"هي امرأةٌ مثل كل النساء
على بابها يقف الخوف
منتظرًا دوره في الأمان
و يعتمرُ الصبرُ حكمتها و يسير
و يستأذنُ الصدقُ ضحكتها إذ يمر
و من تحت أقدامها
تخرج الشمس و البدر و النهر و الأغنيات"
والله يا تراني خاينتكم.. موجودة بتويتر و غايبة عنكم
إذا عاجبكم الحال بكيفكم أو تعالوا لي هناك…
أولًا كل عام و أنتوا بخير تعيدونه كل سنة و أنتوا بصحة و نعيم مع أهلكم و أحبابكم.. 🤍
أما العيد هالسنة كان مختلف، صلاة العيد عندي أهم من الملابس الجديدة و آخر ثلاث سنوات كنت ما أبغى أروح للصلاة .. و الحمدلله هالسنة النفسية طيبة و عال العال تيسرت لي روحة الصلاة و حسييييت بطعم العيد الحقيقي
و باقي أيام العيد كانت رهيبة و فوق المتوقع من الجمال قابلت فيه كل اللي أحبهم ما عدا شخص الله ييسر لي مقابلته و معايدته، و رابع العيد كان عندنا عرس من فترة طويلة ما حسيت بحماس و ترقب لعرس
حضرناه و لله الحمد انبسطنا و استانسنا و على ما قال العروس للعريس و التعب للمتاعيس.. أنا أشهد
حب يتسلى بي..
يا سعود بشرني عسى نجد ممطور؟
عقب الجفاف اللي تركز عجاجه
يا حلوها لا قلت لي يابو منصور
ما به شعيبٍ ما تملت هباجه
اليوم سويت لنا حنا
و شفت هالأبيات عجبتني مع إني اللي سويته حنا شعر لكن حبيت
يا ناقش الحنّا على كفك الـزين
كفك عذاب قلوب من غير حـنّا
أخلفت عقّال العرب و المجانين
تومي على البزران و نطيح حـنّا
اللي تبينه على خشمي و يا جعله فداك
و الطعنة اللي تجيني من يدك جايزة
إن كان هذا تغلي مايغرك غلاك
و إن كان هذا تحدي فـ أنتي الفايزة
اشتقت لمجاهيل صباح رمضان 😢😢
عمومًا صباح النور..
+ 2 💬 messages
read all
يا رب عبدك ما طلب غير أنت يارب الأنام
حقق مراده و آمن قليبه و حقق ما يبي
هب له عظيم المغفرة هب له من العالم سلام
سلام يجعل سيرته عطره و ذكره ما يهبي
و يا رب لا من فارقت روحي و شارفت الختام
هب لي صديقٍ يدعي لروحي كثر أمي و أبي
يارب اقفي ماتركت إلا حسن خلق و كلام
و لا تركت ندوب في صدرٍ قريَّب و أجنبي
اضفي علي النور لا منه غشى قبري عتام
و اغفر جميع الذنوب اللي على منكبي
