عكس القوة , ضعف ! كيف هيك ، و الضعف هو الأساس اللي بجيب القوة ؟ مصدر القوة ضعف ، و مصدر الضعف قوة ..القوة و الضعف بكملو بعض ! بدون ضعف فش قوة ، و لو فش قوة فش ضعف اللي يولد القوة الاقوى من اللي قبل
- شو بنستفيد من هالكلام ؟ انو أحياناً التضاد و التعاكس بكون اشي منيح ، الضعف بفيدك كتير و ممكن القوة تضرك جداً ! يعني نرضى باللي صار و نعرف انو خير النا ، و نحاول نغير الغلط لصح و الصح لأصح و الأصح لأفضل و هيك بصير كل اشي ماشي صح 💙 ادمج المتعاكسين مع بعض و هيك ح يصيروا متوافقين .. زي م بنحكي ، في التعاون قوة ، و التعاكس لما يتعاون مع التوافق بتطلع القوة ! طور من تفكيرك وفكرك 🌸 -
نفسي افهم كيف في ناس بتقدر تمثل انها بتحبك 🙄 او لا قصدي بتمثل انها بتعشقك -عشق- مش طبيعي ، و بيمثلوا الاهتمام و انهم خايفين عليك ، و انت بتكون بدك تبكي من كتر الحب و الكلام و المشاعر الفياضة و بتكون مش مصدق انو في ناس بتجنن هيك 💙 و فجأة كل شي بيطلع خيال .. بيطلع هبل .. بيطلع كذب ☠️ بس لغايات معينة .. انتو كيف هيك جد يعني؟ .. يعني كيف بتقدروا تكونو بهادا المستوى العالي من النفاق و الخداع كيف بتقدروا تتصنعوا بهاي الطريقة الرخيصة؟ كيف بتقدروا تعملوا شي و جواكم اشي تاني ؟ انتو ناس طبيعية ؟ انتو مُدركين انكم وباء ؟ 🙄♀️
- ولاد عالم و ناس💙 -ولاد العالم و الناس ..هدول هيك ناس نضيفة .. نضافتهم من جوا و بتظهر برا .. مش بالمصاري ابدا..! 🙏- ولاد العالم و الناس ما بتفرق معاهم شو نوع سيارتك ولا شو ماركة اواعيك.. ولا بينهبلوا بس بشوفو حدا معو مصاري، رح يتعاملوا معك بطريقة حلوة لشخصيتم و اخلاقك🌸 - ولاد العالم و الناس رح يفترضوا انك منيح و رح يتعاملوا معك ع هادا الأساس .. ولو ثبت العكس رح يبعدوا عنك .. ما رح يعرفوا يعملوا غير هيك ..♀️ - ولاد العالم و الناس رح ينصدموا في ناس كتير بس لا بيعرفوا يكرهوا ولا يأذوا حدا .. - ولاد العالم و الناس ... دائما بتلاقيهم موجودين وقت ما تحتاجهم .. 🖤- بتعرفوا ولاد العالم و الناس مين هما و شو اسمهم في زمنا ؟؟ اسمهم الناس " الهبايل " ..!! بس بكفي انو عندهم من جواهم سلام داخلي .. و مش مريضين و همجيين و قليلين أدب ، بكفي انهم متصالحين مع نفسهم ومرتاحين ..🙏🖤ولاد العالم و الناس قلوا كتير .. مشان هيك هما غاليين كتيير 🌸
في ناس رح تكبر بعينك كتير، و ناس تانية رح تنزل منها ، ناس رح يضلوا في حياتك و ناس رح يروحوا ، في ناس همجية و قليلة أدب و مكيودين منك و هدفهم يأذوك، في ناس رح يدخلوا قلبك و ناس يطلعوا منو بسبب تصرفاتهم ، في ناس رح يكونوا موجودين دائما و وقت ما تحتاجهم ما رح تلاقيهم؛ و ناس ما بيكونوا موجودين غير لمصالح معينة ، في ناس بتكون بدها تشوفك بخير و بس ، و ناس بتستناك توقع مشان تتشمت فيك ، و ناس مهتمة فيك مشان بتحبك ، و ناس مهتمة فيك فضول مش أكتر 🙏🙄مش مهم كل هادا .. المهم انت تكون بخير دايماً .. سواء بوجود هالناس او بإختفائهم .. 🖤 صدقني مش كل الناس بتستحق تكون موجودة في القائمة .. عشان هيك لازم كل فترة تعمل update جديد 🙏 و لازم تعدل على القائمة و تعيد ترتيب الاوليات اول بأول .. و الي حاطك اخر اولوايته.. اشطبه من القائمة أصلا .. معلش بس ما الو اي داعي .!! ✋