Ask @osamaEliving:

مش صحاب باين؟

والله محشور فى كمية حاجات متخلفة كتير و مخنوق اساسا و نفسيتى فى الضياع و فعلا مش عارف ابعت اى تهنئة السنادى لاى حد .. ياريت تتفهم حالتى يا صديقى

View more

هل تستطيع أن تستمتع بحياتك بدون أصدقاء؟

اكيد .. ما هو القاعدة ال alone كتير بتعودك ازاى تستمتع بوقتك مع نفسك و انا عندى خبرة كافية فى الموضوع ده جدا 😁

View more

عايزه اتعلم اسباني? من غير ما اخد كورسات ممكن اعمل ايه بقي? اللي عنده حاجه عدله يقولها??

ممكن تبدئى بتطبيق اسمه Duolingo حلو و بسيط و بيبدا بطريقة كويسة و لو خلصتى الكورس فيه ممكن تبدئى تشوفى اى حد بيعلم الاسبانى على اليوتيوب و المرحلة التالتة تجيبى قصة او رواية بالاسبانى و تقريها و اى كلمة متعرفيهاش ابحثى عنها و كمان اتفرجى على افلام ترجمتها بالاسبانى او تشوفى افلام اسبانى او تتكلمى مع اسبان بقى .. و فى كذا طريقة بس انتى قررى تبدئى و ربنا معاكى

View more

مـاذا تـفـعـل عـنـدمـا تـرى انـسـان مـخـتـلـف عـنـك فـكـريـا وعـقـائـديـا وسـلـوكـيـا ؟

والله حسب درجة الاختلاف يعنى لو موصلش لدرجة انه يبقى غبى متخلف اسرائيلى تبع داعش مؤيد لبلحة حرامى كداب حقير ابن كلب فانا ممكن اعامله عادى مفيهاش حاجة 😂

View more

علاقتك بالأكل ؟

زى علاقة لمؤاخذة المعزة بالزبالة .. المعيز من كتر ما هى جعانة ممكن تاكل ورق الكتب من الزبالة و مبيحصلهاش حاجة .. اهو انا ساعات باكل فراخ بزبادى ببيض و باكل اكلى و اكل اصحابى و اكل الحج محمد و برده مبتخنش 😂

View more

Do you smile at strangers?

هو لسه فى سترينجر مسميلتش قدامه 😂😂 انا تقريبا بسمايل لاى كائن حى بيبصلى 😂😂😂

View more

إذا كان بإمكانك التحكم في ذكرياتك، فما هي الذكريات التي ستمسحها ولماذا؟

الذكريات مش اسمها ذكريات عشان تتمسح هى من اسمها من كلمة اتذكر .. اتذكر الحلو و افرح بيه و الوحش افتكره و اتعلم منه .. ده غير ان الذكريات بصعوبتها بجمالها باحزانها بافرحها هي اساس كل حاجة فى الشخص فى الاخر .. لان الانسان بيتبنى على اساس احداث فى حياته و اللى بتتحول بعد كده لذكريات .. يعنى مش عايز امسح اى حاجة حصلت فى حياتى صراحة بحلوها و مرها .. و بعدين مش عارف من غير الذكريات كان الواحد هيرغى مع الناس فى ايه الصراحة 😅

View more

ما الهدية التي ستكون مثالية بالنسبة لك؟

والله ما فارقة معايا .. اى تذكار اى حاجة من اى شخص بتبسطنى جدا عموما يعنى ممكن تذكرة سفر للسويد او بدلة او لاب جديد و اقل من كده ميمشيش معايا لمؤاخذة 😂

View more

10/ما هى القاعده رقم واحد فى حياتك؟

انا مبحبش اقيد نفسى بقاعدة معينة .. طول ما الحاجة اللى عايز اعملها مش حرام ولا بتاذى الغير يبقى من حقى اجربها .

View more

انتحر طب ولا اعمل ايه😂😂

MansOur
😂😂😂 طول ما انت مش معانا هنقعد نحفل عليك لحد ما تحرم و تيجى تانى 😂❤

View more

What is your favorite thing about summer?

مبحبش حاجة فى السمر ولا الاجازة حتى بحب الشتاء بمطره بكوباية الكاكاو مع البطانية و بس ^^

View more

ما هو الكتاب أو الفيلم الذي كان له وقع كبير عليك؟

تقريبا اول فيلم دمعت فيه كان من 6 سنين اسمه Radio

View more

مبادئك في الحياه

لا دى محتاجة قاعدة عرب عشان افهمهملك اساسا :)
بص دول اسمائهم .. يوم سعيد .. الصرصار الطاير .. العيشيين .. اللحظة صفر .. و لسه فى كمان بس كفاية دول دلوقتى ÷>

View more

ما الوجبة الخفيفة التي تفضلها عند منتصف الليل؟

وجبة خفيفة ايه انا فى مدينة جامعية يا عم انت يعنى لو لقيت صرصار معدى فى منتصف الليل هاكله 😂

View more

هل تؤمن بأن الأنسان يُعاقب ويُثاب على أعماله في الدنيا قبل الآخرة؟

اكيد طبعا ربنا عز وجل بيخفف عن عذاب الانسان يوم القيامة فى الدنيا .. يعنى لو مرضت او لقيت نفسك فى ضيق مفاجئ او اى مصيبة انت مش لاقى ليها سبب اعرف ان ربنا بيختبرك و بيشوفك هتصرف ازاى هل يا ترى هتلعن المرض و الضيق و تقول ليه يارب ولا هتتصرف و تدعى و تقول الحمد لله و تكمل حياتك و انت مبسوط و عادى جدا .. و فى كلام كتير و شاهد على الكلام ده كمان .. طبعا متقوليش هخرج فى الهوا و لابس خفيف و يجيلى برد و تقولى ده اكيد نصيب لا حضرتك ده كده تناحة و استعباط 😅
المهم متنساش كلمة الحمد لله فى حياتك و خليك فاكر دايما ان العقاب اللى ممكن انت شايفه عقاب يكون حاجة بيتمناها شخص تانى بدل اللى بيحصله من الناس اللى مش عارفة حتى تاكل ولا تشرب او حتى انسان فى البرد اللى احنا فيه ده مش لاقى مكان و لا حد يسال عليه للام اللى طفلها بيموت فى الحرب او ابنها اللى مات فى الجيش .. لو عرفت مصايب الناس فعلا هتهون عليك مصيبتك المهم دايما متنساش كلمة " الحمد لله " هتخليك اسعد شخص فى الدنيا .
اسف على طول الاجابة

View more

Next