بعد تخرج وشغل وكارير وسني ٣٠ ووحيدة اقول ان الست ملهاش غير بيتها و لما اشوف بنت معاها زوجها واولادها بتحسر على خسارة عمري
مفيش حد بياخد كل حاجة وكل واحد تفاصيل حياته هى احسن سيناريو ممكن يحصل صدقينى احمدى ربنا على عطاياه وادعيه يرزقك بالخير ليكى ويرضيكى بيه الرضا هو مفتاح الراحة ربنا يرزقك بزوج صالح يقر عينك بيه يارب ❤️
سؤال مش عارفة اسأله لحد .. انا عندي سكر هل انا ممكن اتحب في يوم من الايام بجد هل حد هيقدر الحب والحنية اللي في قلبي دي هل ممكن حد هيقبل بيا وهيتحمل يشاركني تعبي وظروفي ويقبل اني اكون شريكة حياته
السكر مش حاجة بتعمل معاناة ف الحياة للدرجة دى ، فيه امراض تانية اصعب بكتير وناس كل فترة بتتحجز ف مستشفيات ومع كل دا بتلاقى ناس تحبها وتستحمل ظروفها عادى المرض حاجى مش بإيد حد وزى ما ربنا قدرلك الابتلاء بيقدرلك برده ظروف حياتك اللى تتماشى معاه شفاكِ الله وعافاكِ ❤️
دى حاجة مهمة وضرورية كان لازم يعرفها انتى الغلطانة انك خبيتى عليه وع فكرة دا ممكن يكون السبب ف الرفض انك خبيتى مش كونك مريضة لان دا غش
عاوزة حد يعلمني الصلاه لان مش عارفه امتي نقول التحيات و التشهد لان كل صلاه ليها عدد ركعات مختلف
اول ركعتين من كل صلاة بنقرأ فيها الفاتحة وسورة صغيرة وبعد كدا لو كانت الصلاة دى ركعتين بنقول التشهد اللى هى التحيات كاملة ونسلم لو كانت ٣ او ٤ ركعات بنقول التشهد لحد الشهادة بس ونقوم نكمل الركعات الباقية وبنقرأ فيهم الفاتحة بس ولما بنخلص الركعات دى بنقرأ التشهد كامل وبعدين نسلم الفجر ركعتين .. الضهر والعصر والعشاء ٤ ركعات .. المغرب ٣ ركعات
رأي حضرتك ينفع شخص معاه الاعداديه يتجوز دكتوره او مهندسه ولا لا
صعب شوية انا مش من انصار ربط الارتباط بمكتب التنسيق يعنى لكن لازم يكون فيه تكافؤ اجتماعى وثقافى وفكرى ودا وجوده فى الحالة دى صعب
ازاي البنت تقول لخطيبها بطريقة كويسة وشيك انه يغير استايل لبسه للأحسن عشان استايل لبسه مش عاجبها واللبس دا مكبره؟
هاتيله صور من ع النت ووريهاله ع انك شوفتى الطقم دا وعجبك اوى فبتشاركيه يعنى هاتى فيديوهات اللى بيتكلموا فيها عن تنسيق الهدوم وطريقة اللبس لكل سن وابعتيهاله
ما التعدد ام ضده ؟ فضلت بلاش هزار لان ممكن كلمه واحده تقلب الدنيا بالنسبالي + دونت سيكب
دا شرع ربنا .. شئ مباح بشروط وف ظروف معينة مش قانون بشرى علشان يكون لينا حرية تأييده او رفضه سواء كنتى معاه او ضده فهو قانون رباني مش هيتغير ممكن ترفضى تطبيقه او استخدامه بطريقة غلط لكن اكتر من كدا ملكيش 🙂
معايا مبلغ ما، الأولى من دول ايه عشان محتارة
أعطيه لوالدتي، أخرجه لله، أجيب هدايا لزمايلي كشكر ليهم ع تعاونهم خلال دراستنا وذكري مني ليهم خصوصا اننا بننهيهها
لو والدتك مش محتاجاه ف حاجة ضرورية فممكن تقسمبه وتعملى التلاتة
لو بنت اتقدم لها اتنين في نفس الوقت واحد غني وواحد عادي محترم و صفاته كويسه ومياله ليه ف الشخصية والقبول ، بس وافقت علي الغني تبقي كدا ظلمت التاني
تبقى ظلمت نفسها مش حد تانى
بتعرض لابتذاذ إلكتروني مقابل فلوس و مرعوبه اعمل اي بالله ردو
مباحث الانترنت
جماعه انا دلوقتي ربنا كرمني بشغل فمكان كويس واتا لسه بدرس في سنه تالته ومبقتش عارف اتابع مع الكلية بفكر افكس للكلية واركز فالشغل ايه رايكو؟
حاول تجمع بين الاتنين حتى لو هتعدى بمقبول ف الكلية
صاحبتي كل ما تشوفني تقولي خسي واخر مرة قالتلي بصراحة كده محدش هيتجوزك وانا مبعرفش ارد وزعلت اوي وعيني دمعت وحاولت اغير الموضوع واقولها ان هو عادي مش بالشكل والجسم يعني تقولي ااه اه بس هو ده اللي بيحصل دلوقتي وبتعلق ع لبسي ووشي لو ف حبوب وبترمي كلام دبش دايما ع عكس ما انا بعمل معاها ، تعبت اعمل اي !!
متقوليش صاحبتي بس 😅 اقطعى معاها طبعا .. الواحد مش ناقص اذى من حد طالما مش فادرة تردى عليها تسكتيها او تتخطى كلامها يبقى تقاطعيها ومتصاحبيهاش
بتقول انها مش مقتنعة بأن مفروض عليها تطيع زوجها في كل حاجة .. و هي زيها زيه مهما نتكلم في سنة أو قرآن لا هي زيها زيه و مش من حقه يأمرها بحاجة أو يفرض عليها حاجة .. حتى لو طلبه مش حرام او في استطاعتها بس مجرد مش مريحها او مش عاجبها فمش هتعمله .. هل دي تنفع زوجة ؟؟ 🙄
هو فيه فرق بين طاعة الزوج وبين استغلاله لشرع ربنا ف فرض طلباته بدون رحمة حتى لو كانت حلال يعنى حاجة مضايقاها ليه يفرضها عليها ؟! طالما مفيش ضرورة!! الجواز مودة ورحمة وود وتفاهم فنتفق بالتراضي، والست اللى تحس ان جوزها كل همه راحتها هتديله عينيها حتى لو ع حساب راحتها ورغباتها وبرده مينفعش انها تعارض شرع ربنا لمجرد رغبتها ف المساواة وحرية المرأة والكلام دا الاعتدال والوسطية هى الحل لكل الامور والله ...
مش هقولك الجواز مش تبع مكتب التنسيق والحوارات دى لا اللى بيفرق طريقة التفكير والثقافة .. دا بالنسبة لفرق الكليات نفسها بس لو كان الفرق دا عبارة عن مؤهل متوسط وعالى فالأغلب هيكون فيه فرق ف التفكير لان احتمال الثقافة وتطوير التفكير بيكون قليل ودا مش تقليل من اصحاب المؤهلات المتوسطة لكن اجتماع الظروف اللى تخلى الشخص وصل لمؤهل متوسط فقط هى نفسها اللى هتكون عائق ف انه يطور من نفسه وتفكيره وثقافته