الصورة دي كانت من 4 أيام بس ياسطا بعدها سلمت عليك وقولتلي إنك إن شاء الله شهر وراجع تاني وقولتلي هتجيبلي شاي من مصر وانت جاي آه صحيح الأكل اللي انت كنت عامله كان فعلا عايز شوية ملح زي ما محمد حمدي قال بس كان حلو والله وتسلم إيدك بقولك ايه عايزين نفطر تاني مع بعض ياسطا بقىانت عارف يا عبدالرحمن والله انت وحشني كتير ومفتقدك جدا مش مستوعب إني مش هشوفك تاني والله آخر صور اللي اتصورناها انت قولتلي إنك هتبعتهم أول لما تنزل مصر وتفتح نت بس انت لسه مبعتهمش عايز اكلمك ياسطا والله ربنا يرحمك يا عبده ويغفر لك ويعفو عنك ويدخلك فسيح جناته ويجمعنا بك في الفردوس الأعلى إن شاء الله هتوحشني ياسطا والله وهفتقدك جدا جدا مش عارف أقول ايه والله بس أنا سعيد جدا إني اتعرفت عليك ونفسي أيام الإعدادي ترجع تاني لما كنا بناخد مع بعض درس العربي فاكر كان الواد مصطفى بيعمل ايه ادعوا لعبدالرحمن يا جماعة ادعوله بالرحمة والمغفرة وتذكروا الموت دايما ، عبدالرحمن كان معانا من كام يوم وبنفطر مع بعض إن شاء الله هو دلوقت في مكان أحسن ، ربنا يغفر له ويرحمه
جاء رجل من الأنصار , فسلم على النبي - صلى الله عليه وسلم - ثم قال: يا رسول الله, أي المؤمنين أفضل؟ , قال: أحسنهم خلقا ، قال: فأي المؤمنين أكيس؟ , قال: أكثرهم للموت ذكرا , وأحسنهم لما بعده استعدادا , أولئك الأكياس.