ينفع اسال الشاب ف قعدة التعارف لو جواز صالونات، ازاى هياخد قراراته كزوج،وهل اهله هيتدخلوا ف شئونى؟هيحكى اسراره لاهله ولا بيفضل الخصوصية،بياخد قراراته بالمشاركة ولا هو صاحب القرار بس، لو بشتغل ممكن يساعدنى ف البيت ولا شايف ان ده دور الست بس،ولا مينفعش اسأل اسئلة كده ف اول مرة اعد معاه فيها،واقول ايه؟
اكيد طبعا حقك بس بينك وبينه ولازم يكون فيه اتفاق قبل كل حاجه
بصي متتوقعيش انه هيقول الحقيقه اصلا بس انتي ممكن تختبري اراءه ف مواضيع معينه من بعيد مش بطريقه مباشره يعني
اومال هي معموله ليه عشان تسئلي ف اي حاجه ف دماغك
اه طبعا حقك تسألي كل الأسئلة دي
مينفعش ليه يعني ؟
أمال هتقرري توافقي أو لا ع أساس إيه ؟
انا رأى خاليه هو ف اول مرة يتكلم ويقول اللى عنده وانتى اسمعى وشوفى الأول لو كان فى قبول وتابعى طريقة كلامه وركزى ف تصرفاته بعد كده القاعدة التانية تسألى عن كل اللى انتى عايزة
استني قدام شوية، مش ع طووا كده
طبعا ينفع كل حاجة
القعدة دي مش للكسوف
دي قعدة هتقرر يمكن أكتر من ٣٠ سنة قدام
ربنا يقر عينكم ويقدرلكم الخير دايما
اسالى ف كل اللى ف نفسك دا حقك
لا اسألي عااادي
حقك تفروميه اسأله
بس المهم تعرفي انو مش بيقول كلام وبس
هو طبعًا لازم تسألي على كل الحاجات اللي فبالك بس مش من اول قعدة اعتقد لو صالونات ومتعرفوش بعض ابدًا يستحسن تبقى قعدة لذيذة مفيهاش اسئلة ممكن يبقى فيها اختلاف لوجهات النظر تبقى مجرد قعدة تعارف زي م بتقولي كل واحد يتكلم عن نفسه بيحب ايه مبيحبش ايه وكدة ولو انت ارتاحتي وحاسة انه هو ده الشخص ف تبدأي بقى تسألي
