Ask @WaleedSorour:

...

- دخل الإطراء اللي بتسمعه من ودن وخرجه من الثانية وخليك متأكد ان الموقف هو سيد الأدلة.
- اللي حابب يهتم بك أو يسأل عليك عنده من الوسائل ألف وهيقدر يوصلك بواحدة منهم اهتمامه .. أقبل اي اهتمام مهما كان بسيط وأرفض أي عذر مهما كان كبير.
- أولى الناس بالعدل : عدلك في نفسك لأنك لو ظلمتها عمرها ما هتسامحك.

View more

+1 answer in: “Space 💙”

Space 💙

أحمـــد سعــــد
الخلاصة ...
- متتصورش انك تعرف حد لمجرد انك معاشره لفترة طويلة .. محدش بالفعل بيقدر يعرف حد ..ولا حد بيقدر يوصل لمكنونات حد مهما بلغت درجة قربك منه خليك دايماً مؤمن انك شايف جزء من الصورة .
- متبالغش في عطاءك لأي إنسان لأن ببساطة كل إنسان عنده القدره الرهيبة انه يضرب بعطاءك عرض الحائط في أي لحظة لمجرد أنه شاف في لحظة ما انك مخطئ في حقه.
- إياك والتنازلات الغير مبررة اللي بتعتبر بمرور الايام حق مكتسب لأنك بكده بتعطي الفرصة لغيرك انه ياخد حقك بوضع اليد مش بوضع الحق.
- متحاولش تبقى مثالي أرضنا مش أرض ملايكة والنقص البشري اللي انت بتحاول تعالجه بمثاليتك يعتبر أكبر نقص في حد ذاته لأنك بتتجرد من الهبة الانسانية وبتلعب دور مش دورك وكبير عليك شكلاً وموضوعاً.
- خليك متيقظ أن الطمع صفة بشرية بس بتختلف من شكل للثاني في اللي يطمع في فلوسك وفي اللي يطمع في طيبتك وفي اللي يطمع في تسامحك كل دول مقدور عليهم لكن حذاري من اللي يطمع في قوة تحملك.
- محدش هيسعى لأنك تاخد حقك لو أنت مخدتوش بنفسك الصواني الفضة والدهب اللي بيجي عليها الحق خرافة مصطنعة من قبل الضعفاء.
- مش كل الناس اللي بتقولك انها بتحبك بتعني انها بتحبك في كثير منهم بيحبوا فيك اللي نفسهم يكون فيهم ويتمنوا لو تيجي صاعقة من السماء تاخد الكويس اللي عندك وتحطوا عندهم حتى لو ده معناه فناءك.
- الشغل بيروح ويجي لكن الصحة لما بتروح عمرها ما بتيجي ..اشتغل علشان انت بتحب الشغل لكن لما تتعب افتكر ان الحب عمره أقصر من الألم.
- اللي بيراقبوك في صمت أكثر من اللي بيتواصلوا معاك ألف مرة مش علشان يطمنوا عليك لا سمح الله ولكن علشان يطمنوا أنت لسه أحسن منهم ولا أخيراً ممكن تبقى زيهم.
- بنات الناس اللي بجد قليلين أوووووي ودي حاجة لا ينفع واحدة تشتريها بالفلوس ولا تمثلها قدام اللي ميعرفوهاش لأنها بتتكشف قدام أول موقف وبتتعرى قدام نفسها قبل ما بتتعرى قدام الناس.
- أغضب قد ما تقدر ومتحاولش تاكل نفسك بكتمانك خلى في قلبك إيمان ان تعبيرك عن غضبك ممكن يزعل غيرك صحيح بس غيرك لو كان يعنيه غضبك ماكنش زعلك للوهلة الأولى.
- بعض الأنانية لن يضر وكثيرها لن يفيد .. اسعد نفسك وانت لوحدك علشان تقدر في أي وقت تكون سعيد وأوعى تربط بين سعادتك ووجود حد بعينه لأنك مش ضامن أنه هو كمان يكون رابط سعادته بوجودك.

View more

+1 answer Read more

Space🌻"

Doaa Atef
‏"سيعلّمك النضج أن إفلات الأيادي واحتفاظك بحق التخلي تشريفٌ لنفسك منك، وأن ألم الرحيل أحيانًا أهون من عناء البقاء، وأن استنزافك العاطفي نارٌ مميتة، كالبركان يأكل بعضه بحروب صامتة، وحين يثور لايهدأ حتى يُميت."

View more

Next