في فيلم أجنبي البطل سأل البطلة شو أكتر شي بتتمنيه بحياتك؟ ف هي ردت وقالت "I just want to be somebody's first choice" يعني "أنا بس بدي اكون الإختيار الأول ب حياة حدا " ففكرت كتير بهالجملة شو يعني إختيار أول ب حياة حدا ! يعني حد بفكر فيك قبل كل شغلة وكل شخص ب حياته حتى هو .. حدا بشوفك عطول مهما كان شكلك أحلى شخص بالدنيا حد بستحمل غضبك وتعبك وضيقتك ونفسيتك وقرفك ومزاجيتك.. حدا كل همو بالحياة إنو يشوفك مرتاح حدا ما بعاتبك ولا بلومك ولا بمل منك قد ما مرق من العمر وانتوا سوا حدا بعمره ما تردد بيوم من الايام على حبك وعلى اختيارك وعلى تقديم اشياء الك . حدا بشوف روحك قبل جسمك ، وقلبك قبل ملامحك حدا ما بحطك اصلا ب مقارنة مع شخص تاني قد ما كان أحسن منك حدا بفكر بكل كلمة ممكن تدايقك أو توجعك قبل ليقولها. حدا بمسك ب ايدك وبرفعك لفوق حدا بقدر يسند ضهرك بدون ماتخاف .. حدا بقدملك كل شي بتحتاجه من دون ما يستنى مقابل وشغلات تانية كتيره، بس الأهم من هدول .. إنو يكون حدا بفهمك وبقدرك 💛