Ask @RimaR777:

أيوة 😂😂 ربنا يخليكي ويطول عمرك يارب 😍 حاضر بساعدها والله ❤️

شطورة مافي منك لولا طول الوقت ماسكه الموبايل وعم تتسلي 😒 هي زيادة تأكيد مشان أقطع أي بوادر شك بالنسبة لعمري 😆
مية السلامة فيك يا قمر نورتي 😘

View more

+2 answers in: “انتي فعلا مواليد 1975؟ 😳”

فهمت وجهة نظرك أيوه انا موجود يا ريما بس مشغول والله بين كورس وكليه وكان في مشروع من تلت اسابيع واخد كل وقتي :(

D.R brain
الله يكون بعونك مقدرة طبعاً هالفترة كلها ضغط بس إن شاء الله النتائج الحلوة رح تعوض عليك هالتعب كله <3

View more

+2 answers in: “شو اللي بنهي العلاقة برأيك”

يعني ايه خيانه معنويه او فكريه يا ريما؟ بالمناسبه, مفتقد أني افتح صفحتك واقرأ كلامك للغايه ♥

D.R brain
اهلاً يا دوك نيال مين واخدك مننا يا عم :D
مثلاً خيانة من نوعية يلي بتكتشف إن زوجها على وشك يتزوج للمرة الثانية وبتحسن تفركش الموضوع وتحس بانتصارها وإن كل شيء بأمان وكأن شريك حياتك عصفور لازم تسكر باب القفص لحتى ما يطير.. عرفت علي؟ لو روحه عم ترنو للخارج بس ضلان جوا القفص لأي اعتبار عدا محبتنا وقيمتنا -التي لا تُستبدل- عند بعض.

View more

+2 answers in: “شو اللي بنهي العلاقة برأيك”

شو اللي بنهي العلاقة برأيك

والله بتفرق حسب الناس وحدودهم وعتباتهم.
بالنسبة لي يمكن الخيانة (حتى لو كانت معنوية أو فكرية)، ولو تغيرت شخصياتنا وتباعدت بحيث صرنا على طرفي نقيض من الشخصين يلي ارتبطوا ببعضهم في البداية وما ضل قاعدة ولا إمكانية للبناء من جديد، في الحالة هي نطوي الصفحة ونحتفظ بالذكريات الحلوة أحسن ما نضل نسحب من رصيدنا لنفلسه 🤷

View more

+2 answers Read more

™™ مع او ضد...."افعالك الاخيرة جعلتني اعلم اني لم اكن اعني لك شيئا منذ البداية"؟

حسب الموقف بقا، بيجوز من البداية هو واضح بس أنت يلي كنت موهمة نفسك إنك بتعني شيء له، وبيجوز تغير مع الأيام وفترت مشاعره وما عاد لك قيمة عنده.. عادي هي مشاعر مالها محفورة بالحجر لتضل راسخة لمئات السنين يعني 🤷

View more

صباح الخير ضروري البنت مصيرها الزواج بهالمجمتمعات هذه؟

مساء الخيرات :)
عالأغلب نعم، ولكن لا يخلو الأمر من الاستثناءات، وكمان شايفة إن في تغيير بالعقليات -بيجوز مداه ضيق- بس ملموس.
من أعظم هبات حياتي إني ولدت بعيلة عطيتني كامل حريتي بالنقطة هي، وبتمنى بالمقابل ما حدا يتزوج إلا لأنه الخيار الصحيح لحالته مو لمجرد إرضاء مجتمع حشري ما بيعجبه العجب.

View more

🖤 ~|

ALI | H .♡
https://www.facebook.com/DaiRahmy/posts/10156192594010017
وأنا أريد أن أبكي
لأن.. لأن..
حسنًا،
أنت تعرف تمامًا لماذا
أعتقد أنني أهاتفك لأنك الوحيد الذي يفهم
كيف يكسر أمر كهذا قلبي.
.
لو تركت لك رسالة صوتية، ستكون هذه - شينجي مون -
ترجمة ضي رحمي ومن مختارات العزيز محمود ❤️

View more

طلبات الصداقة بتزعجك !!

بشكل عام؟ لا طبعاً بالعكس مثلاً الأصدقاء يلي تعرفت عليهم هنا بالاسك بكون سعيدة لو تابعتهم بالفيس كمان.
قصدي عالناس يلي ما بعرفها ولا في تواصل من أي شكل بيني وبينها وسبب احراجي هو إنهم يكونوا محسبين حسابي نشيط وأنا في الواقع ما بنشر شيء، ولا عندي استعداد أنخرط بشات وغيره مثلاً.

View more

+6 answers in: “™™فضفضوا باي مشكلة لموضوع صغير وبسيط”

انا ما بضيف حدا عالفيس عندي، بس بحكم انو بحط هون وهون تعليقات ومشاركات..بصير فيه شبه تعارف، الكل بحكيلهم انا ما بضيف حدا ..بس مع هيك بحسهم بنسو وببعتو طلبات!!! وبلغيها عادي واللي بدو يزعل يزعل #بخفف

الشيء المضحك إن الناس يلي بعرفهم بقلهم عادي ما رح أضيفهم لأن هاد حساب لارتاح وأفصل فيه عن الواقع، مثلاً أهلي وكل أصدقائي وزملائي بالعمل بيعرفوا ما رح أضيفهم.. عم طلع على كلامي وشايفه تفكيري ملتوي لأني مالي مهتمة بظن الناس يلي موضحة موقفي لهم بس البقية يلي ما بعرفهم هنن يلي مستصعبة الموقف معهم 🤦
ومتل مالك شايف يا كيجاني "أوفرتفكير" حتى بالمواضيع التافهة :D

View more

+6 answers in: “™™فضفضوا باي مشكلة لموضوع صغير وبسيط”

لا!!! لو ده الاصغر، ما يصح لي أعترض، يادوب أنزوي وأخاف.

لا ما بتهون علي خلص هي شكوى تفصيل على قياسك يا كيجاني :D
حسابي بالفيسبوك لمجرد متابعة الأصدقاء والناس يلي مهتمة فيهم بس ما بفكر اطلاقاً أكتب فيه أو استعمله لتوسعة قاعدتي الاجتماعية وكذا، بالاستناد على المعطيات السابقة هل يفترض أقبل دعوات الصداقة من ناس ما بعرفها؟ أنا معتبرته حساب هامشي وبنفس الوقت ما بدي حدا يظن إني متعمدة أتجاهله شخصياً.. 🤷

View more

+6 answers in: “™™فضفضوا باي مشكلة لموضوع صغير وبسيط”

كيف أزيد تقديري لذاتي و ثقتي بنفسي ؟

هي بعض الاقتراحات البسيطة للإضافة للأجوبة الجيدة يلي وصلتك:
امتنع عن مقارنة نفسك بالغير وافهم إنك بعمرك ما رح تعرف كل زوايا حياتهم ولا الصراعات يلي عم يمروا فيها وبالتالي دائماً رح يكون "العشب أكثر خضرة على الجانب الآخر من السياج" المقولة الشهيرة يلي أكيد سمعان فيها.
خليك واقعي ومُنصف لذاتك بحيث تقدّر نقاطك الإيجابية وتعالج السلبية، وتتعلم من كل المواقف يلي بتمر فيها وبالتدريج رح تزيد ثقتك مع تقدمك بالعمر.
الثقة لها عدة محاور ومستويات ومالها كتلة واحدة برأيي، بالتالي عالج مناطق القصور يلي حاسسها بنفسك بالتركيز عليها واحدة تلو الأخرى، مثلاً مالك ثقة بشكلك؟ العب رياضة واهتم بأناقتك.. ثقافتك قليلة؟ أقرأ واطلع وصاحب ذوي العقول النيرة يلي بيلفتوا انتباهك.. وهكذا دواليك.

View more

+1 answer Read more

كيف أقدر أحقق أكبر فائدة من الكتاب اللي بقرأه أي أحقق اكبر قدر من الفهم و أتذكر أكبر كم من المعلومات؟any tips please ؟

بشكل عام أنا بعتقد إن أي معلومة لو ما استخدمتها أو راجعتها بشكل متكرر رح تنساها.
بعد القراءة بهدوء وتمعن واستيعاب الفكرة من كل جوانبها، ممكن تسجل رؤوس أقلام للمعلومة وأفكارك عنها بحيث تحسن ترجع لها كل فترة لتنشط ذاكرتك، والشيء يلي بيفيدني شخصياً هو وقت بشرح المعلومة لشخص آخر وبناقشه فيها لأني من النوع يلي بيتذكر الحوارات وذاكرتي بتربط بين قعدتنا وكلامنا وبترسخ المعلومة بذهني أكتر.

View more

Next