@SUHAIb014

SUHAIb014

Ask me anything Follow
Ask @SUHAIb014

Sort by:

LatestTop

صهيب اني منتظر جوابك مشوش كلش وما اكدر احجي لاحد والشك كتلني ساعدني والله محتاج مساعدتك

ahmed
احمد اكون واضح وياك ممكن يكون شكك بمحله وتكون البنت صاحبة تجربة سابقة وممكن الموضوع ماله علاقة بتجربة سابقة وانما دتتصرف وياك بعفويتها وفطرتها الجنسية
هي البنت العزباء مو معناها ماعدها رغبة بهذا الجانب او ماعدها معلومات بهذا الجانب بالعكس ممكن تكون عدها رغبة كبيرة بهل موضوع وهاي الرغبة مكبوته ف لذلك تظهر الك بشغف بأول تجربة الها وياك
اني لو بمكانك ف مبدئيا ارجح الاحتمال الثاني وبنفس الوقت اخلي عيني عليها واحاول اسكتشف الموضوع من بقية تفاصيل شخصيتها واسقاطاتها بالكلام مع الاخذ بنظر الاعتبار محاولة معرفة سيرة حياتها اخر 5 - 7 سنوات قبل الارتباط

+ 2 💬 messages

read all
27
Liked by: R•O•S•E Khaled Ibrahim ꔚ Banosh alkhafaji ꔚ Lami3a زَينب Sanar ســـوكـــيے|| ᏕᏬᏦᏋ_ᏠᏦ 〢ĂLI - ĂR〢 ‏‏‏ ‏ Nh99 ☻ꪅ'ꪎꪝᤂɳ

Related users

dalalsamer5’s Profile Photo Dalal Samer
bwd39’s Profile Photo عبود عبود
fofo30461’s Profile Photo R•O•S•E
Khalidooov’s Profile Photo Khaled Ibrahim
roqiaaali’s Profile Photo Roqiaa Ali
rororora97’s Profile Photo Rūr
hussin__moner’s Profile Photo Hussin - حسين
hayoo_riyadh’s Profile Photo hayoo_riyadh
aymanzl11370’s Profile Photo aymanzl
Ayatsami_s’s Profile Photo Ayatsami_s

صهيب ليش لاغي خاصية الارسال من مجهول ، رجعها لو سمحت ما النا غيرك 😂

ayota_16’s Profile PhotoE S R A A
تفاعلي قليل بالاسك اخر سنة لذلك افضل الاسكات الي توصلني قليلة علمود اجاوب اكبر عدد منها
من افتح المجهول راح توصل اسكات هوايه وكثير منها مراح اشوفها " بالمناسبة هوايه اشخاص يدزولي بيوزراتهم ويطلبون مني اجاوبهم خاص او اجاوبهم بدون ما انزل يوزرهم " 💋
21
Liked by: R•O•S•E ꔚ Banosh alkhafaji ꔚ Sanar 〢ĂLI - ĂR〢 ‏‏‏ ‏ ☻ꪅ'ꪎꪝᤂɳ Dalal M U N T A D H E R hajer ∞ FτỚÓM ツ Omnia

شباب . من المسؤول عن سلوك الانسان وتعاملاته مع الافراد !!

shadow14355’s Profile Photoshadow
اكثر من سبب هو المتحكم بسلوكيات الانسان لكن بالتجربة لاحظت اكثر عنصر مؤثر بسلوكيات الانسان هو " المحيط "
كل انسان اله محيط اجتماعي يعيش بي ويبدي المحيط من الدائرة الاصغر الي هي العائلة اهله " امه وابوه واخوانه " ثم الدائرة الاكبر العائلة الاكبر " عمام وعمات وخوال وخالات واولادهم " ثم الدائرة الاكبر المنطقة " الجيران والاصدقاء والمدرسة " ثم المجتمع بشكل عام
الانسان يكتسب 80% من سلوكياته من هذا المحيط لدرجة اشوف مرات انو اذا كان المحيط جيد ف ماكو داعي تتعب بالتربية والتعليم لان المحيط هو راح يتكفل بتعليم الطفل السلوكيات الجيدة والعكس صحيح
الدليل :
ممكن نمشي بالشارع ونتعامل ويه اشخاص غربه بس من طريقة كلامه وسلوكياته راح نكدر نحدد بنسبة عالية انو هذا الشخص ممكن يكون من يا منطقة وهذا يأكد كلامي انو المحيط هو المؤثر الاكبر بسلوكيات الانسان .
بالعيد الاخير اتفقو عائلتي نروح للزوراء واني مستحيل اروح للزوراء بهيج مناسبة بس نسيبي كال انو هو كان قبل يوم هناك وكانت الزوراء فارغة ف وثقت بكلامه وقررنا نروح ومن دخلنا الله ليشوفج نوعية البشر الي هناك " مصاصين دماء " ف من الباب كبل كلتلهم خلي نرجع للسيارات وننحسب مستحيل نكدر نبقى هنا دقيقة
كان انتشار فضيع وزبالة ووساخة بكل مكان والمنتزه عبارة عن فوضى ف نسيبي كلي لتستعجل راح اخذك لمكان بالزوراء الجماعة ميندلو وراح تشوف بعينك الهدوء والنظافة
مشينا بالزوراء بحدود 20 دقيقة يلا وصلنا لهل جزء الي قصده نسيبي وفعلا كان نظيف جدا وهادئ واكو عوائل بي بس ناس مرتبة جدا
بهيج فرصة اني استغل الموضوع واسوي تجربة اجتماعية لنفسي يعني اخذ بيانات ومعلومات ف دنلعب بالحديقة ريشة وطوبة وشاركونا بعض العوائل وتقصدت اسأل عن مكان سكنهم وفعلا كانت الاجابات بنفس المناطق الي كانت ع بالي
هنا السؤال :
اول مدخلنا الزوراء يم الالعاب اكو بشر وبهاي الحديقة اكو بشر والصنفين جايين للمنتزه يغيرون جو شنو الي يخلي سلوك الاول سلوك سلبي وعبارة عن دنابك وركص ويوسخون بكل مكان ويتحرشون بهذا وذاك وشنو الي يخلي الصنف الثاني سلوكه ايجابي ونظيف بحيث كل عائلة وياهم اكياس فارغة مخصصيها للنفايات وحتى من يلعبون ماكو عياط وصياح وضحك عالي وانما كل عائله تشوفهم كاعدين بهدوء بيناتهم يسولفون ويلعبون بهدوء بدون اي تأثير سلبي على العوائل المجاوره الهم ؟
الجواب : " المحيط "
الصنف الثاني نشأ في محيط منضبط تعلم من خلاله الذوق العام والخلق الرفيع والنظافة وسلوكه داخل المنتزه انعكاس لسلوكه داخل بيته ف كان المكان المتواجدين بي الصنف الثاني نظيف وهادئ بينما الصنف الاول نشأ في محيط فوضوي وعبثي من خلاله متعلم على محددات الذوق العام ولا تربى ع خلق رفيع وهو بداخل بيته قذر ف حتما يكون بالمنتزه قذر لذلك المكان الي تواجدو بي الصنف الاول كان وسخ وسيء للغاية

View more

31
Liked by: Dalal Samer R•O•S•E ꔚ Banosh alkhafaji ꔚ Sanar 〢ĂLI - ĂR〢 ‏‏‏ ‏ ☻ꪅ'ꪎꪝᤂɳ Dalal M U N T A D H E R hajer ∞ Omnia

ليش الرجال (البعض) يضوج ويغار من المراه التشتغل ويحاول بكل الطرق يشوه صورتها ويطعن بيها

مو الرجال فقط وانما هي فطرة بشرية انو الانسان يتهجم على اي شخص او اي فعل يعكس فشله
ف اذا الرجل عاطل عن العمل ويشوف غيره يعمل سواء رجل او امرأة ف عمل الاخرين ينشط ذاكرته بخصوص الفشل الي عايش بي ف كرد فعل يبدي يتهجم او ينتقص او يقلل من اهمية هذا الانسان او العمل
29
10
Liked by: R•O•S•E Roqiaa Ali hayoo_riyadh Fadi.R ꔚ Banosh alkhafaji ꔚ 〢ĂLI - ĂR〢 ‏‏‏ ‏ Dalal M U N T A D H E R hajer ∞ Omnia

من تنامون تطفون الضوه لو تخافون🥴

hu_321’s Profile Photohussein_alkhafaji
متفرق ويايه من انام لا الضوه ولا الصوت ،، مستعد انام بالهدوء او بنص الفوضى ومستعد انام تحت الضوء او بالظلمة
اكو اشخاص من ينامون يحملون البشرية منية نومهم ويدخلون العائلة انذار انو هو نايم او ديريد ينام اني ماعندي هذا المرض

+ 1 💬 message

read all
22
10
Liked by: R•O•S•E Fadi.R ꔚ Banosh alkhafaji ꔚ 〢ĂLI - ĂR〢 ‏‏‏ ‏ Dalal M U N T A D H E R hajer ∞ Omnia Ayatsami_s aymanzl

صهيب انت تگول، الشعب اذا تريده يصير ادمي وفرله بيئة جيدة، طيب لو هو ادمي جان هو اللي سعى حتى يحسن بيئته وجان غير حاله بالتالي حتتغير حكومته بما يناسب استحقاقه ومستواه..ليش مخلين الحكومة شماعة لسوء الأوضاع، البطالة، الفقر..الخ، وليش منوجه اصبع الإتهام لنفسنا ونبدي نشوف شنو سوينه حتى استحقينا هالحكومة

لا مراح يكدر اي مجتمع مهما كان متحضر ان ينظم نفسه ويكون ادمي بدون " سلطة الدولة "
سلطة الدولة تمثل " القانون " الي يخضع اله الجميع وبالتالي راح ينفرض النظام ع الجميع " برغبتك او دون رغبتك "
بالمناسبة المجتمعات الاوربية لو رفعنا عنهم سلطة الدولة راح تلكيهم همج رعاع حالهم من حالنا
الفرق بينا وبينهم انو هم عدهم سلطة القانون والدولة ع مستوى عالي واحنه عدنا سلطة القانون سلطة ضعيفه
طبعا الي يقوي القانون هي ادوات الدولة التنفيذية وراح تكوليلي لعد ليش الشعب ميختار حكومة قوية ؟
الجواب : لان اعتاد على التسيب
قدمي على تجديد جواز السفر وخلي ضابط الجوازات يكلج انو السره مالتج بعد اسبوعين او بعد شهر " نظام "
بشكل لا ارادي راح تكومين ادورين ع واسطة علمود تضربين النظام والقانون " بلا وعي راح تتوجهين لهذا التوجه لان عقلج تبرمج ع التسيب والا نظام "
اكو مدرسة جيدة جدا يمكم بس ميقبلون ابنج بيها لان ضمن الرقعة الجغرافية ابنج يستحق ينقبل بالمدرسة الاقرب لبيتكم بس المدرسة الاقرب مستواها مو هلكد وانما الابعد شوية هي افضل وجيرانج تكلج اني اعرف مديرة المدرسة هم بشكل لا ارادي راح تكوليلها دخابريها واحجيلنا وياها بلكي تقبل ابني يمها " ضرب النظام والقانون
رحتي دتبيعين سيارتج وطلعت عليج غرامات مرورية بقيمة 500 الف واجاج ضابط بالمرور كلج انطيني 75 الف واوكعها الج ما اخليج تدفعين غرامات اكيد راح تدفعين 75 بدل 500
وغيرها وغيرها من مئات السلوكيات اللانظامية الي انتي واني وغيرنا وغيرنا اعتدنا عليها صار سنين ف مستحيل بعد نتقبل حكومة قوية وصارمة تفرض القانون لان تعودنا على نظام الفوضى
ضيفي عليها هوايه ناس ممستوعبه هذا الشي وتروح تنتخب شخص يمثل عقيدتهم الدينية لان كل ظنهم الحياة وردية اذا الحاكم من دينهم او مذهبهم او قوميتهم واكو هوايه مسببات تجعل العراقي ينتخب خطأ وهو بأعتقاده دينتخب صح
خلي يكون بعلمج اغلب الصنف الي يكرهون صدام مو لان صدام اذاهم اذية مباشرة وانما فقط لان بزمن صدام كان انو نظام وقانون صارم ميسمحله يمارس الفوضى واذا واحد من اهله مارس الفوضى وانسجن او انعدم ميجي يكول فلان من اهلي كلب ابن كلب وانما يكول صدام كان مجرم
مو بس صدام حتى الحجاج بن يوسف الثقفي العراقيين يتخبلون من ذكر اسمه ليش ؟ لان قبل ميجي الحجاج كانو العراقيين عايشين حياة فوضوية ومن وصل الحجاج وفرض عليهم النظام والقانون تخبلو منه وكذلك هو بنظرهم مجرم
اي واحد راح يفرض القانون والنظام ع هذا الشعب هو مجرم وطاغية ! لذلك الشعب حريص كل الحرص انو تكون السلطة ضعيفه والقانون ضعيف
صحيح تشوفيهم يكتبون بالسوشل ميديا نريد دولة قوية ونريد حاكم عنده هيبة ونريد قانون بس الله وكيلج دخلي تجي هل دولة الي يطالبون بيها بأول فاتورة كهرباء حقيقية راح يكفرون بالدولة
تخيلي هسه تدفعين اجور كهرباء تكاد تكون شبه رمزية ويعتبر العراق من ارخص دول العالم بأجور الكهرباء وهذا نتيجة ضعف الدولة ف تجي دولة قوية واحد اجراءاتها انو تسعر الكهرباء تسعيرة منطقية وتكون صارمة بجباية اجور الكهرباء وتبدي تجيكم فواتير 200 او 250 الف راح تلعنون ام الدولة وتسبوها ليل نهار مع العلم انتو حاليا تدفعون نفس المبلغ لابو المولدة وعادي وانتو الممنونين بس للدولة لا تصير صعبة مااكدر ادفع
مراح يجي الشعب من حالة يكول حياتي سهلة يلا خلي اسوي حياتي صعبه حتما هل شي مراح يصير
لان معروف القانون والنظام بي هوايه محددات تجعل مو كلشي بالحياة ممكن وهل شي ميناسب العراقيين لان همه يريدون حياة كلشي بيها ممكن بالواسطات والفلوس والاساليب اللانظامية

View more

26
20
Liked by: R•O•S•E 〢ĂLI - ĂR〢 ‏‏‏ ‏ hayoo_riyadh Dalal M U N T A D H E R hajer ∞ Omnia Ayatsami_s ♔ NOOR ♔ Zena ~ التكريتي ™

صهيب اني مخطوبة من بعد علاقة قصيرة ( اول لقاء وجه لوجه بيناتنا عرض علية الزواج ودز اهله وتحدد موعد عقد القران كل هاي الاحداث صارت خلال شهرين تقريبا ) وتم العقد ولبسنا الحلقات وكلشي تمام .. فجأة ام خطيبي عارضت هذا الزواج بدون سبب !! بعد ما هلهلت وفرحت وشبعت ركص ومجان عدها اي اعتراض ..يتبع

Teba Alsaraj
ي ؟
18
Liked by: Ayatsami_s 〢ĂLI - ĂR〢 ‏‏‏ ‏ hayoo_riyadh Dalal M U N T A D H E R hajer ∞ Omnia aymanzl ♔ NOOR ♔ Nabaa

تكملة .. من يسألوها عن السبب تنطي حجج سخيفة ( مثلا بيوم الحفلة دا اوكل خطيبي كيك وابن اخته الصغير كاعد بحضنه واني موكلت ابن اخته 🤣) .. المهم اسبابها تافهة وكامت تسوي مشاكل وتكله لخطيبي روح تزوج اني ما احضر زواجك وماراضية عليك وبناتها من يحجون وياها بالموضوع تطردهم لو تتعارك وياهم .. يتبع

Teba Alsaraj
ي ؟
16
Liked by: Ayatsami_s 〢ĂLI - ĂR〢 ‏‏‏ ‏ Dalal M U N T A D H E R hajer ∞ Omnia aymanzl ♔ NOOR ♔ Nabaa Lawyer Abd Elwahab

المشكلة خطيبي وحيد اهله وخواته متزوجات وجان المفروض نكعد بالطابق الثاني ببيت اهله بس بعد الي دتسوي امه كلش صعبه اعيش وياهم نفس البيت وهو ميكدر يترك اهله لان معتمدين عليه ..هالمشكلة اثرت ع علاقتنا وحالة خطيبي النفسية وحالتي صارت زفت لان امه مو بس قافلة وانما تصرفاتها مال انسان مو طبيعي بس ينذكر اس

Teba Alsaraj
ي ؟
13
Liked by: Ayatsami_s 〢ĂLI - ĂR〢 ‏‏‏ ‏ Dalal M U N T A D H E R hajer ∞ Omnia aymanzl ♔ NOOR ♔ ضي كاظم Bashar Nabeel

بس ينذكر اسمي تتخبل وتتعارك وياهم !! والدي التقى بخطيبي وكله انطيك وقت تفكر وتحسم قرارك ممستعد ابقي بنتي بهذا الوضع مع انو والدي مقهور عليه لان صار بوضع بين المطرقة والسندان وجديات ماعرف شنو اتصرف ولا هو ديعرف شنو يتصرف ..امه قافلة لدرجة محد ديكدر يأثر عليها ويقنعها

Teba Alsaraj
لهذا السبب اني دائما اكول خطوة الزواج لازم يكون الانسان مهيأ الها والاستعداد هو القدرة على التصرف بمختلف الاحتمالات الممكنة الحدوث
هو بشكل عام اي خطوة بالحياة يسويها الانسان لازم يكون مستعد الها بس راح اركز ع الزواج لان سؤالج بخصوصه ولان هو يعتبر من اهم المشاريع الي ينفذها الانسان بحياته
مشكلة خطيبج تكاد تكون مطابقة لمشكلة صديق الي هم راد بنيه وهو عايش ويه امه فقط بحكم والده متوفي وعنده اخت تعاني من مرض التوحد
ف بالبيت بس هو وامه واخته ومن اخذ رأيي بالزواج كتله انت بعدك ممستعد ! ف كلي شلون ممستعد ؟ بيت عندي كبير وسيارة وعمل وراتبي خير من الله
كتله لتكول عندي بيت لان هذا بيت امك مو بيتك ومن تتزوج راح تكون انت ومرتك رهين مزاجيات ماما وخاصة واني امه اعرفها حق المعرفة لان عشرة سنين صح هي انسانة حبوبة كلش وشقاوجية وتنحب وعدها مواقف ويايه ايجابية جدا باوقات جنت محتاجها بخدمات ومقصرت ويايه بس هذا ميمنع انو هي طباكات وعدها خبالات تطلع فجأة
وفعلا مشه بقراره واثناء الخطوبة تعاركت امه ويه اهل خطيبته لان رجعت من الحج ومجوي عليها باركولها بشكل سريع وهمه اهلها جانو يتنظروها ترتاح كم يوم وبعدها يقومون بهذا الواجب الاجتماعي المهم قفلت عليهم وطردته
صديقي انطرد من البيت حتى قبل ليتزوجها ! كدر براتبه يأجر بيت صغير بس وبعدين ؟ فلوس الاثاث منين ؟ فلوس الزواج منين ؟ اداين من اهل مرته فلوس الاثاث وكانت الخطوة الخطأ رقم 2 واداين منا ومنا فلوس الزواج وتزوج
عاش سنوات صعبة بعد الزواج لان مديون هوايه فلوس بالاضافة اهل مرته هم شويه صارو يعيرو بكل مشكلة ع لوما احنه انت متكدر تزوج
كل هل تفاصيل صارت نتيجة افتراض خاطئ انو بيت امه هو بمثابة بيته وهذا خطأ كارثي
بيت اهلي يبقى بيت اهلي وبيتي يبقى بيتي ولازم نكون دقيقيين بالتسمية والوصف لان احنه بوقت ماكو مال فلان بمثابة مالي لا يبقى مال فلان لفلان ومالك الك بغض النظر فلان منو يكون اب او ام او اخ او اخت !
بالنسبة لحالتك ف خطيبك راح يعاني بالاضافة انتي راح تعانين ،، العيش ويه هيج ام هو بمثابة انتحار بالنسبة الج وموضوع معقد بالنسبه اله
هو الولد ممتمكن ماديا لان لو كان متمكن ماديا ميعيش ويه اهله حتى لو هو وحيد اهله
اني هم وحيد لاهلي وعادي اخذت مرتي وابني ورحت لتركيا ،، كالولي تعوف اهلك ؟ كلتلهم بيني وبين اهلي تلفون و ساعتين ونص طيران يعني لو حصل اي طارئ الصبح خلال ساعات اكون يمهم
ف موضوع وحيد الاهل مو عذر هذا وانما عدم التمكن المادي هو السبب وبالتالي الي ممتمكن ماديا ميتزوج
لازم تكون عندي المادة الي توفرلي عدة خيارات بالقرار ما اكون محصور بخيار واحد
لو كنت اني قريب عليكم كان اقنعتك واقنعته بفسخ الخطوبة لان ماكو مناخ صحي لنشوء الزواج لا هو قادر ع توفير هيج مناخ ولا انتي او هو تستحقون الزواج والعيش بمناخ قلق ومضطرب وفوضوي
اسعد الاشخاص بالحياة هم الي يتخذون قراراتهم المصيرية بناءا على وصايا وارشادات العقل واتعس الاشخاص بالحياة هم الي يتخذون قراراتهم المصيرية بناءا على الاندفاعات العاطفية
اذا مو لخاطر نفسج ف لخاطر اطفالج مستقبلا مو ذنبهم يعيشون في بيت مشاكله كثيرة ونزعة الام واضحة انو هاي حرب مشاكل الها بداية مالها نهاية وبالمناسبة الاطفال وشخصياتهم بالطفولة جدا جدا تتأثر بالمشاكل لذلك تلكين اغلب العراقيين عدهم عقد نفسية لان متم مراعاة هذا الجانب في طفولتهم ف خلي يكون عندج نكران ذات وقدمي مصلحة اطفالك ع عواطفك ورغباتك الشخصية

View more

26
140
Liked by: hayoo_riyadh Ayatsami_s Athra’a 〢ĂLI - ĂR〢 ‏‏‏ ‏ ✨Saro91osh✨ Dalal Omnia aymanzl ♔ NOOR ♔ NADA ⩸

ما الذي يخطر في بالك عندما ترى فتاة باردة وهادئة جداً وصامتة في أغلب الأوقات

hfrh3119’s Profile Photo❤️ＲＯＺ❤️
راح تجذبني بالوهلة الاولى بس بنفس الوقت راح اعرف الاستمرار وياها مستحيل لان الهدوء والبرود هذا ممل جدا بالاستخدام وما احب الحياة المملة

+ 1 💬 message

read all
25
100
Liked by: Roqiaa Ali Ayatsami_s Omnia aymanzl ♔ NOOR ♔ FτỚÓM ツ Lawyer Abd Elwahab ꔚ Banosh alkhafaji ꔚ OSAMA || أسـامـة عقيل deena

Next

Language: English

4.1

1,266,418 reviews
© Ask.fm 2023