الواحد بيزعل لما حاجه تكون بتاعته وتكون ف ايد غيره ما بالك لما الحاجه دي تكون انسان وفاجئه تلاقيها ف ايد واحد غيره 💔
آه فعلاً ده حقيقي ، بس أنا إيه علاقتي طيب ؟! 🤔
Ask @SulliMohammed
Previous
جايبه كتب مين ف الباطنه
د.هاني 😍
بمعني ... سهل جدا انك تكوني اكثر وضوح !
بمعنى دي كناية عن أي إجابة أي سؤال طيب ؟! بحاول أكون واضحة و الله قدر الإمكان ما أنا اكيد مبكتبش طلاسم 😅
People you may like
بتدرسي ايه السنه دي
باطنة و أطفال بعيد عن القارئين 🤕
ما هو مش قادر يبعد بجد ف بييجي علي نفسه ويستهوي لاجل عيون ناس وجعته ف اختار قرار مش بأيده 💔
بحترمْ جداً الناس اللّي قد كلمتها ؛ واخد بالك يا آنون ؟!
اللي ساب قال انا هقفل الباب دا تماما لكن مبطلش يبص من الشباك ابدا 💙
حلوة 💙
بس قوله يقفل الشباك أحسن يستهوى ! 😅
بس قوله يقفل الشباك أحسن يستهوى ! 😅
حتي تدرك ان الرزق ليس فقط مايعطيه الله لك بل قد يكون ما يمنعه الله عنك
ده حقِيقي ؛ الغرِيب إنّي لحد فترة قُريبة كنت بستغرب جداً فعل مُعين لكن دلوقتي أدركت علّته ؛ كنت بستغرب لما حد بيدعي بشيء ما عايزه بشدّة فيقول يا رب إن كَان خيراً قرّبه إليّ و إنْ كان شراً فاجعلهْ خيراً و قرّبه إليّ ؛ ساعات بنكون عايزين الحاجة بحلوها و مرّها و الوحش اللي هيجي من وراها ساعات بنكُون متقبلّين كل ده و عادي بس نحصل عليها !
احسن حاجه فيكي انك ديما بتنصحي ياريت تخليها ليكي
انا مبقتش فاهمة دلوقتي شخص واحد اللّي بيتكلم و لا أنتوا اتنين ! 😅😅 عموماً أنا مخليّاها ليّا فعلاً لأنّي جيس وات ؟! ناشراها ع صفحتي؛ فقُولي ليه ما تخلكش انت في نفسك و تطلع منها ؟! 🤔😁
كلنا فترات ف حياة بعض صحيح كلنا هنموت ف الآخر تمام بس الفكرة مين الل عايزينه أطول فتره أو عايزينه حتى لحد ما نموت نبقى معاه وسيبك من حكاية كلنا اناننين، وكلنا وحشين وكلنا حلوين، كلنا فينا الصفتين فينا الحلو والوحش وف الآخر احنا بختار سواء نكون اناننين أو نحب لغيرنا زي ما نحب نفسنا او لغيرنا اكتر
بالظبط ؛ ماذا لو خسرنا اللّي كُنا عايزينه أطول فترة أو لحد ما نموت ؟!
ولا يهمك يارب تلاقي سبب مقنع للحياة
"و لا يهمك" دي عايدة ع إيه بالظبط؟! .. آي هوب سو
مش دايماً الأشخاص الل ببحبونا هيفضلو موجودين عشانا، مش هيفضلو يهتموا بينا مش عشان هما اناننين ممكن كان بيحاولوا بس احنا الل محبناهمش ومكناش محتاجين اهتمامهم أو احنا اخترنا اننا منبينش اهتمامنا بيهم، هم مغلطوش انهم عبروا عن اهتمامهم،، ومحسوش انهم مهمين ف حياة حد عشان كدا بيفقدو الشغف
طيبْ واضح إنّك أكيد متعرفنيش شخصياً ؛ بس خليني أقُول حاجة .. نصيحة يمكنْ ؛ حتى لو اللي بنحبهم بيحبونا و إلَى ما آخره ؛ أنا مُقتنعة جداً إننّا كلنا فترَات في حياة بعض طالت أم قصرت هتفضل فترة و نهايتها محتُومة قِيس القاعدة دي ع أي حد أصحاب معارف حبايب يمكن مبيُستثناش منها إلا الأهل ، ثقْ إننا جميعاً أنانيين و كل واحد فينا بطريقته الخاصة ؛ يمكنْ أنا نظرتي سوداوية للأمور بس نقدر نقُول حكمة من رأَى كُل شيء مُبكراً !
مش هتقتنعي غير بدماغك وبرأيك لأن رأيك هو الصح ف مفيش داعى حد يقولك اكيد انتي عارفه
من غِير مواربة خليك واضح ! محور الكلام ع إيه تحديداً ؟! تمام مش بقتنع غير بدماغي و رأيي بخصوص أي موضوع بالظبط؟! و سؤال تاني يهمني تعرفني معرفة شخصية و لا جاست قرأتلي شوية حاجات ع سوشيال آبس ؟!
انتي زي ما انتي مش هتتغيري انتي مش وحشه بس انتي عايزه تكوني كدا
عايزة أكُون كدا ؟! و كدا دي اللي هي إزاي أو كناية عن إيه ؟!
كل المحاولات معاكي غالباً ما تفشل لأنك خايفه
مُحاولات إيه ؟! و خايفة من إيه بالظبط
مفيش حد مهم عندك خالص يكون سبب انك تعيشي
أكِيد فيه طبعاً بس الأهم راح ؛ و راحت معاه القدرة على إتيانْ الشغفْ أو التحمّس لآداء أي فعل ، الفكرة إنك إنت ممكن يكُون آه في حياتك حاجات كتير حلوة بس مش شايفها و لا حاسس بيها لأنّ عينك مش شايفة غِير حاجة واحدة بس و مش قادر تشُوف غيرها حتى لو هي بعِيدة بُعد السما عنْ الأرضْ !
18 رمضان 🌛 "اللهم العوض الجميل بعد الصبر الطويل، اللهُم درباً لا تضيق به الحياة ، وقلباً لا يزول منه الأمل، وفرحة لا تذبل ولا تموت أبدًا."💙
اللهم آمين 💙
مفيش حد حرك جواكي اي شغف أو حاول يبنلك قد ايه انت شخص مهم بالنسباله
مش مهم أنا مُهمة عند مين ؛ المهم مين مهم عندي أنا ، مش مهم تقدم تقدمْ لحد شيء لذيذ في معلقة من دهبْ لو حاسة التذوق عنده ضايعة و عُمره ما هيحسها !
يعني انتي عايشه دلوقتي من غير حب ومن غير شغف
من غِير حياة تعبِير أدقْ
يعني انتي مش لاقيه حاجه تحبيها تعيشي عشانها؟
مش لاقية الشغفْ اللّي يخليني أحب حاجة و أفكّر أعيش عشانها ..
ي سلام ودا سبب مقنع؟
أنا قلت إنّه مُقنع؟
انا نفسي مش لاقية سببْ مُقنع
انا نفسي مش لاقية سببْ مُقنع
وجهة نظرك انتي عايشه ليه؟
لأنّي لا أملك سبيلاً آخر
Liked by:
Yomna Abo ElSoud
لو شخص يشكيلك مشكلته هل راح تقدمله الدعم العاطفي ولا تقترح حلول للمشكلة ولا الاثنين معبعض؟ ...
الإتنين
ليه بتحرجي الناس وفاكره نفسك بتقصفي جبهاتهم بحجة انك لسانك سليط ما عادي ممكن يحرجوكي ولا انتي عندك مناعه أو معندكيش مشاعر، اكيد هتزعل ي لو احرجوكي،، الكلمة ممكن تكسر بعض الناس
عادة مبحرجش حد إلّا لو كان يستاهل أوْ حط نفسه في موقف بايخ تجاوز فيه حدوده بشأن موضوع ما وقتها بسيبه يتحمّل عواقب فعله و ضميري مسترخي تماماً ده أولاً ؛ تاني نقطة أنا كائن متصالح مع ذاته لدرجة كبيرة و ده مسببلي مشكلة حقيقة لأن أحياناً ده بيخلّيني أتصرف بعفوية بإعتبار إن اللّي بعاملهم عندهم نفس التصالح ؛ بصيغة أوضح ممكن حد يعلق على صفة ما فيّا و أنا عارفة بوجودها وقتها لا بتحرج و لا بتضايق بالعكس أنا ممكن أشاركه تهكمه بصدر رحب عادي جداً ! و ده مش مفهوم عند كل الناس اللّي ممكن لو انتقدت عندهم صفة ما - حتى لو ذات الصفة و ع علمهم بيها - يتحرجوا أو يضايقوا ؛ مشكلتي إنّي صريحة و أحياناً أكتر من اللازم مبعرفش أذوّق عادة ؛ بس الفكرة إنّي في تعاملاتي عموماً و مع اللّي بعزهم خاصةً بدأت أحاول أعملْ كنترول و إلى حد ما نجحت في ده مؤخراً حتى لو لقيت نفسي بدأت أعك الدنيا بلحقها :D في جملة لطيفة جداً في فيلم wonder عجبتني " إذا خيّروك بين أنْ تكون على صوابْ و بين أن تكُون لطيفاً ، كُن لطيفاً " 💜
يعني اي مواجهة مباشرة
يعني تواجه الشخص ده مباشرة أنا إيه في حياتك ؟! مكاني فين ؟! فارق معاك أو لأ و لأي مدى ؟! نوع من العتاب الخفيف لأن جايز جداً ميكونش خد باله ، التبس عليه الأمر و واخد موقف ضدك لسبب ما ، عنده ظرف أو صادف إنشغاله مؤقتاً ، و جايز لأ و وجودك فعلاً كان تقيل ! النقط لمّا تتحط فوق الحروف بدون مواربة يكون أفضل.
لما تكون دايماً تبدأبالكلام مع حد بتعزه وفاكر نفسك مهم بالنسباله طول الوقت وفجأة لما تبطل تتكلم أوتبعد شوية تلاقيه مش مهتم ولا فكر يكلمك فتحس إنك مجرد شخص عادي فحياته مش فارق معاه سواء كلمته او لا وتفكيرك يوصلك أنه احتمال الفترة دي كلها انت كنت تقيل عليه أو بيرد عليك وخلاص بيضايق بيخليك زعلان ع نفسك
حقيقي. بس عموماً المواجهة المباشرة أسلمْ حل و مبتسيبش الباب موارب لإحتمالات !
Next
