سلفتي مقموصة مني قال ايه عشان طلبت مني مانجيتين تعملهم عصير لولادها انهاردة عالفطار وانا قولتلها مش انا اللي كنتي بتقولي عليا شحاته امبارح عشان طلبت منك بطاطس لعيالي دلوقتي عايزة مني مانجا هو كلام الحق بيزعل دلوقتي زعلت مني واتقمصت وطلعت شقتها وهي لاوية وشها كده ومبوزة وعملت نفسها ان هي مش عايزة مني حاجه وطلعت وقفلت الباب ف انا قولت مهما كان انا مادام وصلتلها الكلمتين بتوع ان انا زعلانه منها خلاص كل واحد يعمل باصوله وجبت المانجا وقشرتها وعملتها عصير وقولت اجهزهالها واحطها ف الشفشق وابعتهالها مع ابني يطلعهالها دلوقتي كده شايفين ان انا تصرفي صح ولا انا كده باجي على حساب كرامتي
+ 1 💬 message
read all
متبعتييييش
اشطا
+ 1 💬 message
read all
الجو بدأ يحلو عقبال حياتي
عكس معظم الناس انا مبجلدش نفسي خالص ،انا مخي عنده تبرير لكل غلطاتي والي هو ايه ده انتي عملتي كده مش مهم ادينا اتعلمنا ،كررتي نفس الغلطة تاني ؟ التكرار يعلم الشطار يسطا ولايهمك ، غلطة غبية ميعملهاش حمار ؟مش مهم بس كان ريسك جامد واتبسطنا، وحقيقي عندي سلام نفسي يكفي الكوكب كله.♥
زيفلي الإهتمام قلي إني بنحب"
+ 1 💬 message
read all
اكتشفت انى لما بحب حد بديله كل حاجة، كل مجهودى وكل طاقتى تقريباً، يمكن انا بحب بطريقة مختلفة شوية بتتميز بالعطاء، انا حبيتك؟ اذن انا هديك حب واهتمام ومجهود وطاقة ودعم واطمئنان وثقة وكل حاجه حرفياً، ممكن اطبق معاك يوم كامل اقعد احكيلك انتَ قد ايه شخص كويس ومميز أو عشان اطمنك ف يوم انت محتاج فيه انك تطمن، ممكن انزل معاك مشوار مهم بالنسبالك مهما كنت تعبانة بس عشان ابقى معاك ف اهم لحظات حياتك، مش نرجسية خالص والله بس فعلا يابخت اي شخص انا بحبه واتمنى الاقى حد يحبنى بنفس طريقتي❤
اتأكدت إن أكتر حاجة تستاهل ان الإنسان يفضل يدور عليها ويحارب عشانها طول عمره هي الراحة مش السعادة، إحساس السلام النفسي والبال الهادي اللي مش شرط خالص إنه يكون مصحوب بإنك طاير من الفرحة، هو اللي بيوصل لمرحلة الرضا اللي عندها الواحد بيبقي قادر يخلق سعادته من أبسط و أقل حاجة !
*مسم*
يارب وإياك ♥
