Ask @YazanHidmi:

شو معنى اسمك..؟؟؟

شخصياً بحب أعتقد أنه من الاتزان والموازنة..
وربما كان من ثقل الوزن والقيمة (بمعنى مجازي).. والبعض قال أنه من ميزان العدل، وأنه "سيف بن ذي يزن" سمي كذلك لعدله وميزانه في الحكم.. ولكن يبقى المعنى الحقيقي غامض بالنسبة الي

View more

السلام عليكم يزن..ما رأيك بالارتباط بين اهل القدس والضفة؟ قصدي من ناحية صعوبات والمشاكل الناتجة ..

وعليكم السلام ورحمة الله..
صعبة وفيها مشاكل وتعب بالنسبة للسكن لأنه رح يضطروا يسكنوا خارج القدس، بس إذا تم إثبات قانوناً أنه صاحب الهوية الزرقاء ساكن خارح القدس ممكن يكون خطر على هويته الزرقاء ويتم سحبها حسب علمي، خاصة إذا كانوا حاطين عينهم عليه لسبب ما وبدهم يضروه.. وكمان إذا جابوا أولاد فالأولاد برضو بكون صعب عليهم ياخدوا هوية زرقاء ويدخلوا القدس.. فهي عموما فيها صعوبة

View more

ان شاء الله تكون من الناس الي بتقبلو النصائح .. اول اشي انتا شخص منيح عنجد ذكي وعندك الكثير من الاشياء الحلوة .. بس كمان انتا عندك قابلية عالية للغرور وامرات كثيرة بتبين مغرور .. فنصيحتي الك ما تخرب الصورة الحلوة عنك بلحظات الغرور .. وعمرك ما تستحقر بني ادم وتنظرلو نظرة دونية لو شو مكان واسمع رأيو

شكراً للكلام الطيب 🌷 وبعتذر إذا أسأت التعامل قدامك بشيء ما.. أكيد ما قصدي غرور أو استحقار، ونظرتي الشخصية لنفسي ممكن تغير رأيك في هذا الجانب.. بس مرات بكون تعاملي في هاد المجال تهكمي وساخر وما بكون أقصد بشكل جدي أظهر بمظهر سيء بس بيظهر مني بشكل تهكمي على نفسي بالمقام الأول.
وغير هيك عندي بعض المبادئ اللي قررت أمشي عليها لنفسي ولراحة بالي ولتناغمي النفسي والعقلي وما أغيرها بغض النظر عن انطباع الناس عنها، مع أني بكون مدرك أنها مرات بتنفهم بشكل سيء وممكن أنحرج لهاد السبب بس بحاول ما أتأثر بانطباع الغير.
شغلة النظرة الدونية برضو أكيد ما بقصدها، بس كل واحد إلا ما يكون اله نظرة عن ايش هو الصح وبيحب يمشي الأمور على طريقته ومبادئه وهاد طبيعي، بس احترام الاختلاف (ولو لم يتم تقبله) هو المهم في نظري وبحاول ألتزمه قدر الإمكان.
بس إن شاء الله بنتبه على تعاملي أكثر.. وإذا بتحب تحكيلي الموقف المعين ممكن يخليني أنتبه لنفسي أكثر.. وعلى كل حال شكراً الك

View more

في آخر سنة كلية الطب تاني يوم دوام جراحة هلأ بتمنى أخدت قرار الانسحاب من قبل ،، تورطت وهلأ تو ليت ،، تذكرتك وبحييك وبتمنالك أفضل الفرص في هالحياة وتقدر تستغلها بأفضل صورة، من طب الأردن كل التوفيق يزن :'))

الله يسعدك، شكراً.. لا أعتقد أنه يوجد خيار "صحيح" بالضرورة في هاي الأمور.. الواحد بيعمل حسب المعطيات اللي قدامه وحسب الظروف المتاحة في هداك الوقت بالذات.. أنت عملت حسب المعطيات وضليت في الطب، وأنا عملت حسب معطياتي وطلعت.. الخيارين صح، وأعتقد أنه ممكن تخلي الخيار هو الخيار الصحيح بعملك واجتهادك فيه. والله يرزقك الرضا والتوفيق 🌹

View more

How you dealt with your negative perfectionism attitude yazan ?

I let go of my excessive desire to be the best.. I kept telling myself it's alright to just be "good".
Also, carelessness. Good carelessness. The kind that tells you to accept whatever happens, good or bad, and be satisfied. I no longer care if things are bad or if I make a mistake, because life's imperfect and I want to enjoy it and learn about it either way.

View more

ولما الرسالة بتوصلك الكترونية بتستنى ردك، بتتجاهلها ليش؟ ساق الله أيام الورقية كانوا يتحججوا إنها ما بتوصل؛ عذرك انتا ايش؟

السؤال عام ولا شخصي؟
أنا مرات بتجاهل الرسائل العامة اللي ما بتعنيني أو مش مهتم بإجابتها، أو اللي بيكون جوابها أكبر من قدرة نفسيتي للإجابة في هداك الوقت لأنه بعض الأسئلة بتكون أسئلة وجودية كبيرة أنا نفسي بتساءل فيها كل يوم.. مرات بشعر بالذنب من تجاهلي بس النفسية فعلاً بتكونش مساعدة.. عذراً منك إذا بدر مني هيك اشي تجاهك

View more

شو عامل هالايام يزن؟

الحمد لله.. قاعد بفتح لنفسي مجالات جيدة هالأيام ومبسوط فيها.. بدأت بتعلم لغة، وبدأت بشغل بسيط في مجال تعلمي ويجمع بين تخصصي وهوايتي، وبقوم بأمور ترضيني عموماً، والأمور في استقرار.. شكراً للسؤال 🌹

View more

يزن انا كالموظف الأربعيني الذي يذهب متثاقلا للدوام كل صباح لمجرد أنه يجب عليه،مع مراعاة أن هذه مشاعري صباح كل يوم و عند فعل كل شيء ، بدأ هذا الشعور يملكني قبل أربع سنوات تقريبا

طيب وما المشكلة في كونه يجب عليك؟ هذا يعني أنك بتعمل الواجب عليك وهو شيء يدعو للفخر من جانبك، وهو أفضل من التقاعس والانطفاء التام.. بس أحسن عشان نفسيتك تقترب أكثر من الأمور اللي بتحبها، خاصة في محيط دوامك، حتى تشجع نفسك أكثر وتزيد رضاك عن اللي بتعمله.. وشوف الأهداف البعيدة الإيجابية في الأمور اللي بتعملها

View more

Next