Ask @Roaa691:

مــســاحــة 🖤💬🦄 °°°°

raghad.saleh99
-عادي منا كدا كدا بصلي يعني وأحسن من غيري-
-من أقذر وأسوأ الأشياء اللي حلت علينا فجأة لفظ "عادي"، تيجي تكلم حد عن أي حاجة بيعملها يقولك بكل لا مبالاة: يعم عادي مش حوار يعني..
-يعني مثلًا تقوله يعم أنت ليه بتسمع أغاني وموسيقى طول اليوم وأنت عارف إنها حرام، يقولك يعم عادي يعني ال5د دول اللي هيخلوا ربنا يزعل مني ويدخلني النار؟؟ تقوله يعم أنت ليه بتصاحب بنات وبتخرج مع بنات وعينك مبتسبش بنت إلا وتفندها من فوق لتحت وأنت عارف إن دا حرام، وهتتحاسب عليه، يقولك يعم عادي كلها كام سنة ونتجوز وطيش شباب بقى وشقاوة المراهقة وربنا يخليك لينا، تقوله طب ليه مضيع يومك كله في أفلام ومسلسلات كلها مسخرة، يقولك يعم دول ساعتين الواحد يفك فيهم عن نفسه وينفصل عن العالم الخارجي شوية، أنت هتشدد علينا بقى ولا إيه متسبنا نتمتع؟
-طب بعد كل المُتع المحرمة ديه، ليه يومك كله مفيهوش 5د تقرأ فيهم صفحتين مصحف؟ ولا تقرأ أي كتاب ديني أو حتى ثقافي؟ طب ليه بتصلي صلاتين من أصل خمسة؟ يومك فين وقتك فين علمك الشرعي فين؟
لا حياةَ لمن تنادي، ويكأنك تكلمُ أصمًا أو جمادًا، الناس بقت عايشة بمدأ أهو أدينا بنتنفس، يلا يوم ورا يوم شهوة ورا شهوة وهنموت يعني مش حوار.
-وطبعًا دا مش معناه إني خلاص أعصي ربنا براحتي لو أنا بعمل طاعات، بالعكس الطاعات تخليك تقلل معاصي وتحس بعظمة اللي بتعبده شيئًا فشيئًا، بس أنت زود الهمة.
-نفسي أعرف هنروح لربنا نقوله إيه؟ اتخرجنا بسلام من الكلية؟ ولا هنقوله خلصنا جيش وبنجهز في الشقة أهو؟
-فوقوا يا جماعة، إحنا هنا علشان نمشي مش هنفضل، اتقوا الله، اعرفوا إننا هنقف في يوم، نتحاسب وأعمالنا تتوزن، واللهِ يوم القيامة فقط بِأهواله كفيل إن الواحد يخاف من أي ذنب، لازم كل شخص يحاول يبطل أي معصية، إيه؟ متعة هتسبها؟ طب إيه المشكلة؟ بتبيع متعة أبدية بمتعة فانية؟ دا أنت بعد الأكل بساعة ممكن تنسى طعم الأكل اللي كنت بتريل عليه من ساعة؟ إمتى هنعرف إننا مينفعش نبقى في دوامة أفعال فقط، إمتى هنعرف إننا هنموت، هنموت والله وهنسيب كل اللي أنت شايفه دا، ومش لازم بعد ما نتجوز ونخلف ونبقى 80 سنة!!
ممكن دلوقتي عادي جدًا وياما بنشوف شباب كان بيقول فترة وهبتدي أبعد.. بس ملحقش.
-وختامًا، تدبروا قول الله تعالى:
"وَتَزَوَّدُوا فَإِنَّ خَيْرَ الزَّادِ التَّقْوَىٰ ۚ وَاتَّقُونِ يَا أُولِي الْأَلْبَابِ"
"وَجِيءَ يَوْمَئِذٍ بِجَهَنَّمَ ۚ يَوْمَئِذٍ يَتَذَكَّرُ الْإِنْسَانُ وَأَنَّىٰ لَهُ الذِّكْرَىٰ، يَقُولُ يَا لَيْتَنِي قَدَّمْتُ لِحَيَاتِي"
•فقدموا لحياتكم -الحقيقية- يرحمكم الله، واعلموا أن الله يراكم ولا يغفل عنكم ولو لثانية، واعلموا أنكم -مهما فعلتم- محمولون على آلة حدباء، ترابٌ تحتَ الأقدامِ يُداسُ.
#منقول♥️

View more

Next