سلسبيل 🙈 كيف حالك وحال العيلة ان شاء الله بخير ! 😊
أهليين محمد عاش من شافك :) عيدك سعيد كل عام وانت بخير .. ينعاد عليك بالصحة والسلامة انت وعيلتك . الحمد لله بخير كيف حالك انت ؟ وشني أخر أخبارك ؟؟ لينا فتره معاش تواصلنا ومعاش نندرو على أخبار بعض :( منور ع السؤال ^ـ^ بارك الله فيك
تتبردي؟ ولا غباء ؟ جوابي على قد السؤال مش ضروري تلفي وادوري
الواضح اني حرقتلك دمك ؟ أظن كاني مش غالطة اني كاتبة: لك الحق أن تسأل .. ولي الحق في ألا أجيبك ..! ليا كل الحق اني مانجاوبش على أسئلة شخصية وماليكمش علاقة بمعرفة إجابتها فأحترم نفسك وخلي أسئلتك الفضولية الشخصية لغيري واسأل أسئلة باهية كان بتسأل كنهذا لا تقربني لا تجي جيهتي وع فكرة إجابتي كانت على قد غباء وبرادة أسئلتك ^ــــــــ*
نعم حياتي كلها حب الحمد لله كم مرة ؟! لو قلنا ان عدد أفراد عيلتي 5 مع أقاربي ممكن يوصلو حتي 150 ممكن أكثر لو قلنا صاحباتي حتي هوا عدد لا بأس به لو قلنا الجيران والمعارف فنفس الشيئ مش معروف العدد مانقدرش نقولك كم مرة السؤال جاني زي يلي يقولك كم حبة رز في الصونية ؟
الحب = إهتمام + إحترام + تقدير + تضحية + ثقة الحب مش مجرد كلمة "انحبك" ، الحب هو "فعل" لــ "انحبك" الحب هو الكلام الطيب الإبتسامة الحنونة والعيون الصادقة الحب انك تلقي يد حنونة على كتفك تواسيك وتساندك وتوقف معاك انك تلقي حضن دافئ يحضنك بمودة وبعطف وبصدق ويقولك اني جنبك انه تلقي نفسك في عيون يلي يحبك وفي قلبه وروحه ويعاملك كأنه يعامل نفسه وأهم شيئ الإهتمام ثم الإهتمام ثم الإهتمام لو نقص الإهتمام معناها نقص الحب:)
اتقوا الله في بعضكم حبو بعض واحترموا بعض قدرو بعض وساعدو بعض مافيش داعي من الحقد والحسد والغيرة صفوا قلوبكم من السواد والخبث والأنانية مجتمعنا يحتاجنا ماتخلوشي يضيع من ايدينا