@ShaimaAlEmour

Shaima' Al Emour

ما رأيك بالزمان ؟؟ ككيف يجري بسرعة .. صف كيف تتقلب الأيام .. كيف يتغير البشر ... كيف تتطور الحياة ..

يجري الزمان بسرعة فعلاً ، وما في بركة بالوقت أبداً ، احنا بزمن السرعة فبالتالي كل شي بتغير بسرعة ، الناس ، المناخ ، التكنولوجيا ، البيئات ، وغيره .
الواحد ما بحس بالوقت ، لأنو أغلب الوقت مع التلفونات وتطبيقات التكنولوجيا الي بتتحدث كل يوم ، بضيع اليوم والواحد ما حس حاله عمل اشي إذا مضاها عالموبايل.
زمان لما كانت أشغال الناس أقل واهتماماتهم أقل ومعارفهم أقل كان في الوقت بركة ، كانوا يستنو أشياء بسيطة ، مواسم الحصاد ، رجوع المسافرين ، عودة غائب ومعه الشهادة ، فبالتالي كان معهم وقت يحكو مع بعض ، يتناقشو ، يزورو بعض ، ويحسو انو في بركة بالوقت ، حتى أحلامهم ومطالبهم كانت بسيطة فأي اشي يرضيهم .
حالياً كل واحد بتلاقيه بمية وجه ووبدي رأيه بكل اشي حتى بدون ما يعرف فيه ، صار الكذاب المنافق الناس تحبه ، والصادق الأمين صاحب الضمير يهاجموه ويدمرو .
صعب نحكي الزمن الماضي أفضل أو الحاضر أفضل بس عالأقل زمان كانت الأخلاق والقيم أكثر من هيك بكثير وكل مالها للزوال ، وكانوا الناس أسعد !!!
❤️ Likes
show all
OsamaYS’s Profile Photo

Latest answers from Shaima' Al Emour

بدي حل لتقطيع الصلاه عندي 😞 جد احكولي شو الحل ؟؟ يا رب يلي يجاوب يكون سبب لعدم تقطيعي بالصلاه

ظلي ادعي "ربي اجعلني مقيم الصلاة ومن ذريتي"
وإجمالا بحس البيئة المحيطة كثير بتلعب دور، الأهل الملتزمين الي القرآن دائما مشغل ببيتهم وبأمروا أولادهم بالصلاة بكل ساعة أكيد رح يأثر هالإشي على سلوك أولادهم في العبادات، نفس الإشي الصحبة الصالحة الها دور كبير.
حاولي شجعي يكون في ممارسات دينية جميلة في بيتك ودوري عالصحبة الصالحة رح تلاقي حالك تلقائيا التزمتي، بإذن الله

هل تميل الى الحكم على الشركاء الحاليين بناءاً على علاقات سابقة ؟

ما فهمت

معتقد من معتقداتك تدافع عنه بإستمرار ...؟

"ولا تقفُ ما ليس لك به علم، إن السمع والبصر والفؤاد كل أولئك كان عنه مسؤولا"

يصغر الشخص بعينك إذا؟

إذا تخلى عن الأدب
إذا تخلى عن مبادئه
إذا ذل نفسه لإشي أو إنسان ما بسوى

عندك اشخاص تكلمهم يومياً ؟

لا صراحة، وما بحب التواصل اليومي مع الناس حتى لو كنت بحبهم وبعزهم كثير

نظرتك للصداقة الإلكترونية ??؟

إذا ما تطورت لصداقة عالواقع فهي "بالغالب" فاشلة
لإنو اللقاء عأرض الواقع والتعامل الحقيقي يختلف تمامًا عن التعامل من وراء الشاشة.
لكن أحيانًا ممكن توفرلنا التكنولوجيا صداقات لناس ما سبق وقابلناهم وعايشين ببلاد مختلفة لكن بنستفيد منهم كثير بشكل أو بآخر وبنستمتع بصداقتهم.

‏مرحبـاً .. علمنا ايش أجمل بيت شعّر مر عليك ؟

كثير أبيات بحبها
مثلًا
والمرءُ يأمل والحياة شهيّةٌ... والشيب أوقرُ والشبيبة أنزقُ

Language: English