Ask @YehiaZekry:

حضرتك على الفيس قبل ما تمسح التعليق كنت عمال تشكر في عبدالله رشدي ممكن اعرف ايه اللي عاجبك فيه؟

بسم الله،
طيب هو واضح انك حضرتك مش عايز رأي مجرد لأن كونك ذكرت اني مسحت التعليق = مالوش محل من الإعراب إلأ انها دخلة شمال =)
وللأسف انت ماكلفتش نفسك انك تقرا كلامي كله فضلا عن انك تتأكد اني ماحذفتش التعليق اصلاً!! ولكن الحساب اغلقته.
ما علينا،
اللي بيعجبني في عبد الله رشدي بعض النقاط
🔅الأولى: انه مناظر جيد جدا
🔅الثانية: المسائل الفقهية اللي بيعرض فيها وجهات النظر والادلة عليها
زي مثلا اخر فيديو لما تكلم عن فوائد البنوك كان واضح ان الفيديو محكوم بسطوة بسبب دار الافتاء وراح قال في الاخر انه مش بيقبل بالفوائد ولو الكلام ده حد اعتبره انه وحي خيالي، فعليه بالتعليقات الناس اللي تابت من ربا البنوك ومش عارف تتصرف ازاي.
🔅الثالثة: انه عرف يكسب شريحة كبيرة متوعة من الناس اللي اغلب الإسلاميين تركوهم او معرفوش يوصلوا لهم إلا من رحم ربي (ربنا يمسيك بالخير يا د.حازم وياد.محمد)
---------
اللي مش عاجبني:
اولاً: التعصب الشديد لمؤسسة اسمها الأزهر.
ثانياً: تمييع للنظام مبارك، وإن كان هناك من يقول انه مضطر لكن احكم بما اراه.
ثالثاً: كلامه عن ان كلمة كافر دي مش تحقير وانها كلمة كيوت وعادية = نفس فكرة احمد الطيب.
رابعاً:انكار جهاد الطلب بطريقة .. مقززة
خامساً: شيخه علي جمعة وأحمد الطيب
ملحوظة اللي مش عاجبني مش مجرد شخصنة أو ماشية بالحب لكن يترتب عليها افعال واقوال لا ارضاها.
والله اعلم

View more

لو مش فضول ممكن السبب

هو فضول هههه لكن عادي يعني محمود لو للإفادة، السبب هو اني ماكنتش جد اوي ولما بدأت اجتهد مرضت كذا مرة تأخرت كثيراً ودخل امتحانات و كنت في كذا دورة اخرى ف كان الموضوع منتهى. كان ممكن ألحقهم بس حسيت اني بذاكر عشان انجز مش عشان افهم واتطور من نفسي؛ زي الطالب اللي بيذاكر قبل ليلة الإمتحان عشان ينجح مش يتعلم.
والحقيقة كانت اول مرة اذاكر بهذه الجدية وماكنش عندي خبرة كويسة لأني كنت لسه بستشكف ايه افضل طريقة مذاكرة ليا انا، فحبيت ابتدي على نضافة وفي نفس الوقت ابحث عن ناس نتابع مع بعض خارج الجروب بتاع الدفعة كنوع اننا نشجع بعض ونتناقش.

View more

+7 answers in: “انا سجلت في افاق ممكن ابقى اذاكر مع حضرتك؟”

غ س ممكن شرح العبارة

اي عبارة؟ إجابتي؟
انا في الدفعة الثانية من افاق واللي فتحت دلوقتي وبيتم التسجيل فيها هي الدفعة الثالثة
فانا هحول من الدفعة الثانية إلى الدفعة الجديدة اللي هي الدفعة الثالثة

View more

+7 answers in: “انا سجلت في افاق ممكن ابقى اذاكر مع حضرتك؟”

انصحني بفلم اتفرج عليه

مابقتش بتفرج على أفلام بسبب عدم خلوتها من المحرمات.
الفلم الوحيد اللي بيخرج من هذه الدائرة وانصحك به (شاهدته 3 مرات) هو فلم
Twelve angry men.
لو انت\ي لاقيت\ي حاجة زي كده بعيدة عن الحرام زي كده = ابعت لي =)

View more

+1 answer Read more

طريقة إجابة والإجابة اتحسنت عن الاول وكانك بقيت شخص تاني

بفضل الله عز وجل وفي حد ساعدني اني اجاوب واخوض في المواضيع اذا كان عندي علم بها، فاكتسبت ثقة في نفسي بدرجة كويسة
بقيت متأكد اني ممكن اغلط بس الفكرة اني اصحح الخطأ اول بأول.
هزاري او هزلي مش مع كل الناس لكن ناس معينة، طريقة تفكيري طبعا كل فترة تختلف ويمكن الفترة دي بفضل الله جلا وعلا انها واقعية.
وكذلك تعلمت من بعض اخطائي السابقة واردكت مواطن الجهل عندي فبتكلم في حدودي فقط وإلا أحيل او انقل واذكر ذلك.
الحمد لله رب العالمين

View more

+1 answer in: “انا حاسه انك متغير جدا عن زمان!”

لمن توجه هذه الرسالة (لماذا لا تتركونا وشأننا ؟.. سرقتم منا الماضى والحاضر والمستقبل .. لكنكم تكرهون أن تتركونا نعيش).

أسيد عبد الملك
كان نفسي اقول اغلب جيل ال70 وما قبله، لكن الحقيقة الموضوع أسوء وأعمق من ذلك.
حسبنا الله ونعم الوكيل

View more

كيف السبيل إلى الإخلاص بالعمل؟

H__373
بسم الله الرحمن الرحيم،
الأساس: ان تسأل الله الإخلاص "اللهم إنا نعوذ بك من أن نشرك بك شيئا نعلمه ونستغفرك لما لا نعلمه ".
رقم واحد: المداومة على محاسبة النفس ومداواة عيوبها قدر المستطاع.
رقم اتنين: ان يكون لك خبيئة بينك وبين الله عز وجل لا يعلمها أحد، كصلاة النوافل وقيام الليل وقراءة وتدبر القرآن الكريم؛ وان يكون عملك في السر أكبر من عملك في من عملك في العلانية.
رقم تلاته: العلم الذي يقرب إلى قلبك الإخلاص. فلا بأس ان تقرأ:
- العقيدة الإسلامية وربطها بشعب الإيمان - الصادق بن عبد الرحمن الغرياني
- تعطير الأنفاس من حديث الإخلاص - سيد حسين العفاني
وكذلك سماع بعض الدورس النافعة عن الإخلاص كدرس أبي إسحاق الحويني
وكذلك الدروس الوعظية التي تهتم بإصلاح النفس ولكن بشرط ان يكون الكلام مقتضي بسلوك الجيل الأول من الصحابة ((خاصة في موضوع الإخلاص)).
واحذر كل الحذر ان تقع فريسة في وسواس الإخلاص ولها اسباب كسماع بعض الدروس الوعظية التي يكون فيها نسبة من التصوف العجمي، او يكون الشيخ اصلا صوفي من اهل البدع بالجملة، او ان تحدث نفسك دائماً بأنك لسه مخلصاُ وتبحث عن افكار تقوي من وسوستك (وهو حرام للمناسبة) وغير ذلك .
ومن سبل العلاج التي نفعتني:
-سماع هذا المقطع واستخراج منه قاعدة (لن اقول ماهي بل انت الذي ستخرجها):
https://soundcloud.com/fahadthq/nt7tjjjliok2
-القاعدة الثانية: قال احد السلف: إذا حدثتك نفسك بأنك تطيل الصلاة رياءً فزدها طولاً
وهذا يمكن تطبيقه في جميع العبادات ان شاء الله تعالى.
والله اعلم

View more

معهد افاق العقدي

يحيى ذكري
التسجيل في معهد آفاق الدفعة الثالة فتح والحمد لله تعالى
المعهد هو متخصص في دراسة علم العقيدة وليس العلم بالعقيدة.
وبيبقى في حوالي أربع سنين تقريبا.المسؤول عن المعهد هو الشيخ سلطان العميري حفظه الله وهو غني عن التعريف ومن اهل الثقة والحمد لله ولا نزكي على الله احد.
الدراسة في معهد الآفاق بتبقى عشر مسارات أساسية:
❤️الأول: مسائل العقيدة، بتدرس فيه أصول المسائل العقدية عند أهل السنة والجماعة
💙الثاني: علم الفرق، بتدرس فيه المسائل والأصول المتعلقة بالفرق.
❤️الثالث: علم الأديان، بتدرس فيه مسائل المتعلقة بهم.
💙الرابع: علم المنطق مع النقد والملاحظات.
❤️الخامس: علم الجدل والمناظرة مع النقد والملاحظات.
💙السادس: علم الكلام مع النقد والملاحظات.
❤️السابع: علم الفلسفة، تدرس في الفلسفة اليونانية والغربية بالإجمال، مع بيان النقد والملاحظات.
💙الثامن : علم الفكر او المجال الفكري.
❤️التاسع: قضية الإستدلال، ودي بتتعلم فيها طرق الإستلال عند الفرق الأخرى، وفي المسار الأول انت كده كده بتتعلم الإستدلال في مسائل العقدية عند اهل السنة والجماعة.
💙العاشر: النوازل العقدية، وفيه تدرس منهجية التعامل مع النوازل العقدية.
بعض الملحوظات:
-اللي مش متعود على المذاكرة = هيتعب جامد وممكن يستعين بأحد من اصدقاءة انهم يتابعوا مع بعض.
-هتتعب فعلاً ولكن هتستمع متعة ما بعدها متعة ويكفي ان هتتفتح امامك مسائل وتتعامل مع كلام الله عز وجل وسنة النبي صلى الله عليه وسلم واقوال وافعال الصحابة بالتقديس والتبجيل.
-اثناء التدريس هتتعلم انك تبقى قاريء جيد وتستخرج الفوائد من الكتب و ممكن تعمل جرد فيما بعد.
-طريقة تفكيرك هتبقى منظمة جداً جداً جداًَ، بالتالي هيؤثر في قرائتك لكتاب الله عز وجل وكذا سنة النبي صلى الله عليه وسلم ومن ثم كتب العلماء بشكل كبير جدا هتبقى فاهم المقصود دون مبالغة او قصور قدر الإمكان.
والكثير والكثير.
لذا من راى في نفسه الجدية بمجرد الدخول إلى الجروب يكون قد اشترك ان شاء الله:
https://t.me/joinchat/AAAAAFOxw5uxxODSDa0QsQ
.والله الموفق والمستعان.

View more

+1 answer Read more

ايه رايك في اللي بيحصل مع الشيخ أحمد سالم...؟

اليوم كله صعب والله، بحاول ان احافظ على ضبط النفس قدر المستطاع حتى لا اسقط في دوامة نفسية،اشعر بارهاق نفسي شديد ولا اشعر بأني عندي طاقة إلا للتنفس بقدر المستطاع.. ولعلى ما سأقوله قد يكون مسمار في نعشي امام الناس واظهر في شكل اسوء
شكل إنسان ولعلي ارمي بالنفاق، لا ادري ولا اهتم.. ما يكون، ولكن والله الحق اولى؛ فإنا الله وإنا إلي راجعون.
اللي حصل مع أحمد سالم و مع امير ومنير وغيرهم من التشنيع عليهم له دلالة واحدة عندي: ان أكثر الملتزمين او ما يسمى بطلبة العلم او التيار الإسلامي اظهرت ما يحملونه في قلوبهم من وضاعة و وساخة وقذارة، وان العلم والعقيدة شيء وسلوكهم في اتجاه اخر الناس دي لما حد يقع معندهاش رحمة لا يرحموا إلا لمن هم يرتضوه فقط فقط فقط ، ناس شايفة ان الأغاني حرام (وانا متفق) لكن بيستحلوا الكبائر زي الغيبة والرمي بالبهتان بحجة الدفاع عن دين الله وما اقذر من يتحجج بذلك وهو يدري ان الموضوع هوى بحت لكنه يعاند، الحقيقة انا بدأت اقتنع ان الأعداء الخارجية مش بنفس قوة العداوة الداخلية اللي بيننا.
ولاحظ اني لم اقول ان مثلا أ.أحمد سالم و غيره لم يخطأه فكلنا معرضون للخطأ ويمكن الأخطاء كمان تبقى منتهى قلة الأدب، لكن التشنيع بهذه الطريقة = هي فقدان للرجولة والأخلاق والأدب التي دوما ندعيها. وكل من هب ودب لما يلاقي نفسه فاضي يكتبله كلمتين عشان يشارك المجاميع الكبيرة = هي عالم وسخة وجبانة
وللأسف هو ده اللي اخدناه من العالم الفيسبوك.. نفوس مريضة برداء التقوى
وإنا لله وإنا إليه لراجعون
وحسبنا الله ونعم الوكيل

View more

+1 answer Read more

انا غير اللي سائل هو مش التوبة هي هي التوبة تجب ما قبلها؟؟؟

حبيبي، لما انت تتوب عن شرب الخمر مثلاً
انت بتوب ليه؟ عشان الخمر كلها حرام صح؟
جميل.
لما حضرتك بقى تيجي تتوب من شرب البيرة بس لسه مقتنع بأن والله الويسكي والمخدرات كويسة وطعمها جميل، هل دي توبة؟
التوبة انك بتتخلص من الذنب وشخصيتك بتتغير اتجاها حتى لو كنت مدمن لذنب معين (وهي مش نفس حالة صاحب السؤال) بترجع تتوب تاني لأنك عايز تتخلص منها كلها.
الحاجة التانية انا وانت ياخي او يا أختي عارفين ان التوبة ليها 3 شروط واحيانا اربعة حسب ما نتوب منه، ماهم؟
الأولى : الندم على ما وقع من ذنب وغيره
الثانية: تركها والإقلاع عنها
الثالثة: العزم الصادق على عدم العودة
والرابعة: اذا كان الذنب يتعلق بمخلوق فلازم يرجع له حقه او استحلاله من ذلك
لما سألته ايه السبب التوبة، عشان يعرف سبب الندم هل هو عشان كان عارف ان ده ذنب؟ ولا عشان مصلحته الشخصية ؟
زي اللي بيتوب من السجاير عشان صحته بس من جواه هو مش مستحرمها اصلا، يبقى فين الندم هنا؟
بس كده
والله أعلم

View more

+1 answer in: “👕👕👕”
Next