جاي على بالي حب ... !!!
حب بنت تكون غير كل البنات :/
مممم، ما أدري، لكن، حسب ما أشوف أنا " وجهي نظري فقط" فإنه البنات بشكل عام، بيشوفوا حالهم سبيشل، بشكل فردي، يعني الصبية ك صبية بتكون شايفه حالها شي سبيشل وغير عن كل هالبنات، وأنا مش شبه حد، وهي فعلياً مش شبه حد، هي شخص منفرد بطبيعة حاله، والتصرف معها يكون ع هالأساس، إنه هي غير، مع إنه، نحنا ك إناث نتشابه جداً بالفعل وردات الفعل والتناقض والتفكير والعاطفة.
يرتبط النسيان بالألم، "الجسدي والنفسي"، ومدى تأثير هذا الألم علينا. يصعب على المرء تصديق أنه سيعيش أحِدى أيامه مُتألماً. يعز علينا - نحنُ البشر " ألالامنا. أما النسيان ،فهي كذبة كُذبت باحتراف، نحنُ لا ننسى، ما يحصل فعلاً أننا نتناسى. بعد عشر أعوام من الآن، نقول، قد كانت ليلة صعبة . كانت ليلة لا تُنتسى
فقدت أمي وأبوي وهم أحياء.. وفقدت حلمي الوحيد وفقدت قلبي واللي فيه، كلها بيوم واحد ودمعة وحدة مانزلت.. أنا ماني بخير وماني عارفة كيف أواجه هذا الكمّ الهائل من الألم ولاني عارفة أشرحه لقريب أو بعيد ولاني عارفة ليه كتبت هنا لكنّه قلبي، عيّا يستوعب إنه خلاص وفعليًا ماني بخير ولا أدري ليه أنا باقي عايشة
مرحبا.. كيف الحال؟ أتمنى إنك بحال أفضل وأتمنى إنك بخير. وإنه الأيام الأخيرة كانت معك أكثر لُطفاً. يا جميله، احنا هون عيله، مع بعض، ولبعض، وموجودين حد بعض، حتى لو افتراضي، لكنا موجودين، أتمنى تحطي هالشي ببالك، في ناس هون بتسمعك، وفي ناس جنبك. وبتتمنالك الخير، ولو كنتي مجهولة. بانتطارك نحنا. موجودين أكيد
يقولون، التلاتا، الأربعاء والخميس، هي الأيام البيض. اللي مناسبة لقص الشعر. صراحة ما أدري مدى صدق هالمعلومة، و وين الرابط بين الشعر واكتمال القمر! لكن، واضح إنه هالمعلومة، ممكن تكون صحيحة. يلا نحش شعرنا بنات ههه
في شمعات دائرية الشكل. بألوان وروائح مختلفة ،في منها روائح جميله جداً... بغرفة ما، من هالغرف، نضوي شمعتين، ونطفي كل الضواو، ونبعد كل مصدر للضوء.. مع كاسه نسكافيه، شاي، سحلب، والأفضل لو كان في صديق، أو قريب، أو أخت حتى، بقعدة رواق.. للأمانه جداً هالشي رهيب، ومريح
شو الصفه اللي بتخليك تحب البنت حب صادق وعفوي ونيته صافيه وبنفس الوقت تغض النظر عن صفاتها الجماليه ؟ يعني هل ممكن الشب يكتفي بالصفات الروحيه للفتاة ويبدا يشوف ملامحها جميله بالرغم من عكس هالشي نوعا ما !
للمرة الألف، بعد المليون. محتاجين شب، حب، حُب صادق بكامل سلبيات وعيوب الشريكة، وما تأثر، بحبه ومشاعره بعوامل الوقت،والكثرة ، والملل، وحُب التغيير، وحط بعد ذلك ألف حجة وحجة لأجل ما يأنبه ضميره. إذا كان موجود، نقول، آلووو؟!
المرونة بشخصيات الأفراد، بتخلي عندهم القدرة على إنهم يكونوا حقيقين مع كل فرد، أو ظرف على حِدا. بِحُبك لشخص أنت حقيقي، باحتياجك لشخص أنت حقيقي، كُرهك وغضبك من شخص حقيقي. "هاد عند الأشخاص الطبيعين"، مش المنافقين والمريضين نفسياً. سو ،آه ، أنا دائماً حقيقية بما ينُاسبني ويناسب اللي بتعامل معاه.