لو جبت تقدير عام جيد والgpa =1.840 في الترم الاول وشديت اكتر في الترم التاني ممكن اجيب جيد جدا مرتفع أو امتياز ...ارجو الرد
أنا نظام قديم للأسف فمعرفش حاجة عن الgpa
هل السجاير سبب مقنع يخلي واحده ترفض واحد؟
اه طبعا بعد ما شفت الناس بتعاني عندنا في مستشفي الصدر بسبب التدخين و فيه ستات منهم تدخين سلبي(يعني القرف اللي هم فيه بسبب ازواجهم) فالموضوع يستاهل طبعا
الحب ولا التفاهم ي دكتور ؟
التفاهم
هتعمل إيه لو حد خيرك بينه وبين أهلك، والحد دا بيحبك جدا
سؤال اجابته المفروض معروفة للكل أي حد في الكون يعني هييجي ايه جمب أهلك؟! أهلك في كفة و الكون كله في كفة تانية.ماحدش تعب عشانك أدهم
مفيش حاجة أثبتت نجاحها أكتر من التانية..الاتنين فيهم نماذج ناجحة و فاشلة أهم حاجة يبقي فيه تفاهم و قبول و قريبين من بعض علميا و اجتماعيا و فكريا..و يبقي فيه احترام ما بين أهله و أهلها
هو انا لو خطبت أسرف على خطيبتي ليه ولا بتاع ايه دة عادات متخلفة
ممكن اجبلها هدايا على قدر استطاعتي مبقاش بتعلم واصرف علي نفسي واجي اخطب اكون مطالب بحاجات ليست من واجباتي. لما تبقا مراتي اة
هو فيه ناس بتصرف علي خطيبتها؟ يعني أنا أعرف الناس بتجيب هدايا..بتخرج خروجة حلوة مثلا لكن هي أصلا المفروض متطلبش منه حاجة
لو منك هتجاهل أنا كمان..مبحبش العلاقات الغير عادلة مع أي شخص سواء قريب أو صديق( مجربتش النوع التالت 😂) فمن حق نفسك عليكِ إنك تحبيها و متسمحيش لحد ييجي عليها و لو بالتحاهل حتي
لو بحب حد ومعرفتي بيه فترة قليلة وكنا متفقين علي خطوبة وفاجئه قالي ظروفي مش حلوة وهو فعلٱ الظروف معاه مش تمام بس حسيت من كلامه انه مش فارق معاه يعني عايزة تكملي كملي مش عايزة مش فارقلي وانا خدت قرار اني ابعد عشان مش عايزة اتعلق بيه اكتر سؤالي هنا قراري كان صح ولا كان لازم استني عليه شوية
صح مليون في المية..أنت كدة حفظتي قلبك من إنه يتكسر و حفظتي كرامتك و صنتي نفسك 💙💙 فبرافو عليكِ بجد إنك أخدتي القرار دة..نفسيتك هتتعب شوية بس هتعرفي بعدها إنك صح و ربنا هيعوضك إن شاء الله ❤️
أعصابي بتتعب وقت ما بكون مضغوطة و معظم حياتي مذاكرة و مش عارفة أعيش الحياة الطبيعية بتاعت باقيت البني آدمين 💔 و بتعصب أوي لما حد بيعلي صوته و هو بيكلمني أو بيكلم أي حد تاني و بنفر من الأشخاص دي و بتجنبهم