Ask @SamirMohamed776:

-

ساآاآمو9و.✌
الوقت بدل الضايع بمفهوم لغة كرة القدم مقدار نسبي من الوقت يحسبه الحكم بعد انتهاء الوقت الأصلي للمباراة في كل شوط حسب ما يراه الحكم من وجهة نظره البحتة لتعويض مافات من وقت توقفت فيه الكرة لإصابة وعلاج بعض اللاعبين أو خروج الكرة خارج الملعب أو حدوث أي ظرف طارئ خارج إطار القانون المنظم للعبة كرة القدم .
واللي بيشوفوا مبارايات كرة قدم عارفين قد ايه اللحظات دي من العمر بتكون فارقه حتي احساسنا بيها بيكون مختلف عن باقي وقت المباراه . فيه لعيبه بتجيب اهداف وتوصل فريقها للفوز لانها صدقت في قدرتها علي احداث التغيير واستحقاقها للفوز . وفيه لعيبه بتضيع فريق كامل بسبب أخطاء بترتكبها في تلك الدقايق الفاصله . احساسنا بمرور الدقايق دي كمان بيكون مختلف يعني ممكن يعدوا عليك كعمر كامل لو انت حاسس انك خسران ومحتاج تعوض وعندك طاقه وجهد وعزيمه بتخليك مستقتل ومصدق في الفوز وممكن يعدوا عليك بسرعة البرق لو الهزيمه قتلاك وقاتله جواك احساسك بالاستحقاق والجداره . بيدور طول الوقت في دماغي سؤال هل الحياه بتمنحنا وقت كتعويض للفرص الضايعه من عمرنا ؟ هل احنا بنكون واعيين للوقت ده وان محدود جدا وممكن يغيرنتيجة مباراة حياتك كلها ؟ هل بنكون جاهزين له وقادرين نبذل فيه الجهد المطلوب ؟ هل قناعتك نفسها بتفرق يعني لو انت مصدق ان نتيجة المباراه غير عادله وانك تستحق انك تفوز هل ده ممكن يخليك تجيب اجوال في اخر دقيقه وتغير النتيجه لصالحكِ؟ وهل لو انت منهزم تماما وارادتك منسحقه ده ممكن يخليك مستسلم ومعندكش قدره علي التغيير ؟ وهل لو انت غير مبالي او مكترث او عندك ثقه زائفة بان النتيجه لصالحك ممكن ببساطه يدخل فيك اجوووال ويضيع منك الفوز؟ . انا من المصدقين ان القدر منصف وبيدينا فرص للتعويض فيه مننا اللي بيشوفها وفيه فينا اللي بيطنشها وبيعمل نفسه مش واخد باله لكن فيه لعيبه وده حقيقي جدا بتصنع تاريخ ليها ولفرقها من خلال اداءها في الدقايق دي . الفرق الجوهري هو تصديقك لنفسك واستحقاقك للفوز . ربنا لانه عليم باحوالنا بيطبطب علينا من وقت للتاني ببعض الفرص الثمينه جدا اللي ممكن فعلا تغير حياتنا للافضل كل اللي بنكون محتاجينه هو الوعي مجردالوعي بانك تستاهل تعيش الحياه اللي بتتمناها وحتي لو مطلوب منك جهد للتغيير والجهد ده شاق ومضني فانت حتستقتل وتجيب اخرك زي ما بيقولوا علشان مصدق انك شخص جدير بالافضل . انا ممتن جدا للأشخاص اللي في حياتي بيؤكدوا هذا المعني واللي قلبي معاهم وبادعيلهم ان ربنا يحقق لهم اللي بيتمنوه او الأشخاص الملهمين اللي بيظهروا في حياتنا في الوقت اللي لما عزيميتنا فيه بتنهار يسندونا ويخلونا نصدق في نفسنا ونكمل معافره في رحلة الحياه الشاقه الممتعه ولان تشجيع الجمهور في اللحظات دي بيفرق جدا وبيزود معنويات الفرق .!

View more

-

ساآاآمو9و.✌
نصيحة من اخ..
فى المرحله الاولى من التعارف، الشخص النرجسى بيبقى كل همه انه يلفت النظر ويخلى اللى معاه ميفكرش فى حاجه تانيه غيره
بيغرقه بالمعنى الحرفى بالاهتمام والمشاعر ولو كريم شويه بتبقى هدايا وخروجات وكلام وtexting طول الوقت.
بيحسس اللى معاه انه توأم روحه وماصدق لقاه وغالبا مبيبقاش فيه اى خناقات ولا اختلافات فى الفتره دي،
بعدها هيطلعك على السحاب وتبقى طايره من الفرحه انك لقيتى الشخص اللى فاهمك وحاسس بيكى ومعوضكً على كل الاهتمام اللى ناقصك فى حياتكً كلها...
-خدوا بالكوا كمان فى المرحله ديه بتبقى الاسئله كتيره جدا عنكوا كانها اهتمام حقيقى...
بس فى الواقع هو بيبقى بيلم معلومات عن نقط الضعف عشان ديه هيتلعب بيها فى مراحل جايه.
بعد كده هينزلك على جدور رقبتك و هتاخدي صدمة عمرك و أول مايلاقيكي انهارتي وضعفتي يبتدي رحلة التلاعب حبة ابهار و حبة اهمال و حبة تقليل منك و نفضل في الدواير دي لحد ما تتدمري نفسيا و دماغك تضرب و يبقى هوا المتحكم الأول والاخير في حياتك ...نصيحتى: شغلوا الحاسه السادسه شويه يا حاجة وبلاش أفورة أحاسيس وسيطرة_هرمونات !!! ...
لو الموضوع باين انه تطور بسرعه زايده او وخيالى ومش واقعى وكانكوا دخلتوا فيلم رومانسى وانتوا الابطال فيه من بدرى اوى.... اهربوا فورا من العلاقه ديه لان الحب بيتبنى بالمعرفه والمواقف ولازم ياخد وقته.
خلينى أأكد انى مش بعمم وانى مش ضد الاهتمام والمشاعر الجميله،
اللى بقوله ان لو احساسكوا مش مرتاح لسرعة تطور المشاعر غالبا بيبقى احساسكوا صح.
الحب لازم ليه وقت ...
الانجذاب ممكن يبقى فورى بس الحب لا محتاج وقت واثبات بمواقف جدعنه مش بس بكلام
احنا لسه فى اول الرحله...
متستعجلوش وتحكموا على شركاء حياتكوا دلوقتى غير لما نخلص بقيت المراحل.
نصحيتي لكل بنت وست :
اوعي تتخدعي بالمظاهر الكدابة و المشاعر المزيفة !!!
لازم تتعلمي تكوني ناصحة
خلي مشاعرك صعبة المنال خلي حبك و اهتمامك للي يستاهل ...
للي قطع معاكي مشوار كبير و مجهود اكبير عشان يوصلك و تكوني حلاله...
ابني ميت حيطه سد عشان ميعرفش يوصلك غير الي عايزك بجد و تعب عشان يوصلك .!
انتي غاليه انتي قويه، انتي نص المجتمع الجدعة الي بميت راجل.!
فكري صح تكسبي عمرك الجاي كله
*الي المؤنسات الغاليات دمتم اطهر ما انجبت الارض❤️

View more

Next