Ask @SherifArafa617:

اسخف كتاب قريته

Alaa Rashed
كتاب "قصة الخلق: من العرش الى الفرش" اسخف كتاب قريته بلا منازع
بيحاول يثبت ان كل الحقائق العلمية غلط عشان بتتعارض مع النصوص الدينية! يعني مثلا بيقول ان النجوم مش شموس و لا حولها كواكب، لأن القرآن بيقول -حسب فهمه- انها ليست إلا مصابيح هدفها تزيين السماء!

View more

مرحبا استاز شريف اولا انا معجبة كتير بكتبك وغيرت في كتير اشياء وغيرت نظرتي كمان لكتير اشياء متل الحظ والقضاء والقدر هلأ السؤال انا من سوريا وبدرس ارشاد نفسي رفيئتي بسبب الظروف اضطرو يطلعو ع مصر واضطرت كمان تغير فرعا لان ماموجود عندكن بمصر فالسؤال انت بتعطي شي دورات او محاضرات بالقاهرة تئدر تحضرن ?

شكرا لاهتمامك.. للأسف أنا أعيش خارج مصر حاليا..لكن كتابي القادم سيكون متاحا قريبا, و يتناول مجموعة من الموضوعات الجديدة بشكل متعمق و مناسب للقارئ العادي وايضا للمتخصص المهتم بالجوانب الاكاديمية. خالص التحية و التقدير لكل أهلنا في سوريا

View more

سؤال غريب شوية . إيه اللى بيخلق عند البنى آدم اللهفة لتملك شىء ..ثم الفتور بعد تملكه ..وربما مع الوقت يمتلك شعور بالكراهية تجاه ما كان يتمناه سابقاً .. هل يمكن المحافظة على نفس درجة حب الإنسان للأشياء التى يتمناها حتى بعد أن تتحقق أم أنها طبيعة بشرية كما ذكر د. مصطفى محمود رحمه الله بأن النفس ملولة؟

Mohamed Boshkash
طبقا لعلم النفس التطوري: الرغبات آلية بدائية موجودة جواك لتعطيك دافعية للبقاء و الحفاظ على النوع.. يعني بتخليك "عايز" توصل لهدف معين لأنه بيساعدك في الاستمرار في الحياة بشكل ما، و طبيعي لما تحصل عالحاجة دي، تتعلق بحاجة تانية لأن هدف البقاء نفسه مستمر.. زي ما تكون عايز تاكل دلوقتي، مش معنى كده انك لو أكلت فانت مش محتاج تاكل في المستقبل!
الموضوع بقى له معنى تاني في العصر الحديث.. إن الإنسان كائن متطور و جواه رغبة انه لازم يكون احسن طول الوقت.. عشان كده بيتقال ان السعادة هي الرحلة مش الهدف النهائي.. عشان ساعات مابيبقاش فيه هدف نهائي غير الطريق اللي بيدي معنى لحياتك.. فماتقرنش سعادتك بتملك اشياء مادية بس، لكن بفلسفة حياتك اللي تخليك سعيد و انت ماشي في طريقك و مقدر للحاجات اللي متملكها بالفعل و تفكر فيها دايما.

View more

لو سمحت عاوزه اخد كورسات او دراسة حره لعلم النفس او علم النفس الايجابي، وده للثقافة العامة وليس للعﻻج او الاحتراف،، وشكرا جزيﻻ

طالما للثقافة العامة، تابع موقع https://www.coursera.org/ و اشترك في الكورسات اللي ليها علاقة بعلم النفس (علم النفس الاجتماعي مثلا) و ادعيلي

View more

ليه قولت في كتاب لماذا من حولك اغبياء إنك مش بتصدق في الابراج وصفات الابراج علي الرغم ان في مصر عاده مفيش اهتمام شديد بالتنيمه البشريه وتتطوير النفس يعني لو الانسان من غير تتطوير هينطبق عليه صفات برجه ؟!

مش فاهم السؤال... تأثير الابراج خرافة مالهاش اساس علمي

View more

Salams Mr Sherif, I'm a 24 yrs old Moroccan, I got a B.A & worked as a high school teacher, although my ambition was to pursue my studies and get an M.A in Translation or Psycholinguistics. But I couldn't; my schedule, distance and the government restrictions don't allow.. ---> despair any advices..

Join a part time program in a Moroccan university, or get an accredited distance learning degree from UK or USA. I hope this helps :)

View more

استاذ شريف بعد اذن حضرتك استفسار بسيط ، أنا في كلية اداب قسم علم نفس وكنت حابة اني اكون دكتورة نفسية "أكلينكي" ومعلوماتي عن خريج اداب انه بيكون فقط اخصائي نفسي وانه المفروض ادرس طب 7 سنين عشان اقدر اكون دكتورة وأفتح عيادة وكدا بصراحة انا تايهة ومش عارفة بعد ما اخلص اداب اعمل ايه؟

الدكتور النفسي بيكون خريج كلية الطب.. انتي هاتتخرجي اخصائية نفسية psychologist مش psychiatrist و ممكن تتخصصي في علم النفس الاكلينيكي لو حابة المجال ده.. يعني هاتتعاملي مع المريض و تعملي له التقييم النفسي و تساعديه بالعلاج المعرفي السلوكي مثلا, من غير ماتدي له أدوية لأن دي شغلة الدكتور.. ممكن لما تتخرجي تشتغلي في مستشفى نفسي أو مع دكتور في عيادة. لكن ماعنديش فكرة ينفع تفتحي مكتب استشارات نفسية و لا لأ.. مش عارف النظام في مصر ماشي ازاي بس في امريكا مثلا ممكن محلل نفسي أو معالج بالجيشتالت يفتح مكتب استشارات نفسية بس مايكتبش أدوية طبعا
تحياتي,

View more

د/شريف..بتستخدم ادوات ايه لرسم الكاركاتير رصاص والوان ايه ؟ ولا البدايه بقلم تحديد ؟..

بارسم على الورق عادي جدا بقلم رصاص نص مللي اتش بي و و التحبير بآرت لاين و زيبرا مقاسات مختلفة، و التلوين بتابلت واكوم على الفوتوشوب CS3..

View more

طيب عمومًا رأي حضرتك في الكلام اللي في الفيديو ده ايه ؟ http://www.youtube.com/watch?v=uBdH_p9OEvo

الكلام جميل و أمين شاب مجتهد.. لكني تحفظت و نصحته منذ البداية ألا يسمي برنامجه التدريبي "علم" كما كان يفعل توني روبنز و ابراهيم الفقي. لأن العلم يتطلب أبحاث أكاديمية منشورة و تجارب موثقة النتائج و نقاش في الوسط العلمي مع حضور جدلية اعتبار الموضوع علما مستقلا لا نظرية أو فرعا من علم، و هو أمر مختلف تماما عن افكار البرامج التدريبية مهما كانت فعاليتها و إبداعها.

View more

انا شوفت راى حضرتك فى علم الطاقة يعنى افهم من كلام حضرتك ان قصة الهالات التى تحيط الانسان والطاقة الايجابية والطاقة السلبية غير صحيحة وكدب؟

لا يجد علم اكاديمي بهذا الاسم. الموضوع يندرج تحت بند العلاج الايحائي placebo

View more

بعد اذن حضرتك ماجستير علم النفس الإيجابي دة فى جامعة أيه ؟؟ و هل هو متاح لأي خريج ؟؟ ولا له شروط ؟؟ شكرا :)

ماجستير علم النفس الإيجابي التطبيقي لا يدرس إلا في جامعتين: جامعة بنسلفانيا بأمريكا و جامعة شرق لندن بانجلترا. و من الشروط العامة أن يكون الشخص حاصلا على مؤهل دراسي له علاقة بعلم النفس أو إدارة الموارد البشرية ، بالإضافة لمقابلة شخصية للتقييم

View more

ايه رايك في د.ابراهيم كريم و علم الطاقة المسمى بالبايوجيومتري حيث انه علم الطاقة الوحيد اللي لقيته تم تطبيقه تبع حكومة اوروبية في سويسرا تحديدا في قرية ريفية اسمها Hemberg وكاتبين ان في نتايج حسية ملموسة في الاغنام و المحاصيل؟؟

pseudoscience علم كاذب

View more

Hi,Mr.Sherif :) I need your help..I have interview next Monday_INSHA ALLAH_in call center agent..It's my first interview;so I'm very worried and I don't know how I make it..May I ask you advice?and tell me really what I have to do! Thanks a lot

1-Calm down- breath meditation.
2- Know the requirements and benchmarks from experienced person in the field.
3- Rehearse: mentally (imagine the situation) and physically (with friends or family)
4- Pray .. good luck :)

View more

هو فعلا قانون الجذب ..ان كلما زاد احتياجى لشئ معين بتزيد احتماليه عدم حصولى على الشئ دا ..و العكس ؟ وليه بقى لانى مش قادره اقتنع ؟

مفيش حاجة اسمها كده.. كل ما هنالك ان التخيل الايجابي و البروفة العقلية MENTAL SIMULATION بيزيدوا من ثقة الانسان و قدرته على انجاز المهام المطلوبة.. و ده ذكرته ببعض التفصيل في كتابي (أن تكون نفسك) و شرحت التجارب النفسية لشيلي تيلور في الموضوع.

View more

ليه مدربي التنمية البشرية اللي معاهم "مفاتيح النجاح" مش كلهم ناجحين...؟

لأن مدرب الكورة مش شرط يكون لاعب كويس... و الطبيب مش شرط تكون صحته كويسة.. سلوكهم لا يشكك في علمهم.
عشان كده واحد من الحكماء زمان قال: خذوا علمي و لا تأخذوا عملي!
المدرب معاه تقنيات و معلومات بيديهالك، ممكن تطبيقها بمليون طريقة و تحقق نتايج أحسن من المدرب نفسه.
المهم تكون التقنيات دي مبنية على دراسات علمية.

View more

حضرتك كنت اتكلمت فى كتاب لماذا من حولك اغبياء عن لغه الجسد وازاى تعرف ان اللى قدامك بيكذب مفيس علامات تانيه ؟

ممكن تعرف الابتسامة الحقيقية من الزائفة.. الابتسامة الحقيقية بتعمل تجاعيد صغيرة جنب العين اكتر من الابتسامة الزائفة.. فلو تعرف الشخص كويس ممكن تقارن و تعرف ابتسامته المرة دي حقيقية و للا لأ.. و مش سهل انها تتزيف.. اسمها العلمي duchenne smile لو حبيت تقرا تفاصيل اكتر.

View more

ايه رأيك في نجيب محفوظ كشخصية ؟ و رأيك في روايات زي قلب الليل و اولاد حارتنا ؟

ماعرفش نجيب محفوظ كشخصية لأني مقابلتوش للأسف.. و مش هاقول نقد أدبي للروايتين لانه مش تخصصي فانا مجرد قارئ محب لأدبه و باستمتع بيه.. مش فاكر قلب الليل لكن أولاد حارتنا لازال جوها و صورها الذهنية عالقين في ذهني جدا و أتمنى أشوفها فيلم.. و كويس ان محمد سليم العوا كتب لها مقدمة عشان حمق التكفيريين

View more

أستاذ شريف ، بعض الناس تعتقد أن التنمية البشرية مجرد كلام حماسي بينتهي مفعوله فور الأنتهاء من سماعه وتأثيره لحظي كذلك سمعت إنه ابراهيم الفقي كان نصاب ف ما تعليقك؟

مش هاتكلم عن حد .. هاتكلم عن نفسي:
اللي باقدمه دراسات في علم النفس الإيجابي و إدارة الموارد البشرية و الاتنين علوم أكاديمية.. بعض التقنيات تأثيرها لحظي و البعض التاني بيفتح لك الباب و انت اللي لازم تمشي فيه بنفسك.. مفيش كلام هايغيرك و يخليك ناجح.. زي ما قلت: قراءتك لكتاب عن السواقة مش هايخليك تعرف تسوق.
أعترف ان المجال فيه بعض التقنيات غير العلمية زي البرمجة اللغوية العصبية ، لكن مش بارفضها بالكامل لأنها عبارة عن كوليكشن من العلاج المعرفي السلوكي و التحليل النفسي و الجشتالت و دي مدارس في علم النفس برضه.. رغم اني قابلت مؤسسها و لي اعتراضات كتير على افكاره. ممارسة البعض لحاجات زي العلاج بمراكز الطاقة و الريكي ليس له أساس علمي لكنه بيدخل في العلاج بالإيحاء.
الخلاصة: تعبير "التنمية البشرية " ده قماشة واسعة جدا بتشمل حاجات كتير.. منها العلمي و غير العلمي و منها الحماسي و الاستراتيجي.. و أنا مسؤول في النهاية عن اللي باقدمه مش اللي بيقدمه حد تاني.. وواجبي أتطور مع الوقت و اقدم لقرائي مادة أفضل مع كل كتاب جديد، مش أقدم نفس الخطاب اللي بدأت بيه.

View more

Next