Ask @SuperBrain94:

انا باقة😂 حاضر هبقا اشوفه بس لو حضرتك تقول ملخصه هكون شاكر كتير💙

بص أنا مش هينفع ألخص لك الفيديو الحقيقة .. بس هقول لك هنا ليه شيرته معاك
هو يعتبر بيرجع خطوة لورا قبل السؤال بتاعك .. بيتكلم عن حبنا لنفسنا الأول .. وعن إننا بنحتاج نتعلم ده كويس ونمارسه، عشان نقدر بعد كده ندخل فى علاقات صحية
وأنا شايف إن لو انت وصلت لمرحلة إن علاقتك بنفسك كويسة .. مش محتاج غير إنك تكون نفسك قدامها، فلو كسبت قلبها هيبقى شىء عظيم، ولو ماكسبتوش مش هتبقى خسرت نفسك بشكل أو بآخر
وكونك نفسك ده لا يتعارض مع كونك تبقى بتعبر عن حبك مثلا وكده .. المهم إنك تبقى بتطلع الحقيقى جواك وبس
وطبعا الكلام عام ماقدرش أقول أمور محددة ﻷن لكل موقف تفاصيله ولكل مقام مقال

View more

+2 answers in: “ازاى تكسب قلب بنت بتحبها؟!🤔💜”

تفتكروا الإهتمام الزيادة بحد بنحبه ممكن يخليه يهملنا أو ميفكرش فينا أصلا ؟!

ممكن لو مافيش توازن في العلاقة، لو طرف من الاتنين متعود وبيعود التاني إنه هو اللي بيجري عليه دايما، لدرجة إن الطرف ده يبقى بيلغي نفسه و احتياجاته من الطرف التاني أو بيحطها في المرتبة التانية بعده
وأحيانا ده بيحصل بسبب إن الشخص ده يبقى مصدق من جواه إنه لازم يعمل كده عشان التاني مايسيبهوش، أو لأنه متخيل إنه مش هيبقى كفاية إلا لو عمل أكتر من الطبيعي
ولكنه لو بدأ يصدق إنه زيه زي غيره، لا أحسن ولا أقل، وسمح لنفسه بإنه ياخد ويدي بشكل طبيعي، وبقى يطلب احتياجه بشكل واضح زي ماهو بيهتم باحتياجات إللي قدامه، ساعتها بيحصل فرق كبير جدا.. صحيح إن فيها مخاطرة، مخاطرة إن الناس القديمة مايوافقوش على التغيير ده وبيطلبوا منه يفضل يلغي وجوده زي ما تعودوا، لكن الناس اللي بيكسبهم وهو حقيقي بيكسبهم بجد
جدير بالذكر إن ده حال معين بتكلم عنه، لكن لكل موقف خصوصيته، ومش شرط لو في بالك موقف معين ينطبق عليه إللي بقوله أو أصلا يبقى فيه اهتمام زيادة غير متوازن مثلا وكده
لكن أدينا بنفتح كلام
شكرا على السؤال

View more

أحيانا بيبقى حافز جميل لغيرك،و لنفسك برضو لما تشوفهم مكتوبين كده😃

بص هى وجهة نظر برضه
أما عنى فمش بفضل القيل والقال عن الحاجات اللى بنعملها (إلا لو فيه سياق محتاج ده)
يا عم ده أنا ببقى عامل الحاجة مايعرفهاش غير اتنين تلاتة وبتبقى النية فيها ملخبطة ومش مطمن .. فما بالك لو ماشى فى أى حتة بقول يا جماعة أنا عملت كذا كذا

View more

+1 answer in: “إنجازاتك الأسبوع اللي فات؟”
Next