"احيانا علاقتك وقت تنتهي بشخص بتطلع منها تعبان ، يعني بتحس حالك اوك طلعت ومرقت ومستحيل ترجع خطوة لورا بس طلعت ناقصك شقفه مش قادر تكمل بدونها ، يعني بتمشي وخلص أنه انتهى بس انتا بدك حالك القديمة يلي كانت وقت العلاقة أو قبلها ،
بتستنى الاشياء يلي بتحبها بطريقتك القديمة وما يكون تعبيرك ع اي اشي قاعد يصير انه شو اعمل عادي ،بتحس انك استنزفت كل مشاعرك وشغلاتك الحلوة وما بتقدر ترجع تعطي حدا تاني اشي تاني او يمكن ما عندك بس مش حابب تحكي أنه ما عندك ، ف بتقول لسا كمان شوي ، بدي كمان وقت ، يمكن شهرين زيادة ، بعدها الشهرين بصيرو أربعة وخمسة و سنة وسنتين وانتا بتقول لسا بدي كمان شوية وقت ، شايف كل الناس يلي بيتقربو منك ما رح تعطيهم ربع الاهيمة يلي كنت تعطيها الها.
يمكن بدي كمان وقت زيادة ...