Aya Eltayar

اجدع واحدة ممكن حد يقابلها في حياته بجد واكتر حد شوفته ذكي وبيعرف يتصرف هو انتي ومافيش بنت شوفتها محبوبة من كل الناس زيك انتي متعرفيش انتي عند الناس ايه علمتي على صحابك وحتى جيرانك وعلى كل اللي عرفك كنتي جدعة معاه هادية جدا بتشتغلي على نفسك في صمت انا لو اقولك بحبك ازاي مش هتصدقيني

August 28, 2022

الله يخليكي ويرزقك ما تتمني كلامك أسعدني ❤️

+ 1 💬 message

read all

1

0

Liked by: Abdelhamid Allam

لو انت بتحب حد بس هو عنده مشاكل نفسيه وعشانه هتضطر تضحي شوية وتتحمله وتساعده "معنويا" هتخوض الحرب دي ولا تخاف؟

August 28, 2022

هو الحب مش مصحه نفسيه ولا إنت مطلوب منك تكون دكتور نفسي واستشاري وتتحمل الشخص الي قدامك وتحاول تتحمله وتعالجه
هو عنده مشاكل مفروض قبل ميرتبط أو يدخل في علاقة يبقي حالل المشاكل دي ولو لجزء كبير عشان يبقي سوي كشخص ويقدر يدخل علاقة ويقدر يدي فيها وميبقاش شخص سلبي غير سوي بيستنذف طاقه الي قدامه
العلاقات مش مطالب منها تبقي مصحه نفسيه ممكن تبقي داعمه ليه تتقبلي انه مر بظروف او مشاكل معينه بس مش دورك ابدأ انك انتي الي تسعي تحليها وتسعي تغيريها وتسعي تطلعيه منها
ده دوره هو انتي ممكن تقدمي الدعم المساندة بس مش الدور كله لان ده هيستهلك من طاقتك أنتي
ممكن يروح لدكتور نفسي ويبدأ يعالج مشاكله وبعدين تبداي تشوفي هتقدري ولالا

1

0

Liked by: Abdelhamid Allam

هو ينفع اتجوز واحده في طب وتقعد في البيت متشتغلش؟

August 28, 2022

عايز واحدة متشتغلش روح لواحدة من البداية فكرة الشغل عندها مرفوضه أو مش حابه تشتغل أو عندها قابلية إنها تعد فالبيت بس متروحش لحد بيشتغل والشغل مهم بالنسبة ليه وتطلب منه يسيب الشغل
في دكاترة كتير وأعدين فالبيت بس عشان هما حابين ده متوافقين مع زوجهم علي القرار ده شايفينه صح لأسرة
فهو علي حسب الشخصيه في دكاترة بالنسبة ليهم ميقدروش يسيبوا الشغل لأي سبب
فهي مش هتعتمد هي دكتورة أو لا علي قد مهي علي مدي تقبل الشخص للفكرة

+ 1 💬 message

read all

1

0

Liked by: Abdelhamid Allam

People you may like

Neama Sallah

also likes

• #reading

hokaa Ghalwash

also likes

• #photography

نَهٌلَـــه ✨

also likes

• #painting

mohamedashraf

also likes

• #englishlanguage

Emoo

also likes

• #englishteaching

Nessa

also likes

• #listeningtopeople

Yasmin Magdy

also likes

• #reading

ÖLä Zäkî

also likes

• #photography

BasMa

also likes

• #painting

Rehab Mahrous

also likes

• #englishlanguage

MoHamed k Al3rosey

also likes

• #reading

aya_sabri__

also likes

• #photography

Lolo Caty

also likes

• #painting

Taghreed (تــــوتــــا)

also likes

• #englishlanguage

Monzer Mohamed

also likes

• #reading

escapism

also likes

• #photography

Soad Sakr✌♡♡

also likes

• #painting

LoTfyano."

also likes

• #englishlanguage

Ahmed Hamdy

also likes

• #reading

أحمااا بن الحاج محماا®™

also likes

• #photography

emy azmy

also likes

• #painting

Asmaa Abdelghafar

also likes

• #englishlanguage

Asaad

also likes

• #reading

Aya Samy

also likes

• #photography

丂卂乃乇尺

also likes

• #painting

Want to make more friends? Try this: Tell us what you like and find people with the same interests. Try this:

#fitness #sport #shopping #fun #electronicmusic #party #books #games #fashion #student

+ add more interests + add your interests

الخطوبه ف البيت افضل ولا برا نرجو المساعده الوقت ينفذ🚶‍♀️

August 28, 2022

في البيت أفضل بكتير تكون أسرية وملمومه وحاولوا يومها ترضوا ربنا هتفرق أوي ❤️

1

0

Liked by: Abdelhamid Allam

لو حد سألني على عريس متقدم لبنته أعرف عنه حاجات مش كويسة... أقولها ولا تعتبر فتنة؟

August 28, 2022

لأ مش فتنه سبحان الله واجب تعرفه إنه شخص مش مناسب ولو خايف من إنك تقول تفاصيل ممكن تقول إنه شخص لا يصلح بدون الدخول في تفاصيل

0

0

ᴾᵉʳˢᵒⁿᵃˡ • ممكن اظهر اليوزر واسألك سؤال ضروري

June 23, 2022

تمام

1

0

Liked by: Ibrahim Salem

السلام عليكم أ / ايه حابب اخد راى حضرتك ف موضوع شخصي ممكن

May 27, 2022

اتفضل

+ 13 💬 messages

read all

0

0

ازيك ياية ممكن ترشحيلي كورس انجلش يظبط حتة الspeaking عندي او اديني نصايحك في الموضوع ده؟

April 22, 2022

الحمدلله 🌸
*إتكلم , إتكلم , إتكلم
أكتر طريقه ممكن تساعدك هي أنك تستغل أي فرصه فيها ممارسة English وتتكلم سواء مع نفسك قدام المراية، مع حد من أصحابك سواء في أبليكشن ع النت مع ناس بتمارس اللغه هي كمان أو مع native speakers
لو هتخصص وقت معين وتسمع فيه محادثه وتحاول تقلد نطقهم وتحاول تقول المحادثه أكنك انت الي بديرها.
بعد متخلص فكر فالي أنت قولته وطلع المصطلحات الجديدة الي عرفتها وخد فكرة عنها ده هيساعد أن يديك ثقه بنفسك.

---

*إقرأ وأسمع كتير
ممكن تشغل قنوات بودكاست أو اسمع فيديوهات بال
English subtitles
بعدين شيل الترجمه وحاول أنت تقولها لوحدك .

---

*حاول تحضر مع نفسك الي هتقوله، اختار موضوع وسيرش عليه بالانجليزي وحضره اكنك هتقوله قدام حد واعرف عنه الحجات الي ممكن تفيدك وأعد مثله لو حتي مع نفسك ف غرفتك

---

*سجل صوتك دايما وشوف طريقه نطقك وقارنها بالنطق صح شوف انت قلت ايه غلط وايه قلته صح أحيانا الواحد بيتكلم مع نفسه وبيبقي متخيل أنه نطق صح بس لما بيسمع الريكورد بتاعه بيلاقي أنه عمل أخطاء مكانش واخد باله منها فدايما سجل لنفسك او اعمل فيديو لنفسك وأنت بتتكلم وشوف أدائك هيكون إزاي.

---

*أهم حاجه تكون صبور.. التطوير والممارسة مش بيجي في يوم وليلة مع أي لغة وإبعد عن المقارنة.

View more

+ 11 💬 messages

read all

4

0

Liked by: TEHA Askar زَهــرَان mohamed Elzaeem

شكراً لاهلك لانهم طلعوا شخصيه محترمة زيك والله ♥

April 13, 2022

شكراً 🌸^^

1

0

Liked by: Ehab Samir

احنا منعرفش بعض بس بحب ردودك علي الاسئله اللي بتتبعتلك ودماغك انا بحب حد اووي بس هو ميعرفش اصلا واوقات بحس انه معجب بيا بس نفس الوقت متقدملي عريس كويس من كل حاجه اوافق عليه ولا استني علي امل ممكن الشخص اللي بحبه ده يتقدملي انا معنديش صحاب ف ممكن تساعديني؟

April 13, 2022

-
متعلقيش نفسك بأوهام وسراب وتجري علي أمل الإعجاب، صلي استخاره وشوفي العريس متعرفيش فين النصيب مدام التاني مخدش أي خطوات فمتعديش تستني علي الفاضي ي عالم يمكن ف الاخر ميطلعش نصيبك
أدعي دايما ربنا ميعلقش قلبك بغيره وينور بصيرتك ويرزقك الأصلح ويختارلك
متضيعيش فرص علي أمل الاحتماليه ..
انتي موجوده اتقدم تمام متقدمش شوفي فرصك يمكن ربنا شايلك الأفضل فالي هيتقدم وادعي ربنا يرزقك الصالح

0

0

عايزة اخد رأيك في حاجة شخصية بس هبعتلك برايڨك والرد يكون في الثريد ينفع؟

March 19, 2022

اتفضلي

0

0

لو بقيت بعيط بسبب الشغل كتير اوي "ودا مش طبعي " ودايما حاسة اني مضغوطة وعليا لود كبير وحتي زمايلي متواكلين جدا ومبيساعدوش .. هو انا كدة محتاجة افصل ؟؟ ولا ايه بيحصل ؟

March 18, 2022

هوني علي نفسك ورتبي أولوياتك وحطي من ضمنهم الراحه النفسيه والجسديه ليكي أنتي مش آله وطبيعي تحسي بالتعب لو في امكانيه أنك تفصلي او تغيري جو او تكسري روتين متترديش راحتك النفسيه أهم من أي شئ عشان تقدري تدي بشكل أفضل
عنايتك بنفسك مش أنانيه عنايتك بنفسك حق وضرورة

---

هشارك معاكي كلام قرأته جميل👇🏼

---

أحقيتك في بر نفسك
أحقيتك فى رفض ما لا يناسبك بدون تقديم قائمة مبررات..
أحقيتك فى أخذ مساحتك الكاملة دون ضغط أو تقليص ذاتك لإستيعاب زوائد الآخرين..
المطلوب منك إنك تكون شخص جيد، دون أن تكون مطأطئ؛ مطلوب تكون شخص متعاون و بتمد إيد المساعدة دون أن تكون صاحب تضحيات مسرحية ميلودرامية..
محتاج تكون ليِّن دون أن تكون ضعيف؛ بتعمل للناس خاطر من غير ما تكون ذليل..
معرفتك لحدود واجباتك و وحقوقك هى الوسيلة الوحيدة لإحتفاظك بحياة و نفسية صحية قادرة على تقديم واجباتها نحو الآخرين دون إمتعاض و كذلك دون إستنزاف لنفسك.

0

0

هو ازاي اخلي شخص مر بتجارب فاشله و اتخذل كتير انه يثق فيا و يديني فرصه وهو مطمن

March 18, 2022

انتي مش في مصحه نفسيه ولا مسؤله عنه ولا دكتورة نفسيه مطلوب منك تعالجيه بلاش تلعبوا الدور ده لأنكوا هتتعبوا جدا وهتبذلوا مجهود جبار قصاد احتمالية عدم التغيير
عدم الثقه والتجارب الفاشله والخذلان دي مشكلته هو فمفروض هو يعالج نفسه منها ويتخلص من تراكماتها عشان يقدر يدخل في علاقه جديده جيس واط انتي لو حاولتي تعملي كل حاجه وهو معندوش إستعداد يتغير هتبقي كل محاولاتك فاشله ..
الحمل هيبقي كبير عليكي جدآ لو كان عليكي بس لكن لو هو فهم أن عنده مشكله وأن لازم تتعالج وبدأ يشتغل ع النقطه زي دي هيسهل عليكي قدامك أنك تديله احساس الأمان او أنه يثق فيكي لكن لو أنتي الي هتحاولي تغير وتداوي فده دور مش دورك

0

0

إيه رأيك فـي جواز الصالونات؟

wessam tareq

March 18, 2022

قصدك الجواز الشرعي يعني الي مفروض يحصل مش فاهمه هما ليه مسمينه جواز صالونات؟
ليه أشخاص بتشوف أن جواز الصالونات دا كأن واحد رايح يشتري جاموسه اعزكم الله
كل الموضوع ان شخص أتقدم حصل قبول هيتم الخطوبة بضوابطها هيتعرفوا علي بعض ويعرفوا مناسبين لبعض أنهم يكملوا ولالا لو ربنا اراد واتوفقوا هيتزوجوا
بالنسبه ليا أنا بفضل ده لو هتقولوا عليه جواز صالونات لأن الاختيار فيه بيكون مبنى على التوافق وتقارب وبتبقي بتركز بالمنطق والعقل وايه تقدر تتقبله وايه متقدرش تتنازل عنه لكن الحب فى أحيان كتيييرة بيخليك تحكم قلبك بس وتتغاضي عن حجات كتيىر ممكن تسبب فمشاكل قدام او يبقي فيه نوع تضحيات او تنازلات وعامه نجاح العلاقات مش معتمد علي نوع معين من الزواج هو بيبقي باجتهاد من الطرفين ومفيش أي ضمان للعلاقات أن ده أنا واخده عن حب مش عارفه كام سنه فإحنا حياتنا هتبقي ناجحه
النجاح والتوفيق ده من عند ربنا أولاً وببذل مجهود جبار من الطرفين في نجاح العلاقه واداره مشاكلهم واختلافاتهم

View more

1

0

Liked by: Ayca Sawag

لو شخص متقدملى ينفع اساله هو بيصلى ولا لا

March 18, 2022

كنت قاريه رأي لشيخ أن الحجات دي أحيانا مش بتبين الحقيقه كامله يعني لو سألت واحد أنت بتصلي طب ممكن يقولي آه بصلي وهو مبكنش بيصلي او ممكن يقولي آه بصلي وهو ماشي علي سطر وسايب ١٠ ففيه اسئله بتحري عنها بس مش بشكل مباشر يعني اجتهدي جدآ في السؤال عليه
اسألي عنه من خلال صحابه من خلال شغله خلي حد يتحري من جيرانه ويسأله عنه بينزل يصلي طب بيتشاف في المسجد
يعني لو سألتيه متعتمديش علي اجابته هو بس لازم التحري الشديد

0

0

هتعمل ايه لو كان نفسك في حاجة وموصلتلهاش 😢

March 18, 2022

هدرك أنها دنيا فانيه ومش كل شئ هتمناه هحصل عليه لعل كان شر ربنا بعده لعل ربنا شايلي الأفضل لعل ربنا بعده لحكمه لا يعلمها
الا هو ومش بالضرورة هعرفها
مش هعد أبكي علي الأطلال هتقبل أنها مش من نصيب وهروح أجرب في باب تاني وأنا عندي يقين أن ربنا هيسرلي اموري ويعوضني

0

0

مامت العريس كلمت مامتي وقالتلها ان ابنها عايز يشوفني من غيرالنقاب في الرؤية الشرعية ده عادي ؟

March 18, 2022

هو الي أعرفه ان الشاب لو تقدم لخطبة فتاة منتقبة فمفروض يشوف وشها
فالنظرة الشرعية سنة، ( إذا خطب احدكم إمرأة فإن إستطاع ان يرى منها ما يدعوه الى نكاحها فليفعل). والله أعلم

0

0

انا كواحده عندها ٢٢ سنه هرتبط امتي؟ قربت ابقا خيار مخلل😒

March 18, 2022

هو الزواج ملوش وقت ولا سن معين هو رزق زي أي شئ ف الدنيا فلو مكتوب لك هيكون ف الوقت الي ربنا يقدره فإنتي خدي بالأسباب وأصلحي نفسك وإبدأي بحالك وادعي ربنا يرزقك بالزوج الصالح ومع ده أنتي مكمله في حياتك ومش مستنيه ولا موقفه حياتك اشغلي وقتك ورتبي أولوياتك

0

0

هل فيه قرارات حاسه انك ندمتي انك اخدتيها

March 18, 2022

بيكون إحساس مؤقت مدام أن كل قرار أخدته حتي لو كان غلط فأنا إتعلمت منه وأثر فيا بشكل معين وفادني في حته معينه

0

0

Space ♂️

February 05, 2022

لم يكن الزواج يومًا ما هدفًا وإنما وسيلة، وسيلة لأن نسكن جوار الأرواح التي نألفها، غايةً لأن نعيش في أنسٍ معهم؛ مع الأشخاص الذين نحبهم ونطمئن بالقرب منهم، أناسٌ نثق بهم ونرغب في التلحف بأيديهم، أنسٌ، وودٌ، ورحمةٌ، وتشاورٌ، وتشاركٌ؛ عهدٌ على أن يكون لنا قلوبٌ نخشَ عليها وتخشى علينا، أفئدةٌ دافئةٌ تشعر بنا إذا ما ركنا ولجأنا يومًا ما إليها.. لم يكن الزواج يومًا ما هدفًا وإنما كان حياة نحبها ونرغب في البقاء مع من اخترناهم فيها أن يكونوا معنا ويعينونا عليها.

---

عقلٌ مؤمن بعقل، وقلبٌ معقودٌ بقلب، روحٌ مُأَمنةٌ بروحٍ هي لباسٌ لها قبل أن تكون إليها.

+ 1 💬 message

read all

5

0

Liked by: Mahmoud Salah Yousef Ahmed Saeed Aml Algharbawy

هو انا لو اتقدملي واحد وهو كويس ومحترم ومركزة كوظيفه كويس جدا ومعجب بيا بس عيلته ناس بسيطه اوي اوافق ولا لاء

February 04, 2022

أنا مقدرش أقولك توافقي ولالا
لأن سبحان الله انتي الي هتعيشي فانت الي لازم تقرري وتبقي مقتنعه تمام الاقتناع برأيك سواء بالرفض أو بالايجاب
لو شايفه أن كون أهله ناس بسيطه ده هيأثر عليكي انتي وهتبقي حاسه أنهم أقل منك او هتحسي قدام للحظه أنك ندمتي او هتبقي حاسه لأي سبب أنك مكنش مفروض تكملي او او لو حاسه إنك متردده يبقي بلاش او او ..
لكن لو هتسألي عن رأي فكون أهله ناس بسيطه فده مش سبب رفض الناس البسيطه دي هي الي وصلته انه يكون حاليا ف وظيفه كويسة جدآ زي متبقولي فده مش سبب لوقف زواج ولا رفض زوج لو هو ذو خلق ودين وذو سمعه طيبه يبقي ميترفضش للسبب ده
لكن انا مش هقيس ع منظوري أنا كل واحد بأولوياته والله انتي أولوياتك ان لازم عيلته تبقي كذا مثلا او مستوي كذا ولو مش كدا الموضوع هيأزمك خلاص
فشوفي أنتي بالنسبه ليكي ده قرارك أنتي
أنتي الي هتعيشي ..

1

0

Liked by: Ahmed Saeed

لماذا نهتم للوسامه و الجمال اكثر من الجانب العقلي و نعطيها اكبر من حجمها ؟

February 04, 2022

الجمال بيشد مثلا !
معرفش ايه أصلا مفهوم الجمال بالنسبه ليك !
معايير الجمال بتختلف من شخص لآخر ممكن يبقي حد شايف حد جميل وحد تاني شايفه مش جميل بعيدا أن ربنا مبيخلقش حاجه
وحشه وطبعا في حاجه اسمها القبول
بس كون أن شخص مركز ع جمال الشكل والوسامه بمنظوره فما هو إلا شخص أجوف لأن الجمال مش دايم أكيد
بعيدا أن تفكير الشخص الي بيركز ع الجمال فقط مش تفكير سوي بس أعتقد المجتمع والعادات والمعايير اللي بتتحط للجمال والسوشال ميديا و الاعلام كل ده بيكون ليه دور ف تكوين رأيه لو هو اوردي عنده إستعداد

1

0

Liked by: Ahmed Saeed

الكارير ولا تتجوزي قرة عينك اهم 😂

February 04, 2022

مفيش مقارنه بينهم دي حاجه ودي حاجه
فليه ميبقاش الإتنين سوي ليه مبقاش بشتغل حاجه بحبها وف نفس الوقت بتجوز من الشخص المناسب مدام كاريري مش هيجي علي زواجي ومش هيقصر لكن لو الكارير كان عائق ساعتها طبعا هنرجع لأولويات
كارير جاي ع زواجي وبقي سبب في تقصير ما
يبقي الأولويه مش هتبقي للكارير لأ

2

0

Liked by: Ayca Sawag Ahmed Saeed

واحد عامل اسكرينات فيك ليا بكلام قذر وبيهددني ينزلها في جروبات وبعتها لاكتر من حد عندي وانا عملت لوك للاكونت وشلت كل صوري وقفلت طلبات المراسله ومش عارفه اعمل ايه تاني بيدخلني جروب ماسنجر عشان يعرف يوصلي وبيهددني بيقولي مش هسيبك في حالك وانا معرفش مين الشخص ده ولا عايز مني ايه ولا انا عملت ايه ادعولي

February 02, 2022

قولي لحد من أهلك متسكتيش لازم حد كبير يتدخل وحاولي توصلوا لحد من أهل الولد أو كبيره وتقولوا له

1

0

Liked by: Ahmed Saeed

Space

January 22, 2022

‏العلاقات المحرمة تستنزف مشاعرك و في النهاية لا تدوم .. وإن دامت تبقي منزوعة البركة

3

0

Liked by: Ahmed Saeed R A W D A ✓ Aya Elnshar