@SUHAIb014#77 🇮🇶

SUHAIb014

Ask @SUHAIb014

Sort by:

LatestTop

صهيب هسه انت تعتبر كلش متفتح بس شعجب زوجتك ما تطلع الا انت تكون وياها مثلا اذا تروح للمول تشوف صديقه انت لازم تكون وياها ويا صديقتها حتى من تروح لاهلها انت وياها وخواتك هم نفس الشي ؟ شعجب رغم انو جان بمنتصف العشرينات يعني مو صغيره

تصدكيني اذا اكلج كلامج غير دقيق وثرثرة فاضية مالها اي وجود ؟
واذا عندج ما يثبت كلامج فوتي ب عيني اشجعج ع هل شي ☺️
مو كلتلكم اطلعو وحدكم هسه زين سحلتوني وياكم وجبتولي الحجاية هههه
@janaljashamy
@fatmahussein70
@dede_iq2

+ 1 💬 message

read all

صهيب اني احب شخص سوري مقيم بالعراق حاليا احنا بعدنا ببداية العلاقة بس خايفة اذا اختلاف الجنسيات يأثر بالمستقبل ف اريد رأيك من ناحية اختلاف الجنسيات نكدر نتوافق لو اخاف يحن لبنات بلده بعدين رايك يهمني

الولد مهاجر من وطنه نتيجة الحرب وجاي للعراق يشتغل وبطريقه لكه وحده مثلج ف وين المشكلة هم شغل وهم ونسة !
لو منتظره فترة مچان دزيتلي هذا الاسك لان وقتها ميكون اكو داعي اله بس انتي هوايه استعجلتي ☺️

+ 2 💬 messages

read all

Related users

هسه برايك ليش اغلب شيعة من تنخة احد من ال البيت ينول مراده اريد تفسير منك ؟

منو كلك أغلب ؟ بالاخير لا اني ولا انت نعرف كل الشيعة ونعرف كل واحد بيهم كم مره ينتخي اهل البيت ونعرف هل تم الاستجابة او لا ؟
البوذي بالصين من يعبد بوذا ف اكيد هو مدا يعبد اعتباطاً ! هم اكو طالب بوذي بكلوريا يروح يوكف كبال الصنم ونتخي الصنم يكله اريد مجموعة طبية وياخذ مجموعة طبية
وهم اكو اولاد ياخذون امهم العجوز المريضة لبوذا ويكولوله يا بوذا نريدك تشفيها وعادي بعدها امهم تشفى
وهم اكو واحد مديون ومطلوب وعايش بضيق ويروح لبوذا يطلب الرزق وتنفك ازمته !
يعني تعتقد اليابانيين والصينيين والهنود وغيرهم زمايل من يعبدون بوذا ؟ غير هم شايفين بوذا ديحققلهم مرادهم من يزورون معابدهم او كذلك الي يعبد البقر او الشمس او النار ... الخ
لذلك تحقيق الطلب مو معناها انو عقيدتك صحيحة لان الرب جاوب ع هل موضوع بشكل واضح :
قوله تعالى " واذ زين لهم الشيطان اعمالهم وقال لا غالب لكم اليوم من الناس "
يعني الشيطان من ديشوف الصيني ديكفر بعبادته ف علمود يخلي يستمر بالكفر او الشرك يحققله طلباته ف المواطن الصيني المسكين يعتقد انو بوذا هو الي حققله طلبه بينما بالحقيقة الشيطان هو حققها " يزين لهم اعمالهم " يعني يخليهم يعتقدون انو اعمالهم صحيحة وانو كفرهم صحيح وانو شركهم صحيح او بالاحرى ميخليهم يشعرون انو هم ديشركون او يكفرون
مع هذا اني مستعد نسوي تجربة عملية للموضوع هذا ونجيب 50 شخص مو عادي وانما 50 شخص شيعي ملتزم ونروح لأي ضريح همه يختارو ويطلبون مرادهم بس يكون المراد معلوم بالنسبة النه يعني نعرف كل واحد شنو طلب وبعدها نشوف من ذولة ال 50 كم واحد راح يتحقق طلبه ؟
لو كان الموضوع اغلب مثل متكول ف رجال الدين مو زمايل چان جابو فضائيات وقنوات تلفزيونية وتصوير وتعالو شوفو احنه اغلب الي يطلبون مراد يتحقق مرادهم
بس رجال الدين مغلسين لان يعرفون الموضوع محض الصدفة لا اكثر ولا اقل او ممكن يتحقق المراد بس مو بسبب الطلب وانما نتيجة اسباب اخرى او ممكن الشيطان هو من يحقق هذا المراد علمود يجعلهم مستمرين بالشرك
صهيب ليش تكول شرك ؟ اي نعم شرك لان من تقرأ فاتحة القرأن ف الرب صريح جدا وواضح بهل موضوع
قوله تعالى " الحمدلله رب العالمين ،، الرحمن الرحيم ،، مالك يوم الدين ،، أياك نعبد وأياك نستعين "
تعرفين شنو معنى " أياك نستعين " ؟ يعني الاستعانة والطلب لا يوجه الا لله حصرا فقط فقط فقط وعدا هل شي يعتبر شرك !
الشيطان مستمر ب تزيين الاعمال ،، يسهل على شارب الخمر الشرب ،، يسهل ع الزاني الزنا ،، يسهل على القاتل القتل ،، يسهل على المشرك الشرك ،، يسهل على السارق السرقة ... الخ من اعمال تزيين الاعمال 💋

View more

صهيب اكثر بشر بالدنيا احبه ك شخصية واسلوب الله يحفظلك عائلتك واولادك يارب + عندي سوال اذا شاب عراقي عايش بالمانيا شكد ويريد يتزوج بنت من العراق شكد تاخذ اجراءات الزواج ك معاملة وهالامور

تسلميلي حبيبتي 💋
والله معشت بألمانيا ولا قررت اتزوج بنت من العراق علمود اكدر اجاوبج ع هيج سؤال !
بس عندي معلومة من اختي هي عايشه بألمانيا انو الاجراءات الحكومية بالمعاملات في المانيا بطيئة جدا جدا جدا لدرجة تخيلي تكول المعاملات بالعراق تخلص اسرع مما بألمانيا بس هي دتحجي عن معاملات بشكل عام مو عن معاملة زواج وزوج يسحب زوجته
بس حتما بموضوع الدعوة وهيج تفاصيل الموضوع يكون اكثر تعقيد وياخذ وقت اطول ولو يصير لو لا هاي كمعلومات عامة !
يعني عندي صديق ابغداد تزوج بنت عراقية عايشة ببريطانيا وعندها الجنسية هي واهلها ف قررت تسحبه يمها لبريطانيا
اجتي للعراق وتزوجو وكلشي ع حسب الاصول ورجعت هي لبريطانيا علمود تمشي باجراءات الدعوة استمر الموضوع سنة وفشل وبعدها المحامي مالها هناك كللها خلي زوجج يسافر لماليزيا مناك الاجراءات اسهل وفعلا الولد هم بناءا على طلب منها سافر لماليزيا علمود مناك يتواصل ويه السفارة البريطانية ويكلمون الاجراءات وبقه بماليزيا سنة ونص والعملية كذلك فشلت ف انتهى زواجهم وطلكها لان لا هي تكدر ترجع للعراق ولا هو يكدر يدخل بريطانيا ف القصد انو لتعتقد الموضوع خلص مدام تزوجنا ف الدعوة محسومة 100% والموضوع بس وقت !
اكو حالات يتم رفض الدعوة واكو حالات تمشي بسرعة واكو حالات تمشي بس تاخذ اشهر او كذا سنة وكل حالة والها طبيعتها والتفاصيل مااعرفها

View more

+ 1 💬 message

read all

صباح/مساء الخير صهيب اني اهلي شيعة من الطرفين واكو بنيه سعودية كاتبة بالفيس ليش تلطمون على الامام الحسين عليه السلام هذا ولدنا مو ولدكم وصار نقاش بين اهلي واخويه كال لو الامام منهم جان حزنو عليه باستشهاده وسؤالي ليش السنه ميحزنون خاصتا سنة السعودية ومعلوماتك بخصوص طائفة النواصب وعددهم شكد بين السنه

سجلي يمج :
واحد : البنت السعودية كلامها دقيق وهي مكذبت مو كالت ( ولدنا مو ولدكم ) فعلا هو ولدهم لان هي سعودية انولدت بأرض الحجاز والحسين كذلك قبل 1400 سنة انولد ب ارض الحجاز يعني الحسين حجازي الاصل
مثل ما هسه عائلة عراقية تهاجر لامريكا وياخذون الجنسية الامريكية بس هذا ميلغي حقيقة انو همه عراقيين الاصل حتى لو انجبو طفل بامريكا هم هذا الطفل يعود لأصوله واجداده ف يقال امريكي الجنسية والمولد ولكن هو عراقي الاصل !
ثنين : الحسين رمز ديني ومدام رمز ديني ف هو يعود لكل المسلمين لذلك هو زعيمنا كلنا وانتبهي من تحولنا من الجانب الاجتماعي للجانب الديني هنا صار كلام البنت السعودية غلط ! لان بالجانب الديني مينحصر الانسان بالارض او التربة الي انولد عليها وانما هو يمثل كل اتباع هذا الدين بمختلف اراضي الكوكب وكذلك يتحول الحسين من ( ولدنا ) الى ( زعيمنا ) لان بالجانب الديني الحسين زعيم مو ولد وزعيم كل مسلم سواء مسلم سعودي او عراقي او افغاني او تركي او اوربي .. الخ
ثلاثة : عند السنة شخصيات اهم واعلى من الحسين وانقتلو كذلك غدر ومع هذا السنة ميحزنون عليهم مثلا " عمر ابن الخطاب " او " عثمان بن عفان " وهاي الشخصيتين عند السنة هم اعلى مرتبة بكثير من الحسين ومع هذا مفد يوم شفنا سني ينوح لمقتل عمر او عثمان ف هذا يوصلج لنتيجة انو مذهب اهل السنة والجماعة مابي هاي السلوكيات والممارسات مو بس مع الحسين وانما مع الجميع وحتى سيدنا محمد هم مفد يوم شفنا سني حزين بوفاة النبي وهذا الموضوع بي تفاصيل عقائدية ماكو مجال اشرحها الج هسه بس اخذيها ك عنوان هم بعقيدتهم ميمارسون الحزن ع استشهاد او وفاة الجميع سواء الحسين او عمر او علي او عثمان اي كائن من يكون ف من تشوفيهم ميحزنون على الحسين مو معناها هم يكرهون الحسين لان كذلك هم ميحزنون ع عمر ف هل معناها هم يكرهون عمر ؟
ثلاثة : ماكو طائفة اسمها النواصب ،، السنة عدهم 4 مذاهب وكل المذاهب الاربعة السنية يحبون ال بيت النبوة ويمجدوهم ويعتبرون اهل البيت من رموز الاسلام
النواصب او الناصبية هي فئة ظهرت في مرحلة زمنية واختفت وكانت هاي الفئة تشهر الحقد والكراهية لأل بيت النبوة واكو خطأ تاريخي عظيم انو كثير يعتقدون انو هاي الفئة هم بني امية
نعم بني امية مچانو على صلح مع احفاد ال البيت بس بنفس الوقت مچانو هم الاكثر عداوة الهم لان كان بذاك الزمن من هم اكثر عداء مع ال بيت النبوة من بني امية
الاكثر والاشد عداء لبيت النبوة كانو شيعتهم نفسهم " معلومة صادمة مو ؟ "
اي نعم من تقرين التاريخ من مصادر نظيفة ومحايدة راح تعرفين صورة ما اكول حقيقية 100% لان مستحيل التاريخ يوصل بشكل دقيق 100% بس تكدرين تقتربين من الحقيقة جدا
مثلا : الي قتل الحسين بالاساس هم 3 رجال واحد صدر أمر القتل والثاني نفذ عملية القتل والثالث مثل بجثة الحسين الطاهرة
تصدكين هل ثلاثة كانو ثلاثتهم من شيعة اهل البيت ؟ ثلاثتهم بمعركة صفين الي حصلت بين علي ابن ابي طالب وبين معاوية هل 3 رجال كانو مع جيش علي ضد معاوية وكانو يعتبرون من شيعة علي !
معركة صفين سبقت معركة الطف ،، ف تخيلي الي وكف ويه علي ابن ابي طالب بمعركة صفين وكله احنه شيعتك واحنه انصارك واتباعك بعد سنوات نفسهم قتلو ابنه الحسين
ف 3 من الي كانو شيعة علي وضمن جيش علي في معركة صفين هم الي قتلو ابنه الحسين
لذلك النواصب هم فئة تاريخية ظهرت بمرحلة زمنية تحت ظروف معينة وانقرضو ! بوقتنا الحالي ماكو نواصب ع الاطلاق
هسه ممكن نصادف كم شخص يكره اهل البيت هذا ممكن كـ افراد بس ك مجاميع منظمة او طوائف او مذاهب نواصب ماكو

View more

+ 7 💬 messages

read all

ادعوا لي رب العباد يكتبلي حبيبي ومن قسمتي ونصيبي ويجمعني بي بالحلال ونتزوج اني وياه ومايحرمني منه فدوه دعاء الغريب مستجاب بحق هذه الشهر وبحق محمد وآل محمد 😔🙏🏻🥺

اقسم بالله لو الموضوع يم الرب كان دعيتلج بس الله مطلع نفسه من هل موضوع ومو يمه لا من قريب ولا من بعيد
تريدين الدليل ؟
قوله تعالى " ضرب الله مثلا للذين كفروا امرأة نوح وامرأة لوط كانتا تحت عبدين من عبادنا صالحين فخانتاهما فلم يغنيا عنهما من الله شيئاً وقيل ادخلا النار مع الداخلين "
زين بالله عليج لو الرب مدخل نفسه بموضوع الزواج ف كان الاجدر الرب يختار للنبي نوح وللنبي لوط زوجات صالحات !
الرب بنفسه ديكول انو نوح ولوط كانا عبدين من عبادنا الصالحين يعني ديقر انو همه صالحين ومنحهم النبوة
بنفس الوقت ديقر الرب انو زوجاتهم خانوهم والمقصود خيانة العقيدة مو خيانة الجسد ،، يعني نسوانهم متبعو ازواجهم بالعقيدة والايمان
ف كيف الرب يختار للانبياء زوجات فاسقات كافرات فاسدات ؟ لو كان موضوع اختيار الزوج والزوجة بيد الله ف كان الاجدر يختار الله لكل من النبي نوح والنبي لوط زوجة صالحة جيدة ،، المنطق هيج يكول مو اني صح لو لا ؟
ف بالله عليكم عوفولنه موضوع القسمة والنصيب لان اكل الدهر عليها وصار عيب نحجي بهل تفاهات الي ورثناها من اهلنا !
قبل ايام اسأل امي بشكد هسه غرام الذهب ؟ تجاوبني تكلي المثقال بكذا !
كلتلها امي دا اسأل ع الغرام مو على المثقال ،، تكلي اي اخذ المثقال قسمه على 5 يطلعلك سعر الغرام
كلتلها من انتو تدرون يتقسم على 5 شكو تسألون على سعر المثقال وبعدها تقسمو على 5 علمود اطلعون سعر الغرام ؟ كان الاجدر من البداية تسألون على سعر الغرام علمود توفرون على نفسكم جهد التقسيم !
تعرفين شنو جوابها الي ؟ احنه من قال وبلا نسأل على المثال من وعينا على الدنيا نعرف انو نسأل بالذهب على سعر المثقال
كلتلها وبعدها تقسمون على 5 مو ؟ كالت اي كلتلها ليش ؟ كالت دنطلع سعر الغرام ف ضحكت كلتلها اي مهو من البداية اسأل ع الغرام
ضاجت من النقاش ويايه وحبت تسد الموضوع وكالت بالله اسكت شغلات فتحنا عينا عليها جاي هسه تريد تغيرها حضرتك !
يعني متمسكة بدين اباءها واجدادها وقافلة لالله مو مهم المنطق ولا مهم العقل المهم هي فتحت عينها على كذا وكذا يبقى هل كذا صح خطأ مو مهم المهم انو تبقى عليه وهذا هو
نفس الحال ينطبق على مليار معتقد ديني او اجتماعي موجود عند الشباب اخذو من اهلهم ولا الشاب شغل عقله ولا اهله قبله شغلو عقولهم مجرد مدام الناس يكولون الزواج قسمة ونصيب ف خلص الزواج قسمة ونصيب وهذا هو !

View more

شنو حدود المبلغ بالدولار المسموح السفر بيه من العراق ؟

هو القانون انو لكل جواز سفر حق يخرج 10 الاف دولار !
بس شفتهم بالمطار يتساهلون يعني مره اني طلعت وچان ويايه 30 الف دولار عادي سألوني ع المبلغ وكلتلهم عندي تجارة ومحد حجه ويايه خلوني اطلع
مرات اوزع المبلغ على شخصين ثلاثة ويايه بالطيارة يعني اشوفهم مرتبين واطلب منهم انو انطي لكل واحد منهم 10 الاف دولار على كد اعبر نقطة التفتيش وبعدها بالطيارة يرجعوها الي بس بالاغلب مااضطر لهل شي لان بسفري تكون ويايه زوجتي ف هي جزء من المبلغ واني جزء من المبلغ حتى لو كل واحد بينه 10 او 20 الف دولار هم ميكولون شي
بس كتلج ك قانون المفروض المسافر الواحد ميخرج وياه اكثر من 10 الاف دولار

مرات اشوف بنات عدهم كلشي يطلعون ايمتى مايريدون يسافرون يحققون احلامهم احس مرات فاشله محققت احلامي فشلت اهوايا لدرجة وصلت لمرحلة يائس مرات احسدهم لان اشوف عائلتي مدري شلونها اب يشرب يفكر بنفسة لدرجة بس هو كل يوم يطلع حفلات انقهر لان مدا اعيش عمري حلو وام بس تخلف جهال والله صايرة افكر اهرب من بيت

اوك خلي اجي وياج ونفرض انو هربتي من البيت وبعد الهروب شنو ؟
منو راح يستقبلج ويقدملج الرعاية بعد متهربين من اهلج ؟ تعتقدين راح تلكين عائلة متكونة من اب طبيب وام استاذة جامعية وبيتهم بالجادرية ينتظروج ويكولولج تعالي عيشي ويانه ويوفرولج حياة مستقرة وفلوس وتعليم وحياة مثالية ؟ الا بأحلامج يتحقق هل شي
الي راح يصير بعد هروبج انو راح تصيرين دايحة بالشوارع بنص كثير من العفطية المفترسين الي يشوفوج عبارة عن فريسة يحاول كل واحد منهم ياخذ حصته منج ف تشبعين اغتصاب وتشبعين كتل ومذلة وكل ليلة من بيت لبيت عدا الي راح يوظفوج بسوالف دعارة ومخدرات ومصيرج بعد هل حفلة كلها لو محكوم عليج 15 سنة بالسجن لو تشتغلين بملهى من الملاهي تركصين من ساعة 8 لحد ساعة 4 الفجر وبعد ساعة 4 الفجر يجي واحد بكد ابوج كاتله الوسخ ومعفن وسكران ياخذج لبيته ينام وياج ويتكرم عليج ب 25 الف او 50 الف بزيادة وهكذا تكضيها كل ليلة بحضن واحد معفن
بقائج ويه اهلج ورفض لطبيعة حياتهم وسلوكياتهم هو خيار افضل ،، اقلها الي وياج مخربطين بس كادرة انتي قدر الامكان تحافظين ع نفسج حتى لو ماكو تطوير بس ماكو خسارة كذلك لحد ما تتوفر الج فرصة بالحب والزواج وممكن تتشاركين مع انسان جيد لصناعة حياة افضل من الحياة الي عشتيها يم اهلج
ماكو مشكلة في حال تزوجتي انسان جيد انو تهجرين اهلج وتنسيهم لان هيج اهل لا يستحقون واحد يذكرهم ويتواصل وياهم بس كون ذكية واطلعي منهم نحو الافضل مو نحو الاسوء
اصبري واختاري اللحظة المناسبة للخروج 💋

View more

صهيب ممكن يصير حمل لبنت بدون علاقه نوم حقيقية يعني لو ماكو هيج شي

الا اذا صار تخصيب اصطناعي للبيض داخل الرحم ،، يعني يجيبون نظفة رجل ومن خلال انبوب يوصل للرحم يتم تخصيب البيوض

+ 3 💬 messages

read all

رسميا حرب عالمية ثالثه شـفـت تغريدا وزيرة الخرجيه الالمانيا ؟

الحرب العالمية الثالثة تحصل من يتم اكتشاف مصدر جديد للطاقة غير النفط عدا هل موضوع مراح تحصل حرب عالمية ثالثة !
كل الدول العظمى كوه محافظه ومسيطرة على اوضاعها الاقتصادية سواء امريكا او اوربا او الصين او روسيا ومابيهم دولة مستعدة تدخل حرب طاحنة لان الحرب العالمية تعني استنزاف لما تبقى من الموارد الاقتصادية
بس بأكتشاف مصدر جديد للطاقة راح تحاول كل الدول العظمى فرض نفوذها على مصادر الطاقة الجديدة ف وقتها تكون الحرب لغاية تطوير الاقتصاد وليس لاستنزاف الاقتصاد
استوعبتي ؟ 💋

شلونك حبيبي صهيب اريد لابتوب كثر دا تطلعلي انواع و مواصفات و ماعندي معلومات عنهن تكدر تساعدني و اني اريد لابتوب عمل مو شخصي

اساعدك انو اكون وياك بشارع الصناعة من تشتري بس مو اساعدك هنا لا هوايه تفاصيل وكل تفصيل سعر وكل تفصيل اله حاجة واستخدام
اقصد يعني اشوفك بشارع الصناعة صدفة وتطرحلي هل سؤال مو ادزلي باجر وتكلي تعال نروح للصناعة بهذا اليوم وبهذا الوقت اكيد متسويها لان تعرف بيه ما اسويها ☺️

+ 1 💬 message

read all

صهيب انت ك اب تحب ابنك رامي اكثر من بنتك لانه صبي ومعزته عند الاهل اكبر تكون من البنت ؟لو اكو سبب ثاني لان بكل اجاباتك تكول اكثر انسان احبه رامي ما تذكر طفلتك ابدا لانها بنيه ؟لو شنو موضوع احس خطيه البنيه تحتاج الاب يظهر الها اكثر عاطفه من الولد هالشي كلش ياثر بالبنيه حب ابوها

مو لان ما اذكر آشلي معناها ما احبها ! مهو اني مدا اذكر زوجتي ولا ابويه ولا امي ولا خواتي معقولة كلهم مااحبهم ؟
هو السؤال ديطلب مني اسم واحد ف مضطر اخلي اسم واحد بس مو معناها البقية ما احبهم !
آشلي الهوا الي ينزل ويصعد بصدري ،، من تفوت من يمي عيني متنزل عنها ومن تضحكلي لو تلزمني احس روحي تطلع وتحضنها بالاخير هي بنتي واعتقاد غبي جدا جدا انو تعتقدين اب مثلي ميحب بنته الوحيدة
بس رامي موضوعه مختلف لان رامي عاش ويانه وحده ،، من جنه بتركيا رامي جان ماعنده احد بس اني وامه واحنه ماعدنا غيره ف تعلقنا بي كلش وذكرياتنا كلها وياه
وممكن بحكم عمر رامي وانو يعرف يحجي ف يصير اكو تواصل وسوالف ف هذا الموضوع يخلي قريب مني اكثر انو نطلع سوه ونرجع سوه ونسولف سوه ونعيش هوايه يوميات سوه
وتأكدي علاقتي ب آشلي راح تكون علاقة فضيعة بيوم من الايام ممكن تتجاوز رامي حسب اعتقاد امي هههه

صهيب برأيك لازم منحجي اني و خطيبي بعلاقاتة السابقة مو صح؟ مجرد اعرف معلومات عامة والاصح ميتكرر الحجي بهالموضوع؟ لو مابيها شي عادي؟ اني اغار من يحجي بس احاول اكتمها وابقى افكر بعدين

هذا موضوع تافه للكلام ،، ماكو داعي تحجون بهيج مواضيع تافهة !
انشغلو بالكلام بتفاصيل تخص مستقبلكم افضل مما تضيعون وقتكم بسوالف قاصرين

Next

Language: English