Ask @Shahd_ca:

-

شفتوا هي البنت اللي جوزها شايفها ومو مصدق وشايلها عكفوف الراحة ؟
يمكن ابوها مريض او امها مريضة ، وربنا راد يعوضها بجوز صالح ..❤❤
شفتوا هاد الزلمة اللي معو مصاري كتير وكل يوم سيارة شكل ؟
يمكن ما بينام الليل من وجعو من مرض معين ، وربنا راد يعوضو بالمال ..
شفتوا هي البنت اللي شغلها ممتاز وسيارتها معها وطول الوقت طالعة ؟
يمكن ربنا أخر نصيبها وراد يعوضها بشوية بسط ..
شفتوا هاي البنت اللي كل يوم ببلد هي وجوزها وبيتصوروا ومبسوطين؟
يمكن ربنا حرمن الضنا وراد يعوضن بشمات الهوا ..
وقيسوا ع هالحكي حالات كتير بالمجتمع...
ما في حدا حياتو كاملة .. حتى لو تهيألك هيك ..
كل واحد في بحياتو شي ناقص .. مو ضروري يكون مكتوب عجبينو .. ومو ضروري يشكيلك ..
كل واحد لما بيحط راسو عمخدتو بالليل بيفكر باللي ناقصو ..
ناس بتشكي وبتعترفلك باللي ناقصها .. وناس بتكتفي انها تسكت و تقول الحمد لله .. نحنا احسن من غيرنا ..
ربك عطاك شي انت مو حاسس بقيمتو .. وبنفس الوقت حرم غيرك من نفس هاد الشي ..
احمد ربك عالنعمة اللي عندك .. واترك الناس بحالها ..
في ناس بتتمنى يكون عندا نص يلي عندك
اذا مومال يمكن صحة…
ويمكن عالقليلة في ناس بتتمنى تكون متلك بالا وضميرا مرتاحين
انت بتنام لا مزعل حدا ولاقاهر حدا
بينما هوي بجوز ضميرو ماعم ينيمو من الوجع
#الحمدالله_ع_كلشي ❤

View more

Next