Ask @SHOSHO_63:

.

ب سنة 2018 بشهر 12 "ديسمبر" ب 1 ديسمبر ، كنت قاعدة زهقانة بحصة العربي ، فبخربش عالكتاب زي دايماً ، وكتبت : 1/12/2018 وتحتها جملة "في ديسمبر تنتهي كل الأحلام".
وهاي الجملة هي اسم لرواية قرأتها زمان ، مش عارفة ليش كتبت هاي الجملة بالذات !
المهم ، بنفس اليوم ، لما روحت من المدرسة سمعت انو في وحدة عنا بالحارة ماتت ، وبعدها بكم ساعة انحرق مطبخ دار عمي فجأة..
بسنة 2019 بشهر 12 كمان صار اشي سيء ، وأعتقد كان التاريخ 22/12/2019 وكان آخر امتحان إلي بالفصل الأول من الجامعة وكُنّا بفصل الشتا ومطرت يومها وأنا مروحة من الجامعة وكنت مبسوطة ، مبسوطة كتير كتير ! عالساعة 12 او 12:30 صار الاشي السيء ، إلي انا ما عرفت انو صار غير بعد شهور..
وفعلاً انتهت الاحلام بهاد الشهر..

View more

+3 answers in: “.”

.

احنا يوم عيد الاضحى لازم الغدا يكون رز أصفر ولحمة وأنا دايماً بهاد العيد ما بتغدى بدري ، لازم انام ولما اصحى اتغدى ، لأني بكون ميتة نعس ، اليوم نمت تقريباً عال 11 ونص وما كان الغدا جاهز لسا ، وصحيت عال 5 تقريباً أو 4 ونص بس ما كان إلي نفس آكل اشي ، وحالياً هيني بتغدى 🤭.
بس أحلى اشي بالقصة انو نمت كتير وصحيت لقيت الايلاينر نفس مهو ولا نتفة ممسوحة 🤪💃💃💃.

View more

من هو أكثر مُعلم أو مُعلمة أثر عليك في المدرسة؟ ولماذا؟

هي معلمة وحدة فش غيرها
بس كسلانة اكتب اشي 🌚💔 لأنو الحكي كتيير ، بس بإختصار كانت تحبني واحبها وكانت تحكي للمعلمات عني ، كيف عرفت ؟ في مرة بصف تامن الفصل التاني بالامتحانات النهائية بعد امتحان العربي بيوم ، كانت هاي المعلمة قبلها بكم يوم تعبانة ورايحة عالمستشفى ، ف بنات صفي مجموعة منهن يعني حكوا بدنا نروح نسلّم عليها ونحكيلها الحمدلله عسلامتك وهيك ، ف حكولي بما انو انتي حبيبتها ف لازم تيجي معنا ، وانا كنت خجلانة اروح ، وخاصة انو كنت كاتبتلها حكي ع ورقة الامتحان النهائي قبل بيوم 🌚💔 المهم رحنا ف لما رحنا كانت قاعدة مع مجموعة من المعلمات واحنا بنسلّم عليهن في معلمة كانت بتدرسني وبتعرفني يعني ، نطت بتقول لسا هلقيت كُنّا نحكي عنك 😂 ، وانا ابتسمت كالعادة ووجهي صار احمر كالعادة 🌚😂 ف نطت صحبيتي بتقول : اه يعني غيبة ونميمة وبتضحك ، راحت المعلمة حكت : لا مش غيبة ونميمة لأنو هينا حكينالها انو كُنا نحكي عنها وكمان ما كنا نحكي اشي سيء ، كُنا نحكي اشي حلو ف هاي م بتتسمى غيبة ، وضلينا واقفين شوي عندهم ، وبعدين نادت علي المعلمة الي بحبها انو بدها اقرب عندها عشان بدها تقلي اشي بدهاش البنات يسمعن ، بس م حكت هيك بشكل مباشر ، ف رحت وقالتلي الاشي وحكتلي تحكيش لحدا من البنات يعني ، وقلتلها طيب ، ورجعت وقفت عند البنات وقعدنا نحكي شوي ، ف فجأة انا كنت دقول الاشي الي قالتلي اياه المعلمة وقالتلي تحكيش لحدا 🌚🤦‍♀️ هو انا مكانش قصدي بس اجا بسياق الحكي ، بس ما لحقت اقول ، لقيتها بتطلع فيي نظرات بمعنى انو انا لسا هلقيت حاكيتلك تحكيش لحدا 🌚! ف انتبهت انا وسكتت ومحكيتش الاشي 😂🤦‍♀️.
وبعدين خلص رحنا من عندهم .
طبعاً هادا موقف واحد من كتير مواقف صارت..

View more

الفكره المأخوذه عنك من الأشخاص حوليك ؟ 🌻

مش عارفة تماماً..
لأنو افكار الناس عني اكيد هتكون بتختلف من شخص لآخر ، حسب قربي من الشخص .
بس بشكل عام عند أغلب الناس ، هادية وخجولة ، قبل يومين بعتت ريكورد بصوتي وأنا بغني لجروب صحباتي من أيام المدرسة "الإعدادية" ، كلهن استغربن 😂🌚 انو يييي معقول هاي شهد الهادية ! مش مصدقيين 😂.

View more

حاول إوصف شعور معين حسيته بآخر كم يوم ؟

December
باليومين الي فاتوا حسيت بشعور زي لما يكون الشخص بالبحر وبعدها يروّح ، يعني الشعور الي بيجي بعد م يرجع عالبيت ، ولما يكون سابح بالبحر طبعاً ، مش عارفة اذا كل الناس بتحس هيك ولا بس انا ، المهم ، الشعور هيك عبارة عن دوخة وصداع ، بس مش زي الصداع الي دايماً ، الصداع الي دايماً بكون بألم شديد ، أما هالمرة صداع بألم خفيف جداً ، وشعور انك لسا قاعد بتسبح بالبحر ، بالرغم انك روّحت عالبيت من ساعات ، بس مع هيك حاسس انك لسا بتسبح .
مش عارفة اوصف الشعور بالزبط ، بس صرلو يومين ملاحقني هادا الشعور ، رغم اني مرحتش عالبحر اصلاً !
وكان شعور مزعج بالنسبالي..

View more

‏كيف فيروز كانت مش فارقة معها وهي عملت أغنية كاملة بس عشان تحكي انو مش فارق معها؟

مهي عملت هيك عشان تبينلو قديش هو مش فارق معها :) .
تعشق علي أعشق..ما بتعشق ما تعشق..مُش فارقة معاي ، مُش فارقة معاي .
تصدق معاي اصدق..ما بتصدق ما تصدق..القصة مش هاي ، مش قصة هاي.

View more

Next