Ask @SaRaMohamed988:

انا بقرأ ورد يومي ووصلت لنص القرءان.. ابدأ ختمة جديدة في العشر ايام ولا اكمل؟

-
الإتنين :))
ختمَة جديدَة، ووِرد قُرآني.
الوِرد مش هيَاخُد أكتَر من 5د بإذنِ الله ( ده لَو بفَرض أن الورد 4 صفحات )، مُمكن وقت الوِرد يكُون بَعد الفَجر مَع الأذكار.
والخَتمة على مَدار اليَوم، بإذنِ الله.
تُقسَّم ( مثلًا )
- 10 صفحَات بَعد الفَجر.
- 15 بَعد الظُهر.
- 10 بَعد العَصر مَع الأذكَار.
- 10 بَعد المَغرب.
- 15 بَعد العِشاء.
- 8 صَفحَات مَع القيَام.
كُل يَوم = 68 صفحَة.
يُختَم إن شاءَ الله في 9 أيَّام.
وإذا فيهَا مَشقَّة، ممكن نقلل مِقدار الوِرد اليَومي، إذا كان صفحتين يبقى صفحة، وإن كان صفحة فَيبقى بضع آيات.

View more

انا قدمت في اكاديميه زاد للعلوم الشرعيه انا عاوزه الدراسه كمعرفه ليا انا واستفاد منها في أمور ديني بس كنت حابه اطور معلوماتي شويه قبل ما الدراسه تبدأ ممكن تقوليلي كتب او حتى ابليكشن يفيدني لان معلوماتي ضعيفه جدا ودي حاجه مضايقاني واسفه لو طولت عليكي ❤️

-
لأ حَبيبَتِي ولا طوِّلتي ولا شِيء، أنتِ هتتعَلمي في زَاد فِقه وشَريعة وسيرَة ولُغة عَربيَّة وتفسِير.... هتدرِسي من كُل امور الدِّين وهتبقى مُبسَّطة يسيرَة للفهم بإذنِ اللَّه حَبيبَتي ماتقلقيش، اللَّه يقوِّيكِ ويعَلمك مَا ينفَعك، وينفَعك بمَا علَّمك اللَّهُمَّ 💜.
اقرَأي:
- الرَحِيق المَختُوم ( سيرَة نبويَّة ).
- وصَحيح الجَامع شُوفي الأحاديث، أو شُوفي مَوقع ( الدُرر السُنيَّة ).
- إذا استَطعتِ تدبُّر بَعض سِور القُرآن لحين مَا تبدَأ الدراسة فَـ تمام 💜.
- كتاب الطريق إلى القُرآن.
وزاد كخطوة بِداية مِش صَعبة هوِّنيها عليكِ، أهم شيء في طَلب العِلم ( الصَبر ) 💜.
وَقت ما تبدأ الدراسَة في زاد إن شاءَ الله تفَرَّغي للمعلومَات اللي هَتدرسيها، ولمَّا تتقنيهَا إقرأي اكتَر وزِيدي معلُوماتك.

View more

+1 answer in: “السلام عليكم ساره اتمنى تكوني بخير ممكن طلب أنا بنت ❤️”

انتي ما شاء الله عليكي بجد تبارك الله كلامك يفتح النفس ويدي طاقة إيجابية لأي حد 😍 نفسي اعرف ازاي نميتي اسلوبك كدا ف الكلام وطريقة الكتابة والعلم الكبير الله اكبر 🙈 انا متابعاكي من ساعة مع عملتي اكونت الاسك دا وع الفيس.. ملاحظة تطورك ما شاء الله وعاوزة اعرف ازاي وصلتي للعلم دا ف فترة مش كبيرة اوي 😍

-
اللَّهُمَّ لاَ تُؤَاخِذُنِي بِمَا يَقُولُونَ، وَاغْفِرْ لِي مَا لاَ يَعْلَمُونَ.
حَبيبَتِي في اللهِ، انتِ هَتكُوني أفضَل منِّي بإذنِ الله ("💜.
أنَا ماعمَلتش أي شِيء غير أنِّي قرَأت كتير.
واستَمَعت لشيُوخ كتِير، وكُنت بتنَاقَش مَع ناس ذُوي عِلم، وتَعلَّقت بالقُرآن وتدبُّره وإسلُوبه.
تدبَّري القُرآن - إقرأي السيرة النبوية - إقرأي عن أمهَات المُؤمنين - إقرأي عن الصَّحابة - تدبَّري السُنن والأحاديث الشَريفة - إسمعي درُوس لشيوخ - إقرأي كُتب دينية - روايات ذات طَابع ديني.
إستَغلِّي وقتك صَح، لازم تعمِلي Stop لكُل شيء مأخَّر نجَاحك ووصُولك للمكَانة اللي تستَحقِّيها 💜.
أي شِيء علشَان توصَلي له لازم تتعَبي، وتجَاهدي وتطرُقي كُل السُبُل.
وأهم شيء، مهمَا وصلتي تكوني طمَّاعة، وتشوفِي دايمًا أن اللي وصَلتي له ما هوَ إلَّا ( نُقطة في بَحر )، ابدَأي بـ أنك تقَللي سُوشيال مِيديا، وزيدِي من قَدْرك عند الله؛ بتَرتيب طموحاتك واهدافك، وعلشَان ماتتعَبيش، خَلي اهدافك دايمًا ( قَصيرة المَدى )؛ بمعنى أنها تكون أهداف تقدري تحققيهَا في فترة ماتزِيدش عن شَهر .. علشَان لما تحققِيها تحسِّي بالإنجاز ويكون لك دافع علشان تكمِّلي.
ومِن أهم الأسباب اللي خَلِّتني أوصل للمكانَة البَسيطة دي، هوَّ فَضل الله وكَرمه عليَّ..
فَـ ادعِ دايمًا وقولي ( اللَّهُمَّ استَعملْني ولا تستَبدِلني ) 💜.
- وأهم خِصال كَسب العِلم = الصَبر 🌸.
- مقدَار صبرك = مقدَار علمك اللي هتكتسبِيه ومكانتك اللي هتوصَلي لها.
وبَعتذِر لَكِ عن التأخير في الإجَابة حَبيبَتي ("
ولِي الشرَف لأنك هُنا تَاللَّهِ 💜، أدام الله عَليَّ وجُودك اللطيف وأثَرك الطَّيِّب، طِبتِ وطَابَت دُنيَاكِ وآخِرَتكِ 🌸.

View more

+2 answers in: “ممكن اخد رايك ف حاجة؟”

اهو هنا

-
أَبْشِر،
﴿ وَأَن لَيسَ لِلإِنسانِ إِلّا ما سَعى ﴾
مَاتحسِبش بالوَقت، لأن رَبنا ماحطِّش limit للسَعي !
أُختي خرِّيجة من سَنة على ما أعتقِد، سنَة كاملَة أبي بيصرِف كُورسات، ومَبلغ وقَدره قَد يتعدَّى الـ 10 آلاف.
كُله في مَجالها مُنبهر بهَا تبارَك الرحمَن، في أي كُورس أو نقاش مَع حَد، بتكُون مَحمودة الأثر والذِكر ويُضرب بهَا المَثل لما وصَلت له.
لَكن لَم تُرزَق بَعد بعمل، وعند تَحَدُّثي معها لا تَقُف عن قَول ( أنا مِش مستَعجلة، اللي رَبنا عاوزُه هيكون وأحسَن مما بتمنَّاه )، وإن قالَت لها إحدى صَديقاتها أن اللهَ رزقهَا بعملٍ ما تفرَح لها كَثيرًا كأنها هيَ من عملت، لَكن في يَومٍ ما جاءَت جُملة متوقعة من شَخص مُتوقع لا أود تذكر مَن هو .. وقال لها ( اشمعنى انتِ قاعدة كده ما كُل صحابك اشتغلوا )، اتذكَّر ابتسامتها التي عاهدتها، وقالت ( اللهُ أعلَم برزقِي المُتأخِّر لدى الله، ومَادام لدى الله فلا خَوف، لعله يأتيني بأفضَل من تلك الأرزاق المُتقدمة .. الله يرزُقنا جميعًا ).
صَديقاتها اللاتي رُزقن بِعمل، تقدَّمن للوظيفة منذ وَقتٍ طَويل، وتم قبُولهن بَعد مُدة تتجاوز الـ 5 أشهُر، وإجراءات التعيين ( انترڤيو - اختبارات - كشف طبي إلى ان نصل لتوقيع العقد ) استغرق حوالي من 2 : 3 أشهُر، وبعض الحالات قُبِلوا بَعد سنة !!، فَلا تيأس !.
- اسعَى، واصرِف، وطوَّر نفسك، واوعى تمِل الطريق، إذا لقيت نفسك هتيأس قول ( يمكن تكون هي دي الخطوة علشان اوصل )، وقَبل ماتخطو أي مكان ( صَلي استخارة ).
- تصدَّق، وتَاللهِ هتتعَجب من رزقَك القادم ("
- سورة البَقرة كاملَة يوميًا.
- وِرد استغفار في اليَوم بنية الإستجابة ( لا تقل عن 500 مرة )، ( استغفر الله العَظيم الذي لا إله إلا هو الحي القيوم وأتوب اليه ).
- صَل على النبي ( 500 مرة ).
- ردد لا حول ولا قوة إلا باللهِ ( 500 مرة ).
- سُبحان الله وبحمده ( 500 مرة ).
وبعدها تعالى قُول لي ربنا عمَل معاك ايه ("
طاعَاتك هتمحي ذنوبك = هتوسَّع رزقك إن شاء الله.
أهم شيء، فرُوضك تكون تمام.
وكُن على يقين، أن كُل شيء هتقدمه لله ابتغاء لرزقه، هيرجع لك أفضل، وكل شيء هتسعى له.. هتنوله.. بس مسألة وَقت..
ما عند الله لا يَضيع ابدًا !، سَعيَك ومجهودك وكُل شيء بتعمله، مش هيضيع، وإن ماكُنتش عارف عنوان رزقك ( المكتُوب )، فـ رزقك عارف عنوانك وهيَسوقه الله لَك قريبًا.

View more

+2 answers in: “ممكن اخد رايك ف حاجة؟”

انا الحمدلله بخير وكويسة ياقمريتي 🙈 ربنا يجازيكي كل خير يارب 💖 طب في برامج للأحاديث الصحيحة ممكن انزلها ع الموبايل ولا ايه ؟ عشان النت عندي ضعيف اوي ومش هقبا عارفة ابحث كويس 😢

-
https://play.google.com/store/apps/details?id=com.arabiait.sunna
دَه بإذنِ اللَّه يساعدك حَبيبَتي 💜.
بَس مهمَا كَان البرنَامج .. تدَبَّري الحَديث من عدَّة مواقع، ليَثبُت فؤادك على يقِين بصحَّة الحَديث ومعانِيه 🌸.

View more

+1 answer in: “سلام عليكم 💖 ازيك ياقمري 🙈 بحبك جدا ف الله 💖 انا متابعاكي من زمان ومبسوطة بتقدمك اللهم بارك وبفرح بكلامك المبهج زيك وعاوزة اقولك ان الأحاديث اللى بقيتي تنزليها بتفيدني جدا 😍 ممكن تقوليلي بتجيبي الأحاديث كلها بمراجعها ومعناها منين بالظبط علشان محتاجة ادرس فيها ويكون ف ميزان حسناتك ياحلوتي 😍💖”

مسامحاني بجد ! يعني انا مش بحلم ! انا بحبك اوي اوي والله وكنت بحلم بيكي دايما وان احنا صحاب مع ان عمر م شوفتك بس كان فيكي حاجة غريبة فوقتني حسيت اني عارفاكي كويس وانك ملاك بجد ومتستهليش كل دا بسببي💔 مش عاوزة حاجة دلوقتي غير ان ربنا يرزقني اشوفك واخدك ف حضني💔 ربنا يطمن ويريح قلبك ويجبرك ويغفرلي💔 ب

-
تَاللَّهِ مسَامحَاكِ حَبيبَتي ("💜، أنتِ قَلبك لَطيف ولَين جدًا 💜.
وبَتمَنَّى اكتَر منكِ اننا نكُون صُحاب، وإن شَاءَ اللهُ نتقَابل ونكُون صُحبَة صَالِحة 🌸.
أنَا حَبِّيتك جدًا !، الله يدِيم وجُودك اللَطِيف اللَّهُمَّ 💛✨.
غفَر اللهُ لَكِ وَلِي حَبيبَتي 🌸.

View more

+4 answers in: “💔”

مسامحاني ؟؟؟,💔

-
تَاللَّهِ سَامَحتُك !
أرجُوكِ لا تُسرِفي بحَملِ الهَم والتَفكير حَبيبَتي ("💜 !.
أنتِ جَميلَة جدًا 💜، وَأسأَلُ اللهَ أن نَكُون صُحبَة في الأرض قَبل السمَاء !🌸، أي وَقت وَلو بَعد عام من اليَوم تَحدثي مَعي لنُصبح اصدِقاء، دُون ذِكر ذَلك المَوقف، فَـالمُهم هوَ الوِد ("💜.
يَكفِيني دُعائك لِي، ذَلك بطِيب الدُنيا..
ولا عَلَيْكِ، لَن أستَطيع أن أقتَص من أحدٍ وأكُون سَببًا في زَحزحتِهِ عَن الجَنةِ بسببي يَوم القيَامة ("💜.
وانتِ بإذن الرَّحمن صُحبتي في الفردَوس الأعلى 🌸.
أَبشِري حَبيبَتي وتبَسَّمي، امضِ مُطمئنَّة وَلا تخَافي 💜✨.
أنا بحبِّك في اللهِ ..

View more

+4 answers in: “💔”

حتي لو اتهموكي وقالوا كلام مش فيكي وحولوا يئذوا اقرب ناس ليكي ! 💔

-
هَكون أحسَن من سَيدَتنا عائشَة (" !!!.
قَطعًا لَا..
إتُهِمَت في عرضِها من قِبَل المُنافِقين فِي حَادثة الإفك.
- فَـ أنزَل اللَّه سُورَة النُور لِجَبر خاطِرها 💜.
مَالي بمِثلِها ولَن أكُون، وَلكن حينَها سَأرجُو جَبر اللَّه 🌸.
سَأحتَسب الأجْر وَاصبِر.. وَإنَّ اللهَ مَع الصَّابرين.

View more

+4 answers in: “💔”

سلام عليكم 💖 ازيك ياقمري 🙈 بحبك جدا ف الله 💖 انا متابعاكي من زمان ومبسوطة بتقدمك اللهم بارك وبفرح بكلامك المبهج زيك وعاوزة اقولك ان الأحاديث اللى بقيتي تنزليها بتفيدني جدا 😍 ممكن تقوليلي بتجيبي الأحاديث كلها بمراجعها ومعناها منين بالظبط علشان محتاجة ادرس فيها ويكون ف ميزان حسناتك ياحلوتي 😍💖

-
وَعَليكُم السَّلام وَرحمَة اللهِ وَبَركَاته 💜.
اللَّهُمَّ لاَ تُؤَاخِذُنِي بِمَا يَقُولُونَ، وَاغْفِرْ لِي مَا لاَ يَعْلَمُونَ.
أنا فِي زحَامٍ من النِّعم بفَضلِه تعالَى الحَمدُ للَّهِ 🌸، وَأسأَلُ اللَّهَ ان تَكُوني راضِيَة مَرضيَّة دُنيَا وآخِرة ("💜.
إبحَثِي في جُوجل عَن ( صَحيح بُخاري )، أو ( صَحيح جَامع ) وحملِيهم إذا مش قَادرة تنزلي تجِيبيهم واحفَظي كُل يَوم حَديث، في احَاديث هتلاقي مَعانيها وَاضحة، والأحاديث اللي تستصعَبيها إعملِي سيرش ببَعض كَلِماتها واكتبِي في الآخر جُملة ( إسلام ويب )، مَوقع شامل كُل شيء بإذن الله وهتلَاقي تَفسير أي شيء تبحَثي عنه إن شاءَ الله.
ولَو شُفت مَوضُوع يتعَلق بأمر مِن أمُور الدِين فِي أي شِيء، بحَاول أقرَأ اكتَر عنه إذا مَاكُنتش وَصَلت له.
هَكذا أنَا وَصَلت 💜.
ودَوامِي على دُعاء رَسُولنا الكَريم..
كَان يَقُولُ: " اللَّهُمَّ انْفَعْنَا بِما عَلَّمْتَنَا، وَعَلِّمْنَا مَا يَنْفَعُنا، وَزِدنَا عِلْمًا الَى عِلمِنَا " 🌸.

View more

+1 answer Read more

غ س لو حد اذاكي او جرحك بكلام او اي حاجة حتي لو مش عارفاه هتسمحيه مهما عمل وقلب مش هيكون في اي حاجة من ناحيته حتي لو عرفتي هو مين الي عمل فيكي كدا واذاكي

-
لَو استَمر أذَاه على المَدى الطَويل سأكتفي ( بِحَسبي الله وَنعم الوَكيل والدُعاء بِأن يُميطه الله عَن طَريقِي ويَهديه ).
والحَسبَنة لَيس على الشَخص ذاته وَلكن طلبًا من اللهِ ان يَكون حَسبي ووَكِيلي في ذَلك الأذَى.
لَكن كَمُجمَل سوف أُسَامح وأحتَسب الأجْر والفَضل 💜.
﴿ وَليَعفوا وَليَصفَحوا أَلا تُحِبّونَ أَن يَغفِرَ اللَّهُ لَكُم وَاللَّهُ غَفورٌ رَحيمٌ ﴾ 🌸.
فانيَة تَاللَّهِ، فَلَن تُشقِيني بِمَن علَيهَا، وأسْأَل الله دَومًا أن يَكون مرُوري خَفيفًا على قلُوب عِباده، ويَكُون أثَري مَحمودًا بإذنِ الله وأُذكَر بالخَير عند رَبٍّ عَفوٌ في السَّماء على العَرشِ استَوى.

View more

+4 answers in: “💔”

💔

-
الْقَصاص حَبيبتي بيكُون فِي الدَمِ.
لَكن مين قَال إن رَد الظُلم بالظُلم والإساءة بالإساءة منهجنَا في الإسلام ؟.
لَكِ حَق الدُعاء عليهِ، وَلكن العَفو أقرَب.. لأن انتم الاتنين على ذَنب ("
وانتِ اللي سمَحتي لَه بفعل ما فَعل، كُل شيء .. يا فتَاة كونِي صلبة مَن يتعدَّى حدودك قُطِعت أرجُله ونَدم ( بحدود دينك ).
واسوَأ شيء في العالم أنك تكُوني سبب فِي ( إخافة ) عِباد اللَّه !، بالتَهديد أو حتى بالمَعرفة عنكِ انكِ قاسيَة تنتَقمين.
قال رَسُول الله صَلى الله علَيه وسلم : ( إِنَّ شَرَّ النَّاسِ عِنْدَ اللَّهِ مَنْزِلَةً يَوْمَ الْقِيَامَةِ مَنْ تَرَكَهُ النَّاسُ اتِّقَاءَ شَرِّهِ ).
- البُخاري.
اقطَعي كُل الطُرق اللي بتوصَّلك به، وتجاوزِي، كُل ده كَلام مالهُوش فايدَة، تنتقمي منه، فَينتقم منكِ بشكلٍ او بآخر، ودوامة مِش هتخرُجي منها غير ندمَانة ("، اقفلِي على نفسك في دايرة بنات، وماتسمَحيش لحد يدخُلها غير بَعلك.
ولو هو اتكلِّم عليكِ عادي، لكِ رب هينصُرك اذا مَظلومة، وينقذ البنوتة التَانية إذا مَخدوعة ومسكينة.
عيشِي بسلام، ونَقي قلبك، وافتكري دَايمًا ان الانتقام ضَعف، وعُمر انتقامك ماهيكون احسَن من نُصرة الله لكِ كما يُريد :))
اتمنَّى الفَترة اللي مجاوبتش فيهَا كانت كافيَة لهدوء أعصابك وقَلبك حَبيبَتي ("💜.
الله يهدِكم وإيانا.

View more

+4 answers Read more

هو حقيقي إن الرسول صلي الله عليه وسلم كان مربي كلب علشان يلعب مع الحسن والحسين

-
الأحَاديث اللي وَرَدت في أَصل هذة القصَّة ومَرَّت علي ( مَكذُوبة لا أَصل لَها )، ولَم تَرد في السُنة الصَحيحَة، والصـَحيح تَحريم تربية الكِلاب إلا لمَا سَبق توضيحه، وأنه كَبيرَة من الكَبائر.
وسَل @tas7i7y
واللهُ تَعالى أعلَى وَأعلَم.

View more

+1 answer in: “لو سمحتي هو تربية الكلاب حرام ؟ يعني هي نجسة فعلاً ؟ وما الدليل نصا من القرآن والسنة فضلاً ؟”

لو سمحتي هو تربية الكلاب حرام ؟ يعني هي نجسة فعلاً ؟ وما الدليل نصا من القرآن والسنة فضلاً ؟

-
مِن كَبائر الذنُوب ومِن مُنسفات الحَسنات !
فلا يجوز للمسلم أن يقتني الكلب، إلا إذا كان محتاجاً إلى هذا الكلب في الصيد أو حراسة الماشية أو حراسة الزرع.
عَنْ أَبِي هُرَيْرَةَ رَضِيَ اللَّهُ عَنْهُ قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : ( مَنْ أَمْسَكَ كَلْبًا فَإِنَّهُ يَنْقُصُ كُلَّ يَوْمٍ مِنْ عَمَلِهِ قِيرَاطٌ إِلا كَلْبَ حَرْثٍ أَوْ مَاشِيَةٍ ).
- البُخارِي.
عَنْ أَبِي هُرَيْرَةَ رضي الله عنه عَنْ رَسُولِ اللَّهِ صَلَّى اللَّهُ عَلَيْهِ وَسَلَّمَ قَالَ : ( مَنْ اقْتَنَى كَلْبًا لَيْسَ بِكَلْبِ صَيْدٍ وَلا مَاشِيَةٍ وَلا أَرْضٍ فَإِنَّهُ يَنْقُصُ مِنْ أَجْرِهِ قِيرَاطَانِ كُلَّ يَوْمٍ ).
- مُسلم.
عن عبد الله بن عمر رضي الله عنهما أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ قَالَ : ( مَنْ اقْتَنَى كَلْبًا إِلا كَلْبَ مَاشِيَةٍ أَوْ كَلْبَ صَيْدٍ نَقَصَ مِنْ عَمَلِهِ كُلَّ يَوْمٍ قِيرَاطٌ . قَالَ عَبْدُ اللَّهِ : وَقَالَ أَبُو هُرَيْرَةَ : أَوْ كَلْبَ حَرْثٍ ).
- مُسلم.
قَالَ اِبْن عَبْد الْبَرّ : فِي هَذَا الْحَدِيث إِبَاحَة اِتِّخَاذ الْكِلَاب لِلصَّيْدِ وَالْمَاشِيَة, وَكَذَلِكَ الزَّرْع .
عَنْ عَلِيِّ بْنِ أَبِي طَالِبٍ رضي الله عنه عَنْ النَّبِيِّ صَلَّى اللَّهُ عَلَيْهِ وَسَلَّمَ قَالَ : ( إِنَّ الْمَلائِكَةَ لا تَدْخُلُ بَيْتًا فِيهِ كَلْبٌ وَلا صُورَةٌ ) - صححه اٍلألباني في صحيح ابن ماجه.
والأحاديث تدُل على تحريم اقتناء الكلب إلا ما استثناه الرسول صلى الله عليه وسلم.
واختلف العلماء في الجمع بين رواية نقص قيراط ورواية نقص قيراطين.
فَقيل: ينقص من أجره قيراطان إذا كان الكلب أشَد أذى ، وينقص قيراط إذا كان دُون ذلك.
وَقيل: أخبر النبي صلى الله عليه وسلم أولاً بأنه ينقص قيراط ، ثم زاد بعد ذلك العقوبة فأخبر بنقص قيراطين زيادةً في التنفير عن اقتناء الكلب.
والقيراَط: هو مقدار مَعلوم عند الله تعالى، والمُراد ينقص جزء من أجر عمله.
" وأما اتخاذ الكلب وكون الإنسان يقتنيه فإن هذا حرام، بل هو من كبائر الذنوب، لأن الذي يقتني الكلب إلا ما استُثنى ينقص كل يوم من أجره قيراطان ".
- ابن عُثيمين.
واللَّهُ تعالى أعلى وأعلَم.

View more

+1 answer Read more

يعني قصدك اصليها بعد قيام الليل وتكون ركعة لوحدها ولو صليتها 3 او 5 اختم بركعة وتشهد واحد?

-
نعَم.

View more

+1 answer in: “لو سمحتي هي ايه صيغة صلاة الوتر الصحيحة وبنصليها امتى المفروض؟ وهي ٣ ركعات ولا ركعة واحدة وصلاة الشفع والوتر هي هي صلاة الوتر ولا دي ودي حاجة؟ وبنقرأ سورة معينة فيها ولا اي سورة من القرآن؟”

لو بتكلم المانى كويس فى مصر ومستوايا B2 هشتغل كول سنتر اكونت المانى بمرتب من 11 ل 15 الف جنية ودا شغل بجد وانا بنزله عندي ع الفيس اوقات من حد زي احمد شهدي .. وتجارة طبعاً كلية مهمة بجد فى كل حاجة باقسمها بس الاحسن لو كانت انجليزي .. فيعنى الحوار كله شوف انت حابب ايه وايه اللى هيفديك اكتر

JoOo ( بتاع إستشارات )
-
تَبَارك الرَحمن..
أسْأَلُ الله أن يَجد ضَالَّته هُنا.

View more

+2 answers in: “ساره انا اخذت فتره تعبت فيها بجد علشان تختار اني ادخل علمي علوم ولا رياضه وبعدين استقريت علي علوم ودلوقتي رجعت للحيره تاني اعمل ايه من فضلك دليني”

وفى لعلمي رياضة حاسبات ومعلومات ومعهد فنى صحي وغير التجارة واداب وتربية رياضية ... المهم مش دا المحور للموضوع ... اهم حاجة تكون كلية هتحقق احلامك او هتساعدك كويس فى مستقبلك ... ممكن لو اداب قسم المانى او نقس القسم فى كلية لغات بس مش مضمون دايماً .. عموما مثلاً لو انا بس بعرف اتكلم المانى كويس . يتبع

JoOo ( بتاع إستشارات )
-
جزَاك اللَّه كُل خَير ونَفع بِك.

View more

+2 answers in: “ساره انا اخذت فتره تعبت فيها بجد علشان تختار اني ادخل علمي علوم ولا رياضه وبعدين استقريت علي علوم ودلوقتي رجعت للحيره تاني اعمل ايه من فضلك دليني”

ساره انا اخذت فتره تعبت فيها بجد علشان تختار اني ادخل علمي علوم ولا رياضه وبعدين استقريت علي علوم ودلوقتي رجعت للحيره تاني اعمل ايه من فضلك دليني

-
الإستِخَارَة الحَل.
عِلمِي رياضَة مِحتاج أن المَعلُومات الريَاضية كُلها من أولى ابتدائي متأصَّلة بقوَّة وتمكِين فِيها، ومايكُنش في ملل في حل المسائل الصَعبة اللي مُمكن تتحَل بَعد المرة الـ 50 من المُحاولات.
علمِي علوم، سَهل جدًا، علشَان كده طِب بتَاخُد مَجاميع عاليَة.
علمِي علوم مَجالَاته مَفتوحة: طِب بأقسامه من بشري لأسنان لعلاج طبيعي لبيطري - صيدلة - علُوم - ألسُن - تربيَة بأقسامها العلمية ( ماعدا قسم رياضة ) - فنون تطبيقية إلخ..
علمي رياضة: هندسة بأقسامها ( هندسة بترول أفضلهم ) - ألسُن - تربية ( قسم رياضة بَس ) - فنون تطبيقية إلخ..
فَـ لَو قوَاعد الريَاضة تمام فِيها ويقينًا بالله ثُم ثقة بالنفس أن هندسَة إن شاء الله مَضمونة يبقى هيَّ دي، ( وصَلي استِخارة قبل التَحويل ).
إن لأ، يبقى أهلًا يا دُكتور، وبَلاش تشتيت النَفس لأنه من المُهلِكات، الخِيرَة فيمَا اختَاره الله 🌸.

View more

+2 answers Read more

بصراحه انتي حد جميل اوووي ياساره

-
اللَّهُمَّ لاَ تُؤَاخِذُنِي بِمَا يَقُولُونَ، وَاغْفِرْ لِي مَا لاَ يَعْلَمُونَ 💜.
تَاللهِ دَه جَمِيل سِتر اللَّه عَلىٰ أَمةٍ لَا تسوَىٰ شيءٍ بدُونه، وَأنا لأشَر النَّاس إن لَم يَغفِر لِي 🌸("
اللَّه يجَمِّل أيَّامك ويجْبُرك ✨.

View more

سارة اكتبي دعاء شكر لله هأخده كوبي عندي لأن عايزة اعبر عن فرحتي بدعاء شكر لله 💙

'
- ﴿ قُلْ بِفَضْلِ اللَّهِ وَبِرَحْمَتِهِۦ فَبِذٰلِكَ فَلْيَفْرَحُوا ﴾ ♥🍃.
- الحَمدُ للَّهِ حَمدًا كَثِيرًا طَيِّبًا مُبَاركًا فيهِ، الحَمدُ للَّهِ الَّذِي بِنعْمَتِه تَتِم الصَّالِحَات 🌸✨.
وسَمِّي حَاجَتك، واطلُبي من اللَّه أن يُبارِك لَكِ فيهَا.

View more

لو سمحتي هي ايه صيغة صلاة الوتر الصحيحة وبنصليها امتى المفروض؟ وهي ٣ ركعات ولا ركعة واحدة وصلاة الشفع والوتر هي هي صلاة الوتر ولا دي ودي حاجة؟ وبنقرأ سورة معينة فيها ولا اي سورة من القرآن؟

-
﴿ وَالشَّفعِ وَالوَترِ ﴾ 💜.
هُمَا مُسمَّى لِصَلاةٍ وَاحدة.
صَلاة الوَتر وَرَدت بِعدَّة صِوَر، مِنها:
1 ـ تُصلي رَكعَة وَاحِدَة في نهايَة صَلاة الليل، اللي بتكون مَثنى مَثنى، فَتكون صَليت مَثلا اثنَتين وَواحدة، أو أربعًا وَواحدة، وَهكذا حتَّى عشرًا وواحدة.
2 ـ تَقتَصِر على ركعة واحدة بتكبير وركوع وسجود، وَتشهدٍ وتَسليم، بَعد العشاء بدُون أي رُكيعات من صلاة الليل، ودي أقل صورة مجزئة.
3 ـ أن تُصلي ثلاث رَكعات مُتصلات، أو خمسًا، أو سبعًا أو تسعًا أو إحدى عشرة ركعة مُتصلة، لا تتشهد إلا في آخرها تشهدا واحدًا، وأكثر الوِتر إحدى عشرة ركعة وأقله رَكعة واحدة، وأدنى الكَمال ثلاث ركعات.
( الوَتر ) يُطلق على الركعة الواحدة وعلى الثلاث المَوصولة أو الخمس أو السبع المَوصولة، ( وَالشفع) يُطلق على ما يصلى قبل ركعة الوترالواحدة، فإن كان ركعتين كان شفعًا، وإن كان أربعًا أو ستًا أو ثمانًاكان شفعًاأيضا، ويُستَحب أن تكون صلاة الليل مَثنى مَثنى ثميوتربركعة واحدة.
- إذا اكتَفيت بـثلاثِ رَكعات فيُستَحب أن تقرأفي الأولى (سورة الأعلى )، وفي الثانية ( سورة الكافرون )وفي الأخِيرة ( سورة الإخلاص ) 💜.
وإن أوترت بأكثر، فَيسن تقرَأ فيالثلاثة رَكعات الأخِيرة السِوَر المَذكورة إِن فَصَلتها عمَّا قبله.
وَاللهُ تَعالى أعلَى وَأعلَم.

View more

+1 answer Read more

يعني لسة في امل وربنا هيسامحني ويرضي عني ويدخلني جنته ؟ 💔 انا حاسة اني وحشة اوي ولما حد بيمدح فيا وياخد استشارتي ف اي حاجة بموت فعليا وقلبي بينكسر وبحس اد ايه انا قليلة .. والناس فاكرة اني عشان لابسة الزي الشرعي وبعينهم ع الطاعات وانصحهم يبقي انا قريبة من ربنا وصالحة وانا مفيش اظلم ولا ابعد مني !

-
فِي أمَل لحَد آخر نَفس فيكِ ("💜.
ومش تبقي في الجنَّة وبَس، لأ ده انتِ تكوني في أعلى درجاتها في الفردَوس.
هو أرحَم وأقرَب مما تتخَيَّلي 💜.
﴿وَهُوَ الَّذي يَقبَلُ التَّوبَةَ عَن عِبادِهِ وَيَعفو عَنِ السَّيِّئَاتِ وَيَعلَمُ ما تَفعَلونَ﴾
﴿قُل يا عِبادِيَ الَّذينَ أَسرَفوا عَلى أَنفُسِهِم لا تَقنَطوا مِن رَحمَةِ اللَّهِ إِنَّ اللَّهَ يَغفِرُ الذُّنوبَ جَميعًا إِنَّهُ هُوَ الغَفورُ الرَّحيمُ﴾
مـهما أسرَفتي بذنُوبك في عُمرك اللي فَات كُله وتوبتِي .. هيقبـَلك 💜 !.
وكُلنا خطَّائين حَبيبتي، الزِي الشَرعي مش دليل على اننا مَعصُومين من الخطأ، هو بَس دليل على تمسُّكنا بحبل الله، ودليل على اننا من ( التوَّابون ) بإذن الله 🌸.
اجعَلي زعلك من نَفسك دافع لقُربك، إوعي تخافي تقَربي له، أو حتى يوسوس لكِ الشيطان أنه مش هيقبلك أو يدخل لكِ من باب النِفاق !، ابدًا، دي سُنة الخَلق ولازم كُلنا نغلط ونتوب نغلط ونتوب وهكذَا.. انتِ عليكِ المُجاهدة والتوبة والسَعي.
ومن علامات حُب الله لكِ، أنه يرزُقك الندم علشان تعودي له، فَـ ماتتأخريش، ولَبِّي النداء وابدأي حالًا.
أنا بحبِّك في اللهِ، الله يهديكُم وَإيَّانا 💛✨.

View more

+1 answer in: “مش عارفة اعمل ايه عاوزة الاقي نفسي الي بتمشي ع طريق ربها عاوزة ارجع لنفسي انا بموت م العذاب الي انا في ومش عارفة ايه الي بيحصلي 💔 بالله عليكي قوليلي انا فيا ايه واعمل ايه !! انا مش عاوزة غير ان ربنا يسامحني ويردني ليه ويبعد عني كل دا ! 💔 ارجوكي اقريهم كلهم وساعديني اطلع م الي انا في وارجع لربي .. 4”

مش عارفة اعمل ايه عاوزة الاقي نفسي الي بتمشي ع طريق ربها عاوزة ارجع لنفسي انا بموت م العذاب الي انا في ومش عارفة ايه الي بيحصلي 💔 بالله عليكي قوليلي انا فيا ايه واعمل ايه !! انا مش عاوزة غير ان ربنا يسامحني ويردني ليه ويبعد عني كل دا ! 💔 ارجوكي اقريهم كلهم وساعديني اطلع م الي انا في وارجع لربي .. 4

-
حَبيبَتي في اللهِ، طول ما انتِ شايفَة النِقاط السوداء بقَلبك، يبقى لسَّه فيهِ النور ("💜.
النَّفس اللوَّامة دي فَضل كبير من رَبنا مش بيرزُقها لأي حد، احمدِيه عليها 💜.
بُصي حَبيبَتي شِعارنا ( تَكَلَّفها حتى تَألفهَا )، الطاعة اللي مُثتثقِلاها تَكلَّفيها واعمِليها، وقُولي له يا رَب أتيْتك بجَسَدي فعَلَيك بقَلبي ارزُقه الخشوع يا رب (':
اللي انتِ فيه بسَبب ( ذنوب خلوات )، والحَل هو ( طاعات الخلوَات )، لقيتِي نفسك بتدعُوكِ لشيء، قُومي صَلي، اقرأي قُرآن، استغفري واذكُري الله، لحَد ماتبقي مُنهكة تمامًا وتنامي ("
الليل مَعروف أن الشياطين بتنشَط فيه، لأنهم بيحبوا الظَلام، فَـ انتِ سمي الله واذكُريه واستعيذي باللهِ منهم كتير.
اسمَعي دروس لشيوخ مِثل ( خالد بن راشد خصوصًا محاضرة قبل الندم - حازم شومان - محمد الغَليظ )
افتحي قُرآن طول ما انتِ قاعدة، اسمعي سورة الشعراء ومريَم بصوت القارئ وديع اليَمَني هتحسِّي بالخشُوع وبحُب الله ("💜
اشغِلي نَفسك، الفَتيات اللي بتشجعِيهم خلِّيهم دافع لكِ وقُولي لنفسك ( انتِ محتاجة اللي بتقُوليه ده يا مِسكينة، قومي يلا ).
تَصَدَّقي كتير.
وخَلي بالك أن صَلاحك مُمكن تُحسدي عليه، فَـ حصني نفسك دَومًا بالأذكار.
افتكري أن الله رحيم جدًا جدًا، بس عذابه شديد جدًا جدًا.
اذا نفسك بتدعُوكِ لذنب قولي لنفسك ﴿وَجاءَت سَكرَةُ المَوتِ بِالحَقِّ ذلِكَ ما كُنتَ مِنهُ تَحيدُ﴾، هقابله ازاي اذا عُمري انتهى في اللحظة دي ("💔!.
هتتعبي !، لكن هتوصلي لأجمل شيء في الدنيا وهي ( الهِداية وحُب الله ورؤية وجهه الكريم في الآخرة ثم الجنة )، و مشقة الطاعة بس الفوز في النهاية، ولا لذة المعصية والحسرة في النهاية.
افتِكري إن الذنب اللي نفسك هَتدعُوكِ له، وتنوي تعمليه بس ماتعمليهوش، هتُكتَب لكِ حسنة، ويُضاعف الله لمَن يَشاء ("💜.
الهِداية دايمًا بتبدأ من ذهابك لله، مالكِيش غيره، وهدايتك بإيده وحده.
اسألي الله الهدايَة والثَبات، وخلي دومًا صلاتك خَط أحمر لأن تركها عمدًا " كُفر "، صلي حتى لو مش حاسة، صلي وجاهدي، اول ما تسمعي الأذان قومي، حطي في بالك أن احب الأعمال الى الله الصلاة في وَقتها، وأهم الأسباب اللي تجعل الله يحبك 💜.
كُل الاعمال اجعليها لله، وقولي لعلها المُنجية.
انتِ جميلة وهتقدري 💜.
وكلِّميني إذا حابة أساعدك أكتَر وأعينك في أي وَقت، انا جنبك (':🌸.

View more

+1 answer Read more

يساره انا دلوقتي كان نفسي ف حاجه اوي واكتشفت انها مش خير بس صليت استخارة ودعيت ربنا انوا يبعدني عنها بس لغاية دلوقتي مش عارفه انسها اعمل اي عشان زهقت فعلا

-
تشغِلي نَفسك.
ينفَع تكُوني بتحبِّي الكيكَة ونفسك فيهَا وتعرَفي إن فيها سم، وتفضَلي بَرضو حَطَّاها أمامك !، مِش هينفَع ولا هتنسي إلَّا لَو اتخَلَّصتي منها بنفسك، أو مشِيتي من المَكان.
شُوفي الشيء دَه ايه، واختارِي طريقة التَخلُّص المُناسبَة، مَثلًا:
- تفكِير = تفَكري في شيء تاني، وتدَوَّري على شيء يُلهيكِ.
- شخص = بلوكات، ( بلوك على الفيس بوك، بلوك على الواتس اب، بلوك على الإنستجرام، بلوك .. بلوك .. بلوك )
- مَكان = اعتَزليه.
- ناس = اهجُريهم هَجر جميل.
بجَانب طبعًا أهم شيء " اللجُوء للي مالناش غيره " = الدُعاء 💜.
ورَبنا يصرف عنكِ شر ما قضى يا رب ("🌸.

View more

Next