سويت حلا من أربعة العصر و من ذاك الوقت خايفه من أهلي و شكله بيلحق اللي قبله.. والله بغيت أسوي شيء و بديت أكسر في البسكويت و أخذ ملعقة من الكاكاو و أجيب النستلة إلا هوبّا ماكو قشطة…. صرفتها بكريم كراميل عاد هل يصير تحته بسكويت في الطبيعة و الناس الطبيعين يسونها؟ ما يندرى هذا ما سوف نعرفه بعد قليل….
والله ما ودي بالمشاكل بس تدرون شهر شوال طويل عريض ما ينتهي إلا بشق الأنفس فأحس ودي بمشيكلة صغيرونه ما تضر إن شاء الله.. مقدمة طويلة على قلة سنع الزبد هو الاسك إدمان و إلا إدمان و نص بعد؟ مو طبيعي قبل فترة وحدة أجزمت و عزمت و قفلت صفحتها على أساس "بلا عودة قطعًا أبدًا" لأسباب بغض النظر عن ذكرها، عاد طرت علي فجأة إلا ألقاها متواجدة مشكلتي مو هني المشكلة إنها للحين مبلكتني على وشو طييييبببب؟؟؟ يا عمي الناس بطلت تزعل و تشيل بخاطرها .. تكشر بيك اليوم و تضحك لك بكره الدنيا قصيرة يا ماما يا بعد الدنيا! على ما قال المواقف تبين معدن الأشخاص و كأني زودت الهرجة و هي ما مستاهله….