Ask @Tech_40:

اكتب شيء يعطي أمل وتفاؤل وايجابية.... ??

حلول بسيطة للشعور بالوحدة أو إن صحّ التعبير، الشعور بالغربة. حوليك أهلك وناسك وصحابك، بس حاسس حالك وحيد !!
أول وأهم اشي التزم بصلاتك، لأنه "إن صلحت؛ صلح سائر الأعمال" يعني لما تكون ملتزم بصلاتك اجباري رح تلتزم بكل اشي بخليك انسان محترم ومحبوب، ورح ترفع الثقة عندك لمستويات خيالية، وهالإشي بحسسك بالإكتفاء وبيملى قلبك بالهدوء والطمأنينة. ثاني إشي تعلّم وتثقّف قد ما تقدر، يعني كل ما شفت عندك وقت فراغ حاول تستغلّ جزء منه لتتعلم إشي جديد. اقرأ بموضوع معين، احضر أشي مفيد عاليوتيوب، بأي طريقة استفيد لحالك اشياء وخليك مستمر فيها على طول. بعد فترة رح تلاقي عندك مخزون كبير من المعرفة، والأهم ثقتك بنفسك وبقدراتك بتزيد، وبيزيد مستوى الوعي والقدرة على التعامل مع المشاكل والظروف الصعبة، يعني رح تكون قادر تتعامل مع أي مشكلة بتواجهك.
كوّن علاقات قوية مع ناس كويسة وايجابية. بتذكر مرة بالصدفة قعدت مع شباب لمدة 20د، كسّروا مجاذيفي على قد ما كانوا سلبيين، وروحت يومها منكد. اختار ناس مثلك طبعاً اذا مش أحسن منك، رح تستفيد منهم ورح يعطوك طاقة دايماً. اكيد كثير جربوا الدراسة الجماعية مع ناس بدهم يدرسوا ويجيبوا علامات، كيف وقتها عنجد رح تدرس وتجيب علامه معهم، على العكس ممكن تمشي مع ناس بايعينها وبدل ما تدرس للإمتحان رح تظلك طشاش. وهون بحكي انه الدراسة الجماعية كثيير كثيير ممتازة للناس اللي بتواجه مشكله انه ما عندهم نفس للدراسه.
- يا رب يكون هالحكي مفيد حتى لو عالأقل لواحد. 😂💙

View more

+2 answers Read more

Speak... 🌹❤️

Anwar A alwardat
بالعلاقات ما في إشي بالغصب، يعني ما بتقدر تغصب الطرف الثاني انه يظل معك أو توصل لمرحله تشحد فيها الاهتمام او الموده، عشان هيك كون مستعد للحظه ينتهي فيها كلشي.
شو يعني تستعّد ؟ يعني لما تيجي هاللحظه ما يكون في اشي تندم عليه، ثقه زايده، سر عنك، نقاط ضعف أو اي اشي ممكن تندم انك قدمته للطرف الثاني، وقتها بتكون مجرد علاقة، كانت وانتهت. 👌💙

View more

هَمسات مُهملة؛

نجمةٌ منفردة
الإشي اللي بتعمله بشكل كويس مع حالك بتقدر تعمله برضو قدام الناس. احياناً بتشوف بنفسك صفة أو موهبة كثير حلوة لكن لقلّة ثقتك بتخاف تظهرها، مش رح اقلك اظهرها ولا تخاف 😅 رح أقلك اتدرب على انك تظهرها، شوي شوي، المهم لا تظل مخبيها. مثلاً حدا رسام، خطاط، قيادي، مبرمج، كاتب، بتصلّح أشياء خربانه، بتطبخ، اي اشي، اتدرّب على انه تظهر نفسك عالأقل بين الناس القريبين.

View more

مسا الخيرات💜 مساحه

حََلَْاْْ~IالقدسI
مسا النور 💙
- اذا كان جسد المرأة سبب التحرش، شو سبب التحرش عمواقع التواصل ؟؟
هالسؤال مطروح حالياً وبحاجة لجواب، انه بما معناه اللبس ملوش دخل بالتحرش. طيب مقصد التحرش بالأصل هو الميول الفطري بين الذكر والأنثى، حتى لو مش شايفها من ورا الشاشات، هو هدفه انه يشوفها بطريقة ما ويلتقي فيها لاحقاً، يعني الفرق خطوة، عالواقع بيكون شايفها والكترونياً لأ. ثم كم في ناس بتخبص وبتمارس شهوتها بالحكي والجاات !! قديه بيصير تبادل صور وحكي وسخ !! اللي بالنهاية رح يوصل لإشي كبير الكل بيعرفه !!
كمان شغله، لو عملنا مقارنة بين البنت اللي صاينة حالها شكلاً وتعاملاً والبنت اللي بتعمل العكس، مين بتتعرض لمضايقات وتحرش أكثر ؟؟ معروف الجواب اكيد، طيب كمان سؤال، البنت اللي بتتراخى بموضوع اللبس والعفة، بتعمل هيك عمداً ؟؟ بتحب تلفت انتباه وتثير اعجاب اللي حوليها لتشبع رغبة وشعور داخلها بإنها حلوة ومحط اعجاب ؟؟ بيكفي كذب ي جماعة، والله ترا كلشي واضح وكل المبررات اقل ما بنوصفها بأنها تافهه وما الها أصل، والهدف منها تحقيق رغبة. بيكفي كذب ع حالكوا.
هسا حدا بيجي بقللي اه يعني الشباب ملائكة ؟ لا الشباب زبالة، وقليلين ترباية، بس مين اللي لازم يحفظ حاله ؟؟ مين المفتاح ؟؟ مين المتحكم بالموضوع ؟؟ كمان سؤال، في ناس بتتحرّش حتى بالملتزمات ؟؟ اه صح بس اكيد العدد اضعاف ما دام ما في التزام من البنت ! حكيت مرة مثال، انه الراعي اللي بيرعى غنمه، ما بيترك غنمه يسرح ع راحته وكيف ما بده وبيروح للذئب بقله لا تقرّب !! لأ بينتبه ع غنماته وما بيخليهن قراب من الذئب. اه يعني البنت صارت غنمة ؟؟؟؟ لأ بس مثال توضيحي فقط لأنه نفس المبدأ. 👌🏻

View more

،،،،

ما بتزعجيني ابداً بالعكس، بس بدي تتصرفي من عندك خصوصاً بالأشياء الصغيرة 😁
اللي حكيتيه خطوه كثير ممتازه، يعني شوفي كيف الأفكار بتجيب أفكار، والهدوء والتركيز والعقلانيه بتوجه أي حدا، شوفي كيف بلشتي تتعاملي مع مشكلتك وبيكفي انه شعور الضياع راح منك، وهسا حاسه انك ماشيه على خط واضح. بأي وقت ابعثي عادي

View more

+122 answers in: “،،،،،”

ما هي اكثر مشكلة في مدينتك

مش سيدات المجتمع، اللي همهن يطلعن وينعركن بالمجتمع، بالنشاطات، والإنتخابات، والفعاليات، والبلديات، والاحتفالات، عشان يثبتن ذاتهن ووجودهن !! تحية لربّات البيوت، لكل وحده همها تربي صح، لكل وحده بتعرف واجبها بالحياة وبعيده عن القطيع. 👌🏻

View more

ضع هنا شيء جميل.. 🌸🐰

Toka Al-sagarat ( トゥカちゃん)
الإسلام نظام حياة، بتعرف معنى هالكلام شو ؟؟؟
الإسلام عبارة عن: عقيدة، تشريعات، أخلاق. للأسف كل جانب عنا في فساد، بنقول عن حالنا مسلمين لانه مش ملحدين، والتشريعات بنوخذ اللي بناسبنا والباقي بنلاقيله تبرير عشان ما نطبقه وكل واحد بزيد وبنقّص من عنده، والأخلاق حدّث ولا حرج.
لو التزمنا بالإسلام كامل ورفضنا أي رواسب وأفكار من برا، اقسم بالله لنصير بمقدمة الأمم والحضارات، لأنه بكل بساطة هالنظام الهي، وكل إشي من رب العالمين رح يحمل صفة الكمال، ورح يكون بعيد كل البعد عن النقص، ورح يكون صالح لكل زمان ومكان، وهاذ رد على كل واحد بحكي الزمن تغير والدنيا تغيرت، يعني ربنا مش عارف انه الدنيا رح تتغير ؟؟ ومع هيك في تشريعات لكل زمن، لكن مستحيل تتناقض مع الأساس والمنهج الأصلي. نظام حياة يعني كل اشي بالحياة علمنا ياه ربنا، بس تعال اقنع !!!

View more

~♡...

آية جواعدة! ~ت
بدي احكي شغلة ☹️
هسا ليش ما بنعرف ربنا الا عند الدعاء !! طيب احنا بنحب ربنا، ليش ما ما بنطيعه ؟ ليش ما بنمشي بأوامره ؟ وكأنه ربنا بس بندعيه عشان يستجيب وخلص الباقي ع مزاجنا !! 😓
اشي حلو انه ندعي وما بقول انه غلط ابداً، بس انه الأولى منّا الإلتزام، يعني الواحد بستحي يدعي وهو عالمعاصي ومصرّ عليها، أو بنتحجج انه مش قادرين. وبس حدا يراجعنا فيها او يحاول ينصحنا، بنوخذ موقف الدفاع، وبنبلّش أعذار وحجج فارطة !! لييش طيب ؟؟ ☹️
واحدنا بيستحي يطلب طلب من شخص مقصّر بحقه، أو مزعله بإشي، ما بيكون النا عين نطلب. بنفس المبدأ -ولله المثل الأعلى- لازم نلتزم بالأول، ونطلب من ربنا الهداية والثبات. الله يوفقنا ويهدينا جميعاً. 🤲🏻💙

View more

")

#شغلة_مهمة الكل لازم يفهمها !!!!
.
"لا تتوقع تكون غالي على حدا وأنت مسترخص حالك "
هالحكي منطقي جداً اه بس ما حدا بعلمنا كيف ممكن احنا كبشر عاديين نطبق هالإشي ؟؟ كيف نحط حدود تحمي مشاعرنا ؟؟ الجواب ببساطة واللي الكل بيعرفه وبيقدر عليه، لا توخذ اقل من ما بتعطي !!! قرّب من الناس اللي بيحترموك مثل ما بتحترمهم، اللي صادقين معك، اللي ما بقدمولك أشياء ناقصة بالوقت اللي انت بتفني حالك لتقدم إشي كامل
اللي بخلوك ضمن الإحتياط أو وقت الحاجة، لا تقبل فيهم، ولا تقبل بأشياءهم الناقصة على أمل يتغيروا مع الوقت، لا تتجاهل أخطاءهم المقصودة، ولا تقبل أعذارهم التافهه، الأعذار اللي بحاجة لأعذار !! لا تقبل الإعتذار من حدا رافض يصلّح غلطته معك مع انه قادر يصلحها !! لا تقبل حدا يراضيك وهو بالأصل كان قادر ما يزعّلك !! حقك لا تتنازل عنه ولا عن ذرة منه، ولا تسمح لحدا يكسر قلبك او مشاعرك لأي سبب. 👌🏻💙

View more

لو ما كانت الأشياء إلنا ليش حتى يلتقي طريقها ب طريقنا !؟🌵🌻

لانة احنا مش بالجنة، احنا بالدنيا وفيها ابتلاءات لازم نصبر عليها. لازم يكون عنّا يقين بتدابير رب العالمين النا، وانه كلشي بحكمته وعلمه وتصريفه جل جلاله. 💙

View more

Next