Ask @RababDangEr711:

انا المفروض ان مقري فاتحتي علي واحد بحبه وبيحبني فيه عيوب كتير حاولت كتير اعديها بيتعصب لو اي موقف محصلش زي ماهو عايز ، صوته بيتغير ويبدا يزعق لو بدات اعاتبه ف حاجه ضايقتني ، دايما شايف اني بارده وانه مبيغلطش ، انا بحبه بس حاسه انه بقي بيسحب طاقتي وحبي له ، خايفه ابعد اندم ، ومش عارفه ايه الصح

اقرأي كتاب أحببت وغدًا :)
وربنا يهيألك من أمرك رشدا

View more

هو خطيبي لما بلبس واسع بيفضل يقولي الواسع وحش عليكي ومش بيبن عودك ويفضل يقولي عيشي حياتك ف لبسك اللبسي بناطيل بس متلبسيش استرتشات وعاوزني ف الفرح اكون بشعري وانا مش راضيه بقوله هكون بحجاب هو ده زي ما انا فاهمه ولا انا يمكن اللي مركزه وفاهماه غلط

احكي كده لاخوكي أو والدك الكلام ده وشوفي هيقولك ايه .
بالنسبالي انا لو أختي مخطوبة لواحد زي ده وطالبة مني نصيحة هقولها سيبيه قولًا واحدًا .
لعدة أسباب واحد بهذا التفكير وهذه العقلية أولا خالي من المروءة والرجولة والغيرة اللازمة الضرورية للرجل.
ثانيًا واضح إنه مختلف فكريًا وبيئيا عنك .. ومن الضروري إن وأنت بتختاري شريك حياتك تكونوا متكافئين في عدة جهات من ضمنها فكريًا .
ثالثا أنت بتقولي الموضوع وبتستنكري فعله فده معناه انك مش موافقة علي ال بيقوله .
دايما نسمع إن البنت هي العاوزة تلبس براحتها وتتخانق مع خطيبها او ايا كان عشان غيران وخايف عليها وعاوزها تلبس لبس نوعا ما مش مبين جسمها .
مش العكس .. ده خلل في المروءة
اتكلمي مع والدك واخوكي وخدي استشارتهم . وبعدين قرري

View more

حد هنا جاله كورونا يا جماعة ضروري!!! بموت

بعد الشر مافيش موت ولا حاجة بإذن الله .
يفضل متاخدش الكلام غير من دكتور عشان كل واحد حالته بتختلف عن التاني
ربنا يتم شفائك ع خير يارب

View more

أجمل ما قيل في الحب

دونك الأصوات ناقصة
ومعنى الغيم لا يكفي
ليشعلني
أنا لا أنتمي للريح
انحدري إليّ
.
نفضت أعماقي
فلم أعثر على فرح سواك
تمردت طرقي
أحب نداءك العاري
أحبك
كيفما كانت سماؤك فتنة
أو أي شيء ما
يكفيني لهاثك
كلما نمضي إلى وتر
ويكفيني عذابك بالجمال البكر
يكفيني صهيلك في دمي
-إسحاق الخنجري ❤❤

View more

جماعه سؤال وياريت تجاوبوني بصراحه هو في رجاله مخلصه للبنات اللي بيحبوها وفعلا مبيبصوش لغيرها ولا ده بقا نادر ؟ ده مش كلامي بس بشوف رجاله كتير حتي معترفه ب ده وانه ده الطبيعي عندهم انهم عنيهم زايغه

الـ شايف إنه من الطبيعي إن عينه تبقى زايغة فده عيب تربية ووعي ديني وأخلاقي ..
لأن لو ع التربية فبتقول ماتبصش للبنات الـ ماتخصكش بعين زايغة، ولو ع الدين فبيقول "غض البصر"
الطبيعي والفطري في الرجال ميلهم للنساء وحبهم ليهم.. وده يختلف تماما عن انهم يكونوا بعين زايغة.
لأن زي ما في بنات مخلصة ومحترمة في رجال مخلصين ومتربيين، وبيغضوا بصرهم، وبيحفظوا قلوبهم .

View more

ياجماعة انا مش متفاهمه مع خطيبي خالص وبيفرض عليا حاجات مش ببقي مقتنعه بيها اقنعني اننا منعملش فرح. قولت ماشي عشان ربنا قبل اي حاجه بعد كده طلب مني محطش ميكب او احط خفيف جدا عشا حرام وانا وافقت ولبسي كويس جدا قالي بدل البناطيل البسي جيب قولتله لبسي واسع وهوسعه وهلبس جيب وبناطيل رفض اعمل ايه

حاجة كويسة انه يعينك على الأفضل بس من كلامك واضح ان انت متضررة ومش متقبلة التحكمات دي وحاسة انه بيحاول يضغط عليكي ويغيرك ..
هو الخطوبة معمولة ليه ياجماعة ! مش عشان نتعرف ع بعض وندرس بعض ونشوف هل هنتفاهم مع بعض وهننفع لبعض ولا لا !
ولا ايه !
ادرسي خطيبك كويس وبعدين قرري .

View more

محتاجة الرد ضروري .. عايزة نصيحة لان مليش حد اعرف احكيله انا كنت مرتبطة بواحد م البلد بس سوشيال يعني لا في خروجات ولا هدايا ولا مكالمات خاالص اخرنا شات لمدة ٣ سنين هو سابني وخطب ودلوقتي متقدم ليا واحد تاني كويس هل اعرفه اني كنت مرتبطة ولا لا لاني خايفه يعرف بعدين

لو سألك عرفيه .. وهو غالبا هيسأل ممكن تقوليله باختصار كنت أعرف واحد بس في حدود السوشيال ميديا ماحصلش لا مكالمات ولا مقابلات ولا أى حاجة ومحصلش نصيب .
لا أزيد ولا أقل.
الصراحة في كل الاحوال حلوة .
ده رأيي

View more

دبله و محبس ولا خاتم سوليتير لخطوبتي

من وجهة نظري السوليتير شكله من برا زي الدهب الأبيض فممكن دبلة ومحبس دهب أبيض 😍😍
وممكن خاتم سوليتير بس لازم دبلة بردو 😅

View more

حاليا أنا اتعرف ع شخص على النت بس والله كان بقصد المساعده عشان وظيفته وكلم بابا عشان يساعدنا وكده المهم هو من شهرين قالي هو عاوز يخطبنى بس لما يخلص فى شهر ١٠ وقالي استناه قلتله ربنا يسهل بس مفيش كلام عشان حرام بعد مرة بنتكلم بس بقاله فتره بحسه بيختبرني وكمان المره دى سافر منغير ما يقولى ده تفسيرة اي

لو عاوز يخطبك .. يجي يكلم والدك ويربط كلام وتتعرفوا على اهله ولما ظروفه تسمح بالخطوبة في شهر ١٠ ده يخطب وتلبسوا دبل وكده .
انما انا جاي في شهر ١٠ ومافيش كلام رسمي ! غالبا شهر ١٠ هيشد شهر ١١ وندخل في السنة الجديدة وخالتي ماتت وابويا تعبان وامي عاوزة تجوزني لبنت خالتي وهكذا ..

View more

قولو لنا ما تحبون من الشّعر 📜

الشعر وجمال الشعر ❤
يحضرني قول نزار قباني
وعدتك ألا احبك
ثم أمام القرار الكبير ..جَبُنت
وعدتك ألا أعود ..وعُدت
وألا أقول بعينيك شعرًا وقُلت
وعدتك ألا أموت اشتياقًا ومُتّ
لقد كنت أكذب من شدة صدقي والحمدلله أني كذبت.

View more

Next