اكيد اللي بيمشي بدون اسباب واضحة ميستاهلش اننا نبقي عليه بس لو اللي مشي ده كان سببه انو شايف تقصير م اللي قدامه تحت مسمي مليش عزيز زي علاقة اتنين صحاب مثلا لو لقيتي صحبتك بايعاكي ومش باقية عليكي وهي ملهاش عزيز فعلا هل هتبقي عليها!
مفيش حد ملوش عزيز والله كل الناس عندها ناس عزيزه ع قلبها وغاليه عليها المصطلح مش صح وعايزه اقولك حاجه اللي بيحبونا وشبهنا مبيمشوش ومش بيسبونا نمشي ودول اللي يستحقو نقف عندهم اي حد تاني لازم وقتها نتجاوزهم بدون ادني اهميه لا ليهم ولا لوجودهم ف حياتنا ولا حتي خروجهم منها حتي لو هنبان ملناش عزيز وجايز الشخص اللي بتتكلم عنه ده يكون انت بتاذيه اصلا وانت مش واخد بالك عشان كدا مشي ممكن ميكنش حس انه ليه لازمه عندك ف مشي ممكن يكون شايف ان علاقتكم مش العلاقه اللي نفسه فيها ف مشي مش لازم اللي يسيب يكون هو الوحش واحنا الملايكه ممكن يكون. احنا اللي خلناه يمشي واحنا مش واخدين بالنا وممكن يكون هو نفسه مش عايز يبقي موجود ف علاقه من اي نوع وحقه بلاش مصطلح ملوش عزيز ده عشان غلط مليون ف الميه
كل مره بتعب بفتكر بابا كان بيعمل ايه اما كنت بتعب بفتكر بالتحديد قبل م يتوفي بفتره قصيره كان بعد العيد الكبير كنت تعبت جامد ومكنتش عايزه اروح للدكتور وراح جابلي علاج من الصيدليه وخدته ونمت وصحيت الساعه ٣ الفجر ريحاله اوضته لاقيته صاحي واول ما شافني قالي انا كدا ارتاحت انك بقيتي كويسه انام انا بقا كدا وانا مطمن عليك .. والحقيقه انا مشوفتش الطف من كدا ومش هقابل حد ف حنيته ابدا
مش ممكن يكون ده السبب اللي مخلي الناس تمشي من حياته (ان ملوش عزيز) بمعني ان وجود الناس ف حياته زي عدمها مش باقي ع حد ودي اكتر حاجة ممكن تأذي البني ءادم ان ميكونش ليه عزيز
بقولك ايه خلينا متفقين كدا ان اللي بيمشي ملهوش مكان ف حياتنا اصلا واللي يقرر يمشي يبقي هو احنا مش فارقين معاه من الاول والاحسن اننا نتحاوزهم اصلا بالنسبه بقا لفكره ملوش عزيز محدش ف الدنيا كلها معندوش عزيز بس هي بدرجات متفاوته ف بلاش نحط مبررات للناس اللي تمشي من حياتنا بدون اسباب واضحه ليه ولينا من الاول
بحترم جدًا جدًا الناس اللي بتقف مع اللي محدش واقف معاه الناس اللي في وسط أي قعدة بتاخد بالها من اللي محدش بيكلمه وتقعد تكلمه الناس اللي لما حد يعمل حاجة وكل اللي قاعدين يحرجوه ويقولو مش حلوة يردوا هما ويمدحوا في الحاجة دي أو يقولو أي كلمة حلوة تعدل الكفة الناس اللي لما يلاقوا مثلاً صحابهم بيتصوروا وكل واحد بيتصور مع صاحبه وسايبين واحد محدش بيقولوا إنه عايز يتصور معاه يقولولو إنهم عايزين يتصورو معاه ويحسسوه بالاهتمام الناس اللي لو حد من صحابهم صور صورة وطلعت مهزوزة مثلا والكل قعد يتريق عليه يروحو هما يقولوله إنها مش وحشة الناس اللي لما حد يعمل عشانهم حاجة بسيطة عشان يفرحهم مبيقعدوش يقللو من قيمتها بالعكس بيحسسوه انها حاجة كبيرة اوي عندهم ومواقف تانية كتير جدااا .. الناس دول دايما باخد بالي منهم في أي موقف" من سار بين الناس جابرا للخواطر ، أدركه الله في جوف المخاطر " 💙لاحدهم 💙