@Saraaablue

Sara Nasser el-Din Mohamed

What noise do you hear right now?

واحد ابن حلال الله يكرمه يعني مشغل أغاني بعربيته ولا الموتسيكل بتاعه مش عارفه ومسمع الشارع كله معاه .. لأ وأغاني راقيه جدا ما شاء الله عليه :D :D
#المشاركه المجتمعيه حلوه مفيش كلام :D

Latest answers from Sara Nasser el-Din Mohamed

لو كان ليا صديقة قريبة منى جدا وكنا صحاب جدا ..ولما ارتبطت بدات تتغير شوية معايا ..مبقتش تحكى زى الاول ..المفروض اعمل ايه ..هل ابعد انا كمان ولا اتصرف ازاى ..اوانتى ك بنت شايفة هى كده صح ولا لاه ؟

كلمة "انتي ك بنت" دي حسستني ان ممكن يكون اللي بيسأل ولد .
هاجاوب بافتراض الاحتمالين ..
لو انتي بنت : ف لا متبعديش انتي كمان واتكلمي معاها لأن مفيش مبرر انها تبعد عنك ف جايز يكون في سوء تفاهم انتي مش واخدة بالك منه .. ولو بعد ما اتكلمتوا لقيتيها مصرة على موقفها .. ممكن متحكلهاش انتي كمان أوي بس متبعديش عنها تماما ومتقطعيش علاقتكم نهائي
وحاولي من جواكي تبقي مسامحهاها ..
لو انت ولد : كان في اجابة لسؤال شبه ده شفتها من فترة وعجبتني .. ومتفقة جدا مع أغلب الكلام .. ده اللينك بتاعها
http://ask.fm/MohamedEssam556/answer/130066553907
وبناءا على ده ف لو الموضوع انها مبقتش تحكي معاك .. ف أه انا شايفة انها صح ..
لكن لو موضوع انها تعمل ريموف او بلوك او تقطع الكلام نهائي ف اعتقد ده مش صح
عموما يعني رايي في الموضوع ده ان القرب الزايد بين ولد وبنت فعلا غلط وبيسبب مشاكل كتير
وبعد المواقف اللي مريت بيها في الكلية تحديدا *واللي أسأت التصرف في كتير منها* اتعلمت انه كل حاجة بالحدود بتبقى كويسة .. بس احنا اللي *بنشطح* كتير ونقول *عادي* ..
واتعلمت ان انت ك ولد أو انت ك بنت المفروض تتعامل مع النوع التاني على الأساس اللي هترضاه على الشخص اللي هترتبط بيه انه يتعامل بيه مع
غيرك بعد ما تتخطبوا أو تتجوزوا ... مش تبقى بتتعامل براحتك قبل ما ترتبط وبعدها تقول لأ مينغعش أعمل كدة دلوقتي
وفي الآخر بردو مش شايفة ان الموضوع يستاهل انك تشيل من حد *ولا في أي حاجة تستاهل والله* .. كان عندي ولاد في الفريندز ومكوناش بنتكلم كتير أصلا .. وفجأة لقتهم مسحوني وقالوا انهم مسحوا كل البنات "علشان التزموا دينيا" على حد قولهم .. ومن وقتها لما بنتقابل صدفة بنسلم عادي وبابقى فعلا مش شايلة .. هو حس انه كان غلط وكدة بيصحح غلطه .. ف هو حر وربنا يتقبل منه ويهديه ويهديني .
ربنا يغفرلنا جهلنا وسوء تصرفنا وضعفنا ويهدينا ويهدي شباب وبنات المسلمين ..

View more

What are the three things that you cannot live without?

اهلي والصحاب .. والفلوس اعتقد

ممكن ابقى غلطان في حاجة وعارف بس بكابر؟ ولو اه المفروض اعمل ايه علشان اعرف ده؟

اه ممكن جدا .. متعملش حاجة .. هتلاقي نفسك مش مرتاح ومتردد دايما وبتفضل تسال نفسك هي صح ولا غلط ونفسك بتحاول تبررلك انك صح .
او يمكن لو ربنا رازقك بناس حواليك بيقوموك دايما وهما عارفين الحاجة دي او انت ممكن تحكيلهم هتلاقيهم بيعاتبوك ويردوك للصح .
ولو انت اصلا مبتحاسبش نفسك وضميرك نايم شوية .. مش هتعرف انك غلط لما تقع وقعة حلوة تفوقك .. او متفوقكش بردو ! وساعتها خاف علی نفسك

@ all kan fe 7agat fair enough .. now answer this > describe me :D 3:)

العاقلة المجنونة :v والطيبة الشريرة :D اني واي يو ار ديفرنت .. حبيبتي ♡

برافوا عليكي .. انا فعلاً اتفصلت و مش دي الاجابه اللي كنت مستنياها :D !! انتي قنوعه اوي !!

انا عارفة جدا والله .. حاولت اجيب اي حاجة مادية او ممكن تتقاس وتتحقق بافعال .. بس هابقی بأحور !
بس يعني اخر نقطة دي تشمل حاجات مادية كتير شبرقي نفسك بيها بقی ?

mention in points your top ten reasons to make you happy for now at least..

انا لما بيجيلي سؤال زي ده في الامتحان باكسل اجاوبه ?
- احساس ان ربنا راضي عني
- احساس اني مش ظالمة حد وضميري مرتاح عموما
- احساس ان اللي حواليا بيقربوني لربنا وبيساعدوني ويقوموني
- لمة صحابي واحساس اني فارقة معاهم ..
- اكون متصالحة مع "نفسي" بكل معاني الكلمة ^^
- فكرة اني اخذل امي تتمحي من الوجود بقی -_-
- النجاح عموما
- احس ان في حد باحبه حابب يشاركني تفاصيله
- الخروجات مع ناس بحبها بقی :'D
كفاية كدة .. لو حصل كل دول انا ممكن اتشل واموت من فرط السعادة واللذة ?
ممكن تحسيها حاجات فصيلة او خيالية .. بس حقيقي هي دي اكتر واهم حاجة ممكن تفرح شخص emotional زيي

If the whole world were listening, what would you say?

*ادعولي* ..
لعلها تكون ساعة اجابة او لعل من بينهم حد بيدعي ب صدق واخلاص
فاكس اي حاجة دنيوية والله ..

حب الناس نعمة كبير .. حافظى عليها و الأهم من الحفاظ عليها هو أستغلالها أنك تأثرى فى الناس بشكل إيجابى .. أنتى فعلا بتعملى كدا أستمرى و زوديه .. الدنيا محتاجة اللى زيك فيها كتير خصوصا فى الوقت اللى عايشينه دا اللى الناس فيه تعبانة و مضايقة :D ..

انا حرفيا أشفقت علی نفسي بعد ما قريت السؤال ده :$$
اللي هو كأن نملة شايلة صخرة فوق ضهرها ^^
انا اقل واصغر من كدة بكتير والله .. اللهم اغفر لي ما لا يعلمون :$
حاضر والله هحاول اعمل كدة دايما ان شاء الله ورينا يعزك ويكرمك عالكلام ده :$

ساااارة ليه متغيرة السنادى ؟؟ متغيرة فى ايه ؟ متغيرة بشكل عام سارة السنادى غير السنين اللى فاتت تمااااما

هو انا مقتنعة ان كل سنة باتغير عن اللي قبلها .. يعني مفتكرش اني كنت ثابتة كل السنين اللي فاتت واتغيرت السنة دي بس ..
ومقتنعة بردو ان التغيير ده سنة الحياة وبيحصل لكل الناس في مراحل مختلفة وبطرق مختلفة ..
متغيرة ليه .. علشان ظروفي اتغيرت .. الحاجات اللي بتاثر في تفكيري اتغيرت .. الجو العام حواليا اتغير .. التجارب اللي بامر بيها بتتغير .. باكبر يمكن ^^
متغيرة ف ايه .. حاسة انه مش انا اللي مفروض اجاوب عالسؤال ده .. طالما انت/ي شايف/ة اني اتغيرت .. يبقی اكيد شايف/ة اتغيرت ف ايه
اهم حاجة .. اتمنی ان ميكونش التغيير ده ظلمتك بيه او اثرت عليك سلبيا بيه لو كنا بنتعامل مع بعض علطول :$

Language: English