Ask @Sondos_Haroon:

لو جالك طفل معاه ورقه وقلم وقالك اكتبلي حاجه تفيدني لما اكبر هتكتب ايه..!؟

BaSsam
-مينفعش بمجرد ما اتكلم مع حد اقوله انت صحبي
- انت حد اتكلمت معاه كام مره ومحترم كلامنا جداً والله بس انت مش صاحبي
- مش اي حد يقولك كلمة حلوة تصدق انه بيخاف عليك بجد
- مش اي حد يكلمك وقت ما يكون فاضي تفتكر انت انه سايب كل حاجة وراه عشان يكلمك ف تستجدعه
- صاحبك اللي بجد هو اللي يسمعك من غير ما يمِل , ويخاف عليك , يوم ما تبعد وتيجي ليه تاني ميعلقش المشانق لا يسامح , يبقي معاك وقت زعلك زي ما معاك وقت فرحك , هو ده الصاحب بجد
اختاروا ناس عدله وصاحبوها :)
- الاهتمام لو محسيتوش من صاحبك متطلبوش
- لو وجودك معاهم زي عدمه امشي وروح عند ناس بجد مستنين وجودك جمبهم
واوع .. وكمان مره اوع متلاقيش حد عدل تصاحبه ف تصاحب اللي تلاقيه

View more

قِيلَ:

💜وقيل لها..
إعلميّ رعاكِ الله ، إني ما أحببتك ورجوتك غير لأني رأيتَ في دينك صلابة وفي عقلك رجاحة ، رأيتك خيرَ معين علي الطريق ، وخيرَ من يشد مِن أَزري عند مُنعطفات الطرق ! فلذلك ستجديني أمام عيناكِ أغضُ الطرفَ كأني لا أراكِ ، ستجديني أمامك غليظًا جافًا لا تظهر نواجزه ولا تضحك أساريره ، حتي لا تظني بأني متيم او بي شئ إتجاهك ، سأحفظ عليكِ دينك ، شيطانك عدوي وليس عدوك ، فحربه معي الأن !
لن أُزينَ المعصية في عينك ولن أجعلك تفعلين شئ ينتقص من كرامة أبيكِ وعِزة أخيكِ أمام القوم في شئ !
لن أسمح لكِ في يوم أن تعصي ربك من أجل عبدٍ حقير مثلي ، بل إن فعلتها أعلمي أن حبي لكِ
لن يقود إلي خيرٍ وإحسان بل سيقودك إلي الجحيم ففري مني ولا تستأمنيني علي دينك فهو أغلي ما تملكين يا فتاة ، لا تبيعي جنة عرضها السموات والأرض بعرضٍ من الدنيا زائل ..
فأنا برغم إني متيم ، فلا أبصر سواكِ ولا أسمع غير صوتك ، ولا أذكر أحد في سجودي غيرك ولا أرجوا قرب أحد مثلما رجوت قربك ، إلا وإن سئلتيني في حسنه واحده في الأخره تنجيكِ من نار أعددتها أنا بيدي لكِ ، سأقول نفسي نفسي !!
وأخيرًا يامهجة القلب ، وقرة العين ، وأليفه روحي
سيأتي يوم وأعطيكِ فيه دفتري هذا لتقرأي بنفسك ولكن حينها سيكون الله رزقني بكِ زوجة وأم وإبنه ، في ظل رباط غليظ يرتضيه الله ويحبه..
وأما أن أموتَ وتموتُ معي حاجتي ، فمثلنا ياعزيزتي لا يقبلون بغير وصل إلا في ظل كنف الله
او موت يرحمهم من أنين الإشتياقِ ومرارة البُعد ..
وحينها سأنتظرك في الجنة لأسعد بجوارك حيث لا بُعد ولا فراق 💙
#إليك يا أنا

View more

💜 status

eman
هَل تَظُنّون أنّ اللھ لاَيعْلم مَا بِقلوبكم مِن شتاتٍ وَوحدةٍ وخوفٍ وَانتظار ...؟! 💚
هَل يُخيّل لكم أنّ اللھ ليسَ بقادرٍ عَلى أنْ يبدّد وَحشة ارَواحِكم المُنهكة بِقوله
👈 " كُنْ فَيَكُون" 💛
أَمَا زلتم تَبحثون عَن أَمان وَاطمِئنان لذاتكم عِند سِواه عزّ وجل ...؟! ❤
ثقِوا أنّه وَحده مَن يَعلم خَائِنة الأعين وَمَا تُخفي الصدور ... 💙
ثقِوا أنّه قَريباً وَقريباً جِداً سيبدَّلُ شتاتكم ووِحدتكم وَخوفكم وَانتظاركم فَرحة عَارمة تَسجُدون لها باكيين 💜
اعلَموا أنّكم فِي دَار ابتلاء وَ نَجاحكم فِي الصّبر عَلى ابتلاءاتِكم ارتقَاء بِدرجة ايمانكم 💚
اللھ لا يبتلي إلّا عِباده الأنقِياء فَـ اطمَئِنوا❤
أَليسَ هُو القَائل " فَإِنَّ مَعَ الْعُسْرِ يُسْراً ؛ إِنَّ مَعَ الْعُسْرِ يُسْراً " 🌸

View more

şτɑ͠τύş 💜🌠

Ezz Osman
يمكن دى من أسوأ الأيام اللى بتمر على أغلبنا.. نفسيًا، ماديًا، مهنيًا، دراسيًا، أسريًا، وعلى مستوى العلاقات.. فيه حاجة ناقصة ومش معروفة.. كلام محتاج يتقال.. دموع محبوسة.. قلة حيلة.. خذلان.. تتسأل: فيه إيه؟.. ترد: مفيش.. هو فعلًا مفيش وإنت فعلًا معندكش حاجة تتقال، واللى جواّك أكبر من الكلام.. طب إيه هو؟.. متعرفش!.. ربنا بيقول: ‏﴿ فَمَا ظَنُّكُم بِرَبِّ الْعَالَمِينَ ﴾.. عشان كده ومع إنعدام الحلول الملموسة والتفسيرات العملية للحالة بيبقى مفيش أى حل غير شوية اليقين والثقة فى ربنا إن دى فترة وهتعدى.. الثقة فى ربنا بتخلق الأمل.. و"الأمل" عامل زى الملح.. طعمه حادق بس وجوده ضرورى.. آه مش هيشبعك لأنه مينفعش وجبة لوحده؛ بس بدونه مفيش للأكل طعم، وبدون حبة "الأمل" مفيش للدنيا معنى.. ربنا يزيح ويهوّن.🌸

View more

Space ..💙

أســمــاء
ممكن تكون الدنيا ملخبطة معاك من كل إتجاه بس إنت متعرفش ربنا بيدبر أمورك إزاي ..
يقول بن القيم رحمه الله :
لو كشف الله الغطاء لعبده ، وأظهر له كيف يدبر الله له أموره ، وكيف أن الله أكثر حرصا على مصلحة العبد من العبد نفسه ، وأنه أرحم به من أمه ، لذاب قلب العبد محبة لله وتقطع قلبه شكراً لله

View more

Status .. 🖤

رَنَـــrãńäــا
فيه مقولة بحبها بتقول "الحب يبدأ حين ينتهي الحماس"
لما تقول انا بحب البحر وانت عالشط تبقى غلطان ،لازم تكون دخلت جواه، عومت فيه، كنت هتغرق وبلعت مية بملح فحرقت زورك، دوست على قنديل لسعك، نزلت في القاع و كان ضلمة، ولما بتشوف كل دة بتطلع عالشط و بتشوف البحر بشكل مختلف بتشوف جماله و قبحه وعمرك ما حتشوفه زي الأول
يمكن دة يخليك تكره البحر بس لو لقيت نفسك لسه متمسك برأيك قبل متدخل عمقه ! يبقا كدا دا الحب انت شوفت جماله من برا وشوفت وحاشته من جوا ، شوفت هدوئه ، غضبه ، عواصفه ولسه متمسك بيه يبقا بتحبه !
الحب انك تساعد وانت تعبان وتحتوي وانت قرفان وتسمع وانت مرهق ، انك تفضل شريكك على نفسك وانت طبعك اناني بتحب تفضل نفسك الاول
الحب جو امان مفهوش خوف ولا تخوين ولا سيطره ولا تملك لانه حرية وانطلاق ومساعده على الابداع
الحب المبنى علي انجذاب ومشاعر منسوخه من افلام المراهقه البايخه دا حب كداب
الكاتب "احمد خالد توفيق" ليه Quote جميله بتوصف كل الكلام دا (ليتنا أنا وأنت جئنا العالم قبل اختراع التلفزيون والسينما لنعرف هل هذا حب حقًا أم أننا نتقمص ما نراه ؟)
فالحب اللى بجد مش هتلاقيه في مشاهد الافلام الرومانسيه ولا سطور الاغاني هتلاقيه في غسيل المواعين والهدوم هتلاقيه وقت أزمتك الماليه وفشل مشروعك ووقت تعبك وفَقدْ اقرب ناس ليك ، هتلاقيه وقت ما الحماس ينتهي ، والشغف ينطفى ، والانجذاب يختفي ..

View more

مساحة 💜🎶

shaimaa srag
شاغل بالي حوار، لما بيعملوا عملية زرع قلب هل بتتغير شخصية اللي زرعناله القلب ولا لأ؟
بعد قراءة و بحث مُطوّل فالموضوع اكتشفت إنه أيوة الشخصية و العاطفة بتتغير تماماً و الأدهى من ده كله اننا لو زرعنا قلب صناعي، صاحب القلب ده بيفقد الاحساس تماماً و بيبقوا مُشوّشين لدرجة ممكن توصلهم للانتحار.
في عام 2007 نشرت جريدة Washington Post تحقيق صحفي عن راجل اسمه Peter Houghton و اتعمله عملية زرع قلب اصطناعي، بيقول الراجل ده : "إن مشاعري تغيرت بالكامل، فلم أعد أعرف كيف أشعر أو أحب، حتى أحفادي لا أحس بهم ولا أعرف كيف أتعامل معهم، بوعندما يقتربون مني لا أحس أنهم جزء من حياتي كما كنت من قبل".
و الأطباء مكانوش مهتمين قبل كدا بدراسة القلب من الناحية النفسية، كانوا بيعتبروه مجرد مضخة للدم. و اتضح إنهم مخطئين بعد مراقبة تغيرات جذرية حصلت بالفعل لأشخاص عملوا زرع قلب، لاحظوا التغيير فالعاطفة و الفكر و في كل حاجة قبل و بعد العملية.
مثلاً حصلت عملية زرع قلب لطفل من طفل آخر أمه طبيبة و كان اتوفي وقررت أمه انها تتبرع بقلبه، وراقبتهم و هما بيعملوا عملية الزرع، و بتقول الأم دي : "إنني أحس دائماً بأن ولدي ما زال على قيد الحياة، فعندما أقترب من هذا الطفل (الذي يحمل قلب ولدها) أحس بدقات قلبه وعندما عانقني أحسست بأنه طفلي تماماً، إن قلب هذا الطفل يحوي معظم طفلي و الذي أكد هذا الإحساس أن هذا الطفل بدأ يظهر عليه خلل في الجهة اليسرى من الدماغ"
وبعد كدا اتضح فعلا إن الطفل المتوفى صاحب القلب الأصلي كان بيعاني من خلل في الجانب الأيسر من الدماغ بيعيق حركته، وبعد أن تم زرع هذا القلب تبين بعد فترة أن الدماغ بدأ يصيبه خلل في الجانب الأيسر تماماً كحالة الطفل الميت صاحب القلب الأصلي.
من هنا فهمنا إن القلب له علاقة بالدماغ، و إن القلب مسئول عن الفهم و الإدراك حتى مذكور فالقرآن :" أفلم يسيروا في الأرض فتكون لهم قلوب يعقلون بها ".. و مذكور فالقرآن برده " و لقد ذرأنا لجهنم كثيراً من الجن و الإنس لهم قلوب لا يفقهون بها ".. هل القلب بنعقل و نفقه بيه؟؟!
حاجة كمان فالقرآن برده " و طبع الله على قلوبهم فهم لا يعلمون ".. هل كدا القلب له علاقة بالعلم و التعلم؟؟

أيوة بنعقل و نفقه و نتعلم بيه، القلب متوصل بالدماغ عن طريق شبكة معقدة جداً من الأعصاب و بيأثر على النشاط الكهربائي للدماغ، و الأغرب إن القلب جواه دماغ شديدة التعقيد و في اكتر من 40 ألف خلية عصبية جوة القلب مسئولة عن تنظيم ضرباته و إفراز هرمونات و تخزين معلومات بيبعتها للدماغ و بكدا مسئول بشكل كبير عن الفهم و الإدراك، و بيقولوا إن في أبحاث كتير دلوقتي بتتعمل عن علاقة القلب بالدماغ بعد ما اكتشفوا ان القلب مسئول بشكل كبير عن الابداع!
الموضوع أوسع من كدا بكتير، و القلب له علاقة بالسمع.. القرآن بيقول " و نطبع على قلوبهم فهم لا يسمعون " اكتشفوا ان لما يحصل خلل في نظام عمل القلب ده بيأدي لفقدان السمع.
و بالنسبة للكذب يا جماعة، المسئول عن الكذب ناصية الدماغ، فالقرآن مذكور " ناصية كاذبة خاطئة "، القلب دايماً صادق ..
" يقولون بألسنتهم ما ليس في قلوبهم " و لذلك اللسان بيتحرك بأمر من الناصية لكن في القلب تكمن المعلومات الصحيحة.
و كتير و كتير أدلة من القرآن على أد ايه القلب هو اللي متحكم فينا، ربنا ينوّر و يسلّم قلوبنا كلنا يا رب..
و ابحثوا فالموضوع برده.
و أخيراً " سنريهم آياتنا في الآفاق و في أنفسهم حتى يتبين لهم أنه الحق ".. سبحان الخلاق البديع ❤

View more

Next