Ask @Shikoatef5:

ان اردات المساعدة من قبل فتاة أستطيع أن شاء الله 🌷

♥️نهال أيمن أحمد♥️
جزاكي الله كل خير..👐
+1 answer in: “مقصرة فى أداء صلاه الفجر فى موعدها فى بعض الايام وهذا شئ يضايقني!؟ أشعر بالخجل عندما ادعو الله وانا مقصرة فى حق من حقوقه أدعو الله ان يصلحنى ويرزقنى زوجا صالحا لكن انا مقصرة فهل سيستجيب اما ان سبب تأخير الاجابه هو تقصيرى مازلت ادعو بقين ان الله سيستجيب!؟”

مقصرة فى أداء صلاه الفجر فى موعدها فى بعض الايام وهذا شئ يضايقني!؟ أشعر بالخجل عندما ادعو الله وانا مقصرة فى حق من حقوقه أدعو الله ان يصلحنى ويرزقنى زوجا صالحا لكن انا مقصرة فهل سيستجيب اما ان سبب تأخير الاجابه هو تقصيرى مازلت ادعو بقين ان الله سيستجيب!؟

ربنا يعينك.. عليكي بتظبيط وقت نومك والاستغفار والتقرب من ربنا بالعبادات والبعد عن اي معصية او ذنب مهما كان قصير وقبل ما تنامي تقري الاذكار وتدعي ربنا انك تصحي ع الاذان.. هتلاقي نفسك صحيتي قبل المنبه بتاعك وف الوقت المناسب.. ربنا يعينك ويغفرلك ويحققلك اللي بتتمنيه ويقربك منه ويجعلك من أهل الفردوس الأعلي..👐
+1 answer Read more

صديقتى قريبه منى جداوتحبنى وانا مثلها ولكن عندما كان هناك ما يشغل بالها وتفكيرها ويحزنها لم تخبرنى به أردت فقط ان اهون عليها كيف وهى تحبنى ولا تبوح لى بما يحزنها أرادت ان يكون لها مع انها تمنت ان تقول لأحد قريب منهاانا دوما قريبه منها ولكن لا تشعر اريد فقط ان أراها سعيده ماذا افعل؟💔

اعملي اللي شايفاه دايما الصح لصاحبتك وانه يكون لفعلك دايما تأثير ايجابي.. دايما اعرفي هيا عايزه ايه وساعديها وعينيها وقويها.. لو محتاجة نصيحة لو محتاجة احتواء او تسمعي لفضفضتها.. شوفي ايه اللي باعدها عنك شوفي علاقتها بربنا وساعديها..👌

View more

البنت لو حاسه بالأمان و الاهتمام و الحنان من أهلها عمرها ما هتدور عليه عند حد تاني و مقصدش حد تاني يعني لازم ولد مع أم ضد ؟؟؟؟

Ayatallahmamdouh
ضد.. الأصل انه يكون الاهتمام بنفسها وتطوير ذاتها وانها تلجأ دايما لربنا وساعتها مش هيفرق وجود البشر حواليها سواء كان موجودين او لا ، مؤثرين او لا.. وهكذا..👌

View more

احگٍ⁦♥️⁩

Mariam ibrahim
ربما يتلاشى الأمل لكنهُ لا ينعدم ابداً هناك مقولة تقول: "إذا فقدت مالك فقد ضاع منك شيء لهُ قيمة، وإذا فقدت شرفك فقد ضاع منك شيء لا يقدر بقيمة، وإذا فقدت الأمل فقد ضاع منك كل شيء" بذرة الأمل موجودة داخل كل أنسان ولكن بإرادتك انت تستطيع احياء تلك البذرة او قتلها بطبيعة الحال إذا استطعت ان تقنع نفسك أنك فقدت الأمل فسوف تفقده حتماً بغض النظر عن جميع الحقائق والأدلة التي أمامك أنت أعمى تجاه ما ترغب به.. الأمل هو الدافع الذي يعطي للحياة الاستمرارية وهو البصيص الذي يُضيء قلوبنا ويجعلها متفائلة.. الحياة مزيج من السعادة والشقاء من النعيم والبؤس من العمل والكد والتعب والكفاح يقول الشاعر الإيطالي دانتي أليغييري: "لا يوجد حزن أكثر من أن يبقى المرء في حالة البؤس في وقت يكون الجميع سعداء.".. يجب عليك التأقلم مع الحياة والسعي وراء تحقيق أهدافك التي لطالما رسمتها مِرارًا وتَكْرارًا في مخيلتك فالحياة بحاجة إلى المثابرة والقوة وحين نصدق ذلك، ولدينا الرغبة بأن نحصل على ما نريد سنجد الطاقة الكامنة في داخلنا من أجل تحقيق جميع ما نطمح به.. رغم الألم الذي جعلني اتنازل عن أحلامي وطموحاتي وأيضا دراستي التي تركتها وانا لا أفقه شيئاً منها إلا أنني لازلت لم أسقط فلقد أخذت أبحث عن طاقتي التي بدورها أيقظت موهبتي النائمة.. أنت ايضاً قم الأن وانفض غبار السنين من ذاكرتك وأبحث عن مراكز الطاقة داخلك حتماً ستجدها وابدأ بالسعي وراء طموحاتك دون خوف أو تردد يقول ويل روجرز الأمريكي: "حتى لو كنت على الطريق الصحيح، فسوف تسحق لو ظللت واقفاً".. لذلك لا تتوقف ابداً..💜💪✋

View more

مساحة 🌸🖊

نسيم الأقصى "فلسطين"
ساعات بتشوف نفسك حد عادي.. او مفيش حاجة فيك مميزة.. تبقي غلطان.. انت ممكن تكون محور اهتمام من حد وانت مش عارف.. ممكن تكون في حاجة مميزة فيك وانت مش واخد بالك.. طريقتك.. اسلوبك.. تفكيرك.. طريقة لبسك.. اي حاجة ممكن تكون عادية فيك.. هي مش عادية بالنسبة لحد تاني.. انت انسان كرمك الله..❤

🌻____🌻

シ يــاســــمــــيـــن シ
أنت في هذه اللّحظة حاضر في عقول الكثيرين.. من الممكن أن تكون "حديثا" بين اثنين.. "خيالاً" لحبيب مشتاق❤️ إليك.. "حلمًا جميلًا" لشخص كان يفكّر فيك قبل أن ينام.. أو "قدوة" لطفل التقيت به صدفة.. أو تكون "دُعاء🙏" يُرفع إلى السّماء.. أنت في هذه اللّحظة ياصديقي تسكن لحظات العديد من الأشخاص وأنت لا تعلم.. أنت لست نكرة..😀👌

View more

__

Daad♪|| دَعــَــــــد
النصيب.. الحاجة اللي متقدرش تفهمها لأنها أقدار الله.. وتدبيره.. بتفضل ترسم لنفسك طريق مُعين وشخص مُعين أو حتى صورة لمواصفات شخص مُعين وتعدي الأيام وتجد إن سكن الروح مش مرتبط بالشكل او الصورة اللي انت رسمتها.. هتفكر إن أنسب مجال لك اللي حلمت بيه فتشتغل في مجال تاني وتحقق نجاحك فيه لأن المُدبِّر يرى افضلية ده.. تفكر ان أحلامك تسكن في المكان الفلاني وتشوف أن ده غاية الراحة وبعد سنين تسكُن بعيد عنه خالص في مكان تاني وتلاقي فعلًا معنى الراحة والسَكن والهدوء.. النصيب ليس له علاقة بالمواصفات المثالية اللي بنتمناها ولا بالحاجات اللي بنضعها كشروط ممكن واحد يفضل يتشرط على عروس طويلة ويرفض بنات كتير في رحلة البحث دي ويلاقي نصيبه في الاخر قلبه هفا لقصيرة.. ممكن واحدة تفضل ترفض عشان مش عايزة واحد صفته كذا وتلف الدنيا ومن بين كل الناس تختاره مش عنده الصفة دي.. عشان كدة متضيعش حاجة من ايدك باسم إن مش دي المواصفات اللي حاططها مع ان ممكن تكون مواصفاتك المثالية مش فيها راحتك أصلاً.. جرب وشوف واستخير وربك يدبرلك الخير.. عشان كدة خلوا_دعائكم دايماً.. اللهم ارزقنا الخير حيث كان ثم ارضنا به..🌹👐

View more

Space 🌹

Esraa Ezz
الصبر سهل اوي لو المصيبة مش مصيبتك.. انك تمسك نفسك وتقف علي رجلك بعد الوقعه علطول سهل اوي طالما اللي وقع حد غيرك.. النصايح والحكم والمواعظ بتبقي ابلغ ما يكون وممكن نألف فيها كتب طول ما احنا بره الموضوع ومش في موقف الشخص اللي بيعاني.. "اجمد.. انشف.. بطّل دلع.. ما تستحمل شوية" اول كلام بيتقال لو الوجع ما يخصناش.. "انت مكبّر الحكاية" اسرع رد لأي حد بيتلّوي قدامنا وقلبه بيتعصر من حاجة منغصة عليه عيشته لمجرد اننا مجربناش نتحط مكانه لحظة.. اللي ايده في المياه عمره ما كان ولا هيكون زي اللي ايده في النار وحس بلسعتها وداق المر من وجعها.. في حاجات عمر الواحد ما هيحسها الا لو جرب وجعها النفسي بنفسه فا متعملوش نفسكو عارفين كل حاجة وجايبين الديب من ديله.. في حاجات لو جربت تعيشها لحظة هتعرف انك متعرفش اي حاجة في قاموس الوجع..😔💔✋

View more

🖤

الفوقة اللى بتحصلك بعد صدمتك في أي بني آدم كنت بتعتبره بمثابة "روحك".. على قد ما هي أصعب أوقاتك.. على قد ما أنت بتطمن إنك فعلا بخير.. بخير طول ما في إدراك.. بخير طول ما انت مؤمن إنك أثمن وأغلى من إنك تنكسر بفعل بني ادم.. بخير لإنك صونت نفسك التي لها عليك حق.. مش مشكلة أبدا تعدد الجروح وقسوتها.. طول ما انت جواك قدرة على التخطي..💪👌

View more

S..p..a..c..e🍁

Yasmina
اسمع مني.. ماتسمعش عني.. ومتقيمنيش عشان موقف اتحكـالك عشان احتمال كبير تكون سمعت نصه وبس والنص التاني عندي أنا.. متقولش عني تنك من شكلى وانا في أبهى حالاتي عشان ممكن يكون دى ثقة فالنفس مش تكبر خالص.. متتخيلش إنى أهبل ، عشان طيب ومحترم ولما بشوفك بسلم عليك بـ حب وبساطة وعشم.. متفتكرش عشان بكلمك وبطمن عليك دايما إني منافق أو مدلوق ، يمكن أنت حد غالي عليا.. متتوقعش إنى عشان مرن ومتسامح ، هتحمل إسائتك ليا طول الوقت.. متفتكرش إنى لما بعرض عليك المساعدة ٱنى بتحشر فحياتك لأني بحب اسعد الناس بغض النظر عن التفاصيل.. متفتكرش إنى لما بكلمك وقصدك في خدمة إنى مصلحجي ، عشان ممكن يكون ربنا حطك ف طريقي عشان تساعدني.. متحكمش عليا من لبسي الحلو او من لبسي البسيط ، عشان انا تلقائي ومبحبش المظاهر الكدابة ، ومبربطش نفسي بأي قيود ومش دائما هكون بيرفكت.. أنا إنسان ، ومجرد واحد من الناس ، ومش مجبر أبررلك أفعالى ، وماتقيمنيش غير اما تتعامل معايا وتعاشرني.. والتمس لـي عذر ، اتنين ، تلاتة.. مش ألف عذر ولا حاجة.. بس متحكمش عليا من موقف واحد..✋

View more

ـــ🌻

گـــــيــوايه.. ツ♡
لم أقتل العنكبوت الذي في غرفتي يا صديقي.. لأنني كنت اعلم انه شريكي في السكن.. لما رأني بالامس اخلد الى النوم.. ترك شبكته في زاوية الغرفه ونزل من على الجدار متجهاً نحوي.. لقد تحدثنا طويلاً ووجدتُ انها انثى عنكبوت لقد روت لي قصتها.. وعدد الذكور العناكب الذين قتلتهم.. إنها ارملة.. يا للمسكينة.. تتحدث وتبكي وتعيش في عزلة رهيبة.. لأن امي ابادت جميع العناكب في غرفتي.. أشفقتُ على حالها.. لقد بدت عنكبوتاً طاعنة في السن.. فوعدتها بأنني سابحث لها عن ذكر العنكبوت️ يؤنسها في وحدتها فطارت من شدة الفرح وقبلتني من جبيني.. استيقظت صباحاً.. احسستُ بأن وجهي ليس على ما يرام.. نظرت للمرآة فوجدت جبهتي متورمة منتفخة.. لقد لسعتني لأنني كنت لطيف.. ومنذ تلك اللحظة وأنا افتش المنزل باحثً عنها لقتلها🔫😂.. ومنذ ذلك الحين وعدت نفسي الا أكون لطيفا مع كل شخص يقابلني..😎✋

View more

اكتب 💔☺️

سينآآآ
بعد الفراق فيه مرحلة إسمها "عدم الادراك".. ودي بتبقى إحساسك الدايم إنك هترجع زي ماعملتوا مرة واتنين قبل كده ورجعتوا عادي وكملتوا، تليها مرحلة "اليقين" ودي الفترة اللي بتعرف فيها إن ماكنش ينفع تكون مع الشخص ده ولا تبقي ضعيف كده فـ تنوي إنك تخرجه منك، ثم "مقاومة الإدمان" يوم تقرب وتحاول ترجع، تغفر ذنب لا يغفر وتحاول تقنع نفسك إنك غلطان وإنه شبهك ثم تتخانق مع نفسك وتتهمها بالضعف ثم تحن تاني فيتجاهلك فترجع تلوم نفسك، بعدها مرحلة "أعراض الإنسحاب" ودي اللي بتتعود فيها علي عزلة، حزن ورغبة فى الوحدة، عدم الإحساس بقيمة الأشياء أو الحياة عموما وتبتدي تبهت، بعدها تفاجئك مرحلة "عودة الروح" فـ تقرب للناس وتبقي إجتماعي وتشوف حاجات ماكنتش بتشوفها فـ الدنيا وتحلم ببكره أجمل وتبص بعين جديدة ع الحاجات، وده اللي هيوصلك لمرحلة "التعافي" وهنا مش هتكره الشخص ده بالعكس هتتمناله الخير وتتمنى ليك الخير وتدور بشغف علي تجربة حقيقية مش ناقصة وتقبل أكتر ع الحياة.. تمنياتي بالتعافي..💪💝✌

View more

- تكملة..👇

- "في وسط كل الفتن"..💜💪👇
https://ask.fm/Shikoatef5/threads/154216438365?utm_source=copy_link&utm_medium=android
💪
💜
💪
- افرحوا لما ربنا ينوّر بصيرتكم، لما تتعاقب عليك الشدائد والاوقات الصعبة بس لو بصيتلها هتلاقيها بتعلّمك وبتهذبك وبتفوقك انك ماشي في سكة غلط ولازم تقف مع نفسك وتعيد حساباتك قبل يوم الحساب..👌
https://ask.fm/Shikoatef5/answers/154286302557?utm_source=copy_link&utm_medium=android
💪
💜
💪
- إياك أن تكون حجتك يوم القيامة "وَكُنَّا نَخُوضُ مَعَ الْخَائِضِينَ"..🚫✋
https://ask.fm/Shikoatef5/answers/154416155997?utm_source=copy_link&utm_medium=android
💪
💜
💪
رسالة هامة لكل فتاة - "لباسي عنوان أخلاقي وعفتي وحيائي"..✋
https://ask.fm/Shikoatef5/threads/154387044701?utm_source=copy_link&utm_medium=android
💪
💜
💪
"عندما تغزوك الفتن؛ فإياك.. إياك..!!"..🚫✋
https://ask.fm/Shikoatef5/threads/154412281693?utm_source=copy_link&utm_medium=android
💪
💜
💪
أهذا هو الحب ؟!..💘
https://ask.fm/Shikoatef5/threads/154266041181?utm_source=copy_link&utm_medium=android
- https://youtu.be/sEAJV4SCoJc

View more

+7 answers in: “"لا تفتحه.. إنك إن تفتحه تلجه"..✋”

Space......💔

Ayatallahmamdouh
هو صحيح ان المتربيين ممكن ميعرفوش ياخدوا حقهم اوي ويسلكوا مع اللي عكسهم بس اللي أكيد ان الكل ساعتها بيبقي عارف مين اللي متربي ومين لأ.. ودي لوحدها كفاية.. يعني كفاية انك بينك وبين نفسك عارف انك متربي ومسكت نفسك عشان اخلاقك وتربيتك ما تسمحلكش تغلط زيهم.. والله العظيم قلة الأدب وقلة الذوق مفيش اسهل منهم.. دول علي قفا مين يشيل بس الصعب انك تفضل علي مبادئك حتي مع قاع المجتمع اللي نفسهم يجرجروك لتحت معاهم.. الناس المتمًرسة في قلة الأدب والغلط مهما حاولت تجاريهم او ترًد عليهم مش هتعرف لأنهم سابقينك بسنين ضوئية فا لو جاريتهم في طريقتهم مش هتكسب اي حاجة بالعكس هتبقي خسرت نفسك قدام نفسك.. ولو كانت الشدة والغلظة وقلة الأدب هي اللي صح مكانتش كل الاديان تدعو للأخلاق والرحمة والمودة.. ولا يصح الا الصحيح مهما الدنيا بقت وحشة حوالينا.. كلامي مش معناه تكون سلبي وتاخد علي قفاك من فقيري الأدب.. لأ طبعاً خد حقك تالت ومتلت بس مترميش أخلاقك في الزبالة زيهم.. ولا تغضب ربنا عشان ترًد عليهم.. ولو عملت كده فكفاية انك هتبقي ضامن رضا ربنا سبحانة وتعالي عليك اللي قادر يجيبلك حقك ويسهلًك كل حاجة عشان معصيتهوش.. متزعلوش علي تربيتكم.. افتخروا بيها.. فقراء الأدب واللي بيظلموا غيرهم بقوا زي الهم علي القلب مش محتاجين عددهم يزيد أكتر من كده..✋

View more

- كلام لما بعد منتصف الليل .

*الخوف*.. بسمع ڤيديو للشيخ الشعراوي رحمه الله بيتكلم فيه عن الخوف.. قال " آفة البشر انهم يعيشون المصائب قبل وقوعها فيطيلوا علي أنفسهم أمد المصائب ".. صح أوي.. كلنا بنحط سيناريوهات للمستقبل بأسوأ التوقعات وبنعيش ونتعايش معاها كإنها بقت أمر واقع وجزء لا يتجزأ من حياتنا.. سأل الشيخ الشعراوي الحضور قالهم " هل خوفك وقلقك يمنع المَخوف" يعني هل خوفك هيمنع عنك الحاجة اللي خايف منها ؟!.. قالوا لا.. فقال " انشغل اذا بما يمنع المخوف " يعني ننشغل بقي باللي يطمنا ويمنع عننا اللي مخوفنا ازاي بقي ؟!.. بالصلاة.. بالدعاء.. بالصدقة.. ننشغل بالتفكير في حسن الظن بالله.. لإن نفسك الخايفة دي مش هتغير حاجة بالعكس دي هتعين الخوف عليك اكتر واكتر.. طيب ايه خطورة بقي ان البشر تعيش المصيبة قبل وقوعها ؟!.. الانسان مثلاً بيبقي مكتوبله ان المصيبة هتيجي كمان ٣ شهور بس هو عاشها قبل ما تحصل اصلا بثلاث شهور فأطال علي نفسه فترة المصيبة.. ٣ شهور قبل المصيبة ووقت المصيبة نفسها.. لكن لو تركها الي ان تقع يبقي قصرّ علي نفسه وقتها.. صح.. لما ربنا سبحانه وتعالي بيُنزل المصيبة بينزل معها "اللطف" في نفس الوقت من رحمته بينا.. فلما احنا بحمقنا وجهالتنا نعيش المصيبة قبل وقوعها هينزل معاها اللطف المقرون بالمصيبة لما بتنزل ؟!.. لأ.. يبقي احنا عمالين نصعّبها علي نفسنا وبس بما لا نطيق.. لإننا ان عشنا في المصيبة قبل وقتها فكأننا عشنا المصيبة معزولة عن اللطف.. عشان كده الامام علي بن ابي طالب كرّم الله وجهه قال "كل متوقع آت فتوقع ما تتمني".. كتر تفكيرك في المصائب وتعايشك معاها قبل وقوعها هيُطيل عليك وقت المصيبة.. هيتعبك نفسياً.. هيجبلك أمراض.. مش هيحللك اي حاجة.. لكن انك ترمي حمولك وتُحسن الظن بالله وتُشغل نفسك بما يمنع مخاوفك فا ده دورك الحقيقي.. وتيقن بأن المصائب والابتلاءات اختبارات.. هل الامتحانات شر لكل الناس ؟!.. عمرها ما بتكون شر للي بينجح فيها بس بتكون شر فقط للي بيسقط فيها.. تفائلوا بالخير تجدوه ولا تعيشوا المصيبة قبل وقوعها.. ففي الحديث الصحيح : ( إنَّ عِظم الجزاء مع عظم البلاء ، وإنَّ الله عز وجل إذا أحب قوماً ابتلاهم ، فمن رضي فله الرضا ، ومن سخط فله السخط ) رواه الترمذي.. وقال الحسن البصري رحمه الله : لا تكرهوا البلايا الواقعة ، والنقمات الحادثة ، فَلَرُبَّ أمرٍ تكرهه فيه نجاتك ، ولَرُبَّ أمرٍ تؤثره فيه عطبك.. أي : هلاكك..👌

View more

Next