رامى لو سمحت عاوز اى مقطع فيديو بيتكلم عن اهمية حماية الخصوصية وتأمين وسائل التواصل والحواسيب ويريت يكون عربى

January 31, 2015

مفيش فيديو واحد يقدر يغطي كل الجوانب. في نصائح وارشادات وشرح بالعربي لحماية الخصوصية عبر الاتصالات المختلفة بص عليهم
https://securityinabox.org/ar
https://ssd.eff.org/ar/index

عن طريق البلوتوث يتم اختراق الاجهزة وفيرستها حتى الكمبيوتر فكيف التصرف ونريد دعم فنى لمكان موثوق لان كثير بيبقى متسيطر عليهم اظن واضح

January 31, 2015

صحيح وعن طريق شبكات الواي فاي أيضا. أي منفذ اتصال بين الحاسوب وشبكة يعتبر منفذ للاختراق والهجمات بشكل عام. في حالة البلوتوث يجب عدم فتحه الا عند الحاجة والضرورة فقط، وجعل المنفذ خاص وليس علني ومتفوح ويتم اجراء الربط عن طريق بعد التحقق برقم سري.

بالنسبة للدعم الفني، مهما كانت درجة الثقة في الجهة لا يجب ابدا تسليم الجهاز بالمحتوى. يجب مراعاة ازالة اي محتوى من على الحاسوب قبل تصليحه او تسليمه للكشف.

الانتى فيرس بدون اب ديت لايعمل وانا لا اريد النت على الاب امر اخر نريد تعلم التواصل الآمن بطريقة افضل وحماية الخصوصية عن طريق كورس

January 31, 2015

مضادات الفيروسات تعتمد على تحديثات دورية لضمان الفعالية وبدون التحديثات لا تعمل. في بعض البرامج يمكن تزويد التحيدثات بشكل تلقائيا عن طريق الويب او بشكل يدوي عن طريق تنزيل التحديث واضافته بنفسك..ولكن تلك الخطوة قد تبدو صعبة او معقدة نوعا ما.

المواقع التالية عليها نصائح وارشادات وشرح لحماية الخصوصية عبر الاتصالات المختلفة
- https://securityinabox.org/ar
- https://ssd.eff.org/ar/index

كيف أضع صور في الانستقرام بدون ما تُعرف هويتي ؟ يعني كيف أجعل حسابي آمن ؟

January 31, 2015

في شوية خطوات عشان تعمل ده..1) انشاء حساب بريد الكتروني مخصوص لهذا الغرض فقط وعدم استخدام اي حساب حالي لك 2) بهذا الحساب الجديد قم بفتح حساب جديد على موقع انستجرام، واختر كلمة سر طويلة مكونة من حروف ورموز وأرقام لحساب انستجرام وحساب البريد المربوط به مع مراعاة عدم تكرار كلمات السر 3) تجنب استخدام الوسم الجغرافي للصور نهائيا..هذه اجراءات بسيطة تساعد نوعا ما

ولكن في كل الاحوال في حالة اتصالك بشبكة الانترنت عن طريق شركة الجوال أو الواي فاي تقل نسبة الخصوصية والحماية الا اذا كنت تستخدم من الهاتف المحمول خدمة شبكة افتراضية خاصة - في بي ان

ممكن ايضا استخدام موقع فليكر للصور وتجنب رفع الصور من خلال الهاتف المحمول ونشرها عن طريق متصفح تور على الحاسوب، مع اتباع الخطوات المذكروة 1 و2 و3..ولكن في حال تمسكك برفع الصور عبر الهاتف حاول استخدام شبكة افتراضية خاصة للحفاظ على خصوصية موقعك الجغرافي والبيانات

انظمه لينوكس ولا ويندوز اأمن وانهي أحسنهم من وجهه نظرك وشكرآ علي مجهودك الكبير

alaa

January 16, 2015

أنظمة ديمقراطية ولا دكتاتورية احسن؟ : ) أنظمة التشغيل مقفولة المصدر واللي مش بتيح تشارك ومراجعات مستقلة على الشغل وامكانية التحكم بحرية في البيانات والخصوصية زي ويندوز وماك في رأيي مش مفروض نثق فيها ونعتمد عليها حتى لو كانت تبدو اسهل او شكلها احسن إلى اخره. الانظمة الحرة زي لينكس بتحترم المستخدم والبيانات وقائمة على معايير التشارك والاتاحة واللا مركزية

Liked by: alaa

هل يوجد برنامج او ابليكيشن متاح مجانا لمتابعة مكان التليفون المحمول

January 16, 2015

ايوة في خدمات مختلفة بتقدم ده. في تطبيق أفاست كويس مش بطال

Can someone hack into my iphone camera, they could see what I'm doing by hacking into my front and or my back camera.? I'm a little scared.

January 16, 2015

yes..your gallery, messages, contacts list and other info + mic/camera on the device could be access by different parties..it could be applications you download or an adversary.

مساء الخير ، سؤال بعد اذنك، بالنسبة ل جيتسي ، البرنامج حملته ، بس لقيت ان مفيش حساب بيتعمل عليه و اني بدخل باكونت الفيس طب هو كده امن منين اذا مكان الفيس سهل اختراقه ؟

December 18, 2014

جيتسي برنامج محادثات لمنصات متعددة..يعني ممكن من خلاله تستخدم ايميلات مختلفة للتواصل زي ياهو وجيميل وفيسبوك وشبكات تانية. جيتسي بيخلي المحادثات متشفرة ومحمية طالما طرفين الاتصال بيستخدموا برامج امنة زي جيتسي. يعني لازم انت واللي بتتواصل معاه تكونوا بتستخدموا برامج حماية مش بالضرورة نفس البرامج بس برامج بدعم التشفير وحماية الاتصالات. جيستي مش دوره انه يحمي الحساب نفسه من الاختراق هو دوره يحمي الاتصالات نفسها

هل ال TOR. هو افضل متصفح آمن ولا في حاجة افضل وازاي اعرف ان جهازي مخترق او في برامج مشبوهة فيه وهلةبرامج الشات والمحاداثات زي redphone. Securechsgt. امنة

December 18, 2014

متصفح تور هو الافضل من حيث درجات الامان والخصوصية. تطبيقات ريد فون وتيكست سيكيور وشات سيكيور كويسين وامنة. مسالة الجهاز المخترق امر صعب شوية وبيحتاج جهد...في برامج ممكن تساعدك في الكشف على الجهاز عشان تعرف لو عليه برمجيات رقابة بس البرامج دي مش دايما معيار للحكم بشكل قاطع هي تكميلية مش اكتر، وفي انك تلاحظ تصرفات او حاجات غريبة او غير تقليدية بتحصل. بس في كل الاحوال ميمنعش تتعلم وتتسخدم ادوات مختلفة للحماية والخصوصية
ممكن تجرب البرنامج ده لفحص الجهاز https://resistsurveillance.org
هتلاقي على المواقع ده برامح وشرح لادوات مختلفة مفيدة https://ssd.eff.org/ar - https://securityinabox.org/ar

رامي الله يكرمك عندي مشكله في كل الاجهزه عندي كل ما افتح علي الجوجل كروم اي صفحه فيس/تويتر/ياهو.... اي ضغطه علي اي ايقونه تظهرلي صفحات اعلانان والعاب وكده ايه الحل...؟؟؟ وايه بديل سكيب صوت وصوره كويسه وامان؟؟؟ وشكرا ليك علي اهتمامك انك تنفع غيرك بعلمك.

December 18, 2014

شيل نسخة كروم اللي على الأجهزة ونزلها من الاول وجديد..بس نصيحتي جرب الاستغناء عن كروم واستخدم فيرفوكس. في اضافات ممكن تتركب لمنع الاعلانات من الظهور. بديل برنامج سكايب برنامج اسمه جيتسي.
مفيش حاليا شرح عربي متاح بس هنا في شرح انجليزي بسيط للموضوع https://securityinabox.org/jitsi
وده الموقع https://jitsi.org/

لو في صفحة علي الفيس بوك اتسرقت من المؤسسة اللي انا شغال فيها ايه الاجراءات اللي ممكن نعملها قانونياً او تقنياً عشان نرجع الصفحة دي شكراً :)

December 18, 2014

درجات امان صفحات الفيسبوك معتمدة على درجات امان حسابات المديرين للصفحات. في طرق لو مؤسسة فقدت تماما كامل التحكم في الحسابات المسئولة عن ادارة صفحتها في حلول لاستعادات الحسابات نفسها وبالتبعية الصفحة. هتلاقي في قسم المساعدة على فيسبوك معلومات مختلفة بخصوص ده. لو انت في القاهرة والوقت يسمح تعالى اللقاء ده هنتكلم في كذا موضوع منهم اللي بتسال فيه https://www.facebook.com/events/750353441720025/?ref=22

لو اكونت الفيس في حصله اختراق ..ايه اللي مفروض يتعمل بغير طبعا تغيير الباسورد من غير تغيير الايميل و انشاء اكونت جديد ؟

November 21, 2014

لازم تفعيل الاختيارات المتاحة في صفحة "إعدادات الأمان". زي مثلا: إشعارات تسجيل الدخول - جهات الاتصال الموثوق بها - ربط الحساب بأكتر من بريد..إلى اخره. تفعيل اعدادات الامان هتساعد في حماية الحساب وتسهل مسألة الاستراجع

اش هو برنامج هوت سبوت بالظبط؟؟

November 21, 2014

هوت سبوت واحدة من عشرات البرامج اللي بتقدم خدمة شبكة افتراضية خاصة. الشبكة الافتراضية الخاصة بتشفر اتصالك وقبل متوصلك بالنت بتوصلك اولا بخادم (او سيرفر) ومن الخادم بتتصل بالانترنت. يعني لو هتزور موقع جوجل مثلا، بدل ما جهازك يتصل بجوجل مباشرة هيتصل بالخادم ده والخادم يتصل بجوجل ونفس القصة في العودة. وده له مزايا زي لو مثلا هتشبك في واي فاي عمومي هيوفرلك حماية من حد بيحاول يراقبك مثلا. الغرض الاساسي منها هو التمتع بقدر من الحماية والخصوصية للانشطة اونلاين. في تطبيقات حرة ومفتوحة المصدر بتقدم نفس الخدمة ولكن بدرجات خصوصية ومجهولية اعلى.
زي مثلا https://openvpn.net - https://bitmask.net

بتستعمل ويندوز ولا لينوكس؟ :-)

November 21, 2014

بستخدم أنظمة تشغيل مختلفة طول الوقت بشكل متزامن لدواعي الاختبارات والتجارب التقنية، والاستكشاف طول الوقت
: )

الفيس وتويتر من اللاب ممكن يتعرف هوية الشخص منه وبياناته؟؟

November 21, 2014

ايوة ممكن باشكال مختلفة. ممكن على سبيل المثال المتصفح يكون بيحتفظ باسم المستخدم وكلمة السر ويتعرف منهم. ممكن الجهاز يكون مصاب ببرمجية تسهل عميل المراقبة او تسجيل بيانات الطباعة على لوحة المفاتيح. في طرق مختلفة لو المستخدم مكنتش منتبه او مش مهتم بجوانب الحماية والخصوصية

اعدادت حماية زى اية من فضلك ؟

November 18, 2014

زور صفحة "إعدادات الأمان" وهتلاقي حاجات مختلفة منها: إشعارات تسجيل الدخول - جهات الاتصال الموثوق بها. ده طبعا إلي جانب اختيار كلمة سر قوية مكونة من رموز وحروف وارقام وتكون طويلة

ازاى احافظ على اكونتى على الفيسبوك لو ناس كتير عملتيلى ريبورت ؟

November 18, 2014

لازم تكون مفعل اعدادات الحماية في الحساب بشكل كويس. كل مرة حسابك يتعرض للإبلاغ بشكل مكثف أو محاولات تسجيل دخول متتالية فاشلة بيتم تجميد حسابك مؤقتا. بتعيد تفعيل الحساب مرة أخرى من خلال الاعدادات الخاصة بالحماية

برنامج privatetunnel بيدينى 100 ميجا بس ومابعرفش ادخل ايميل تانى فية

November 18, 2014

اقترح تجربة https://openvpn.net - https://bitmask.net

فى مشكلة مع تور كل اما افتح مواقع يطلعى CloudFlare ويطلب انى ادخل رقم مكتوب ودة بيحصل فى كل صفحة

November 18, 2014

دي مش مشكلة في تور. دي مشكلة في خدمة الشركة نفسها وبتحصل باستخدام اي متصفح مش بالضرورة تور

اية محركات البحث اللى بتشتغل مع تور علشان جوجل بيعمل مشاكل

November 18, 2014

استخدم https://duckduckgo.com - https://startpage.com
استخدمهم في كل الأحوال سواء من خلال تور او لأ. دي محركات بحث امنة وبتحمي خصوصيتك ومش بتجمع اي بيانات عن المستخدم

what is the best Internet security Software ?

November 18, 2014

There is no such thing that is all in one and provide security from everything. The way the internet function and its services and your activities are not centralized or through one way. Each activity or way of using the internet has its own way to secure it. There are tools to secure your text chat, voice chat, web browsing, secure emails, secure sharing..etc.

Its important to explore and understand how to secure each digital communication. I recommend to read the materials available here https://ssd.eff.org/en and https://securityinabox.org.

جي بي جي تولز أصبح بمقابل. ما العمل حسب رأيك ؟ هل هي نهاية تشفير الإميال عل بي جي بي على iOS

November 18, 2014

توجد بدائل وحلول مختلفة لأن جميع الأدوات مفتوحة المصدر. من بين الحلول استخدام بي جي بي مع ثندربرد. لاحظ أن التكلفة الجديدة المعلنة ستكون على أداة واحدة فقط في حزمة الأدوات. استخدام جي بي جي مع ثندربرد لا يستخدم ذلك المكون. على الروابط التالية شرح وخطوات لكيفية استخدام بي جي بي على أجهزة ماك مع ثندربرد.
باللغة العربية http://goo.gl/Y6Qgd1
باللغة الإنجليزية https://ssd.eff.org/en/module/how-use-pgp-mac-os-x

انا عارف ان استخدام برامج غير امنة مش بيحافظ علی الخصوصية بس انا بقول لوفي موقف مضطر اختار بين وسيلة من اثنين ومعنديش بدائل امنة. كمبيوتر احسن ولا تليفون؟

November 17, 2014

كمبيوتر..لان في مساحة اكتر لاستخدام تطبيقات وأدوات تساعد في حماية الاتصالات (أو أي استخدام عموما) وتأمينها

ليه teamviewer مش كويس؟

November 17, 2014

كل البرامج المبنية على التحكم عن بعد في أجهزة متعددة مش مفروض نثق فيها أو نستخدمها لأسباب متعلقة بالخصوصية والآمان. البرامج بتكون مقفولة المصدر والكود بتاعها غير متاح ومفيش وسيلة نتحقق من طريقة عمل البرنامج أو التأكد من صحة كلام الشركة مقدمة الخدمة. وهامش الاصابة من خلال البرامج دي مش قليل خصوصا اننا مش عارفين هو بيشغل ازاي فعليا. وفي رأيي في وسائل مختلفة لتبادل الملفات من جهاز لآخر وده أفضل من برامج "التحكم عن بعد" في أجهزة

دلوقتي انت بتتكلم علي الخصوصية والحماية الرقمية إلخ . في مشكلة بيواجهها الناس اللي بتنزل مظاهرات هي انهم لو اتمسكوا موبايلاتهم بتتفتح وبيتشاف عليها كل الشات والصور والبرامج ، هل في أدوات بتبقي مهمتها مسح الشات مثلا بعد فترة معينة وبتعمل جروبات امنة فيها فكرة مسح الشات بشكل دوري بتخفي البرامج ، وشكرا

November 17, 2014

سليم دي من المشاكل اللي بتقابل المتظاهرين طول الوقت، مش بس الاطلاع على الشات والصور بس كمان الاطلاع على سجل المكالمات وقوائم الاتصال وتطبيقات الهواتف المحمولة وحاجات مختلفة كتيرة خاصة. في مجموعة نصائح للأفراد في حالة نزول مظاهرات من بينها مسح كل المحتوى الخاص من على المحمول قبل النزول (ممكن مسح الرسائل وسجل المكالمات) وممكن نقل كل الصور ومقاطع الفيديو على بطاقة ذاكرة خارجية ,مسح المحتوى من على الموبيل نفسه. وممكن استخدام تطبيقات للتراسل بتطلب كلمة سر قبل الوصول للمحتوى زي تيكست سيكيور. ولكن عموما اهم حاجة واسهل حاجة عملية هو نقل المحتوى من على الموبيل للكمبيوتر مثلا او لبطاقة خارجية، وحذف اي حاجة من على الموبيل، ده حل كويس.

بس كمان مهم ان الشخص يكون معاه ورقة صغيرة كاتب فيها اهم 3 ارقام موبيل في حالة حدوث طارئ او مشكلة ممكن يكون رقم تليفون الاهل او صديق او محامي. عشان لو تم مصادرة\سرقة التليفون احتمال يكون فيه فرصة صغيرة الشخص يقدر يبعت رسالة او يعمل مكالمة من اي تليفون

Ramy Raoof

Nothing here yet