Ask @Shimaa_Ashraf:

الفيلم المفضل؟ الرواية المفضلة؟الأغنية المفضلة؟

السؤال ده صعب فأنا هاخليه على آخر شيء
آخر فيلم Into the wild
الراوية صديقتي المذهلة
الأغنية : أنا مش محبي underground لكن سمعت أغنية راحت يا خال cover سالي سليمان وكانت جميلة

View more

لو عايزه اتثقف ويبقى عندى صبر ع القراءه زيك اعمل ايه🙄

الثقافة ليست محصورة بالقراءة رغم إنها ركن أساسي لكن تقدري تعوضيها بالسماع والمشاهدة زي الأفلام الوثائقية مثلًا، حددّي عايزة تعرفي في أي مجال وهاتلاقي طرق مختلفة للحصول عليه..
أنا نظرتي للقراءة إنها شيء فطري، الانسان الأول اعتمدها لنقل معرفته من جيل لجيل وهاتفضل هي رقم ١ مهما اتغيرت الأساليب، إني أمسك كتاب في إيدي وأقلب صفحاته دي متعتي الحقيقية ولحظتي اللي بحس إني بعدت عن الواقع، وإذا اعتبرنا القراءة موهبة فهي موهبتي الوحيدة، فده مش صبر أكتر ما هو حب للقراءة هاتقدري ازاي توصليله الحقيقة ماعرفش، لكن النصائح بتقول إنك تبدأ تقرأي تدريجيًا لحد ما تتعودي.

View more

ماذا يفعل المرء عندما ينطفئ شئ بداخله ؟

إيڤانجلين؛
يبحث عن شيء يضيء داخله من جديد، تبدو إجابة نظرية لا تحمل وصفة سحرية لكن هذه الحقيقة.
الجلوس والإنتظار ومراقبة الإنهيار ليس حلًا، مشاهدة حياة الآخرين وهم يسعون في طريق أحلامهم ليس حلًا أيضًا وبجانب ذلك في الواقع الحلول الموجودة أمامنا محدودة. يمكننا استخلاص الحلول من مواصلتنا للمحاولة حتى نتوقّف عليها ونبدأ في مرحلة إعادة التجديد وإعادة الترميم بالتخلّص من حطام الماضي وخلق توّهجنا الخاص. لذا البحث عن مخرج من تجارب غيرنا ليست مجدية لكلٍ شكل حياته وأولوياته وقناعاته فالحل أن تلك المحاولات يجب أن لا تتوقف حتى يجد المرء مصباحه.
مازالت إجابة نظرية والتطبيق من داخلك.

View more

هل هناك شيء تعيش لأجله أم وجودك على قيد الحياة لفترة ما أمر ليس بيدك ؟

نعم لي أهدافي ومكانة أتمنى أن تصل إليها شخصيتي وأفراد سأعيش لأجلهم، لكن الحياة صعبة وواهمة في كثير من الأحيان للدرجة التي تجعلني أعيش اليوم ليمّر لا أكثر وأن الأمور مساوية سواء استسلمت أو حاولت، وأعتقد أن حتى تلك التقلّبات مفيدة.

View more

هل الحمار الوحشي ابيض مخطط اسود ام اسود مخطط ابيض؟

إيڤانجلين؛
أبيض مخطط أسود

View more

هل لدينا إرادة حرة ؟

محمد زاهدة
نعم

View more

جاوبوني جد و بدون إستهبال، حابه أعرف تفكيركم😅؛ لو مثلاً قتلت شخص في بيتكم كيف راح تخلص من الجثه ؟

كـوثـر
هابلّغ عنك يا كوثر

View more

انا اسفة جدا لو كنت ضايقتك :-) :-)

الموضوع أبسط من ذلك:)

View more

عندما سألك معلم الابتدائية ماذا تريد ان تصبح عندما تكبر؟ ماذا اجبته ..؟

إيڤانجلين؛
والله مش فاكرة بس غالبًا قلتله دكتورة

View more

لو شخص مابيشوف فيه شي في شكلو مثلا تشوه او شي و طلب منكو توصفو شكلو بتقولو الحقيقة ولا بتجملوها؟ هتعملو ايه؟:"(! ولو جملت وكذبت يكون حرام؟؟...

عادي هاقول الحقيقة ولو عايزة أجمّل في ده مش من باب الكذب أنا بدي الشخص ده ثقة في نفسه يمكن هو محتاجها بالشكل اللي مش يضرّه.

View more

What is the best way to fix a broken heart?

محاولة النسيان والتعويض
ولو إن اللي بيتكسر ما بيتصلحش

View more

عفوً حبيبي وشكرًا على ترشيحاتك😍

زينـة.
العفو يا حلو❤

View more

حاولي طول ما أنت بتقرئي تعلقي ع الاحداث كتابةً و بعد ما تخلصي الكتاب اكتبي تلخيص له و ريفيو ، دا بجد ساعدني إني منساش محتوى الكتب ❤ ، ومتخافيش دي أزمة عالمية :D

زينـة.
كنت بعمل كده الأول بلزم نفسي بالريڤيو لقتني بكسّل قلت خليني في القراءة بس مدام الحال كده شكلي فعلًا هارجعله وهاعلّق زي ما قلتي كمان
شكرًا زنزون❤

View more

الأصدقاء القُراء : إيه أفضل روايات قرأتوها و حسّيتوا أنها غيرت مزاجكم و استمتعم فعلاً بيها؟

زينـة.
كتاب النّبي
شجرة تنمو في بروكلين
مادونا صاحبة معطف الفرو
عدّاء الطائرة الورقية
تعرفي المشكلة يا زينة إني بنسى أسماء الكتب اللي قرأتها وبنسى حتى مضمونها يعني وأنا بكتب دول بحاول أستذكر قصصهم بصعوبة وده مدايقني جدًا..

View more

صدقيني لم يكن من سوء حظ أن تطيلي في الإجابة بل العكس تماما -من حسن حظي-.

ده يسعدني:)

View more

كيف كان التيرم الأول في هذا العام؟

للأول حسبت السؤال نفسه بس تكرر بصيغة تانية لكن لقيته غير ف يا سوء حظك بإجابة أخرى:)
الترم ده تقيل لكن خفيف على قلبي لإني بدأته بروح مختلفة في نظرتي للدراسة وده اللي قصدته من قبل عن جعل الوضع أقل سوءًا..
لسه عندي امتحان يوم الإثنين ولسه بتفرج عالمنهج من أوله عايزة أختمها ختام عِدل بس مافي نفس والله.
تفضل الخلاصة مؤسفة: مافيش أي نشاط جديد عملته أو شاركت فيه، كثير من خيبات الأمل في علاقتي مع زمايلي، القراءة قليلة أو الإطلّاع على أي مصدر ثقافة خارجي ، وكانت اللحظات اللي بتمني فيها أكون لوحدي كانت أكتر من إني أكون مع حد.

View more

كيف كان أول تيرم؟

أول تيرم كان مخيف كنت تقريبًا عاملة زي Amer Khan في فيلم PK، المجتمع رغم إنه منفتح لكن عقول الناس حجر ومحتاج لوغارتيمات عشان تفهم تعاملاتهم، العلاقات معقّدة يمكن دي موجودة في أي مجتمع عربي لكن انخراطك بشكل أكبر مع المجتمع بيخليك تشوف تنوّع، أنا مجتمعي كان البيت والمدرسة وغيره هايكون في نطاق محدد وتعاملي مع اللي حواليا في نطاق محدد برضو.
أنا اجتماعية وكنت دايمًا بقول لماما أنا مش هاتعب وهاحب مصر عشان الزحمة بحب روح الناس تبقى موجودة بكثافة لكن في أوقات ما بحس الزحمة دي كانسر.
بالنسبة للدراسة مكانتش صعوبتها هي اللي مخوّفاني أكتر ما هو التعامل مع منظومة التعليم ككل إدارة دكاترة مناهج وحتى زملاء الدراسة، حسيت إني في معركة لازم أحدد موقفي منها، همّي الدرجات أبشر بالضغط العالي والقلق والاكتئاب والجري وراء المصلحة وسحقًا للجميع، همّي الفهم فده غالبًا ممكن يأدي لضياعي لإن فهم دماغ الدكتور أهم من فهم المادة.. بين ده وده كرهت الكلية وكرهت حياتي وحسيتني في طاحونة هاييجي يوم وتتطحن وماحدش هياخد باله منها، قلّبت في دماغي كتير عن مخرج من ده لكن توصّلت للرضا بالواقع هو سيء آه لكن في إيدي أخليه أقل سوءًا لحد ما أرتضيه لنفسي.
السؤال ده ممكن أفضفض فيه أكتر لإنه بيحكي عن مرحلة شهدت تغيّرات كتير وربنا يستر.

View more

ما هي أمنيتك في هذه اللحظة؟

حد ابن ناس يخطفني وأعيش معاه في جزر الواق واق

View more

هو اتجوز نفسه وخلف نفسه🌚 وقتل نفسه ف الاخر عشان مخرب

Rana
أي فيلم خيال علمي هاتلاقي فيه ثغرات
بس في نهاية الفيلم ده اتوضّح فعلًا إنهم شخص واحد وتقريبًا عشان كتر استخدام آلة الزمن خلت فيه مفارقة فممكن يكونوا اتكرروا
خليك من ده ايه أكتر مشهد أثّر فيك؟

View more

شيم قوليلي بالله فهمتي ايه من الفيلم الكلب ده Predestination انا شوفته وتوهت مين جاب مين ومين راح فين😂😂

Rana
😂😂 تقريبًا كده كلهم واحد
هو في الأول كان چين البنت اليتيمة بس أما اتحرق وشه وجمّلوه بقى العميل السرّي مش فاكرة اسمه وهكذا بقى مع آلة الزمن دي

View more

إذا كان عليك الاختيار بين البرد الشديد أو الحر الشديد، فماذا ستختار؟

تفضيل شخصي البرد قطعًا
لكن البرد قاسي على الغلابة

View more

عندى امتحان بكره ومذاكرتش حاجة

ليه؟
أتمنى تكوني بتذاكري دلوقتي

View more

مسلسل مفضل؟ فيلم مفضل؟ كرتون مفضل؟

آخر مسلسلين والوحيدين شفتهم وعجبوني
Downton Abbey
War & peace
والأخير ده لا يتعدّى ال١٠ حلقات لو بتزهق زيي
كرتون بحب The penguins of Madagascar وده ممكن من أصل ٣ شفتهم بس
أفلام فيه كتير والله فهاقولك آخر واحد كان حلو Predestination

View more

كيف ستشعري إن اكتشفتي يوما أن صديقا طالما اخبرك انك مميزة بالنسبة له ويعتبرك مفضلة عنده يتعامل ويخبر الكثير بنفس التعامل والكلام معك؟

أنا مش فاهمة الجزء التاني من السؤال لكن غالبًا المقصد إنه متأثّر بأسلوبي معاه؟
الصداقة جزء مهم منها إنه يكون فيه تكامل وانسجام بين الشخصين حتى لو كانت شخصياتهم مختلفة لو حصل ده نقدر نقول إنها ناجحة
بالطبع ببقى سعيدة جدًا وبحس إن فيه جزء مني أصبح في شخص تاني لكن يفضلفيه تخوّف، لإني وصلت للمرحلة دي مع أصدقاء كثر وعوامل الزمن خلّت كل واحد يروح لحاله ببساطة، فالأهم ازاي الشخصين يبيّنوا مدى حرصهم على استمرار صداقتهم.

View more

Next
  • 340
    Posts
  • 1208
    Likes

About شيم:

"فتاة ما قد عاشت قبل مئة عام كما أعيش الآن، وهي الآن ميتة. أنا حاضرها، وأعلم أنني سأعبر مثلها،اللحظة العالية، النور الخاطف، النور يظهر ويختفي بسرعة، الرمال متحركة لا تتوقف، وأنا لا أريد أن أموت"

مصر

#Reader #dreamer