انتي كنتي قايله لواحدة ف ٣ ث انها تحسن علاقتها مع ربنا وتقرب منه ،طيب مش كدة هنبقي مصلحجيين وبنقرب م ربنا عشان ينجحنا بس ،ايوة يمكن تثبت بعد ما تخلص او يمكن لا ،بس كدة هي غرضها مثلا انها تنجح وبس يعني يتعبد ربنا عشان ينجحها بس ؟
ده مدخل من مداخل اليشطان بيحاول يوقعك بيها .. عمر ما كان علاقتنا بربنا مصلحة لا بالقرب و لا بالبعد بالعكس احنا لما بنبقي في محنه شديدة مش بنلجأ غير لربنا .. متشغليش بالك بالكلام ده.. اعملي اللي عليك و قربي من ربنا و خديها نية و عهد بينك و بين ربنا انك حتي بعد ثانوي هتفضلي ع طاعته و قريبة منه .. انا الحمدلله فترة ثانوي كانت من اجمل حاجة حصلتلي و بسببها قربت من ربنا جدا يمكن لسه مش زي ما ربنا عاوز او اللي انا لسه بعسي ليه بس بحاول و انتي كمان حاولي عشان نفوز ب آخرتنا ❤
تكلمه،،، راي حضرتك اني احاول ف نظام دة تاني عشان ابقي كمان اعمله ف رمضان عشان امتحاناتي وكدة ولا اني انام ١٢ واصحي ٧؟ ، انا لسه مش ٣ ث
متقوليش حضرتك انا اختك ❤😅 اولا ربنا معاكي و يوفقك ❤ بس انتي لو ف تانية حاولي متضغطيش ع نفسك اوي عشان تبقي داخلة ٣ مبسوطة .. النوم ده انتي ال بتحدديه شوفي انتي متعودة ع ايه او جربي اي حاجة لحد ما تلاقي الوقت المناسب ليكي و بتبقي فايقة فيه .. بس عشان اول مرة ف رمضان هيبقي الموضوع صعب عليكي ف انتي جربي لما ترجعي من الامتحان نامي لحد الفطار و اصحي افطري و ابدأي مذاكرة من العشاء مثلا و اسهري لحد الصبح *ده لو يوم اجازة مش امتحان* لحد ١١ او ١٢ و كملي نوم لحد الفطار و اليوم بتاع ليله الامتحان هتنامي فيه بدري شوية يعني الفجر كده و اصحي قبل الامتحان ..انا كنت بعمل كده السنة ال فااتت و الحمدلله كنت مرتاحة للنظام ده ، لاني لو مصحتش لقيت حد صاحي معايا بكسل و بنام💔 و كان لازم حاجة تجبرني اني اصحي لان نومي و صحياني رخم 😂 ف مكنش فيه غير الفطار ❤ ممكن متعرفيش تمشي ع النظام ده خصوصا لو عمرك مجربتي تعكسي يومك .. ممكن بردوا تجربي تنامي ١٢ و تصحي ٧ بس لو في رمضان هيبقي اليوم طويل عليكي .. اهم حاجة شوفي الوقت اللي هتبقي فايقة فيه .. المدرسين كانوا بيقولولنا حاولو تبقي صاحين ف وقت الامتحان عشان دماغكوا تتعود انها تبقي فايقة و شغالة ف الوقت ده .. ان شاء الله رمضان يبقي خفيف عليكي و متحسيش بيه ❤ ربنا معاكي و يكرمك يا قمر 💛💛
ياريت بس لازم تقدير و لازم محل اقامة ف القاهرة عشان اعرف احول .. ده غير ان سمعت لازم التحويل يكون بعد سنة تالتة .. و بيقولوا ان ف النظام الجديد مينفعش تحويل عشان كل كلية ماشية بنظام معين
بتكلمى جد بس حلو ٥احسن من ٧ولسة ماجستير ودبلومة هتوفرلكم سنين حتى لو هتتعبوا شوية زيكم زى اسنان دلوخت
ممكن يكون حلو فيما بعد.. بس بالنسبة لسنة اولي و لسه مش عارفين حاجة و لسه بناخد اساسيات مع مناهج بتاع الدفعات الاكبر اللي المفروض تكون معتمدة علي السنين ال قبلها ..اعتقد حاجة صعبة شوية .. احنا تقريبا اكتر من تلت الدفعة شايلين و دي حاجة اول مرة تحصل 💔
عليا ٧ مواد والمادة بيبقي قدامها يومين بس والكم بتاع الماده الواحدة اكبر من مواد ثانوي نفسها🤦♂️
ال ٨ مواد همتحنهم في يوم واحد في ورقة واحدة في وقت تقريبا ساعة او ساعتين مش فاكرة + كل ده هيبقي قبليه بالكتير اوي اسبوع بس .. مش هتتخيل و الله اللي احنا فيه غير لما تتحط في مكانا .. ع العموم ربنا معاك و معانا 💫