كل مكان زي ما الناس فاكرة 😂 مع أن ده برضو مش عيب .
و مش كل الفلاحين شقيانين 😂
في ناس اه عندها أراضي و حيوانات وووو لكن ما يعرفوش عنها حاجة و بيجيبوا ناس تانية تعمل شغلهم و بيلبسوا اشيك لبس و حاجات بيجيبوها من بره مصر عادي يعني و الله 😂
لو هتكلم عن بلدي برضو أنا 6 معايا في الكلية من بلدي دفعتي بس و كل سنة عدد كبير هندسة و طب اكتر و اقتصاد وكل الكليات و
معايا في هندسة كذا معيد من بلدي و دكاترة في جامعات من بلدي و رئساء أقسام في كلية الطب و غيرها من بلدي
. و ف جامعات بره مصر و أعضاء مجلس شعب و صحفيين .
وكل ده و أنا للاسف معلوماتي و علاقتي سطحية جداً بالبلد 😢 لأني من البيت للكلية و من الكلية للبيت . فماعرفش ناس كتير و كل ما بنزل البلد بشوف حاجات كتير جديدة اتعملت . و كل ده انا مش ببرر حاجة وبرضو فلاحين دي ما فيهاش عيب أبداً . أنا بس بوضح أن الصورة مختلفة
(و فيهم ربنا بيحبهم و فيهم لا برضو عادي 😅)

View more

+1 answer in: “ليه كل ما أقول لحد اني اصلى من كفر الشيخ يقول عليا فلاح اللي هو الفلاح راح الفلاح جى مع ان بتكلم زيهم💔”

هو ازاي الناس كلها بتحبك كده بجد 🌷 شخصية عسل اقسم بالله

اللهم اجعلني خيراً مما يظنون واغفر لي ما لا يعلمون ولا تؤاخذني بما يقولون فأنت تعلم وهم لا يعلمون.
شكراً جداً 😊 ده ستر من ربنا و نعمة الحمد لله 🌼

View more

ليه كل ما أقول لحد اني اصلى من كفر الشيخ يقول عليا فلاح اللي هو الفلاح راح الفلاح جى مع ان بتكلم زيهم💔

وزعلان كده ليه ! هي دي حاجة تعيبك؟!😏كأنها تهمه و بتنفيها .
و مش مطلوب منك تتكلم زي حد إلا لو اتعودت على كده.اللي بيفكر كده بيعيش حياته مش على طبيعته و بيكون كل همه يرضى الناس . و واضح انكم لسه صغيرين.
طب مانا من قرية و لهجة قرية وعمري ما حسيت ان حاجة ناقصاني أو بعيدة عليا اني أجيبها أو أوصل لها ومرتاحة جدا الحمد لله 😌
العيب فيك مش في اللي حواليك .
ليه الكلمة دي تضايقك أصلاً . ده على كدة كتر خير الصعايدة بقى

View more

+1 answer Read more
Next