دائماً هذي المقولة بين اعيوني "رضا الناس غاية لاتُدرك" مافيه احد بالدنيا الناس كلهم راضين عليه ومايتكلمون فيه ، لو فيه شيء بكلامهم بيصلحني اكيد باخذه واذا هو كلام فارغ بنساه كليًا لن كذا ولا كذا لو اهتميت بكلامهم فعلاً بتضل أسير بخوفك وماراح تتقدم ،لن فيه ناس ممكن ترفعك وناس تنزلك وهكذا وأنت اللي بتخسر نفسك بنهاية🌟
لأي درجه ممكن تصدقون كلام يجيكم عن شخص معين من طريق الأسك سواءً كان شخص ما تحبونه او عادي، الكلام كويس او مش كويس، أو تعتقدون أن الأسك وسيله سهله لقول الأكاذيب وتحسنون الظنّ والعكس؟ وكيف ممكن تتعاملون بهشي أن كان الكلام عليكم او على غيركم.
أنا من الاشخاص اللي ما اصدق ابدًا ابدًا كلام الأسك خصوصًا اللي من مجاهيل لو هي صادقة بكلامها جت قالت لي بوجهي وهم لو كان قلبها علي جت قالت لي ايضًا فعشان كذا ما اهتم كثير للي يجيني عن طريق الآسك ،وكيف اتعامل معة اطنشه وما اتعب نفسي ارد عليه لنه بياخذ من تفكيري ووقتي .
سؤال جدي..كيف تقنع نفسك فشغله أذا ما اقتنعت من اول مره ولا ثاني ولا ثالث مره، خاصهً أن كان أقناعك لشيء صح ومن صالحك؟
قلما أقتنع بشيء مو مقتنعة فيه خصوصًا إذا كنت رافضتة أكثر من مرة ،بس مؤخرًا قريت إجابات البنات أني أشوف الشيء الايجابي في الشغلة وسلبياته وفعلاً لاحظت إني قدرت اقتنع لما اشوف الشغلة من كذا زاوية ،يعني قابلين للإقناع إذا شفناه من زاوية أُخرى
البيئة ما اتوقع لهادور إذا قصدك الطقس وإلخ.. أما الظروف والمجتمع ممكن يلعبون دور كبير خصوصًا أحنا فئة الفتيات والنساء بشكل عام هنا مقيدين كثير بأشياء لا تعد ولا تحصى ،و شئنا أم أبينا، نحن في مجتمع تقيدة العادات والتقاليد حتى لو تقدمتي في إبدعاك إلا مايجيك يوم و تنحصرين بزاوية 🌟 وإية كان فية للإسف💋
تعليقك على اللي ينظرون لأنجازاتهم ومجهودهم الشخصي ويحكم عليه من حيث مقارنتهم مع غيرهم؟
دائمًا مقارنتك لِإنجازاتك ومجهودك الشخصي مع غيرك تقليل لِشانك من وجهة نظري ،لن ماتعرف هو كيف بذل هالمجهود او وصل لهاالإنجاز،عشان تقارن نفسك فية،يمكن أنت أحسن منه بكثيييير القاعدة ١:أبتعد كُل البعد عن مقارنة نفسك بغيررررك مهما يكُن 🌟
-ما أحب ارد على الأشياء مالها علاقة فيك ولا تعنيك ،غير عن كذا خاصة فيني ،يعني أنتِ فقط إنسانة تبين تعرفين عني شيء وتبنين عليه من مخيلتك او عشان تبهرين أحدًا مايهمك إنك تعرفين هالشيء عني فعشان كذا عزيزتي لو غيرتي أسلوبك بعرفك غير عن كذا لوفيك خير جيتني بأسمك مثل الخلق ،متحسفة عالدقيقه اللي ضاعت .
متى تفرح بتغيير ذاتك، بغض النظر عن سوء التغيير أو صحته، وفمعنى ثاني إيش الحدود اللي ما تتعداها، نقاط ما تسمح لها تتغير فيك؟
أفرح بتغير ذاتي إذا شفت هالتغير عاد لي بثمارة وشفت إن لي مكسب كبير من هالتغير وأقصد بالمكسب مكسب نفسي مثل راحة نفسية تجيني بعد هالتغير ،أما النقاط اللي ما أسمحها تتغير فيني "القناعة "✨
تغيرت نظرتي للحياة،للإشخاص ،للعلاقات والمواقف بعد ،الحمدلله أصبحت أدرى بما يعنني ،أفهم بحدودي ٢٠١٥سنة تحدي بالنسبة لي من ناحية التغير وبفضل من الله أقدر أقول تغيرت للأحسن 💓
قليل من التقدير لهالكليه بدل الحلطمه الدايمه منها 💜 آيش أفضل درس تعلمتوه من دخلتو الكليه ؟ درس ما اقصد دراسه بس شي بتفكيركم تغير بتأثير من شخص ملهم قابلتوه بهالكليه او بتأثير محتوى دراسي ؟
هالسنة خصوصًا أكثر شخص تأثيرًا وإلهامًا سوا بشخصية او بمحتوى دراسي واستمتع معة استاذة دلال السبيعي الله يسعدها ،والسنتين اللي طافوا مريم المري الله يحفظها ويسعدها وين ماكانت بعد 💜