Ask @SondosAshraf2002:

انا معجب بيها هي في سنه يعني مخلصه خامسه طب السني دي وأنا مخلص هندسه السنه دي بس جه الجيش فهزيد سنه او تلاته متعلق دلوقتي اتقدملها ولا استني اما اخلص جيش ولا اعمل ايه Note:مفيش فلوس حاليا والظروف صعبه ووالدي لسه ميت قريب

☾E☽☾l☽☾t☽☾a☽☾2☽☾e☽☾h☽
انا حقيقى مش قادرة افهم ازاى بتعجبوا بحد متعرفهوش!
عموما من وجهة نظرى..تتقدم لها عشان يبقى فى كلام رجالة كده مش اى كلام معاها وخلاص ولما تتقدم وتقعدوا مع بعض يبقى قولها انك معجب بيها
اهلها وافقوا ان يبقى فى خطوبة وانت معكش فلوس كتر خيرهم موافقوش حاول تخلى فى
قراية فاتحة او ع الاقل لما تقعدوا تعرفها انك معجب بيها او عايزها يعنى (هى كده هتطمن منك يعنى ع اساس انك واحد بيحبها و واخد كلمة مع اهلها)
وبعدين متخافش عندنا ف طب البت مبتفكرش تتخطب غير ف خامسة اصلا او رابعة كده😂😂

View more

Well its just being friends on social media not that big deal? so plz honey dont overreact"????!!" Sorry for disturbin u,u seem to be so bloated? byeee

overreact! so bloated! LOL??
I know It's just on social media,but it doesn't differ?‍♀️
you make friends with anyone you meet !
Now you discovered I'm overreacted and so bloated,so don't make friends with anyone without knowing him
your answer to my question " who are you?" was " we don't know each others" wasn't your name because you felt this situation is strange so I don't overreact?
ok bye

View more

ف ٣ ث ٢٠٢١ تنصحوني ب اي م تجاربكم؟!

علاقتك بربنا لازم تبقى كويسة كويسة جدا احسن من اى فترة فاتت مش هقولك عشان كرم ربنا ولا الكلام ده ده كله عارفينه بس عشان نفسيتك عشان لما تلاقى نفسك كده بتقعى ومش عارفة ايه هيسندك..تلاقى نفسك بتلجأى لربنا مش للناس..وادعى دايما ان ربنا يثبتك وان يسعدلك حظك
تانى حاجة السوشيال ميديا لو اصلا طول عمرك بتقفليها ف فترة الدراسة تقفليها لو مش بتقفليها يبقى قللى وقللى جامد بحيث يبقى ع اخر شهر او شهرين سيباها..بردو مش هقولك عشان وقت الوقت موجود وكتير جدا كمان وتقدرى تمارسى هواية عادى كمان ع حسب قدرتك ع المزاكرة بس عشان نفسيتك ليه بقى؟ كدفعة 2020 مكنش فى اى خبر يفتح النفس الحمدلله كلها اخبار تحزن من كورونا ومن المدرسين ومن الحرائق للى حصلت واللى بيحصل ف الفلسطين الحرب ضد المراة الشذوذ كل حاجة كانت زفت ده بعيدا عن المشاكل اللى هتجيلك انتى مخصوص خناقات مع اصحابك مع ناس مصاحباهم ع شوية بلاوى بتتحدف عليكى من مش عارفة ايه وحاجات غريبة اوى
تالت حاجة المزاكرة محدش يقدر ينصحكم اوى ف طريقة المزاكرة بس كل ك دفعة 2020 بما اننا امتحنا وجالنا اسئلة بنظامكم فكل اللى اقدر انصحك بيه انك تقرى المعلومة كويس اوى متسيبيش حاجة الا وانتى فهماها ومربطاها بباقى الابواب كويس ولو المنهج مش متوسعلك ف الحاجة ومش فاهماها اوى سيرشى ع النت من الاخر تفلسفى وانتى بتزاكر عند اى نقطة كده طب ليه لو علمى علوم بصى ع الرسومات من كتاب المدرسة عشان الهطل اللى حصل السنادى
رابع حاجة تنظيم الوقت ده شئ يعتمد عليكى انتى بتزاكرى كام مادة ف اليوم ؟ بتحبى تمشى ع جداول و بتحسي الجداول بتنظمك ولا بتحسي ان لو مخلصتيش اللى ف الجدول انك كده مانجزتيش وتحبطى ومتزاكريش
عن نفسي كنت شايفة انى ارجع اقرا الدرس احاول افهمه تمام واحفظه واحل الواجب او جزء ع حسب الكمية بعدين اراجع ع المادة اللى عليا حصة فيها بكرة
اياكى تجربى طريقة مزاكرة جديدة مش متعودة عليها او فيها ضغط عليكى طريقة مزاكرتك ف 2ث لو كنت مرتاحة فيها وجبتى درجات حلوة خليكى عليها لكن فلانة بتعمل كذا فاجى اجرب ف 3ث لا دى مش سنة تجريب
حوار زنق الحصص ف يوم او حصتين ف يوم عشان افضى يوم شايفاه غلط خالص وكل اللى حواليا بيعملوا كده كانوا ضايعين ف المادتين دى واليوم الفاضى بتاخديه نوم وراحة مش مزاكرة وكده تضيع وقت وكمان فى مادتين ضاعوا
اكتر من مدرس ف المادة او اسمع شرح درس من اكتر من حد غلط جدا وهتعرفى كده وانتى بتمتحنى ف اخر السنة لما تلاقى انك ف الامتحان فى فكرتين ف دماغك او طريقتين ومش عارفة تحددى وساعتها هتندمى
اختارى المدرس اللى وراكى بس ميعقدكيش عشان السنة دى عايزة راحة نفسية وطولة بال المستر اللى ميعجبكيش حصتين بالكتير تلاته وتسيبيه ميعجبكيش يعنى متفهميش او تحسي مفيش فايدة لمزكرته او مبيتابعش لكن اصله بيجيب حاجات صعبه ده لا
اول السنة تجربى مدرسين كتير ده شئ عادى مش يحير لا فمتخافيش بالعكس احسن ما تقعدى مع مدرس حمار طول السنة وتعرفى كده ف الامتحان
السنة مش عادية ولا زى كل سنة بس ده هتحسيه امتى ؟ف اخر شهر او شهرين وف الامتحانات هتشوفى العجب ف أهم حاجة تبقى راضية عن مجهودك جدا وعاملة اللى تقدرى عليه عشان متندميش
ترفهى عن نفسك كل ما تكتئبى بالحاجات اللى بتحبيها ابعدى عن صحابك اللى بيقرفوكى او يضغطوا عليكى
حاولى تدورى ع حد بيفهمك او بيعرف يقويكى بعيدا عن صحابك اللى قدك
متشديش ع نفسك من اول السنة ولا تشدى ع نفسك اصلا لدرجة انك تجيبى لنفسك المرض ولا تقرفى نفسك واللى حواليكى
لو فى سؤال محدد اهلا وسهلا ان شاء الله اقدر اساعد

View more

Next