اوقات بتجيلي رغبة عارمة في عدم التواجد، مش كآبه ولا حاجة بس اللي هو في اللحظة دي أنا مش عايز اكون موجود، حاسس نفسي والعالم تقال عليا، فـ أنا بس عايز اختفي، Just it.
من كتر إلحاحي على نفسي اني مجبر اتخطى واتجاوز بقيت بتغاضى واتخطى اي شيء يمنعني من اني اكون في سلام داخلي او يحطني تحت ضغط او أذى وبقيت بتخطى الشخص قبل الموقف.
شيء محزن جدًا ان الإنسان يفضل طول الوقت يحارب شعوره من غير ما يلاقي مكان واحد يقدر يرمي كل تُقله فيه عشان بس ميبقاش دايم الشكوى من نفس الحاجات ويحس انه تقيل.
أصعب لحظه ممكن تعدي عليك هي اللحظه اللي هتحس فيها انك متستاهلش اللي حصلك ده وتفضل تسأل نفسك بلا توقف انا عملت ايه وحش عشان يكون ده جزاتي، الأصعب من كده انك غالبا مش هتلاقي رد.
الواحد دايمًا في صراع بين أن الدنيا مش مستاهله وان في حاجات كتير مضايقاه، واللي هو ايوا انا عارف أن الدنيا فعلًا متستاهلش بس بردو مش قادر أتجاوز اللي مضايقني ومضايق غصب عني.