-✨
أنا جربت أنواع كتيرة من المشاعر السيئة عادي زي كل الناس يعني وكل واحد له تعريف نسبي لكل حد فينا، ومؤخرًا بدأت أقلل الأنواع دي لكام حاجة محددة، عندي الإدراك الكامل ليهم إن أول ما أحسهم في حياتي بيبدأ جهاز إنذار يقولي إن في كارثة عندك، زي: العجز، الذبول، والخوف لكن أكاد أجزم إنه والله العظيم شعور القلق دا يكاد يكون بيحرق قلب الانسان، بيفحّمه مش بيكون فيه شوية نار ماسكين فيه لأ، بيحرقه حتى الرماد وتقريبًا اكتشفت إن دا أسوأهم على الإطلاق ، لإن اللي قبله بيبقى فيهم شيء من الهدوء واليأس اللي شبه الموت تقريبًا، لكن القلق شعور شرس وعنيف بتحسه وانت طول الوقت صاحي وواعي🥀
