بدي احكيلك هالقصه صارت معي مره من المرات بدون خجل . كنت ماشي بالشارع بتكزدر ع اقل من مهلي وحاطط سماعات ولابس جاكيت مصفح والدنيا برد ومروح عالبيت لحالي ، هاد المره الوحيده الي حسيت انه لازم الواحد يكون مع نفسو لو لمره . مشان ما نطول بلقصه ، كان في قبال الدار كافي ما بروح عليه لانهم بحطو اغاني مش حلوه . عادةً ما بروح ع كافيهات . بس بروح ع كافي مميز بالقهوه البرازيليه ، بشرب كاسة قهوه وبروح . ف كنت بفكر متى اروح متى فاضي ما كان في مجال . المهم جوالي رن كان رقم غريب . المتصل : بونسواغ مسيو . انا : وي بنسواغ . المتصل: جي سوي شرلوطه جي تخڤاي بوخ ...طوط طوط طوط الخط انقطع. المهم كملت مشواري وصلت البيت. فتحت باب البيت الخشبي كان البيت دافي . شلحت واتمددت ع الصوفايه وبفتح التلفزيون . كان جاي برنامج عن هجرة الطيور البرية بالشتاء . فجأه رن جرس البيت . خليني اروح اشوف مين علجرس وارجع اكملكم شو صار