Ask @NozomiChan805:

دهليز ؛

مُلهمة شاعرها「kwt」Señorita ‏あ
يا جَماعة المُصارحة حلوة جدًا جدًا، ما أقصد يعني المُصارحة اللي بشكل وقح، خلّينا نصطف هالفئة على جنب.انّك تعبّر عن اللي في مكنونك من دون خَوف من دون قلق شُعور مَليء براحة البال، المراوغة والتحايل بالكلام وعَجن الحقيقة كُلها راح تعود عليك بنتيجة مشؤومة، صارحوا بالشكل اللي يعبّر عن ذواتكم وأنفسكم وخلّوكم من المراوغات في الحديث، هالشيء راح ينقذكم من أمور كثيرة🤝.

View more

-

Will
مواصلة من أمس بسبب الأرق وما نمت الاّ ساعة ومتقطعة وزين انّي قدرت احل، بس حَل مع بطء الفهم 😭، طلعت من الاختبار وانا مبسوطة والكُل يقول ان الاختبار زفت، ما اعرف صراحة كيف ارقّع الموقف هل عشان ابغى الفكة من الاختبارات طلعت مبسوطة وراضية ولا عشان يعني هُو ما كان صعب للدرجة اللي يتكلمون عنها، يُوم عجيب صراحة😂.

View more

:

سلطان قاف
كثير هي الأشياء اللي تُهلك أرواحنا، انّك تكون مُحيط بكم هائل من الايمان وشوي شوي يتلاشى الايمان، والاسباب طبعًا كثيرة. والغرق في المَعاصي لدرجة انّ الواحد راح يشوف انّه هُو انخلق فقط عشان يكون عاصي ويبدأ يمحور الافكار لمنظور ضيّق. بعيدًا عن الايمانيات والمعاصي، انّك تفقد كُل مرّة الاشياء اللي تحبها، أهلك، الرفاق، أحبابك، شُعور الانكسار والخذلان، انّك تكون مُحاط بمشاعر سلبية على الدوام.. هي أمور كثيرة ماراح تنتهي ولا راح يكون لها خَلاص. هالتذبذات راح نمر فيها أو بإحداها، انت عايش في إطار زمني تصارع فيه عشان البقاء وعشان تعيش حياة كريمة بأقل العواقب، فإقعدوا بينكم وبين نفسكم وفكّروا كيف تتخلصوا من الأضرار، فكّروا كيف تتأقمون مع مساوء العالم، كيف تنجزون في حياتكم أشياء تخلّيكم تحسوا بالفخر، كيف ما تأثرون على غيركم سلبًا، كيف تجرفون غيركم للأمور الكويسة، تذكروا انكم عايشين بعالم فيه خير وشر، فيه صالح وطالح، فيه نعيم وجحيم. في كُل شيء راح تقابله راح تلاقي فيه تضاد.. مهما عشت من أمور سيئة دائمًا دائمًا حاول انّك توصل للأمر اللي يناسبك ويحميك من السُوء.

View more

💎 :

منيره .
لمّا تبحث عن إجابة لتساؤل مُعين، يُفضّل انّك تبحث عنها بإرشاد من عقلك وقلبك، بعض الاجابات ماراح تلاقي لها جواب في مُحيطك، لانّك انت اكثر شخص عايشت وشفت الأمور كيف تجري.. الله أكرمك بالعقل فاستخدمه واعتمد عليه وتجنّب الاعتماد على عقل غيرك؛ كُل واحد تعايش واقع مُختلف وقام ببناء إجابات تختلف عن واقعك، ابحث عن الاجابة بالطريقة اللي ما تخلّف عليك الندم ابحث عن إجابة تخصّك "أنت فقط".

View more

هاك ما في جوفك و ما يجوبُ فحوى ثنايا عقلك؛

دُعاءْ؛
‏العبارة لها معاني مُتعددة، ولما كتبتها كُنت اقصد هالمعنى تحديدًا:
لمّا مَزاجك ونفسيتك تكون سيئة غالبًا ماراح تسوي امور كثيرة، وتبتعد عن مُحيطك، فـ ممكن أمر، او شخص ما يجبرك على العودة او انّك تسوي حاجة مُعينة من خلال انه يستغل مكانته عندك.. وبعدها ممكن تنقض وُعودك بسبب انه من البداية عودتك ما كانت قرارك الشخصي، وبالتالي راح تتوالى عليك العواقب نتيجة كسرك لهالوعود. فمُختصر الحديث: لا تعطي قرار ولا تتصرف وانت تحت سيطرة مَزاجك السيء، ولا تسوي الشيء مُجاملة على حساب مَشاعرك، لانه بالنهاية ما راح تحرق الاّ نفسك.

View more

هاك ما في جوفك و ما يجوب فحوى ثنايا عقلك

دَهليز؛

”ماريان“
من الأمور السيئة اللي ممكن تحدث على الصعيد الشخصي، هُو انطفاء الرُوح، انكسارها، قمعها بمتاهات مُظلمة، كُل شيء يقابله ببرود، روحه صارت ذابلة تحت رحمة الله. وهل هُو شيء هين وبسيط؟ لا طبعًا ضياع الانسان أمر مُوجع وجدًا! إذا ما كانت عندك المقدرة تساعد هالشخص فلا تزيد عليه وتحبسه بمتاهات سرمدية تخلّيه يفقد أمل النجاة، الروح اللي تفقد ايمانها هي روح هالكة لا مَحالة عايشة بعبء شديد. فكونوا انتوا النُور لهالأشخاص، لا تكونوا لهم الظلام، وبالنهاية مردّنا الى الله، فاحسنوا لارواحكم وايمانكم بلا انقطاع.

View more

-

ميلا
أنا الغريقُ فما خوفي من البللُ.
عَاش ليالي وأيام وشهور وأعوام من المآسي فهل راح يأثّر عليه بعض من سُوء الحوادث؟
هُو تكيّف على معيشة الحُزن والغرق في فواجعه، فلا تعتقد انّك راح تُثير مخاوفه ببضع قطرات مَساوِءك يا عزيزي.

View more

دَهليز:

رَغبة الشخص في العودة للوراء، امّا لأن حاضره سيء وكان يتمنى يكون عالق في لحظة قديمة مُبهجة، او انّه نادم لأنّه ما اعطى نفسه أحقية عيش الشعور على أكمل وجه، يحتاج يكرم مُحبّيه بالحُب الكافي، ويعيش شعور كُل لحظة بحذافيرها.
كونك فقدت هاللذة وشُعور الاحساس هُو أشبه بالعقاب، أنا فارغ ولكن مُحمّل بالندم.
ولهذا السبب مُهم جدًا انّك تعطي كُل لحظة، كُل شخص الشعور الكامل، لان الفُرص معدودة ويمكن ما تشوف هالفرصة مرّة ثانية.

View more

دَهليز:

والله اشتقت لهالأيام، أيّام الاشرطة؛ طبعًا الاشرطة اللي كُنت احتفظ فيها عبارة عن أناشيد دينية وأناشيد طيور الجنة، كُنت استمتع من الألف للياء، واحاوش مُسجّل ابوي عشان اسمع، ولا بعدين اقعد اصلّح الامعاء تبع الاشرطة عشان اشغّله اذا اخترب 😂🥺💘.

View more

دهليز