الفترة هاي بمثابة إعادة حسابات، كيف كنت وكيف صرت، وكيف لازم بالحالتين ما أرجع أكون هالشخصيتين!
الأولى كنت مرتاحة وسعيدة باللي بعمله وحابّة أعمله لكن كان الفراغ قاتل، كنت أسعى لتعبئته بطريقة هادية ومريحة عن طريق تحقيق كل طموحاتي في الحياة، وأكون سعيدة في نجاحي ولكن ظلمت نفسي باليأس..
الثانية بدون أي تفسير لكمية المشاعر السيئة اللي بتقدر تدفن روح الشخص وهو على قيد الحياة، لكن بتجاوزها أو بالفعل رح أتجاوزها وتجاوزت جزء لا بأس فيه منها، ومقتنعة تمامًا إني رح أقاوم وأكمل فعليًا لأني شجاعة، وبعمري ما رح أكون الشخص اللي بينطفي على شوية مشاعر سيئة وناس مش سويّة بالتعامل، ما علينا..
أنا سعيدة، سعيدة كوني قادرة أكون أفضل، وقادرة أسعد نفسي بأمور بسيطة ورقيقة..
وشكرًا لنفسي النقية والشجاعة والحكيمة في معظم الأوقات اللي بتنجيني من أوقاتي الأليمة بالكثير من عبارات التحفيز، وأولهم اني بستحق السعادة مش أحاصر نفسي بذكريات تعيسة أو ذكريات مع أشخاص لا يستحقون رمش عيني.View more
أنا المواطنة تسنيم ايمن ،طالبة جامعية سنة ثالثة ،وعمري 23سنة ،الي تقريباً 15سنة بدرس 12سنة بالمدرسة و3سنين بالجامعة والصراحة هاي فكرة مؤلمة جداً ،ودخولي المدرسة والجامعة قرار شخصي غير مجبرة فيه ؛لطلب العلم ،و حصد مكانة رفيعة ،و فهم الحياة ،و كثير أسباب أخرى ،و لكن الحقيقة إنه الي 15 سنة في تلقي العلم التلقيني ،دون فهمه ،و دون ربطه بالحياة ،بس حفظه و تقديم امتحان فيه ،و الذكي هو القادر على إنهاء المادة و حفظها في الوقت المطلوب منه فوق كل الضغوطات والظروف و كل الواجبات اللي عليه و حياته و باقي مجالاته واهتماماته ، انا و غيري لم نتلقى العلم كما يجب و كما نريد ،و فكرة طرح المعلومات سيئة و منهجية و مبتذلة و أيضاً مملة ، و المناهج فاقدة روح التعليم و التثقيف و لا تمثل شيء من العلم ، و المنظومة التعليمية ليست جيدة و أراها كتسنيم فاشلة ،فمن التعليم المنهجي لم أكسب سوى المفاخرة بالمعدل العالي ،و عندما بدأت بخسارة المعدل العالي بسبب زيادة اهتماماتي و انشقاقي لمجالات ثانية غير إنه أدرس مثل الآلة كان الربح لي خارج كل المنظومة التعليمية و خارج كل الامتحانات التي أصنفها دون فائدة و المواد التي لها فائدة عظيمة جداً و لكن لا نفهمها و لا نقدرها كطلاب لسوء عرضها و طريقة توصيلها إلى أفهامنا ،و حصيلتي اللغوية إن كانت عربية أو إنجليزية كانت بسبب ما اكتسبته خارج المدرسة ،و العلم الذي بيدي يشكل نسبة ضئيلة جداً مما تعلمته في المدرسة ،و أعلم أننا مهما تعلمنا يبقى محيطات مما لم نتعلمه ،و لكن الفكرة بكيف نتعلم ،و ليش نحن كطلاب أحب ما على قلبنا نخلص من هم الدراسة ؟بالنهاية اللي هي مش نهاية لانه هالكلام الو امتداد كبير جداً ، أنا المواطنة تسنيم أيمن طالبة جامعية خلال ال15 سنة تعليم عذاباتي و اكتئابي و ضغوطاتي كانت بسبب ورقة امتحان لم تكسبني شيء ، رجائاً كفى تخريج حمير بشهادات قرفانين حالهم وقرفانين كل التعليم و مش فاهمين اشي ، و العمل على إنشاء جيل متعلم مثقف يعي لأهمية التعليم و يركض إليه .طبعاً الكلام لا ينطبق على الجميع و لكن يمثل نسبة كبيرة شكراً لجهود المعلمين و المعلمات دائماً و بس شكراً لحسن القراءة .View more
السكري لما اسمع بهاد المرض على طول اربط بذاكرتي انو مرض ستي ومرض الاجداد الكبار أول ما عرفت أنو معي مرض السكري كنت كثير صغيرة ما زعلت أنو معي مرض السكري زعلت لان انا بحب الحياة بس انتابني شعور انو حياتي توقفت وانو في شغلات كثير بعدني حابة أعملها وكثير شغلات تغيرت بس بنساش انها مسألة وقت والحياة بعدها ما وقفت وهذا المرض بدو صبر ،ايمان ،قوة ،وأمل ومعايشة وبرجع بحكي بيني وبين ذاتي بدو "أمل " الأمل هي نظرة طويلة للسماء ،وشفتين تنطق يا رب وهي واثقة انو رحيم ورب العباد رح يسمعها ولن يخذلها ضروري انك تثبت للجميع قديش الإيمان والأمل والتفاؤل بساعدوا الانسان يتحدى ويحارب كل الصعوبات والصفعات يلي واجهتوا في الحياة اثبت للمرض بضحكتك انو في امل ومنها رح تنخلق ضحكة الفرح بانتصارك على الوجع والمرض كلمة المرض صح بتخوف شوي بس في علاج للمرض صعب وبخوف بس في أشياء أصعب في مصايب أكبر في ناس خلقت مشوهه وفي ناس وفي ناس ... أنا شو قبالهم ولا أشي بتخليك تشوف حالك قوي جداً وانت ما عندك ولا اشي أنا متمسكة بالحياة وعاديتها لان الحياة بتجنن بنستحق نعيشها والمرض ولا اشي حتى في عقلي ما بفكر فيه لان ما الو مكان في حياتي ورح نضل مصابون بمتلازمة الأمل .
#سكري _ الأمل .
14/11 اليوم العالمي لمرضى السكري 🌸💙View more
- خذوا بكلام الست اللي قالت :"مش كل حد بيوحشنا هينفع نروحلو تاني "
برضو محاولة جيدة للكتابة ..
أين سأجدُ طفولتي المفقودة ثانياً ،أحلامي المفقودة ،سعادتي المفقودة ؟
أين ظل الأشجار الذي يأوي الأرواح من تعبها حينما تصرفتُ وكأنني بيت؟
_ تسنيم أيمن .
كل عام وانتِ أجمل سارة بحياتنا💙🌸
3 years❤️
ما بمل ابداً من نشر هاد البوست على الانستغرام وبكل مرة بحصل على اكتر من عشرين سكرين .
بما انو قربت نتائج الثانوية العامة وبهالوقت اكيد كل الطلاب حاسين بشعور مخربط شوي فحبيت احكيلكم قصتي مع التوجيهي وأعطيكم شوية امل انا حالياً عمري 23 سنة المفروض اني اقل اشي الي سنة متخرجة بس الظروف ما سمحتلي مع الأسف اني افوت الجامعة مع صحباتي وبنات صفي في منهم نجح وفات الجامعة وفي منهم تعلم صنعة وفي منهم اختار انو يتحمل مسؤولية الزواج ويتزوج بحجة انو الشهادة ما الها فائدة بعد الزواج انا اخترت التعليم وكنت حابة وما زلت اتعلم واحصل على شهادة البكالوريوس وكمان اذا الله قدرني اكمل درسات عليا كتير نفسي وربنا يقدرني مش غلط التعليم جداً حلو بس انا تغلبت كتير مش شوي لفتت الجامعة لأسباب صحية ولأسباب انو قدرتي بدراسة مش كتير جيدة قدمت توجيهي سنة ٢٠١٥ بس فتت الجامعة بنهاية سنة ٢٠١٧ مع اختي بنان طبعاً بنان نجحت بمعدل حلو كتير بس انا ما نجحت بمادة الانجليزي على الرغم انو انا بشوف وضعي بهاي المادة جيد نوعاً ما بس ما نجحت يوم النتائج وزعلت شوي كان في بيتنا شعور النجاح لأختي وشعور الحزن علي ومع هيك ما أستسلمت وحكيت معلش بعيد وبنجح على الرغم لما نجحت ابداً ما حسّيت بالفرحة بس ابداً ما تنازلت لان بدّي اتعلم يعني بدّي اتعلم ما بضيع حياتي هيك لازم البنت تدرس وتنتج جيل فهمان كنت احكي لحالي عشان اشجع نفسي المهم الداعم الوحيد كان معي بسنتين الي كنت أعيد فيهم هو ابوي ما كان يمل من تشجيعي وكان واثق في اني رح اصير بالمستقبل بس كل الموضوع مسألة وقت وامي اكيد ما بنسى اليوم الي حكتلي فيه والله بأذن الله غير تنجحي وتدرسي هاد كان كتير يشجعني ويريحني بس بنفس الوقت كان كتير عالم بيعنولي على الاقل كنت اسمع منهم اَي شو بدك بشهادة خلص تعلمي صنعة هاد الي بمشي انا ابداً مش ضد شهادات المهنية ولكن جنب الشهادة الأكاديمية ومع هيك ما كان كلامهم يعنيلي كنت مصرة اني لازم اتعلم ولازم يكون الي فائدة بالمجتمع وعطول بحكي يا ريت لو بطلع بايدي وقدرت ادرس اشي بالمجال الطبي بحب شوف الممرضين ودكاترة وهم بمارسو شغلهم وبحسدهم كتير بس كل انسان الله بحطو بالمكان المناسب الو بدون شك ما جبت معدل عالي لحتى احكي عنو ولا عيطت يوم النتائج زي صحباتي من الفرحة من أول مرة ولا طلعت نتيجتي الصبح وكمان اهلي ما كانو يعرفوا انو اليوم نتيجتي ولا مجهزين حالهم لهيك ما حسّيت بشعور الفرحة معني كتير نطرت ييجي هاد اليوم وبتذكر يوم نتيجتي كنت أطبخ وكان في عرس بنت الجيران وانا بدّي اخلص شغلي واروح احضر حالي للعرس وصلني مسج من الصديق شحادة الي عاد معي بهداك الوقت بحكيلي فيه هاتي رقمك الجلوس اشوف نتيجتك خفت كتير بس رجع بخبر اني انا واخيراً نجحت وهيك سجلت وفتت الجامعة وخترت تخصص لطيف وفيني اساعد العالم بس اتخرج وأفيد بلدي من دراستي بس لليوم صرت سنة تالتة بالجامعة بس انا ما بحب يوم النتائج وبحس بطلاب الي ما رح يكون معهم الحظ بس انا متاكدة انها رح تزبط معكم بس انتو حطو النية وأبداً ما تسمحو لهاد الحلم انو يموت وعادي التوجيهي مش مقياس فيك تخرب بتوجيهي وتبدع بالجامعة بمجرد أنكم لا سمح الله ما نجحتو عادي في فرص كتيرة
ورح تنجحوا وتدرسوا وتزهقوا من قرف الجامعة بتنمنى هاي السنة يكون النجاح حليف كل طلاب التوجيهي جميعاً بدون استثناء لانو مش قليلة الظروف يلي مريتو فيها وان شاء الله ربنا ما يختبركم متلي.View more
مجتمعنا مش طاهر ،مجتمعنا بحاجة لتغيير جذري بكل اشي ،الحدث الحاصل في رام الله ،شيء بخليك تقعد وتفكر بالدوافع -المال ،الدخان ،الجشع ،المتعة -كلها مش منطقية لحتى تخرب حياة بنت بعمر 12 سنة ،والله أعلم شو مخفي ،شو بصير بدون ما نعرف ،شو بصير تكتم واجبار على التكتم للضحايا .في مشروع لقانون حماية الأسرة من العنف ،بتوقع القانون مبين من العنوان ،ولازم يكون في عقوبات صارمة بتوصل للإعدام بهيك مسائل ،بالنسبة لرأيي فجريمة الإغتصاب هي أبشع بدرجات كبيرة من القتل .وعنجد أحنا بحاجة لتغيير المنظومة القانونية بالجرائم وعقوبات رادعة بشكل كبير ،بحاجة لإصدار قوانين تعالج مش اول قضية اغتصاب بتصير عنا ،ما زلنا بنطبق قوانين من زمن بعيد ،بحاجة لتجديد ،بحاجة لنفس جديد
لا ما بتنتهي اذا ما انتهت على ارض الواقع ابدا لبلوك ما بقدر ينهيها عبر سوشيال ميديا او العلاقة ما بكون الها اسم او مكان من البداية لهيك بتنتهي . انو لبلوك بيعملوه نوع من الاستفزاز بس ما بنهي علاقات جدية الها معني من طرفين مش بهاي السهولة رح تنتهي وبعدين هو اشي تافهه جدا وناس الي بتلجأ للبلوك ناس ما فيها تواجهه او ما بعرف شو ممكن اسميهم وعفكره انا من الناس الي لجأت للبلوك لأول مره بحياتي بس اكيد مش لاني ما بقدر أواجهه لا بالعكس بس لسبب اني أتفادى المشاكل او بالفعل الشخص بيكون خلاك تصل لمرحله انك تصرف هيك بس بندم كتير اني تصرفت هيك ابدا ما بقدر علاقاتي بالحظر اذا عملت بلوك يعني انهيت علاقاتي او صار عدوي او صرت اكرهو معناها انت من البداية ما حبيت هاد الانسان لبلوك ما بخلينا نكرهه او نستحقر والعالم الي بتفكر هيك تعمل الله يعينها بس هيك بقدر اعبر وكتير انا بيجي عبالي اشيل هاد لبلوك لان بالفعل تصرف ما الو معنى ولا بحل اي نوع من المشاكل ولا بمنع الشخص من مراقبه الصفحات الي لجأ وعمللها بلوك كمان انا طلبت من الشخص سهل الله أمره انو يعمل لصفحتي على الانستغرام بلوك بس مش لاني ما بدّي يبعتلي رساله لا لان ما بدّي يشوف منشوراتي او يراقب صفحتي او يفوت لستوري عندي كمان يعني هاد سبب ممكن يأدي لهاد التصرف كمان في اشي انو بصير نوع من الغلط وهاد اسلوب انا برفضه رفضاً باتاً - رفض بجفاء- اكيد بس الانسان لما يختار اُسلوب الغلط معناها الشخص الأخر ما فهم طريقة النقاش او ما احترم كميه الصبر الي بواجها الشخص الي بناقش فيه لهيك بلجأ للحظر مع الأسف المهم الخلاصة انو لبلوك ما بنهي العلاقات يمكن يخلق احترام من جديد يمكن ما بنعرف شو ممكن يصير .View more
