Ask @ReyamGargoom:

كان تبي ع الناس الي ضحت بأرواحها ف عرب امشرق جوكم بجرافات و حاربوا معاكم و الي داروه المصاريت مع بن وليد و تاورغا و طرابلس مادارش امعمر ف فكونا من دسكت الاغتصاب الي مافيش منها بكل و كان ع القابليه ليش جو للوادي الحمر يبوا ايخشوا ع راس لانوف و الهلال النفطي و جايين بالدم بش للخير

اولا انا من بنغازي
و فكرة أن أصلي مصراتي مش حا تغير من حقيقة أني نملك في الأرض هذي و ان هلي عمروها و أن جدودي دافعوا عليها !
و هذا تاريخ و مش قاعدة نتفاخر رغم ان يستحق الفخر لكن شخصيا مانحبش نفخر بشيء انا مش دايرته !
ثانيا
نحن ماكنش نحكوا على الناس يلي حاربت مع مصراته
اساسا الناس يلي حاربوا مع مصراته و على قولتك مشوا في جرافات لعند مصراته اليوم مصراته ردتلهم جميلهم بأضعاف مضاعفة و دزتلهم حتى هي جرافات سلاح يدافعوا بيه ضد الأزلام يلي في بنغازي
و اسألوا الثوار على الشي هذا !
ثالثا
لو أنت شايف ان المصاريت داروا العار في طرابلس فأنت تبي تعاقبهم بتاورغاء المجرمين فقولها بصريح العبارة
انا قلت خلوا خطابكم واضح
بس ابدا ما تلبسوش حقدكم و توجهكم السياسي بغلاف العاطفة
قولوا مانبوش مصراته لأنها قتلت معمر
قولوا نبو تاورغاء يردوا عشان نأذوا المصاريت بيهم
بس ماتقولوش عشان حرام تاورغاء خليكم صريحين اقل شيء
مانبش تكونوا منصفين هذا شيء بعيد عليكم
كونوا بس صادقين ٠

View more

اي مصراتي نصيحه مني ايتعلم السباحه من توا 😂

قريت كلمة مصراتي و خطر عليا شعر
الخيل و الفرسان في مصراتة
و الزين حازنه بنات اقماطة …
عموما انا مش فاهمه معنى السؤال بالزبط بس متأكدة أن النية متاع السائل مش صافية لذلك حابة نقولك نصحية علها تستقر بعقلك
أنظروا للموضوع بطريقة إنسانية بدون ما يكون لحقدكم على مصراته اي سلطان عليكم بدون ما تتذكروا أن لها دور عظيم في الثورة و بدون ما تفكروا بطريقة قبلية
عارفه ان الموضوع صعب خصوصا في مجتمع نصه لبز في عهد معمر و غطس يديه بالدم لذلك تضرر من موضوع الثورة
عارفه انه صعب لأننا مجتمع قبلي و نصنفوا في الناس على حسب أصلهم ولأن المصاريت لا عندهم تونسيه كتبوا معاهم ولا فيهم مصرية مسجلين بأسماء قبائلهم لأنهم صافيين فأكيده بيكون في حقد عليهم
بس نحن الفترة هذي في ثقافة اسلامية لا بأس بيها عشان تدثر كل الترسبات يلي ذكرتهن فوق
لذلك نبيكم تفكروا بإنسانية
أنت شخصيا لو كان عندك جارك قتل بوك و أغتصب اختك و شد عليك سلاح لمجرد أنك طلبت إسقاط رأس الفساد في بلادك
لو كان جارك دار فيك العار و طلبت من اهله أن يسلموه لك و رفضوا هل تقدر تأمن على روحك و تخليه يسكن بجنبك?!
فكروا بإنسانية …
بلاش تحيز سياسي و حقد قبلي على هيئة عاطفة
لو بجديات عندكم عاطفة راهي اولى انها تدر على اهل مصراته يلي باعوا ارواحهم في سبيل تحرير لبلاد من كلاب معمر يلي كانت تنهش في أي معارض …

View more

لما تبقى حاس روحك حايس ومشتت وكأنك تبي حاجة او تتمنى تلقى حاجة شعور مخلط مابين توق وإنتظار لكن لشيء غير معلوم لدرجة ان كل مكان تخشله او تمشييله تبقى تترقب ولا اراديا تبحت من الرواشن على امل انك تلقى شي ربما!لما تمشي في الطرقات تبقى تحاول تسلكهن كلهن لتلقى ضالتك شن الحل الامر مخليني مقصر بامور حياتي

لا تنتظر أن يأتيك مرادك طارقا الأبواب أو عابرا من النوافذ … !
قم و أسعى لأجله .

View more

السلام عليكم 💜✋

Rody_alhdad4
و عليك السلام ❤
جزء من مقال نزيييييك
( المرأة التي لا تتعامل مع بيتها على إنه ميدانها الذي يجب أن تظل راياتها فيه مرفوعة بالإحسان والترتيب .. الأثر الأول لجمال روحها بجماله ونظافته وتمام حاجات ساكنيه الذين يفقدون كثيرا من معاني الحياة بغيابها .. المرأة التي لا تفهم (بالفطرة السليمة) كل ذلك = اختل فيها كثيرا معنى كونها امرأة ! )

View more

شنو اسوء شعور حسيته

العجز .
في فترة الإمتحانات كان في كيف الحجاب بيني و بين المعلومات و كنت عاجزة عن الدراسة بطريقة توتر و تمرض و كل يلي كنت ندير فيه اني نتوسد الشيت و نرقد عليه و نغرق تلاته أربع ساعات 😴

View more

اني خاطري تدعولي عندي موضوع في بالي هو حلم حياتي وان شاء الله يااارب يتحقق يارب العالمين 🙏🏻🙏🏻🙏🏻بالله عليكم ادعولي

Marwa Rose
أوَ ما بَلغَك أن الدُّعاء يُصارع الأقدار ..
وأنّ ثَمّة دعاء من قوته وكثرة إلحاح صاحِبه وشدّة توسله يغلب أقداراً تنزَّلت و شارفت على الوقوع ..!
و أنّ ثمّة من يُتقنون الدّعاء بكثافة حتى تتنادى لدموعِهم ملائكة السماء !
إنّ الدعاء بعضٌ من إرادة الله .. فتعلّم كيف تفر من قدر يُرهقك إلى قدر خير منه .. و كيف تفر من رمادية الأيام الى ألوان الفرح ومـواسم الشـتاء .. وذلك فقط إذا علَّمت رُكبتيك كيف تجثو في الأسحار ..!
في ( لحظة ما ) ربما تُبعِثر الريح من حولك كلّ شيء .. حتى سقف بيتك .. لكنّها في الحقيقة تكون مأمورة بذلك ؛ فهي تعيد ترتيب كل شيء لك !
إن كلماتك في السُّجود .. تشتدّ كل ليلة كَسِياج .. حتى يتطاول لك البُنيان ..
وفي لحظة اكتمال .. سيبدو لك جليّاً أين كانت تذهب تلك الأنّات وتلك الدعوات ..!
ثق أنَّ الدعاء يعيد ترتيب المشهد

View more

Next