@OmniaTaha890

Omnia Taha

Ask @OmniaTaha890

Sort by:

LatestTop

ماهي صفات فارس الاحلام

بيخاف ربنا ف كل تصرفاته .. مرن ف التفكير .. مثقف .. غيور .. زكى .. حنين ... طموح ... بيحب عيلته و اخواته .. بيحب يضحى عشان سعاده اللى حواليه و بيجد ف ده سعادته ... متفهم لطموحاتى و احلامى

Related users

لو ربنا إداك حمل تقيل يبقى أكيد إداك كتف يشيل ... أنتى قدها #مش_ميكانيكا_اللى_تهزنا :D

ههههههههههههههه #مهذبون علمتنى احب الحياه :)

If you had one wish, what would you wish for?

ان الزمن يرجع بيا سنه واحده بس لورا و اعيد حساباتى و معملش حاجات كتير كنت عملتها .. و قرارات كتير اوووى اتخدت منفذهاش .. سنه واحده بس و ارجع كل حاجه لمسارها الصح

نيتك للمذاكرة ايه ؟ عشان ان جبت اخرى وعايزة حاجات تخلينى اكمل :D

lamiaa Yahia
نيتى للمزاكره ... هى انى استحق حاجه احسن و مكان افضل و تقدير الناس اللى حواليا و فخر بابا و ماما .. و انى طالما استحق ده يبقي هقدر اعملهو لو معملتوش يبقي بظلم نفسي ... و ربنا هيحاسبنى ع كده

حلم اتحقق ... حلم متحققش ....؟؟

كنت قاعده ف يوم بقلب ف نوت قديمه عندى بقالها سنتين و لاقتنى كاتباه فيها انى هكون ميمبر اى تى ف ستب و انا داخله سنه تانيه حاسبات .. الغريب انى فعلا بقيت كده رغم انى مش فاكراه كتبت الكلام ده امتى .. حلم ما اتحققش الحصول ع زاكره نقيه .. انسي حاجات كتير

ما تعلمينى الطبخ و تكسبى فيا ثواب :D

samar hossam
الاتنين اعلمك و اكسب ثواب ... و ماله مش عيب ..بس بجد فعلا الطبخ ده حاجه فطريه ف البنات اول ما تبتدى المشوار هتلاقيكى بتعملى كل حاجه عادى مش فيزيا هو :)
Liked by: samar hossam

بس يا بتاعة السايبر :p اصﻻ هندسة ايه غير مدنى و شوية حاجات فوق بعض

samar hossam
ده الكلام بقي اللى بنضحك بيه ع بعض .. و ف الاخر كلنا مهندسيين مفيش حد احسن م التانى و كلنا هنتخرج و نقعد ع القهاوى ... مجتمعين ف الافراح ان شاء الله
Liked by: samar hossam

If you could leave tomorrow with a one-way ticket, where would you go?

جزيره مهجوره .. مفيهاش بنى آدمين .. مفيهاش تمثيل و لا كدب و لا خيانه .. مفيهش خيبه امل ف وطن .. اصحاب .. احلام

اتعودت انك قوية و لو عايزة تحققى حاجة بتوصلى لها ممهما كانت العقبات و الظروف .. انتى اقوى مما تتخيلى خليكى واثقة ف نفسك و ربنا هيكرمك :)

جميل انك استخدمتى لفظه إنك قويه .. هو كنتى قولتى كنتى قويه كنت هألش عليكى ألش :) سبحان الله انا مبقتش مصدقه ازاى كنت كده و كنت ثابته جدا و منظمه بغباء و اللى كان عايز ينظم وقته او يحط جدول مزاكره كان بيلجألى .. ف فجوه غريبه حصلت من ساعه ما دخلت القسم ..بس لغايهاخر الترم الاول لما حد قالى ان ده مش مستواكى و انتى تستحقى احسن م كده بكتير و ان العقليه اللى قدرت تعمل كل اللى فات ده .. تقدر تعمل كده تانى و تالت .. ما دام هى نفس العقليه .. هى شويه ثقهاتهزت بس :) .. ربنا يعود عليناالايام بخير
Liked by: samar hossam

بتحلمى بايه فى المستقبل

انا ربنا يكرمنى ف حياتى و يسترها معايا .. كل الاحلام المحدده ضاعت بعد ما دخلت هندسه .. و دلوقتى عايزاه انال رضا ربنا بس
Liked by: samar hossam

Could you live without a computer?

before entering computer department , no ...
After entering it :
yes yes yes .. it's a dream w yoom el hna y3any
Liked by: samar hossam

الم فقد الابن يختلف باختلاف عمره ؟ .. يعنى لو كان صغير السن او شاب هيختلف الالم عن الاكبر سنا.

لو مات صغير اوووى يعنى مثلا بعد ولادته مباشرتا او بعديها باسابيع .. بيتنسي الألم ده بمجرد ان الاسره دى ربنا يرزقها باطفال تانيه .. لو مات ف مرحله الطفوله ممكن ميبقاش ساب تاثير كبير .. بس كان فيه مستقبل عريض اهله بيحلموا بيه لابنهم و بيفضلوا حاسييين بالفقد حتى لو اخواته مكمليين حياتهم و ناجحين ... اما بقي اعتقد ان اصعب مرحله هى مرحله الشباب ... مفيش اصعب م ان اب يدفن ابنه ف وقت بيحصل فيه العكس ... ساعتها الاهل بيحسوا باليتم فعلا و ان ابنهم اللى كان هيشيلهم خلاص و يراعهم ...ده غير الحياه اللى هو رسمهلهم و انه بيه كان ف روح ف دنيتهم .. روح بيتحملوا عشانها التعب ... رب ارحم موتنا و موتى المسلمين جميعا

Next

Language: English