Ask @TokaAhmed510:

الحب

الحب هو الاهتمام .. تلاقي حد يهتم بيك مش شرط تكون رقم ١ ف حياته يكفي انك حاسس بوجوده علطول معاك .. الحب انك تدي كل اللي عندك من غير ما تكون مستني انه يتردلك تاني .. الحب يعني حاجة متقدرش تعيش من غيرها .. غيابها بيفرق معاك ... حد يقولك انك مهم عنده .. يكون مش عايزك تمشي .. علطول بيوحشك .. انك ف وقت ضيقتك وفرحتك تلاقيه معاك .. الحب لازم يكون حلال .. سيبنا من حب الايام دا الغريب داا 🏻♀️ الحب لو مجاش من الباب مش هيبقي ليه طعم خالص .. حب الشبابيك دا وحش .. الحب وانت مستخبي وخايف حد يعرف دا متعب .. الحب دا اللي بيخليك حد احسن .. بيديك تشجيع وهدف لكل حاجة .. مش شرط حب شخص لشخص .. ممكن يكون شخص بيحب شغله مثلا دا بيخليه يبقي عنده هدف فييه .. الحب دا اجمل حاجة ف الدنيا .. بس لو عرفنا نختاره صصح 🌸🌸

View more

اية مفهومك عن الصداقة؟

الصداقة 🙊 دي احسن حاجة ف الدنيا .. اصحابك اللي علطول بيرخمو عليكي وانتي مضايقة لغاية اما تبقي حلوة اللي يقولولك تعالي نخرج عشان انتي مخنوقة .. اللي يتصلو بيكي يقولولك احنا هنجيلك .. اللي لما يلاقوكي بتعملي غلط وقاعدة بتعكي ينصحوكي ويقلبو امك فجأة 😂😂 اصحابك اللي بيقربوكي لربنا عشان عايزين نبقي ف الجنة مع بعض زي ما احنا مع بعض ف الدنيا 🌸 اصحابك يعني اقرب حد لييكي اقرب من اهلك اقرب من حبيبك نفسه .. اصحابك يعني سندك ف الدنيا .. اصحابك اللي بيغيرو عليكي من اصحاب ليكي تانيين .. اصحابي اللي صوتهم وحش وبرغم ذلك مصرين يغنوولي 💜 اللي لو غابو يوم واحد انا ببقي مخنووقة 😶 وجودهم ف حياتي بيديني قوة 🌸 بقرب من ربنا بسببهم عشان عايزة ابقي معاهم ف الجنة .. اللي معندوش اصحاب ربنا يكون ف عونه بجد

View more

إحكِ لنا قصة 😀

قصة التلات معزات 😌😂 كان يا ما كان .. كان ف تلات معزات .. معزة سأسأ.. ومعزة مأمأ .. ومعزة بتضرب بالعكاز 🌸 المهم مرة والمعزة سأسأ ماشية لقت عمو بتاع القش .. قالتله يا عمو يا عمو ممكن تديني شوية قش ابني بيهم البيت عشان التعلب ما يكولنيش .. قالها اتفضلي يا معزة اخدت القش وراحت بنت بيتها 😌 .. جت المعزة مأمأ وهي ماشيا لقت عمر بتاع الحطب قالته يا عمو يا عمو ممكن تديني شوية حظب ابني بيهم البيت عشان التعلب ما يكولنيش قالها اتفضلي يا معزة بنت البيت وقعدت فيه 🤔 جت المعزة الي بتضرب بالعكاز وراحت لعمو وبنت بتها من الطوب .. المهم التعلب جه .. وراح للمعزة ميين 🤔🤔 راح للمعزة سأسأ .. قالها هتفتحي ولا انفخ ف البيت نفخة اطيره واكلك قالتله انفخ قام نفخ ف البيت جاامد وطير البيت واكلها .. وبرده راح للمعزة مأمأ ونفخ ف بيتها من الحطب واكلها 🙆🏻♂️🙆🏻♂️🙆🏻♂️🙆🏻♂️ راح بعد كدا للمعزة اللي بتضرب بالعكاز قالها هتفتحي ولا انفخ ف البيت اطيره واكلك .. قاالته انفخ .. قعد ينفخ ينفخ ينفخ معرفش طبعا 🌚 .. قالته ف سلم جنب الباب بيطلع ع السطح وف فتحه ف السطح ادخل منها .. قاالها مااشي وطلع ع السطح .. قامت هي جابت حلة مايا سخنة غليانة وحطتها تحت الفتحه .. قام التعلب نزل ف المايا وقعد يصووت وقام ماات .. والمعزة اللي بتضرب بالعكاز فتحت بطنه وطلعت اخواتها.. وعاشو ف تبات ونبات وخلفو صبيان وخلفو بنات .. اي رايكو ف الحدوتة .. حلوة ولا ملتوتة 😂😂😂😂😂😂😂😂😂

View more

-

تووقا احمااد..
الأب هو ضهرك وجودة بس كدة ف حياتك هو أمان أنت نايم وعايش و بتعمل مصايب ومهما حصل انت وراك أب هتستخبي ورا ضهرة ,, أوعي تتمني ف يوم عدم وجودة عشان هتتعري ,, د كلامي للناس الي فاكرة أن أبوهم مش مهم في حياتهم ومبيعملهمش حاجة ,, اما الناس الي بتحب أبهاتها ف أستمتعوا بكل لحظة هو معاكوا

View more

انا تعبان جدا .. بجد انا عايش لوحدى حرفيا ومفيش حد جانبى .. بسقط ف الكلية بدل المرة اتنين و مش عارف انجح .. كان ف انسانة بتحبنى و واقفة جنبى بس خانتنى و خانة كل حاجة بينا تعبان بجد .. عاوز اعيط بس مبقتش قادر ع العياط حتى تعبت ... انا مش بدور ع مساعدة بس محتاج اكلم حتى لو ع shout-out ادعولي

معلش ف الكلمة .. بس انت اللي عبيط انك تدمر حياتك عشان واحدة اصلا انت مش ف دماغها .. حياتك متستاهلش كدا منك .. انت المفروض تثبت لنفسك ان حياتك مش واقفة عليها .. واكيد هتلاقي غيرها اللي تخافظ عليه وتحبك بجد .. بس ركز ف مستقبلك الاول وكل حاجة تانية هتيجي 😅 وربنا يفرح قلبك ويبعد عنك كل حاجة وحشة 🏻🌸

View more

💜 بتمنالك يوم مُريح، و جماله يفوق جمال الـمطر .. انتي تستاهلي انك تبتسمي اليوم كله ، ما تحرميش نفسك ولا تحرمينا من أبتسامتك ♥️ عيونك اتخلقوا للفرح ..وفي ناس معلقة فرحها على حدود أبتسامتك ..خليكي مبسوطة مش شرط تكون في حاجة بتفرح ..خليكي مبسوطة لأنك متوكلة على الله وعارفة انو كل شي من الله يا محلااه 💚

امين يا رب 🌸💚

View more

هتقول/ى ايه لشخص قلبه مبياثرش فيه حاجة حتى الحب اللى حبه لشخص تانى من زماان من اهله او حتى مش اهله نساه و مبقاش يهمه حد و بقى عنده كره لنفسه عمره ما فكر فى نفسه دايما بيفضل يعمل اى حاجة غير انه يحصل على الحاجة الى نفسه فيها دايما بتخلى عن حاجات كتير حتى لو نفسه فيها و مبقاش عنده شغف لاى حاجة

ما هو كدا هيتعب .. لازم يبقي عنده امل وهدف لحاجة معينة عشان يعملها .. ولو ع الحب اكيد هيلاقيه ف يوم .. بس هو يبطل عقد شوية ويبطل اكتئاب 😅 وصباح الخير بقا 🌸

View more

Next