Ask @ShomookhMutaz:

لما بدك تترك بنت الناس لا تحكيلها عندك ظروف لإنها رح توقف معك وتصرّ عليك وتساعدك فاحكيلها إنك ساقط وأهلك سقط وما عرفوا يربوك وإنك مش زلمة وأهلك مش عالم وناس وانك مة بتخاف الله وإختصر ع حالك 💙 اللي بتيجي عمقاسه يلبسها

😂الله يبعد عنكم بنات و اولاد الحرام

View more

||•"💐🕊️"SℙᎯℂℰ ✿ ⁞•||

الإنسان الموجوع، بس تنتهي طاقته، بصير يتذكر شغلات صارت من أيام العصر الحجري، بكون متل العلبة المضغوطة، الذكريات والمواقف بتتكوم، وبتصير تلوم حتى بأشخاص صرلك سنة مش حاكي معهم، كل هاد لأنه العلبة انفجرت!
فديروا بالكم إنكم توجعوا هدول الناس، قد ما كانوا طيبين، رح تلاقوا الحقد بعيونهم .

View more

_

| صُوَر |
".أنا ما اقتنعت إني بلشت أكبر عنجد غير لما أدركت فعلاً إني مو محور الكون متل ما كنت مفكرة وأنا صغيرة، ولما آمنت تمامًا بأحقية الناس ب إنو ما تحبني متل ما أنا ما بحب ناس تانية عادي
ولما صرت اسكت أضعاف ما أحكي، والأكتر لما صرنا نحب سكوتنا فعلًا ومتصالحين معه
ولما قبلت انام خسرانة وصحيت ما عندي الطاقة إني اعوض الخسارة، لما اتعودت على كل أنواع الخسارات من الأصل أو على الأقل لما قلّ تأثيرها،
لما صرت اميز اللي بحبني من تطليعة عيونه، واقتنعت إنو القصة مو بكترة الصحبة حواليي أوقات واحد بكفي وبعوض مية
لما صرت أعرف إنو الحب من الله والكره كمان
"بعد سيل من التوقعات تدرك أنَّ المحبة من الله، ليست منك ولا من قلبك ولا تضحياتك ولا رحابتك وبشاشة وجهك، من الله ؛الله فقط، وهنا تكمن قداسته"
لما عرفت إنو الكلمة الحلوة بتعمر فعلاً
لما أحساس الرضا اتغلل ب أدق تفاصيل بحياتي
لما صرت اقدّس الهدوء والأماكن الهادية والأصوات الهادية لما صرت ادور على الراحة مو السعادة، وراحة البال والرضا على
أي شغلة تانية، وقعدة البيت والنوم زيادة ساعتين على الطلعة
وعلى راس القائمة لما صرنا نقول احنا كبرنا فعلًا وما ضل في أي صوت ولو خفيف جواتك يقلك لأ أنت لسا صغير ❤️"

View more

Spacě 🖤💬

".لما ترجعني الذكريات لورا أكتر شي ممكن يعز علي مو فراق شخص أبداً رغم انه مؤلم نوعاً ما ، لكن يلي بعز علي فعلاً هي نفسي كيف صارت تشمئز من أشخاص كنت أوصف حياتي بوجودهم جنة ، و كيف صرت بعدها ما أتحمل أني اشوفهم حتى مجرد خيال ، ما بعرف شو بضر شخص أنو يحسن الوداع زي ما أحسن الدخول ،،"

View more

"💐🕊️"

"لا أدري ما طبيعة الأشخاص الذين يفتحون دفاترهم القديمة بداعي الصراحة و الصدق ، فيعرضون أخطائهم و هفواتهم و أقدارهم السيئة و لحظاتهم القاسية و ظروفهم الضيقة و نقاط ضعفهم و علاقاتهم الفاشلة أمام المارين على حياتهم بهدف الحب أو لإتمام علاقة ما ،و لا أدري من قال أن ماضي الإنسان هو ملكٌ لأحدٍ غيره و لا أعلم من جعل مقياس الصدق في أن أعرض مشاعر و حياة ذقت مرارتها أنا وحدي أمام أشخاص لا أعلم ما مدى تقبلهم لها و عدم استخفافهم بها ! أما كان تعريفكم للحب من الأساس أن تتقبل ذلك الإنسان الذي تحب كاملاً دون أن تعلم ما فيه من عيوب و أخطاء و دون أن تتطلب منه أن يغير شيئاً في نفسه حتى لو كان ذلك الشيء تسريحة شعره البسيطة ، ألم يكون شعار الحب أن تكون أنت هو أنت في تلك المرحلة دون زيف أو كذب أو نفاق أو تصنع ! فلماذا نطلب ممن نحب أن يتعرون أمامنا و أن ننتهك حرمة خصوصيتهم كي تطمئن قلوبنا من أن ماضيهم يخلو من الشوائب ! أيعقل أننا نسينا أن حتى ماضينا كان معبأ بالأشواك ! ،،"

View more

SℙᎯℂℰ ✿ 🍂⁞

"أنا أخر شَخص ممكن تستنّى منه مردود بعد ما تَخلص العلاقة شو ما كان نوعها صداقة ولا غيرُه!
مش راح أحقد عليك ولا راح أراقبِك ولا حتّى رح أحاول أكسبك من أول وجديد ، النّاس عندي عبارة عن تجربة وحدة فقَط ، بعد هيك بصيروا باهتين!
لما شخص يتخلّى عنّي ما بفكّر كيف أقهرُه وأنا بعيدة عنه، أنا قلبي أبسط من هيك ، يمكن يومين زمَن أنسى مين هو أصلاً ، وهالشي ما إجى من فراغ بالمرّة 🖤"

View more

||• "💐🕊️"مساحة •||

"عن علاقات بتطالع أحسن ما فيك ؛ بتطالع نسخة حلوة اصيلة عنك ما سبق وانعرفت
عن أماكن بتنوجد فيها وبتعطيك قيمتك الصح وبتأكدلك أنك بتنحب بدون ولا جهد
وعن اشخاص شايفين فيك شغلة غالية .. مختلفة .. ما بتتكرر، يمكن أنت نفسك مو شايفها .. بس ايمانهن فيك بيعطيك قوة وطاقة
وبأكدلك أنهن مارح يمشوا بيوم
نيالك فعلاً لو وراك حدا بيسندك
نيالك لو ب ب ضهرك مين يطمنك انك مو لوحدك
لسا في رحلة طويلة مليانة عمق ونُضج واختبارات تستاهل نتعب مشانها
لسا في حياة حلوة ؛ واسعة.. مليانة مفاجأت رح نكتشفها بوجود ناس تحبّنا صح🦋🌻"

View more

|🕊️|

زاجِل •• ☆
".قد ما كنت إنسان واعي وبتعرف شو بدك ؛رح تمر عليك فترة تحس بشغلات بلا ما تعرف توصفها ؛لو كنت بتكتب بترسم بتلحن
بس في شغلات جواتنا معقدة ومنخاف نفتح عليها الباب، شغلات بشعه أو عادية بس بالأول والأخير ما رح توصلها لحدا ، وهون تماماً بتستشعر وجود الله، فكرة إنو في حدا فهمان عليك وحاسس وشايف وسامع، بدون اي مجهود منك، بدون اي حكي
بتضيعك كلمة, و بتجمعك كلمة, بتعيشك آية, وببكيك لحن؛ وبيقهرك وجه خشن عابس, وبتكفيك لمسة من طفل؛بتدفع عمرك مقابل ابتسامة من غريب ؛مابتفهم ع حالك ؛ومافي حدا هون؛
"وفي النهاية انت نجمٌ وحيد, يرسل بريقه عبر ملايين الأميال, ليُبدد وحشة ليلٍ ما, برغم أنه أحترق منذ زمن بعيد"✨"

View more

مساحة🍂🧡

Murad Mohtaseb
"‏لا يوجد مستحيلات، أو أمور تعجز عن الوصول إليها، تعامل مع ما تريد الوصول إليه بأنه شيءٌ حاصل لا نقاش فيه، وأن حدوثه يحتاج إلىٰ الوقت، أحلم وتمنى ما شئت مهما كان صعباً في نظرك ومهما قابلت من استهزاء الآخرين تعامل مع الله باليقين التام عندها سيهبك ما تريد حتى لو كان في آخر الكون".

View more

||•مما راق لك "🌻" •||

”الحقيقة التي يجب أن تدركها لتنضج، أنه ليس من الضروري أن يتصل بك أصدقاؤك كل يوم كي لا تكون وحيدًا، وأنه ليس هناك مايُخجل في أن تتناول طعامك وحيدًا، وانه عادي جدًا ان تقوم بنشر بعض تفاصيلك اليومية ولا تلاقي اهتمامًا، وأن السقوط في الطريق ليس فيه مايخجل، وأن الذين افلتوا يدك يومًا ما،‏‏ لم يكونوا بالسحر الذي تظنه، وأنهم باهتون جدًا، ستنضج عندما تكف عن رثاء نفسك، و عندما تكف عن التباكي وعن إخبار نفسك كم هم سيئون وكم انت رائع.“

View more

"💐🕊️"

".أنتَ ما بتعرف عن الطرف اللي قبالك، غير اسمو ، شخصيتو اللي بيظهرلك ياها، ملامحو ، أنت ما بتعرف أكتر ما بدو يعرفك ..
أحياناً الطرف اللي قبالك بكون بركان متحطم من جواتو بتحسو بيضحك كتير ومافي أعظم من قوتو وهوي شوي من جوا عم يتفتت بالكامل، أحياناً منخَرس الشخص التافه شوي ومنحسو مسخرة وما عندو ذرة الجَدية، بس ولا مرة سألنا حالنا جد هوي هيك؟ مُمكن يجاوبك لا أنا تافه زيادة!
لا هوي كذاب، كلنا ربنا خالق فينا كتير شغلات وحاطط فينا ذرات من المُعاناة والتعب ، وكل شخص بتختلف الذرية اللي بيتصارع فيها بينو وبين حالو عن التاني
لذلك في أشخاص بيخفو الكّم الهائل من الضجة والخوف والتصارع اللي جواتن وبيظهرو حالن على شكل شَخصية مسخرجية ، تافهة ، مضحكة فوق الحَد ، وأحياناً العكس ..
كلنا منعاني، كلنا تعبانين وشوي ومننتهي، بس كل ما منحس بالنهاية منرجع للوسط أو للبداية ومنقوي حالنا شوي بالرغم من القوة المطصنعة بأغلب الأوقات، بس معلش ما نحنا محتاجينها .. هيك الحياة أوقات حِلوة وأوقات كتير مُرة وبدك ترضى بنصيبك وتعيش 🌻🦋!"

View more

💬 :

ناصر العنزي
"مساء الخير ،‏أرجو أن لا تثقلكم مرارة التساؤلات أن تحصلوا على كل الإجابات الكافية"
_بترعبني فكرة إنو هاد المكان مو مكاني
بيرعبني عيش عمري بالمكان الغلط
_بعتقد العالم رح يصير ألطف لو الإنسان أقتنع إنو هو مو عضو بلجنة تحكيم ؛ومو كلشي لازم يقول رأيو فيه
_‏"الأغاني أبواب سريَّة"
_مرّات بكون الوضوح مخيف، مخيف كتير..
_الإنسانية والسلام النفسي بينقاسوا بقدرة الإنسان ع إنو يقول
شكراً و آسف
_بالمناسبة مو كلشي بتحبو ؛مجبور هو بالمقابل يحبك

_مو منطقي نحب حدا لدرجة إنو نتقبل أذاه
_مختصر التعامل مع أي شعور ؛لاتبالغ
_يمكن كان كلشي رح يكون منيح لو الحياة بتشبه وجهك
_الزعل الأكبر عالمشاعر والأفكار؛يلي انطرحت بوقت غلط ؛لناس غلط
_البشع ع طول إنو نوايا الناس ما بتشبه أشكالن أبدا ً
_محزن إنو تقل الدم ما إلو علاج
_الإنسان مكون من ذرات حب بضل يعطي منن لحتى يختفي
"أهلاً بجميع أقدار الله بكلِّ رضا وحبٍّ وتفاؤلٍ وثقةٍ وتسليم"🌼"

View more

| 🖤 |

[ نَـمـيـر ]
أتمنى رسالة واحدة يالله تخبرني إنني أركض في الطريق الصحيح، أتمنى رسالة واحدة تخبرني بإنني سأصل إلى ما أريد مهما طال الطريق، أتمنى علامة واحدة أشعر بإنني لا أضيع أيامي بلا فائدة أو جدوى، ما زلت أتحلى بالصبر واليقين وما زلت أقاوم نوبات يأسي وضعفي لكنني أحتاج أن وفي لحظة الوصول أقول " كان الأمر يستحق كل هذا العناء "

View more

||• śpặcě"🌻" •||

"مرة وحدة حكتلي " ما تستقويش حالك " يعني ما تعملي حالك جدعة وقادرة ع كلشي، أنا عارفة إنك قوية وعندك مسؤولية وبنت قد حالها .. بس اللي حواليكي لما بشوفوكي هيك بتعودو وبعتبرو عطفك وتفهمك وتحملك وقدرتك ومساعدتك صار حق مكتسب! وبالآخر رح تضطري تشيلي كلشي لحالك
والي بتقدميه من باب التطوع والعطاء رح يتحول لواجب ملزم فيكي ويحاسبوكي اذا قصرتي فيه
بالحقيقة كنت بفكر إنو القوة والجدعنة وقدرة التحمل بتتقدر أكثر من الضعف والإتكال
بس للاسف الحقيقة كانت مختلفة
لما الناس تشوفك قادر تحمل العبىء كلو لحالك وقادر تحل أي مشكلة وتتأقلم مع أي ظرف وقادر تشيل فوق كتافك من الإبرة للصاروخ .. وبتعرف تسند وتطبطب وتعدي وتتعود وتيجي ع حالك - رح يحكو معلش ما هو بتحمل !
معلش ماهو مش بحاجتنا ! معلش مهو بقدر! معلش مر ب أصعب من هيك! معلش بعرف يدبر حالو ! معلش في شغلات أهم منو ! معلش أزمة وبتعدي
بس الإشي المهم الي راح عن بال الكل إنو في للقوة رصيد وهالرصيد اذا تم إستهلاكو زيادة عن اللزوم ممكن ينفذ ! واذا نفذ بدون إعادة شحن ! رح تضطر توقف مكانك وترفع الراية البيضا، وهون الكارثة
عشان هيك ما تستقوي حالك ! خلي جانب فيكي دايماً بحاجة لحدا يسندو، ما تعوديهم ع إنك الجبل الي ما بهزو ريح ! ما تعوديهم ع التضحية ! ولا على قدرة التحمل اللامنتهية ! لانك مخلوق وعندو طاقة وقدرة تحمل ومشاعر وأحاسيس وحياة وإهتمامات ورغبات وهوايات "💜

View more

+1 answer Read more
Next