إنه عُشب الضفة المقابلة الذي سيبدو "دائمًا وأبدًا" أكثر اخضرارًا طالما لم تطأه قدماك. لو كانوا اتجوزوا كانوا هينسوا بعض والناس هتترحم من وش الموضوع ده.
السلام عليكم انا بنت حالتي الماديه متوسطه وابويا امام مسجد وعلي قد حالنا انا وزميلي بنحب بعض حب محترم وبكل ادب هو دكتور زيي بس حالته الماديه ماشاء الله وعندهم محلات دهب والكلام ده . انا اكيد هيرفضوني بسبب حالتي الماديه خصوصا اننا مليش ورث ولا املك شيء غير تعليمي وكرامتي واننا فعلا كنت براعي ربنا فيه
الحقيقة طبعا يومين سحابة حزن و هيعدوا وأكيد فيه فرص و محاولات تانية إن شاء الله يبقى فيها توفيق من ربنا
دكتوره ساره ازيك ❤️ انا امتياز حاليا وعاوزه افهم منك نظام الزماله ايه.. يعني اقدر اقدم عليها امتي والتخصص اللي هيجيلي بتحدد بايه وكدا لاني مش عارفه اي حاجة
الحمد لله الزمالة نظام موازي للماستر بس شهادة عملية تدريبيه واقوى من الماستر. فيه راحة من دوشة وحوارات الرسالة والمشرفين بس إمتحانات الزمالة أصعب و ونسب النجاح قليلة مقارنة بالماستر. كل سنة بتفتح حركة نظام النواب فى شهر أكتوبر او نوفمبر تقريبا وبياخدوا عدد محدد بيبقي متوزع على المستشفيات المعتمدة كلها.. فرصتك بتعتمد على تقدريك و الاماكن اللى بتكتبيها. الزمالة تنافسية وتقديرتها أعلى من الماستر. اهم حاجه دلوقتي حددي ميولك وشوفي ظروفك الشخصية وحطى بلان a, b, c.
ايه رايكوا في الجواز في بيت العيله في ريف ؟
شخص كويس ومحترم وجدع ومفيش امكانيه للايجار
بتعرفي تجرى؟!
تفتكروا ليه الراجل ممكن يخاف من شخصية الست المستقلة؟ او اللى بتشتغل بتعرف تتكلم تتناقش ، شخصية جريئة وكده؟ مع انها كربيرسونال ممكن تبقى شخص طيب جدا وحنين وجدع ، ولكن هى اتعلمت انها تعتمد ع نفسها وكده، خايف تسيبه يعنى ولا تفكيرهم ازاى؟
لاء بصى الرجل الحق القوى نفسيا و الواثق فى نفسه واللى بتكون له القوامة عن استحقاق مش بيخاف من شخصية الست المستقلة.. بالعكس ده هو اللى بيحب ان الست اللى معاه تكون قوية ومستقلة ويُعتمد عليها.. لكن الذكور ضعاف الشخصية ذوى الهشاشة النفسية اللى بيغووا الفاشلات الغبيات عشان ميحسوش بعجزهم ولا نقصهم.
ازاي الشخص يدوس على قلبه ويفكر بعقله بعيد عن اي عاطفه
البنى آدم لما ياخد على قفاه كتير هيتعلم غصب عنه يحط قلبه تحت رجله عشان يقدر يكمل فى حياته.
بتآمن بالحب من اول نظرة ؟!
أظن أنه حقيقة بدرجة ما.. فالغالب أن المُحب من النظرة الأولى قد سبق له اللقاء مع محبوبه بالفعل. تعرف عالم الذر أو الميثاق؟ يُقَال ان في بداية الخلق مسح الله تعالى على ظهر آدم عليه السلام وأخرج منه كل ذريته وأشهدنا في ذلك الوقت وقال ألست بربكم؟ قلنا بلى "وَإِذْ أَخَذَ رَبُّكَ مِن بَنِي آدَمَ مِن ظُهُورِهِمْ ذُرِّيَّتَهُمْ وَأَشْهَدَهُمْ عَلَىٰ أَنفُسِهِمْ أَلَسْتُ بِرَبِّكُمْ ۖ قَالُوا بَلَىٰ ۛ شَهِدْنَا ۛ أَن تَقُولُوا يَوْمَ الْقِيَامَةِ إِنَّا كُنَّا عَنْ هَٰذَا غَافِلِينَ" وقتها كنا أرواح في عالم الميثاق أي المكان الذي أخذ الله فيه الميثاق منا وهناك إجتمعت كل أرواح بني آدم وتعارفت فيما بينها.. ومن ألفتهُ هناك ستألفه في الحياة الدنيا ومن تنافرت معه ستنفر منه في الواقع.. زى ماقال عليه الصلاة والسلام "الأرواح جنود مجندة ما تعرف منها ائتلف وما تناكر منها اختلف". فالله تعالى جمع الأرواح مع بعضها قبل خلق الأجساد وهذا هو سبب حبنا أو إستلطافنا لشخص ما حتى بدون أن نعرفه.. زي الفكرة اللي طرحها أفلاطون إن الأرواح بتتخلق الأول في العالم العلوي وتتلاقى وبعدين تتخلق الأجساد عشان كده بيحصل اتفاق سريع لما اتنين مكتوب لهم يتجوزوا يشوفوا بعض لأن أرواحهم بتكون اتلاقت قبل كده. ابن حزم الأندلسي برضو اتفق مع الفكرة دي من منظور إسلامي مستند على آية "خلقكم من نفس واحدة" وقال إن النفوس البشرية اتخلقت من نفس عليا واحدة واتوزعت اجزاءها فلو الأجزاء دي اتصلت بين اتنين بيحصل الحب وبيحسوا إنهم عارفين بعض لأن نفوسهم اتصلت كأنهم كانوا تايهين مثلا واتلاقوا. عشان كده الإنسان لما بيلاقي شريك حياته بيحس بالكمال. والله أعلم.